Kolosə 1:22 - Yálá laawoo hɛɓɛ (dc)

²² Ya ka kɛa yiihu, Yálá aa ká diɛni ká yee lɔ gee hu, a non gulɔi ə mo a hálaa, ɉáálai; káá pɛli kɛi la a nu mąąhəɠɛɛɠaa ɲɛ̨i mu, ká mąąkulɔi hva kɛ káá, hɛn da hva pɛli kɔ́ pɛlɛi káá.

Yálá laawoo hɛɓɛ

²² Ya ka kɛa yiihu, Yálá aa ká diɛni ká yee lɔ gee hu, a non gulɔi ə mo a hálaa, ɉáálai; káá pɛli kɛi la a nu mąąhəɠɛɛɠaa ɲɛ̨i mu, ká mąąkulɔi hva kɛ káá, hɛn da hva pɛli kɔ́ pɛlɛi káá.

Bible

²² a nâa pá a káa pôlu a gbonoi ŋɔsaai sârai, a gɛ́ɛ é kálɛ a maa-waa ƃela da sɔŋ-kpɛɛ-maa-ƃela da ǹûai dímaa-kulai fe diai.

Kolosə 1:22 ပူးပေါင်းရင်းမြစ်များ

Samia Veerɛi 22:24

Ŋą́ gwə́i kwələ Yai-Laa ɓa. Ŋą́ gbɔ́ɔ́ laa hɔn mo mɛ̨nį ɲɔ̨n gəlee tɔwɔ.

Zôo 15:15

Yálá hvo kpɛli laa li nwɔ malaka mąąhəɠɛɛɠaa la tɛ̨ɛ̨ tɛ̨ɛ̨, Ə mą kɛ yələkɔlɔn mə, hvo haŋą li ɲɛ̨i mu.

Zôo 25:5

Yálá ɲɛ̨i ɓa, ɲąnin voló hvo ɉu, pɛmɛ̨lɛ̨n gɔwɠaa mąą hvo həɠə li.

Mąątɛ̨nɛ̨ 51:7

Hvo gaai, di gáá mɛ̨nį ɲɔ̨n ɉu, néé ə mą́ą́ koo həɠə nɛ̨ŋɛ̨n ɉu.

Lukə 1:75

Ə gɛ, yaa tii ɲɛ̨i ɓa, ku túwɔ́ pələ ə kɛ yɛ pələi gaa la bɔ ku kɛ a nwɔ nu haŋąaɠaa a hvóló kəlee.

Lomaŋ 7:4

Káá kpɛli mąn, ną́n nonnii, káá haa tɔ́n ma Kristə kpįnį hu, ə gɛ, ka kɛ a nu takpɛli nwɔɔ, a yai kulɔ haa yəi, əgɛ, guɔ pɛli ɓái, gu ɓá yɛ kɛ a Yálá nwɔɔ.

Korɛntə veelɛ 11:2

Ká wɛlii gaa mą́ą́, yili aa ká mąą tolo lɔ ɉú, nwɛlikɛmąąlaa kɛnɛ̨i tii ə həɠə Yálá pɔ. Hulɔnu tanɔ̨n gbən mə, ŋą́ ká toonwəlii kɛ mą, ya ɓaa a Kristə. Ŋą́ ká lɛ mą yɛ, nɛ̨ɛ̨gbəla mąą haŋąnŋąąi hvo hulɔnu mɛ̨nį hu kɔlɔn;

Korɛntə veelɛ 4:14

Hvo gaai, ku kili kaa ɉu kuɔ, nui gu Nąmu Jesus nwun haa nuą lɔwai, gaa lɔ pai gu nwun ɉii tii gwa Jesus ni, yɛ gwa káá ni gu heei kulɔ gwɛlɛ.

Korɛntə veelɛ 5:18

Yili kəlee ə həɠə Yálá pɔ, yai gwa diɛni gu lɔwai pɔnnaa kulɔ, a Kristə, ə gu yee lɔ geei; ɛlɛɛ, ə ɲee lɔ geei kólói tii lɛɛ gu yəi.

Ifisiɛŋ 1:4

Kristə hu ɓə, Yálá ə gbɛa gu həɠə laa ɉu, gɛɛ hvo yɛnɛ̨ɛ̨ pɛli, ə gɛ, gu kɛ a nwɔ nuąi hɔn və diɛ, yaa ɲɛ̨i ɓa, wɛlikɛmąąlaa hu.

Ifisiɛŋ 5:27

Bələ ɓə ə kɛ la tii bɔ, ə dɔɔ gbɔwɔ kpinįi liila, mąąhəɠɛɛ, ɲɔ̨n ɉii da mąąkulɔi lɔpee ta hva kɛ mą ɲɛ̨i ɓa. Bələ ɓə ə kɛ la bɔ, nwɔ kpɔn ə kɛ a mąąhəɠɛɛ kiliin ɉii ɲɔ̨nwɔ̨ɔ̨ hva kɛ mą.

Kolosə 1:28

Yaa tii ɓə ku kaa mąą mɛ̨nį la həli, kuɔ nu kəlee kilaa pono, kuɔ di mąąkwɛli a kilikɛɲəi laa kəlee, əgɛ, nu kəlee mąą mɛ̨nį laa ə kulɔ kpɔ a neelee, Kristə hu.

Tɛsalonikə dɔlɔɔ 4:7

Yálá hvo kɛ gu təli li gu yee lɔ mɛ̨nį ɓa mąąliɓi túwɔ́ hu, kɛlaa, Ə gu təli mąąhəɠə laa ɓa.

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Hebreu 10:10

Yálá lii ɓai tii hu ɓə, Jesus Kristə ə gbɔwɔ kulɔ la a haláá, lɔ tii taanɔ̨n gbən, gu mąąhəɠə mɛ̨nį ɓa.

Hebreu 10:20

Pələ nįnɛ̨ hvúlúmąą ka tii kani kɛa gu yəi, yai ə nįnɛ̨ kulɔ ɉəɠə ɓɛla hu pələ, mukulaa ɓaa, gbɔwɔ kɔ́lɔ pɔ pələ.

Hebreu 13:21

Yálái tii ə gɛ, káá pɛli niiɓa mɛ̨nį lɛlɛɛ lɔpee gəlee kɛi, yii a laa a nii, ə gɛ ká hu, Jesus Kristə háálai, yai, mąąwiɛlaa kaa mą a yələ kəlee kpɛɛ hvo mą. Mįiną!

Piɛrə dɔlɔɔ 3:18

Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Kili-Mąąhəɠɛɛ ə gɛ a vulú.

Piɛrə veelɛ 3:14

Yili ɓə gaa mą:, nwɛ́li kɛ mąą nuą, gwa kɛi mąąkpɔn ti kɛ, ka ka ŋąą wala, ə gɛ, a pa, ə ka káá liilaa hu, hɔn nɔpee ta hvo kɛ kaa.

Zûu 1:24

Yálá, yai a pɛli ə kpɔnmąą tɛɛ ka pɔ ka hva too, ə ɲɛ̨i kɛ kaa, ə ka həli nwɔ mąąwiɛ hvolói ɓa a nuąi hɔn və diɛ kwəinɛ̨ɛ̨ hu,