Ɉeremi 47:6 - Yálá laawoo hɛɓɛ (dc)

⁶ Lə mɛ̨nį ɲąąnwąnąą ɓəi, Yai-Laa nwɔ ɓɔwai! Akɛti, hvįįtɔɔ hvo kɛa yɛ́? 'Lɔ ə́ taa hu, too ə́ kɔ́lɔi, ə́ liilaa.

Yálá laawoo hɛɓɛ

⁶ Lə mɛ̨nį ɲąąnwąnąą ɓəi, Yai-Laa nwɔ ɓɔwai! Akɛti, hvįįtɔɔ hvo kɛa yɛ́? 'Lɔ ə́ taa hu, too ə́ kɔ́lɔi, ə́ liilaa.

Bible

⁶ Ka wɔ́lɔi kâai, ‘Óo Yâwɛɛ ŋɔƃoa-sɔpkɔi! Tãi ɣɛɛlu ƃé yâ pâi ziɣêi ílɛɛ pâi kperâi kúpâai? Lɔ́ pôlu ítaâi, kɛ́ naa í ífii tɔ́ɔ!’

Ɉeremi 47:6 ပူးပေါင်းရင်းမြစ်များ

Samia Veerɛi 2:26

Avnɛrə ə nwoo tɛ ɲələ, yɛ Ɉoabə ɓa: «Kɔ kɔ́ ɓɔwa hvo mɔ̨ɔ̨ pai kpɛlai nu paa ɓa? Ə́ kili hvo ɉu yɛ naa kaa pai kulɔi a ɲąąnwąnąą? Mįnɛ̨ lɔwai ɓə ə́ kaa pai ə́ wɔ nuąi kpɛlai la di nąn nonnii kpɛɛ ɓa?»

Kɔlɔnikɔ Maa-ŋuŋ 21:27

Yili pulu, Yai-Laa yɛ malakai ɓa: «Ə́ wɔɔ ɓɔwai lɔ daa hu.»

Mąątɛ̨nɛ̨ 17:13

'Ə́ muhəɠə Yai-Laa, ə́ kɔ́ pɛlɛ mą, 'ɲali bulu! 'Nwún mąąɓo a ə́ wɔ ɓɔwa kwɛai, nwąnąlɔmun ɲəi.

Azaya 10:15

Akɛtii, yowa a mɔ̨ɔ̨ nwun dɛ, nui kóló kɛi la mɛ̨i? Gbɛa a mɔ̨ɔ̨ nwun dɛ nui kóló kɛi la mɛ̨i? Awala kɛtii, gbɔn a mɔ̨ɔ̨ pɛli nui gaa ɲee ŋą, ə dənən dɔɔi? Tunwɔ̨n a mɔ̨ɔ̨ pɛli dumo dɔɔi, nąmu tɛɠii?

Azaya 10:5

Asiri nwun na ɲɔ̨nwɔ̨ɔ̨ ɓə, yai a nwą́ną́kulɔ gbɔn, ə ɓo ɲə́i ɲą, ŋį́ líiholii ka tii.

Ɉeremi 12:12

Nɔi pun ɉu pələɠaa kəlee pɔ, kɛɛ kala nuą kaa pai; Yai-Laa nwɔ kɔlaɠa kaa pai, gaa pai nɔi hu hɛɓɛ́-hɛɓɛ́i; ə həɠə nɔi mɛ pələ yɛ li mɛ pələ; nu ta hvo liilaa hu.

Ɉeremi 12:4

Nɔi kaa pai lɛɛi wɔlɔi, ə lɛɛ ɉu, lə yələ ə ɉəli? Ɲea kɔ́wɔ hu kala tiliin gəlee kaa pai lɛɛi kpalai, ə lɛɛ ɉu, lə yələ ə ɉəli? Ɉu huwɔɠaa kəlee da nwɛ̨nįɠaa diɛ haa; nɔi nuą lii ɲɔ̨nwɔ pələ mąą mɛ̨nį ɓa, a diɛi kɛi diɛ: «Yálá hvo ku wɔ pɛlɛ́ɠaai kaai, da mu mɛ̨nįɠaa.»

Ɉeremi 15:3

Yai-Laa woo ka nwɔ̨nɔ̨, yɛ diɛ: «Gáá pai heei di hu a pələ nąąn: Kɔ kɔ́ ɓɔwa yɛ di paa, yilɛɠaa diɛ di powa yala. Yələi nwɛ̨nįɠaa da lɔwɔ huwɔɠaa diɛ di powa mįi, diɛ di huwu pu.

Ɉeremi 25:27

Ə́ kaa pai kɛi diɛ: «Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka: ka ká kpələ kpɔ ə lɛɛ ɉu ə ka hon, kaa ɓaɠi, ka too ka hva pɛli ka muhəɠəi, gɔ́ kɔ́ ɓɔwai gáá pai bilii ka lɔwai ɲɛ̨i tɔwɔ.»

Ɉeremi 4:21

Ka mɛ̨i huu woo kaa pai lɛɛi tɔɔ nwəlii ə lɛɛ la mįnɛ̨ lɔwai? Ya ka, gáá lɔ nuą təli tulu woo mɛ̨n ɉii.

Ɉeremi 48:10

Nui a Yai-Laa nwɔ kólói kɛ a hviikpɛɛ laa, mąą nu nɛ̨ŋɛ̨n naa ɓə, ə mą kɛ, nui a nwɔ kɔ́ kɔ́ ɓɔwa kunwɔ a ɲąmą.

Ɉeremi 50:35

Yai-Laa woo ka, yɛ diɛ: Kɔ kɔ́ ɓɔwa kaa Kalde nuą hu hɛɓɛ́-hɛɓɛ́i, ə mą kɛ Babilonə nuą da di ɲɛ̨itɔwɔ nuą, bɛlɛɛ nwɔ mɛ̨nį kɔ́lɔn nuą diɛ.

Izikiɛ 14:17

A wala kɛ ti, ŋą́ pa a kɔ́ kɔ́ nɔi ti hu; gɛ́ kɛ diɛ: Ə kɛ a nu, ə kɛ a huwɔ; kɔ́ kɔ́ ɓɔwa ə tɛɛ, ə gəlee paa.

Izikiɛ 21:30

Israɛlə tɔɔmun, ə́ wəli tɔɔ, ə́ kili ɲɔ̨ŋɔ̨ɔ̨i ə́ kwəi, hvó Yálá kɔ́lɔn, ə́ wɔɔ yələ kaa pai, ɲələ a kɛ lɔ a ɲələi, yɛ́ ká ə́ wɔ nɛ̨ŋɛ̨nŋąąi ka kpɛɛ la.

Zakari 13:7

Yai-Laa Mɛ̨nį Kəlee ŋą Hééɓomun woo ka, yɛ: Kɔ-kɔ ɓɔwa, 'ə́ muhəɠə nwɔ́ ɓɛlaa pulumun pɔ, a mɛ́lanmun nwalaai tii. Daatɛlɛɛ pulu mun, 'gɛlɛ, mɛlaahaaɠaa di taɠa. Ɲéé kaa pai yálii bulu, yɛ bɛlɛɛ pɛlɛɛɠaa kɛlɛ.

Ɉaan 18:11

Jesus yɛ Piɛrə ɓa: «Ə́ wɔ ɓɔwai lɔ daai. Gbələ kɔ́wɔi Ną́n ə dɛɛ bɔ́, yɛ́ və́ gbə́lə la?.»

Nwun mąąɓo 7:20

Gbulu hveelɛi tii diɛ kpɛli, di di wɛiɠaai wolo, di wɔ kpalanŋaai diɛ ɓo di kɔ́ɓəyee ŋą, dúlú ə bo di ɓa-mįi-yee ŋą; di tomą, diɛ mą: «Yai-Laa nwɔ ɓɔwa kwɛai, Zedeɔn nwɔ ɓɔwa kwɛai.»