Ɉeremi 52:20 - Yálá laawoo hɛɓɛ (dc)

²⁰ Bɛlɛ́ dɔɔ mu hveelɛi, gboloyá pu hɛnɲąŋą tɔ̨nɔ̨i, da nįŋɛ̨ mąąnįnįn bow kɔ́w hveelɛi tii kɛ a mala kwɛli, bɛlɛ́ lon giliɠilin gɔwɔɠaa hvilɛn ŋąą mɛ̨i, diɛi tɔɔmun Salomɔn ə di pɛli Yai-Laa nwɔ pɛlɛ́i mąą mɛ̨nį ɓa, nu hva pɛli gwɛli wiɛ yee kɔ́lɔn ɉii, ya ɓaa, ɉɛnŋaa tii kəlee wiɛ yee.

Yálá laawoo hɛɓɛ

²⁰ Bɛlɛ́ dɔɔ mu hveelɛi, gboloyá pu hɛnɲąŋą tɔ̨nɔ̨i, da nįŋɛ̨ mąąnįnįn bow kɔ́w hveelɛi tii kɛ a mala kwɛli, bɛlɛ́ lon giliɠilin gɔwɔɠaa hvilɛn ŋąą mɛ̨i, diɛi tɔɔmun Salomɔn ə di pɛli Yai-Laa nwɔ pɛlɛ́i mąą mɛ̨nį ɓa, nu hva pɛli gwɛli wiɛ yee kɔ́lɔn ɉii, ya ɓaa, ɉɛnŋaa tii kəlee wiɛ yee.

Bible

²⁰ Kɛ́lɛ m̀ara sãai Saloma è díkpɛ̀tɛ Ŋ̀âla-pɛrɛ Kɛ́tɛi mɛni mai, dífe pɔri ní díkɔɔ̂ni, kpɛ́ni fêi, dí kɛ̀ kpɔ́ a díwiɛɛ. Zãâi ŋí ƃé kɛ̀ a bɛ́rɛi yée-mu wuru feerɛi, géleŋ-ŋai zoo-ŋai da kâa díɣâlai, ǹyá-soŋ sɛŋ-folo kɛ́tɛi da ǹiŋa-sirɛ pɔkɔɔŋ puu-kao-feerɛi nyíi-ŋai ǹyá soŋ sɛŋ-foloi è kɛ̀ a zeɛ́ɛ mɛi.

Ɉeremi 52:20 ပူးပေါင်းရင်းမြစ်များ

Tɔɔɓɛlaa dɔlɔɔ 7:25

Di ɉɛɲąŋąi tii pɛli di ɉee nįŋɛ̨ pow kɔ́w hveelɛ mąąnįnįn bulu. Ɉaaɓa ɲɛ̨i heɛ ɲələi pələ, ɉaaɓa ɲɛ̨i heɛ ɉɛɠɛɛ pələ, ɉaaɓa ɲɛ̨i heɛ voló həɠəi pələ, ɉaaɓa ɲɛ̨i heɛ voló tooi pələ; gəlee kponwo paa gee ɓa, gboloyá heɛ di lɔwai.

Tɔɔɓɛlaa dɔlɔɔ 7:47

Salomɔn ə ɉɛnŋąą tii kəlee hee ɉeeiɠaa ɓa. Gəlee pɛlɛɛ gee ɓa, nu hva pɛli kɛ mala kwɛlii tii nwiɛ yee kɔ́lɔn ɉii, mąąhɔlɔɓo, gɛnɛ̨i kɛ.

Tɔɔɓɛlaa veelɛ 25:16

Ɉɛnŋąą ŋɛ̨i Salomɔn ə bɛli Yai-Laa hee pɛlɛ́ mu, a mala kwɛli, bɛlɛ hɔlɔɔn veelɛi, ɉɛɲąŋą kɛnɛ̨i tii da ɉee hɛnŋąą, nu hva pɛli kɛ nwiɛ yee kɔ́lɔn ɉii.

Kɔlɔnikɔ Maa-ŋuŋ 22:14

«Ə́ ɲɛ̨i hee, bələi mąn hɛn və la ɲə́i, ŋą́ą́ tɔɔ a nwąnąi, ŋą́ą́ Yai-Laa nwɔ pɛlɛ́i tɔɔ hɛnŋąą kwɛli, ŋą́ą́ hɛni waa nwundɔ̨nɔ̨ laaikɛ, da wali kwɛli waa nwun damąą. Yii ɓaa mala kwɛli da gwɛli kpɔɔkpɔ, nu hva pɛli giliin ɉii, damą pələ ɓa. Ŋą́ą́ nwɔ̨nɔ̨ wulu kwɛli, da kwɛni, yɛ́ kpįnįi da kwɛli ə bɛlɛ mą nwɔ̨nɔ̨.

Kɔlɔnikɔ Veerɛi 4:18

Salomɔn ə ɉɛnŋąąi tii kəlee pɛli kpɔ a damąą, gwɛli kpɔlui lɔ ɉu, di hva pɛli nwiɛ yee kɔ́ɔn ɉi.

Ɉeremi 52:17

Yálá hee pɛlɛ́, bɛlɛ́ dɔɔ muɠaa tii kɛ a ɓala kwɛli, bɛlɛ lon gɔwɔɠaa tii di kɛi giliɠilin na, mala kwɛli gboloyá kɔ́ɔn ɉɛn tii kɛ Yai-Laa yəi bɛlɛ́n, Kalde nuą di di hu yali yali, də li a mala kwɛli Babilonə.