Ɉeremi 50:8 - Yálá laawoo hɛɓɛ (dc)

⁸ 'Ka kulɔ Babilonə, Kalde lɔi hu. 'Ka kulɔ, ka kɛ yɛ, boli hilɛɠaa da kɛ taatɛlɛɛ kpulu tɔwɔ.

Yálá laawoo hɛɓɛ

⁸ 'Ka kulɔ Babilonə, Kalde lɔi hu. 'Ka kulɔ, ka kɛ yɛ, boli hilɛɠaa da kɛ taatɛlɛɛ kpulu tɔwɔ.

Bible

⁸ “Eezuɛ-ƃela, ka pú ká kúla Babelɔŋ! Ka kula ǹɔii ŋí su. Ká kɛ́ a ǹûai m̀aa ŋuŋ-ŋai ká lí!

Ɉeremi 50:8 ပူးပေါင်းရင်းမြစ်များ

Hanwon 30:31

Tɛ́ɛ́hilɛ ka, a haŋą a tɔɔ tɛ́ɛ́hááɠaa lɔwai; a wala kɛ tii ɓolu hilɛ. Ɛlɛɛ, tɔɔmun a kɛ nwɔ kɔlaɠai ɲɛ̨itɔwɔ.

Azaya 48:20

'Ka kulɔ Babilonə daai, 'ka pu ka kulɔ Kalde nuą di wɔ lɔi hu, 'ka noloɓo a ka woo kɛnɛ̨, nuą di mɛ̨n, 'ka bələ taɠa, ə həli kpɔ lɔi kpon ɉeei, kaa kɛ diɛ: «Yai-Laa aa nwɔ tí mun Ɉakɔbə nwun mąąɓo.»

Azaya 52:1

'Ə́ muhəɠə, 'ə́ muhəɠə, ə́ ə́ wɔ huwala walai ɲąątɛ, oo Siɔn, ə́ wɔ mąąwiɛ həɠəɠaai too ə́ kwaną, Ɉerusalɛmə, yɛ́i ə́ kaa a mąąhəɠə taa; mąąhɔlɔɓo, ə həɠə háákələi ɓa, kɛ́nɛ̨ kpoloa da nui mąą hvo həɠə li di hva kɛa lɔ ə́ pɔɔli.

Azaya 52:11

'Ka li, 'ka li, 'ka kulɔ laa, 'ka hvo tunwɔ̨ hɛn gɔhɔɓoɔ ta ɓa. 'Ka kulɔ di lɔwai, 'ka ka mąąhəɠə, kaai Yai-Laa mąąwiɛ hɛn ɲąŋąɠaa kaa ka yəi.

Ɉeremi 51:45

Kaai a nwɔ́ nuą, 'ka kulɔ laa! Nu kəlee ə nwun mąąkɔ̨nwɔ̨, Yai-Laa nwɔ líiholi kɛnɛ̨ tɔwɔ.

Ɉeremi 51:6

'Ka pu, ka kulɔ Babilonə daai, nu kəlee ə gbɔwɔ nwun mąąkilɛi kwɛli; a wala kɛ tii, ka nwun gaa pai lɛɛi ɉu. Ɓɛlɔwai gaa pai nwɔ túwɔ́ pələ ɲɔ̨n gwələ kulɔi la, a ɲələi Yai-Laa kaa pai nwąną kulɔi la mą; ɉɛn Babilonə ə gwɛli, ya ɓə gáá pai dɛɛi bɔ.

Zakari 2:11

Siɔn, yɛ́i ŋɛ̨i heeni Babilonə, 'ə muhəɠə, 'pu.

Lonon mo 16:26

Moisə ə mo nuą diɛ, yɛ diɛ: «Ka ka mąą kwɛa nu ɲɔ̨nwɔ̨ɔ̨ɠaai ŋɛ̨i di wɔ pɛlɛ́ɠaai diɛ. Ka hvə tunwɔ̨n di yəi hɛn da ɓa, ka hvo nee pa haa di wɔ nɛ̨ŋɛ̨nŋąąi mąą mɛ̨nį ɓa.»

Korɛntə veelɛ 6:17

Yili ɓə gɛ, gu Nąmu Yálá yɛ kɛ diɛ: «'Ká kulɔ kani nuą ti lɔwai, 'ká diɛni 'ká ká ɓɛla ɓo, ka hvo tunwɔ̨n hɛn gɔhɔɓoɔ ɓa, ká gɛ ti, ŋą́ ɲéé hee ká mu.

M̀ɛni-lɛɛi 18:4

Ɛlɛɛ, ŋį́ woo ta mɛ̨n yɛ həɠə yələi pələ, yɛ kɛ mą: «'Ká kulɔ daai ŋɛ̨i hu, káái a ŋą nu huwu, ə gɛ ká hvo pa too di wɔ nɛ̨ŋɛ̨nŋaai hu; ɛlɛɛ, mɛ̨nį ɲąąnwąnąą tii pai laai diɛ, ká hvo pa hɔlɔɓo ɉu.