Ɉeremi 52:17 - Yálá laawoo hɛɓɛ (dc)

¹⁷ Yálá hee pɛlɛ́, bɛlɛ́ dɔɔ muɠaa tii kɛ a ɓala kwɛli, bɛlɛ lon gɔwɔɠaa tii di kɛi giliɠilin na, mala kwɛli gboloyá kɔ́ɔn ɉɛn tii kɛ Yai-Laa yəi bɛlɛ́n, Kalde nuą di di hu yali yali, də li a mala kwɛli Babilonə.

Yálá laawoo hɛɓɛ

¹⁷ Yálá hee pɛlɛ́, bɛlɛ́ dɔɔ muɠaa tii kɛ a ɓala kwɛli, bɛlɛ lon gɔwɔɠaa tii di kɛi giliɠilin na, mala kwɛli gboloyá kɔ́ɔn ɉɛn tii kɛ Yai-Laa yəi bɛlɛ́n, Kalde nuą di di hu yali yali, də li a mala kwɛli Babilonə.

Bible

¹⁷ Nya ƃe Babelɔŋ kaloŋ Nɛbukinaza è mò ŋɔkɔ-kuluƃa-ŋai dîa a gɛɛ dí lí dí Ŋ̀âla-pɛrɛ Kɛ́tɛi yée mu-wuru-ŋai nyii kɛ̀ a gbɛtɛ́ɛ a ƃarai kúla naa dí gélee wólo-wolo, dí ǹyá-see sɛŋ-folo see-sɛŋ, dí ǹyá soŋ m̀ara sɛŋ-folo kɛ́tɛɛ-ŋai kélee síɣe dí lí a dia Babelɔŋ. È mò dâi a gɛɛ dí lí máŋ a m̀ara sɛŋ-folo-ŋai ŋí kélee Babelɔŋ.

Ɉeremi 52:17 ပူးပေါင်းရင်းမြစ်များ

Tɔɔɓɛlaa dɔlɔɔ 7:50

Ɲá pu hɛnŋąą, mowa pɛlɛɛ, nwulɔ nwɔ̨n dəŋa yali hɛnŋąą, ɲá taɠa hɛɲąŋą, gbələ kɔ́wɔɠaa, ləɠi pɛlɛɛɠaa a hɛni. Yálá kɔ́ pɛlɛ́ gbon gɔwɔ hvilɛn ɉɛn, da bɛlɛ́ laaləiɠaa di wɛi, gəlee di ɓo a hɛni.

Tɔɔɓɛlaa veelɛ 20:17

Yələ ta kaa pai ɉəlii, ɉɛnŋąą kpɔ ə́ yəi bɛlɛ́n da yiiɠaa kpɔ ə́ nąnii di diɲɛ gee ɓa, di kaa pai gəlee həɠəi də li la Babilonə lɔi hu, da lɔpee hva lɛɛ ɓɛ. Ɲą́ą́ Yai-Laa nwóó li.

Kɔlɔnikɔ Veerɛi 36:18

Yálá yəi bɛlɛ́n ɉɛnŋąą kəlee, gbɛa-kpɛaa mąn, bɛlɛɛɠaa mąn, Yai-Laa ŋą pɛlɛ́i mu hɛn gɔwɠaa, tɔɔmun ŋą pɛlɛ́i mu hɛn gɔwɠaa, ə mą kɛ, galanɉonŋąą di wɛi, di gəlee həɠə di li la Babilonə.

Ɉeremi 52:20

Bɛlɛ́ dɔɔ mu hveelɛi, gboloyá pu hɛnɲąŋą tɔ̨nɔ̨i, da nįŋɛ̨ mąąnįnįn bow kɔ́w hveelɛi tii kɛ a mala kwɛli, bɛlɛ́ lon giliɠilin gɔwɔɠaa hvilɛn ŋąą mɛ̨i, diɛi tɔɔmun Salomɔn ə di pɛli Yai-Laa nwɔ pɛlɛ́i mąą mɛ̨nį ɓa, nu hva pɛli gwɛli wiɛ yee kɔ́lɔn ɉii, ya ɓaa, ɉɛnŋaa tii kəlee wiɛ yee.

Woolaa 1:10

Ɲowoɠaa daa ɲəi hɛn gɔw kəlee həɠə. Ɉerusalɛmə kpįnįi, ɲɛ̨i aa lɛɛ ɲowoɠaa diɛ, diɛ lɔ gɛɛnąą mąąhəɠɛɛ ɓa, ɓɛi ə́ tɔ́n dɔɔ mą nu takpɛliɠaa lɔ mɛ̨ni ɓa laa!

Izikiɛ 40:49

Ɲimɛ̨n mu kwɛa yee ə kɛ a yee tɔɔɉu pow hveelɛ, ɲąą kɛnɛ̨ɛ a yee tɔɔɉu pow kɔ́w hveelɛ; gbəlinŋaa di kɛ mą, pɛlɛ́hɔlɔɔn veelɛ di kɛ dɔɔmuɠaa kwɛlɛ; dɔ̨nɔ̨ ə ɓo ɓɛ pələ, dɔ̨nɔ̨ ə ɓo ɓɛ pələ.

Danîa 1:2

Ną́mu Yálá ə hvaa mą, Babilonə tɔɔmun, Nabukodonosorə ɲee ə tɛɛ Yoyakimə ɓa, yai kɛ a Ɉuda tɔɔmun. Yili pulu, ɉɛnŋaai ŋɛ̨i kɛ Yálá hee pɛlɛ́ mu, ə bələ tɔ̨nɔ̨ həɠə, ə li a diɛ Sinearə lɔi hu, ə di pu nwɔ haliɠaai yəi bɛlɛ́n, ə ɉɛnŋaai tii pu nwɔ haliɠaai di wɔ hɛn gɔw kɛɛnąą.