Ɉeremi 50:42 - Yálá laawoo hɛɓɛ (dc)

⁴² Daa kilɛn, da kpalaɠaa həɠə, di kili walawalaa, di hva nu ɲɛ̨imąąwɛli kaa. Di tín gaa yɛ gboloyá huluun dín, di kaa hoo mɛ̨i, daa hvólóon a di yɛli, yɛ kɔlaɠa, di kaa pai kɔ́ pɛlɛi yɛ́ Babilonə.

Yálá laawoo hɛɓɛ

⁴² Daa kilɛn, da kpalaɠaa həɠə, di kili walawalaa, di hva nu ɲɛ̨imąąwɛli kaa. Di tín gaa yɛ gboloyá huluun dín, di kaa hoo mɛ̨i, daa hvólóon a di yɛli, yɛ kɔlaɠa, di kaa pai kɔ́ pɛlɛi yɛ́ Babilonə.

Bible

⁴² Da díkerâŋ-ŋai da díƃoa sɔkpɔ-ŋai síɣe, Dí líi nyɔ́mɔɔi, maloŋ kâa fé díyêei. Dísoo-ŋai kɔ́ɔ mu-tiŋ káa yɛ̂ɛ Yúo too tîŋ kɔ́ kɔ́-mɛni ma Babelɔŋ.

Ɉeremi 50:42 ပူးပေါင်းရင်းမြစ်များ

Mąątɛ̨nɛ̨ 46:6

Yálá kaa daa kwəi, ɲɔw hva pɛli tooi nąą nuą hu, Yálá a kpɔnmąą tɛɛ bɔ yələɓɔi pinɛ̨ɛ̨.

Mąątɛ̨nɛ̨ 74:20

Ə́ kiliŋąhiɛ ə́ wɔ mįnɛ̨i ɓa, nuą puɔi lɔ di kee mɛ̨i, di loo pələ hvo mą nɔi, nąą aa lɛɛ a wɛa nuą di wɔ lɔi.

Azaya 14:6

a yai tii kɛi nuą kɛlɛ a liiholii, vii hvo kɛi kpɛɛ nuą hulɔwai, yɛ hee lɔiɠaa mɛ̨i a ɲąąnwąnąą, yɛ di mɔ̨nɔ̨ ɓo, ya ka daa hvilɛn bulu, di hvo ɲɛ̨imąąwɛli kaai.

Azaya 47:1

Yɛi ɓaa a Babilonə nɛ̨ɛ̨gbɛla, 'ə́ mąą yɛɛ kpɔ kɛnɛ̨! 'Laa munuun gbala hu! 'Ka həɠə dɔɔ kpəlin ɉu, 'ka hee luwu hu, Kalde nɛ̨ɛ̨gbɛlaɠaa, mąąhɔlɔɓo, di hvo kɛa pai kɛi ə́ laa ɓa: «Nɛ̨ɛ̨nu lɛlɛɛ, kwəinɛ̨ɛ̨ kulɔ nɛ̨ɛ̨nu.»

Azaya 47:6

Nííhvoliɛi kɛ nwɔ́ nu huwui pɔ, ŋą́ą́ kɛ nwɔ́ lɔi ɓɛlɛkpɛɛmą, gɛ́ nwɔ́ nuąi too ə́ yəi ɲą, Kɛlaa, hvo di ɲɛ̨imąąwɛli tai lɔpee kaa li, yáá wiɛ hulɔgoloɠaa mɛ̨i, yáá dɛɛ ɲɛ̨n ɉu.

Azaya 5:28

Donwą ɓaɠaaɠaa, da gilɛnŋąą kəlee di hu yalaa ɓə, di wɔ hooɠaai kɔ́wɔ ɲą wala walaai yɛ kwɛni, di wɔ wotoloɠaai kɔ́wɔ ə ɓo yɛ hvaŋą.

Azaya 5:30

Kɛlaa mąą hvólói tii, da tómą mɛ̨i, ə ɓo yɛ gboloyá a kɛi huluun, da di ɲɛ̨i hee nɔi mɛ̨i, ɉɛn da gaa, ya ɓaa kpinį, da mąąwɛli mɛ̨nį, hvóló hu a kpinį a nąląąn ɉu wiaa.

Ɉeremi 30:14

Ə́ wɔ wɛliɠaai kəlee daa lɛ̨ą yɛ́ ə́ mąą mɛ̨nį hvo kɛa di ɲɛ̨i mu a mɛ̨nį ta. Ŋą́ą́ ə́ kɛlɛ yɛ nu ɲowo a kɛi gɛlɛ. Hutɔɔ ɲąąnwąnąą ka tii, ə́ wɔ piɛn doo mɛ̨nį tamąąi mąą mɛ̨nį ɓa, da ə́ wɔ nɛ̨ŋɛ̨nŋaai pui kee mɛ̨i.

Ɉeremi 47:3

Mąąhɔlɔɓo, di kaa nwɔ hooɠaa kɔ́wɔ mu tin mɛ̨n ɉii, da gɔ́ kɔ́ wotoloɠaa tii, da nwotolo kɔwɔɠaa hiɛ tin. Lon gaa nuą yee hu aa haa, di lonnii mąą mɛ̨nį niihɛlɛn hvo kpɛli kɛa diɛ

Ɉeremi 50:14

'Ka tɔɔ a ka yɛli, ka kɔ́ pɛlɛ Babilonə ɓa. Kilɛn bili nuą, 'ka mǫn, 'ka hvo donwą ta lɛɛ ka yee pulu, mąąhɔlɔɓo, Babilonə aa ɉɔn gɛ a Yai-Laa.

Ɉeremi 50:9

A tɛ̨ą, gáá pai ɲələi pələ lɔi kpɛa kpɛaɠaa yee lɔi gee hu, di pɛlɛ Babilonə ɓa a kɔ́, di kaa pai woloi mą, a kɛ a ɉonŋaa di yəi. Di wɔ tonwąɠaai kaa yɛ kɔ́kuláái kɔ́ aa nɛ̨ɛ̨ mą, hva pənə hvo pa a ɲee howolo.

Ɉeremi 51:27

'Ka nuą təli gɔ́ ɓa, yɛnɛ̨ɛ̨ nuą kəlee, 'ka gɔ́ tulu hvɛɛ lɔiɠaa hu, 'ka lɔiɠaa ɲąąkpɔn, di wolo mą; a Yálá nwɔ kɔ́. 'Ka tɔɔɓɛlaa ɲąątɔɔ mą, Araratə, Mini, Askenazə, 'ka yala nąmįną tɔɔ, diɛ kɔ́kulááɠaa kulɔ mąą mɛ̨nį ɓa,

Ɉeremi 8:16

Hvo gaa, ku yowoɠaa di wɔ hooɠaa di tin gaa tɔɔi Dan, di wɔ hoo hilɛɠaa kɔ́wɔ mu tin yɛ nɔi kpɛlin. Di kaa pai nɔi da ɉu hɛnŋaa kəlee mįi diɛ daa da ɉu hee ɓo nuą mį́i.

Izikiɛ 26:3

Yili mąą mɛ̨nį ɓa, ɲą́ą́, Yai-Laa, ka wɔ Yálá, mɛ̨nįi gáá moi ya ka: Gáá pai kɔ́ pɛlɛi yɛ́, Tirə; gáá lɔi kpuluɠaa muhəɠəi, ŋą́ di wolo yɛ́, yɛ gboloyá a kɛli muhəɠə.

Zooɛ 2:5

Da lɛɛ yee hu, di too dakpɛli hu; di tin ə ɓo yɛ kɔ́ kɔ́ wotoloɠaa, yɛ nwɔ̨n nən aa kɛi pola kɛ́ɛ́ kpalaa hu. Yɛ nwɔ̨n a kɛi kala kpala mįi, diɛ pa yɛ kɔlaɠa hvaŋą kɛnɛ̨; di tɔɔ pələ pɛliɛ ɉu gɔ́ ɓa.

Zĩi 2:13

A tɛ̨ą, gitii laa, nui a wala nu ɲɛ̨imąąwɛli kaa, hva mąą nu ɲɛ̨imąąwɛli kaa. Ɲɛ̨imąąwɛli yee tɛɛi kiti ɓa.

M̀ɛni-lɛɛi 16:6

gbala ə tɔɔ, daa nu mąąhəɠɛɛɠaa da ə́ kwəi mɛ̨nį hukulɔ nuą ɲąmą pu, ɲąmą lɔ ɓə yáán ə́ dɔɔ di la, diɛ gbələ. Yili kpɔ ɓə di gwɛli!»