Kolosə 1:10 - Yálá laawoo hɛɓɛ (dc)

¹⁰ Yili ɓə a gɛ, káá pɛli yɛnɛ̨ɛ̨ kɛi a gu Ną́mu liiɓa, yii gaa bɔ, kaa gwɛli, a kɛ tii, ka kɛ mɛ̨nįɠaa ɲɛ̨i tínɛ̨nŋąą mɛ̨nį lɛlɛɛ pɔ pələ, dɔlɔ ə ɓo mą mɛ̨nį kəlee hu, káá tɛ la tɔwɔ Yálá kɔlɔn mɛ̨nį leelee hu.

Yálá laawoo hɛɓɛ

¹⁰ Yili ɓə a gɛ, káá pɛli yɛnɛ̨ɛ̨ kɛi a gu Ną́mu liiɓa, yii gaa bɔ, kaa gwɛli, a kɛ tii, ka kɛ mɛ̨nįɠaa ɲɛ̨i tínɛ̨nŋąą mɛ̨nį lɛlɛɛ pɔ pələ, dɔlɔ ə ɓo mą mɛ̨nį kəlee hu, káá tɛ la tɔwɔ Yálá kɔlɔn mɛ̨nį leelee hu.

Bible

¹⁰ a gɛ́ɛ kútûa-perei é kɛ́ a maa nɛ̃ɛ Kúnuu-namui mɛni ma, ǹíi é láa zu kpɔ́ a ǹɛ́lɛɛ, ká ƃá tíi lɛ́lɛɛ kélee su, ká ƃɔlɔ Ɣâla mɛni kɔlɔŋɔɔ su.

Kolosə 1:10 ပူးပေါင်းရင်းမြစ်များ

Hanwon 16:7

Nui ɉiɛ pələ a Yai-Laa lii hon, Yálá a mąą nu da ɲowoɠaa di lɔwai pɔn naa kulɔ.

Azaya 53:11

Mɔ̨nɔ̨i tii laa mɛ̨i mąą mɛ̨nį ɓa gaa pai kɛɛpono kaai, ɛlɛɛ yɛ lamu la yɛnɛ̨ɛ̨, yai tii gɔlɔn ŋąą a təlimo mun, gaa pai nuą kɛi a təlimonuą, yai tii a nwɔ́ tí mun, nu kpulu kɛnɛ̨ɛ̨ yɛ dɔ̨nɔ̨ hɔlɔɓo, mąąhɔlɔɓo, ə nwun ɉee di wɔ kwɛli tee laa kəlee mu.

Danîa 12:4

Daniɛlə, nwɛlɛɛ ŋɛ̨i lɛɛ yɛ́ tɔ̨nɔ̨ ə́ kwəi; hvo ɉɛɓɛ́ ŋɛ̨i hu mɛ̨nį kulɔ pɔ̨nɔ̨ŋa, gɛɛ ŋaakpɛɛi lɔwai hvo kɛ ɉəlii. Nąąlɔwai a ɉəli nu tamąą da gɔlɔn, di wɔ mɛ̨nį kɔ́lɔn ŋąą ta a pɛlɛ ma kɛnɛ̨.

Mise 4:5

Akɛ hį́i takpɛliɠaa da kɛ hiɛi di wɔ haliɠaai laa hu, ku wɛi kwa hiɛ Yai-Laa ku wɔ Yálái laa hu, a yələ kəlee da nwɔɔ.

Habakukə 2:14

A tɛ̨ą, Yai-Laa, nwɔ mąąwiɛ kɔ́lɔn ŋąą a lɔi mɛ̨i kəlee laahvɛɛ, yɛ pələi yaɠaa da gboloyá hu hvɛɛ la.

Ɉaan 15:16

Kaa hvəə ɉə́ɠə́ ɉu, ɲą́ą́ ɓə ka həɠə ɉu, ŋį́ ka kɛ a nwɔ́ tínuą, ə gɛ, ka ɓai, ə lɛɛ ka yəi; ya ɓə a gɛ, yii lɔpee ka vɛli Ną́n mą náá hu, ə dɛɛ ka pɔ.

Ɉaan 15:8

Yii a Ną́n mąąwiɛ ya ɓaa: ka ɓa a damąą, kaa ɓo a nwɔ kalan nɛa.

Ɉaan 17:3

Yaan, yɛnɛ̨ɛ̨ hva kpɛɛ ɓaa, di ə́ kɔ́lɔn a Yálá tanɔ̨n, yai a kpɔ-kpɔ, da Jesus Kristə yai Ə́ dɔɔ.

Lomaŋ 1:13

Nąn nonnii, gáá bɔ ka gɔlɔn kaa diɛ: ŋį́ kɛ kpɔlɔɔ ka pɔɔli kiliŋąhiɛ kɛi a yələ kəlee. Kɛlaa, mɛ̨nįɠaa da kɛ kpɔlɔɔ kpɛ̨ąn ɉii ɉu. Ŋą́ kɛ bɔ gɛ́ kólo dɔlɔ ə kɛ mą ka yəi, kaai ka hvo a Ɉuifəɠaa, yɛ bələi gaa kɛi la huwu takpɛliɠaa pɔɔli.

Lomaŋ 4:12

Abrahamə kaa lɔ nwɔ̨nɔ̨ a nuąi di kɛ́nɛ̨ kɛɛ di kalaɓɔlɔ diɛi di hva di kilitɔɔ lɔ kɛ́nɛ̨ mɛ̨nį ɓa, kɛlaa, laa na laai kɛ gu kalaɓɔlɔ Abrahamə yəi, di hvo ni kɛ ɉee li kɛ́nɛ ɓa, ya ɓə di hvilɛn ŋąą bulu.

Lomaŋ 6:4

Nwɔ haai mąą pɔɔ kɔ́ɔn ŋɛ̨i gu gɛ a mąąwaa, gwaa nɛ guɔ ma: Gwa diɛ ni gwaa haa, daa gu loo. Yɛ bələi ti Kristə ə kulɔ la haaɓɛlaa lɔwai Nąn nwɔ mąąwiɛ hu, guɔ kpɛli, gwaa yɛnɛ̨ɛ̨ kɛ pələ nįnɛ̨ hɔlɔɓo.

Korɛntə veelɛ 2:14

Yálá mąmą, yai a gɔ nɛ̨ɛ̨ guɔ a yələ kəlee Kristə haalai, ɛlɛɛ, yɛ gɔlɔn mɛ̨nį mąą kwəinɛ̨ɛ̨ lɛlɛɛ tɛ ku yee hu kɛɛnąą kəlee ɓa.

Korɛntə veelɛ 4:6

Mąąhɔlɔɓo, Yálá ŋɛ̨i kɛ diɛ: 'Kɛɛ ə pono kpinį hu! Yaa ti lɔ ɓə kɛ a kɛɛ pono ku lii hu, yɛ ŋą mąąwiɛlaa kɔ́lɔn gili tɛɛ ka gu pɔ, yai lən ɉii Kristə ɲɛ̨ilaai.

Korɛntə veelɛ 5:9

Yili ɓa, ku kɔlɔi ŋɛ̨i, ɲɛ̨i mąą ə hvaliŋ-o, ku kulɔ ɉu-o, yii ku gwɛlii ya ɓaa, kwa Yálá lii hon nɔ.

Korɛntə veelɛ 9:8

Huwalawala kaa Yálá yəi, yɛ pɛli ká yee laa hvɛɛi a mɛ̨inɛ̨ɛ̨ huwui lɔpee gəlee, yii mąąkpaan gaa káá, mɛ̨nį kəlee hu, a yələ kəlee, yɛ pɛli kɛi ká yəi; ɛlɛɛ, káá nwɔ̨nɔ̨ pɛli kóló lɛlɛɛ huwui lɔpee gəlee kɛi la.

Ifisiɛŋ 1:17

Gu Nąmu Jesus Kristə nwɔ Yálá, Nąn, yai mąąwiɛlaa kəlee kaa a nwɔɔ, ə ká kɔ́ a mɛ̨nį hukpɛ kili, yɛ Yálá mąą mɛ̨nį hu pono ká ɲɛ̨i ɓa, káá pɛli gɔlɔn ɉii la a neelee;

Ifisiɛŋ 2:10

Gbala ə tɔɔ, Ya ɓə gu pɛli, ə gu pɛli Jesus Kristə hu, kóló lɛlɛɛɠaa kɛ mɛ̨nį ɓa, a gólóɠaa tii Yálá ə di hee gu tɔwɔ, guɔ pɛli gɛ mɛ̨nį laai gu nwuɔ̨.

Ifisiɛŋ 4:1

Gáá kani ká mąąnɛ̨ɛ̨i, gu Nąmu nwɛi hu, ɲą́ą́ ŋɛ̨i gaho ŋą, gɛ́, ká ká wɔɔ yɛnɛ̨ɛ̨ kɛ, a dəliɓo wooi too ká wəlii, mąą hon bələ;

Ifisiɛŋ 4:13

ə lɛɛ ɉu, gu kəlee guɔ pɛli kɛi la ɉu tanɔ̨n, laa na laa hu, da Yálá lon gɔlɔnŋąą hu, gu kɛ a nu mąą pɔlɔɔɠaa, gu ɲąą ə pɛli yɛ bələi Kristə kaa la.

Ifisiɛŋ 5:10

Mɛ̨nįi a nɛ̨ɛ̨ gu Nąmu ɓa, 'Ká yili kwɛli a yɛlɛ.

Ifisiɛŋ 5:15

'Ká ká yíi pələ mąą kpɛɛ a nɛlɛɛ, 'ká hvo túwɔ́ yɛ kilikpɛɛɲəi-nuą, kɛlaa yɛ kilimąą nuą;

Ifisiɛŋ 5:2

'Ká ɲɛnɛ̨ɛ̨ kɛ wɛlikɛmąąlaa hu, yɛ bələi Kristə ə gu wɛlila kɛ la, ə gbɔwɔ kulɔ a halaa, mąą kun nɛ̨ɛ̨ Yálá ɓa, gu mąą mɛ̨nį ɓa.

Filipə 1:11

yili ɓə a gɛ, ká pilɛ kɛa a tələnmolaai a həɠə Jesus Kristə yəi, yɛ pa gu pɔ, guɔ Yálá mąąwiɛ la, guɔ Naa tɛ.

Filipə 1:27

Yii lɔ mą, ya ɓaa: 'ká wɔ yɛnɛ̨ɛ̨ kɛ pələ ə pɛli Kristə nwɔ wɛlɛɛ lɛlɛɛi pɔ yííɓoi. Yili ɓə a gɛ, ŋą́ pa ka pɔɔli-o, və́ pa ka pɔɔli-o, ŋą́ pɛli woo lɛlɛɛ mɛ̨n ɉii, yɛ hvilɛn na káá, diɛ kɛ: Ká kwəi kaa tanɔ̨n, káá gɔ tɔ̨nɔ̨i kɔ, a ká laa pələ nwɛlɛɛ lɛlɛɛ la;

Filipə 4:18

Hɔlɔɔmun, yii a pɛli mą́ą́, gaa ɲə́i, da laa mɛ̨i. Ɉamą pilɛi ká dɛɛ Epafroditə pɔ, yɛ paa la, aa nwɔ̨nɔ̨ da kɛ mą, aa kɛ a wulɔ kun nɛ̨ɛ̨, a hálaai nwɛlikaa Yálá ɓa

Kolosə 2:19

Di hva gɛ di hvo kanąn Kristə ɓa, yai a nwun, ɉaalai hu ɓə tɔɔ-tɔɔiŋaa kəlee yiliɛ la di kee ɓa, diɛ kɛnɛ̨ la yɛ bələi Yálá ə mąą laa tɛɛ la bɔ.

Kolosə 2:6

Yili ɓa, ká lɛɛ kani ká ɲɛ̨i tɔwɔ ká wɔɔ pələi mɛ̨i Kristə hu, a Jesus a gu Nąmu, yai ká ɉɔlɔɓo;

Kolosə 3:20

Lɛapɛlɛɛ, 'ká lɛɛ ká kaa-nuą woo mu, mɛ̨nį kəlee hu; yili ɓə gu Nąmu kaa gwɛlii ká yəi.

Kolosə 4:5

Nuąi di hvo a Kristalɛa, 'ká túwɔ́ pələ ə kɛ a nɛlɛɛ di ɲɛ̨i ɓa. Yíikuu kpuɔlon ká yəi, 'ká ɉon a nɛlɛɛ.

Tɛsalonikə dɔlɔɔ 2:12

Ku ká hvaŋąlɔ, ku ká liikpələ, ku ká liɛwoo ɓo, kuɔ: 'ká túwɔ́ pələ ə Yállá lii hon, yai ka təli, ŋą tɔɔlaai ɓa da ŋą mąąwiɛlaa.

Tɛsalonikə dɔlɔɔ 4:1

Ną́n nonnii, yii lɛɛ pulu, ya ka; mɛ̨nįi ku kaa ɉuhvɛlii, kuɔ gɛ a ká hvaŋąlɔ pələ gu Nąmu Jesus hu, ya ɓaa: Bələi mąąnɛ̨ɛ̨ ká túwɔ́ la káá pɛli Yálá lii hon ɉii, kwaa ká mąąkwɛli yili ɓa, ɛlɛɛ yaan, bələ kpɔ ɓə ká káá túwɔ́i la, 'ká ká yee mąą tɛ ká ɉon nwɔ̨nɔ̨ a nįnɛ̨.

Timote veelɛ 2:4

Nui da ɉon a holahi, hva bulu pələ mɛ̨nį niihɛlɛn ɉee, a kɛ, gaa bɔ, nui ɉon a holahi ə niihon.

Taitɔ 3:1

Gili too nu kəlee ɲą, yɛ́ diɛ: mąąnɛ̨ɛ̨i di lɛɛ nwun nąmįną, da ɲąąwooɓo kɛ nuą kəlee woo mu, di di kpɔwɔ mąąyɛɛ, di hɛ̨ąyiliɛ mɛ̨nį lɛlɛɛ kəlee kɛ mɛ̨nį ɓa.

Taitɔ 3:14

Mąąnɛ̨ɛ̨ gu wɔ nuąi diɛ kpɛlimąn di kɛnɛ̨ mɛ̨nį lɛlɛɛ kɛɛ hu, əgɛ, mɛ̨nį ta a kulɔ, diɛ pɛli ɲąąlɔi, yili a kɛ tii, di tɔlɔ hva kpɛɛ diɛ.

Hebreu 11:5

Laa na laa háálai ɓə gɛ, Yálá ə Henɔkə həɠə, hvo haa kaa, nu ta hvo kɛa gaa yili pulu. Gbala ə tɔɔ, Yálá ə ɉəɠə. Gɛɛ di hvo ɉəɠə, di mąą kɛla hvaa ɓo, diɛ mą: ə Yálá liihon.

Hebreu 13:16

'Ká gu hvo lɛ̨ą mɛ̨nį lɛlɛɛ kɛɛ ɓa, ɛlɛɛ, guɔ kpɔnmąą tɛɛ gbɔn ɉu lonnii pɔ, mąąhɔlɔɓo, ɉaláá hɛn taaləi tii ɓə a Yálá liihon.

Hebreu 13:21

Yálái tii ə gɛ, káá pɛli niiɓa mɛ̨nį lɛlɛɛ lɔpee gəlee kɛi, yii a laa a nii, ə gɛ ká hu, Jesus Kristə háálai, yai, mąąwiɛlaa kaa mą a yələ kəlee kpɛɛ hvo mą. Mįiną!

Piɛrə veelɛ 1:8

Túwɔ́ pələɠaa ti ɓə mąąnɛ̨ɛ̨ ə kɛ ka yəi, akɛ mɛ̨nįɠaa ti laahvɛɛ a kɛ ka yəi, di hva ka lɛɛ kpɛli-kpɛli, da ka ka hvaŋąlɔ, ə gɛ, tɛ tɔwɔ gu Ną́mu Jesus Kristə kɔ́lɔn ŋąą hu.

Piɛrə veelɛ 3:18

Kɛlaa, ka tɛ tɔwɔ gu Ną́mu Yálá da gu Nwun mąąɓomun Jesus Kristə kɔ́lɔn ŋąą hu, da nwɔɔ mɛ̨inɛ̨ɛ̨ hu. Ə həɠə yiihu ɓa, ə lɛɛ la ɉu lɔwai kəlee, mąąwiɛ ə kɛ Jesus Kristə ɓa. Yálá ə kɛ ti!

Zɔ̂ŋ Maa-ŋuŋ 3:22

ɛlɛɛ, hɛn kpɔ gwa vɛli mą, gwa ɉɔlɔɓo ɲəi mąąhɔlɔɓo, gwa nwɔ tíɓoɠaai pɔ yíiɓo, ɛlɛɛ, yii nwɛli kaa mą, guɔ gɛ.

Zɔ̂ŋ Maa-ŋuŋ 5:20

Gu gbaɠala kɔlɔn guɔ Yálá Lon ə pa ɛlɛɛ, ə kili tɛɛ gu pɔ, ə gɛ, gu Dɛ̨ą kɔlɔn. Ɛlɛɛ, gu kaa kɛa Dɛ̨ą hu, Non Jesus Kristə hu. Yaa tii ɓə a Dɛ̨ą, yaa ɓə a Yálá, ɛlɛɛ, a yɛnɛ̨ɛ̨i kpɛɛ hvo mą.

Zɔ̂ŋ Zaaƃai 1:6

Da ə́ wɔɔ wɛlikɛmąą laa mąą kɛla mąą hvaa lɛlɛɛ ɓo gbɔn nonnii kəlee ɲɛ̨i ɓa. Yá kɛ gɛi a nɛlɛɛ, a di mąąkpɔnmąaɓoi yá mo di wɔɔ hiɛ mɛ̨nįɠaa hu, yɛ bələi mąąnɛ̨ɛ̨i la Yálá ɲɛ̨i ɓa.