Ɉeremi 50:40 - Yálá laawoo hɛɓɛ (dc)

⁴⁰ Gɛ pələ kaa kɛi kpɔlɔɔ yɛ bələi ə kɛ la a Sodomə da Gomorə taaɠaa, da di kwɛlɛ taaɠaa. Nui lɔpee ta hva kɛa hee laa, nu kan da hva kpɛli kɛa vįitɔɔlaa Ɲą́ą́ Yai-Laa Nwóó li!

Yálá laawoo hɛɓɛ

⁴⁰ Gɛ pələ kaa kɛi kpɔlɔɔ yɛ bələi ə kɛ la a Sodomə da Gomorə taaɠaa, da di kwɛlɛ taaɠaa. Nui lɔpee ta hva kɛa hee laa, nu kan da hva kpɛli kɛa vįitɔɔlaa Ɲą́ą́ Yai-Laa Nwóó li!

Bible

⁴⁰ M̀ɛni tɔnɔi tí wɔ́lɔ kɛ̀ a Sodɔŋ da Gomorai, da ƃé pâi kɛ̂i a Babelɔŋ a tãi ŋa dísu-kara la da ǹaa kɔlɛ ma taa-ŋai. Núu da fé ŋɔ́nɔ pâi seêi naa wɔ́lɔ-wɔlɔ da wɔlɔ-wɔlɔ. Ńyãa Yâwɛɛ ƃé mò tí.

Ɉeremi 50:40 ပူးပေါင်းရင်းမြစ်များ

Azaya 1:9

Akɛ kɛ, Yai-Laa Mɛ̨nį Kəlee ŋą Hééɓomun, hvo ku kpəli wolo lɛɛ kɛ, yɛ kwəli kɛ yɛ, Sodomə, ku mąą mɛ̨nį ə kɛ yɛ Gomorə.

Ɉeremi 49:18

Bələi lɔ ə kɛ la a Sodomə taa da Gomorə taa, da di kwɛlɛ taaɠaa di pu yələ, nu ta hvo kɛa pai lɛɛi laa. Yɛnɛ̨ɛ̨ mun da hva kɛa daa tɔɔlaa. «Ɲą́ą́ Yai-Laa nwóó li!

Ɉeremi 51:26

Yɛ́i kɛ a pɛlɛ́ tɔɔ kwɛni, yɛ́i kɛ a pɛlɛ hvilɛn gwɛni, di hva kɛa kulɔ ɓɛi ə́ kaa laa, ə́ kaa pai lɛɛi a lɔi pun, a hvoló kəlee da nwɔɔ, ɲą́ą́ Yai-Laa nwóó li.

Amɔsə 4:11

Ną́mu Yai-Laa yɛ nwɔ̨nɔ̨ diɛ: Mɛ̨nii ɲąąnwąnąą ɲą́ą́ Yálá ŋį́ naa Sodomə taa da Gomorə taa diɛ, yili ɲɔ̨nwɔ̨mąn mə ŋį́ naa kaa. Kɛlaa, ŋį́ ka nwun mąąɓo, ka kɛ yɛ kwɛituwɔ tɔ̨nɔ̨ kulaa kpaɠa nwɔ̨n ɉu. Kɛlaa, pələi mąn ŋį́ gɛ la tii, ka hvo gɛ li, ka hvo pa bɔ́. Yai-Laa woo li.

Sofoni 2:9

Yili ɓə gaa mą, Ɲą́ą́ Yai-Laa Mɛ̨nį Kəlee ŋą Hééɓomun, Israɛlə nwɔ Yálá, nwóó li, yii kpɔ gáá a vúlú, Moabə lɔi kaa kɛi yɛ bələi Sodomə ə kɛ la, ɛlɛɛ, Amɔn lonnii di kɛ yɛ bələi Gomorə ə kɛ la. Nąą ə kɛ a ɲąąlən gbɔlɔ, da kpolo kulɔi, a lɔi pun a yələ kəlee mɛ̨nį. Nwɔ́ nu huwui kpəlii a lɛɛ, a di mąąkpoloon. Nwɔ́ nuąi kulɔ gɔ hu da kwɛlin ɲąąkwɛlɛ.

Lomaŋ 9:29

Yili ɓə nwɔ̨nɔ̨ Esai ə nɛɛ kwɛaa la ə mo, yɛ kɛ: «Akɛ kɛ, Huwalawala Kəlee Nąmu Yai-Laa, hvo ku kpəli wolo lɛɛ kɛ, yɛ kwə́ li kɛ yɛ, Sodomə, ku mąą mɛ̨nį ə kɛ yɛ Gomorə.»

Dutɛrɔnome 29:23

Nąąlɔwai, hį́i kəlee kaa pai kɛi diɛ: ‹Lə ɓə kɛ yaai, Yai-Laa ə nɔi ŋɛ̨i hon bələ kɛ ŋɛ̨i-oo? Niiholi kɛnɛ̨i ŋɛ̨i ə gulɔ, nwun maa a lə?›

Piɛrə veelɛ 2:6

Yili pulu, Yálá ə Sɔdomə taa da Gomorə taa di hvɛla kɛ a nwɔ̨n, yii ə ɉu nuą kəlee nwun napili, di wɔ kili walawala laa mąą mɛ̨nį ɓa. Yálá ə yili kɛ ti, ə gɛ, ə nɛ mɛ̨nį ɲɔ̨n gɛ nuą diɛ, a mɛ̨nįi pai kɛi a diɛ, mąą pɔɔ kɔ́ɔn.

Zûu 1:7

Yii ɓaa Sodomə da Gomorə da di kwɛlɛ taaɠaa, diɛi wɔlɔ kɛi túwɔ́ pələ ɲɔ̨n gulɔ gee pɔ. Diɛ wɛli ɲɔ̨nwɔ̨ɔ̨ kɛ a diɛ gee, hinąą diɛ láá a di gee, diɛ láá a huwɔɠaa. Nuą tii kaa háákələi nwɔ̨n ɉu yii hva luwun. Mɔ̨nɔ̨i tii di kaa mįi, yili kaa a mɛ̨nį kɔ́ɔn mąą da kili lɛɛ ɉu nu kəlee mąą mɛ̨nį ɓa.

M̀ɛni-lɛɛi 11:8

Di powa kaa pai lɛɛi tooni daa-lee kɛnɛ̨ hɛ̨ąi, yai da naa hee a Sodomə da Eziptə, nąą ɓə di di Nąmu kpɔn laa wulu ɓa.