Ɉeremi 50:33 - Yálá laawoo hɛɓɛ (dc)

³³ Yai-Laa Mɛ̨nį Kəlee ŋą Hééɓomun nwoo ka, yɛ diɛ: Di kaa Israɛlə lonnii da Ɉuda nuą mɔ̨nɔ̨ ɓoi, di mɔ̨nɔ̨ ɓo nuą daa di hon, di hvo bɔ di hvo ɓo diɛ,

Yálá laawoo hɛɓɛ

³³ Yai-Laa Mɛ̨nį Kəlee ŋą Hééɓomun nwoo ka, yɛ diɛ: Di kaa Israɛlə lonnii da Ɉuda nuą mɔ̨nɔ̨ ɓoi, di mɔ̨nɔ̨ ɓo nuą daa di hon, di hvo bɔ di hvo ɓo diɛ,

Bible

³³ Ŋ̀wála-wâla kélee Yâwɛɛ è mò ǹyɛɛ, “Eezuɛ-ƃelai da Zuda-ƃelai díkaa mɔ̃́lɛ-laa su. Diai dísòŋ a kɔ-sôŋ-ŋai, da dímaa kpɛɛ̂i kpɔ́, ǹyaŋ díta fa pɔ̂ri pûi.

Ɉeremi 50:33 ပူးပေါင်းရင်းမြစ်များ

Lɛɛ gbɔwɔ ɓa 5:2

Eziptə tɔɔmun yɛ diɛ: «Gbɛɛ ɓaa Yai-Laa yai ŋą́ nwoo hon ti, gɛ́ ɓo Israɛlə lonnii ɓa? Və́ Yai-Laa kɔ́lɔn, ɛlɛɛ vá pɛli Israɛlə lɛɛi laa hvo li.»

Lɛɛ gbɔwɔ ɓa 8:2

Aarɔn ə ɲee haŋą Eziptə yáɠaa kəlee mɛ̨i, ɲáɠaa kəlee di tɛ a gbəŋə, ə Eziptə lɔi nąą kəlee kpɛɛ mą.

Azaya 14:17

Yɛ lɔi mąąpənə a lɔi pun, yɛ taaɠaa wolo, a kɔluwɔ hon, hvo kɛi pənə hvo dɛɛ gaa lɔi hu.»

Azaya 47:6

Nííhvoliɛi kɛ nwɔ́ nu huwui pɔ, ŋą́ą́ kɛ nwɔ́ lɔi ɓɛlɛkpɛɛmą, gɛ́ nwɔ́ nuąi too ə́ yəi ɲą, Kɛlaa, hvo di ɲɛ̨imąąwɛli tai lɔpee kaa li, yáá wiɛ hulɔgoloɠaa mɛ̨i, yáá dɛɛ ɲɛ̨n ɉu.

Azaya 51:23

gáá pai nɔɔi tii tɛɛi ə́ mɔ̨nɔ̨ ɓo nuą pɔ, diɛi tii kɛi kɛ yɛ́: «'Pɛlɛ, ə gɛ ku tɛɛ», ɛlɛɛ yɛ́ kpɛli yɛ́ ə́ hɛ̨ą kɛ a pələ, a nuą tɛɛ kpaalə.

Azaya 58:6

Ɉin nɔ pələi gaa a nííɓa mɛ̨nį, ya ka: 'ka wea laa yɔwɔn volóon, nuąi daa hee di mɛ̨i, 'ka di kulɔ ɉu, nuąi kɛ mɔ̨nɔ̨ hu 'ka ka yee ɓo diɛ, 'ka nu mɔ̨nɔ̨ ɓo hɛn gəlee kulɔ laa.

Ɉeremi 30:20

Nonnii mąą kaa pai wiɛi, yɛ bələi di kɛ la tɔlɔɔ. Nwɔ ɲąąkpɔnŋaai ə ɓo heeni nííla kpɔ tin tín, ɛlɛɛ gɛ́ hee mɔ̨nɔ̨ ɓo nuą kəlee hu.

Ɉeremi 50:7

Nui lɔpee kɛi kwiɛn a diɛ, ə kɛi di mį́i, di yówóɠaa di kɛi kɛ diɛ: «Ku hvo nɛ̨ŋɛ̨n ɉəɠə li, mąąhɔlɔɓo, di nɛ̨ŋɛ̨n ɉəɠə Yai-Laa ɓa, tələnmoi da di nąnni di kilitɔɔi kɛ mą: ya ɓaa kɛ a Yai-Laa»