Ɉeremi 46:28 - Yálá laawoo hɛɓɛ (dc)

²⁸ Nwɔ́ tímun Ɉakɔbə, hvo ɲɔw. Ɲą́ą́ Yai-Laa nwóó li! Hvó ɲɔw, gáá ə́ pɔ. Nɔiɠaa kpɔ tii ŋį́ ə́ huwu taɠa taɠa ɉu, gáá gəlee hukalai. Kɛlaa, ə́ wɛi, və́ ə́ hukalai. Gáá ə́ mąąkwɛlii, yɛ́ lɛɛ tɔ́n nwoo mu. Kɛlaa, və́ ə́ hɔn da lɛɛi laa kpɛli kpɛli.

Yálá laawoo hɛɓɛ

²⁸ Nwɔ́ tímun Ɉakɔbə, hvo ɲɔw. Ɲą́ą́ Yai-Laa nwóó li! Hvó ɲɔw, gáá ə́ pɔ. Nɔiɠaa kpɔ tii ŋį́ ə́ huwu taɠa taɠa ɉu, gáá gəlee hukalai. Kɛlaa, ə́ wɛi, və́ ə́ hukalai. Gáá ə́ mąąkwɛlii, yɛ́ lɛɛ tɔ́n nwoo mu. Kɛlaa, və́ ə́ hɔn da lɛɛi laa kpɛli kpɛli.

Bible

²⁸ Ŋa pâi pâi kápɔ-naa ŋá káƃalo. Ǹɔii-ŋuŋ-ŋai ŋá kátaa-tàa zui, ŋa pâi gélee su karâi. Ḿve pâi ká su-karâi. Ḿve pâi ǹɛɛ̂i naa ká lí kpɛ́ni. Ŋa pâi ká kula-maa kɛ̂i, kɛ́lɛ ŋà pâi gɛ̂i a teniŋ ƃô-pere. Ńyãa Yâwɛɛ ƃé mò tí.”

Ɉeremi 46:28 ပူးပေါင်းရင်းမြစ်များ

Mąątɛ̨nɛ̨ 46:11

Yɛ kɛ diɛ: «'Ka gwɛlihɛnŋaa laa, 'ka gɔlɔn kaa diɛ ɲą́ą́ ɓə gaa a Yálá! Ŋą́ hį́iɠaa ɲąąwooɓo, gɛ́ lɔi ɲąąwooɓo.»

Mąątɛ̨nɛ̨ 46:7

Lɔiɠaa hu tin ə kɛi kulɔ, tɔɔlaaɠaa diɛ kɛ yɛɠɛ yɛɠɛ, Yálá ə woo tɛɛ, lɔi ə həɠeen.

Azaya 27:7

Ə di kɛlɛ mɔ̨ɔ̨ yɛ bələi ə di kɛlɛ-nuą kɛlɛ lai? Ə di paa mɔ̨ɔ̨ yɛ bələi ə di paa nuą paa lai?

Azaya 27:9

Bələ ɓə Ɉakɔbə nwɔ nɛ̨ŋɛ̨n kaa pai waai laa mą; mąąhvaalɛɛi di mo, bələ ɓə dɔlɔ kaa pai kɛi la, gaa pai ɉaláá kulɔi kwɛniɠaa hon ɉii, yɛ kwɛni a kɛ a gələn ŋąą da ya pu mą; di hva kɛa ɉaláá wuluɠaa da hvóló mąą nįnįnŋąą haŋą di hvo dɔɔ.

Azaya 41:10

'Hvó ɲɔw, mąąhɔlɔɓo, gáá ə́ pulu, 'Hvó ə́ liihɛlɛn, mąąhɔlɔɓo, gáá a ə́ wɔ Yálá. Gáá ə́ huwala walai, gɛ́ kpɔn ɲɛ́, Gɛ́ mamįiyee pu ə́ mu, yai tələnmolaa kaa ɉui.

Azaya 43:2

Yá kɛi tɛɛ yaɠaa hu, gáá ə́ pɔ, yá kɛi yaɠaa teen, hvá lɛɛ da hu, ə́ mą hiɛ nwɔ̨n ɉɛ̨ąi, hva ə́ kələn, nwɔ̨n nən və kɛa pai ə́ tiɠi kɛi, yɛ həli ə́ hu pələ kəlee;

Azaya 44:1

Kɛlaa, yiihu kɛa, Ɉakɔbə, ə́ wəli tɔɔ, yɛ́i a nwɔ́ tímun, Israɛlə, yɛ́i a nííɓamun!

Azaya 45:23

Ŋą́ą́ gwɛla, a gbį́nįlee, mɛ̨nį hąŋąnŋąą ɓə a kulɔ ná, Vá nwóó ɲali bulu. «Nu kəlee kaa pai pui gbəlin na, nííla, nɛ̨n gəlee yɛ gwɛla a Náá.

Ɉeremi 1:19

Di kaa pai kɔ́ pɛlɛi yɛ́, kɛlaa di yee hvo pai pɛlii yɛ́. Mąąhɔlɔɓo, gáá ə́ pulu, gɛ́ ə́ nwun mąąkɔ̨nwɔ̨. Yai-Laa woo li.»

Ɉeremi 10:24

Ɉútɔɔ, Yai-Laa, Kɛlaa bɛli mą́ą́; hvó gɛ a liiholi, ə gɛ hvó pa ɉú kala.

Ɉeremi 15:20

Gáá ə́ kɛi nuą tii lííla, yɛ pɛlɛ́ nwąnąąi dɔɔ a kwɛli, yii hva dumo dɔɔi, di kaa pai kɔ́ pɛlɛi yɛ́, Kɛlaa, di yee hvo pai lɔi yɛ́. Gáá ə́ pɔ, gɛ́ ə́ nwun mąąɓo, gɛ́ ə́ hvólóon na ɓo. Ɲą́ą́ Yai-Laa nwóó li!

Ɉeremi 23:4

Ɲą́ą́ Yai-Laa nwóó ka: «Gáá pai di ɲąąkɔn nuą tɛɛi di pɔ, di hva kɛa ɲɔw, di hva kɛa kɛ mɔ̨nɔ̨ hu, da hva kɛa pili ɉu.»

Ɉeremi 25:9

gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Ɉeremi 30:10

Yɛ́i a nwɔ́ tímun Ɉakɔbə, hvo ɲɔw Yai-Laa woo li. Ə́ líi hvo kulɔ yɛ́ Israɛlə, gáá pai ə́ kulɔi nwɛ̨ą lɔiɠaa hu, gɛ́ ə́ huwu kulɔ mąąkilɛ lɔi hu. Ɉakɔbə kaa pənəi ə pa liilaa hu, a nwəli pulu laɠiɛ, nu ta hva viikpɛɛ.

Ɉeremi 30:11

Yai-Laa yɛ, gáá ə́ pɔ ə́ kulɔ mɛ̨nį ɓa mɛ̨nįi. Nɔiɠaai kpɔ tii ŋą́ ka taɠa taɠa ɉu, gáá gəlee hu kalai. Kɛlaa ə́ wɛi, vá ə́ kala, gáá ə́ mąąkwɛli, yɛ́ hiɛ a bələ, vá da lɛɛ hvo tɛɛ yɛ́ kpɛli-kpɛli.

Ɉeremi 4:27

Yai-Laa woo ka, yɛ diɛ: Gáá nɔi kəlee kalai. Kɛlaa, ə mą kɛ tii, gáá ɲéé pulu lɛɛi naa ta.

Ɉeremi 5:10

'Ka tɛ daa mąąkpɛ hįį mɛ̨i, 'ka bu. Kɛlaa ka hvo gəlee pu kpɔ tii tɛ̨ɛ̨tɛ̨ɛ̨?. Ka wɔ viɲəɠaai nwonwoɠaa kulɔ mą. Mąąhɔlɔɓo, hvo a Yai-Laa nwɔɔ.

Ɉeremi 5:18

Nąąlɔwai tii, Yai-Laa yɛ diɛ; «Vá ka huwu pu, və́ gbɛɛ tɛ̨ɛ̨tɛ̨ɛ̨?.»

Ɉeremi 51:46

Və́ bɔ ka hvii hvo kpɛɛ, ə lɛɛ, mɛ̨nįɠaai di kaa moi nɔi, hvo ka mąą ɲɔw, hvo gaai, kwɛlan ɲii, mɛ̨nį yii a kulɔ; kwɛlan da kpɛli, mɛ̨nį takpɛli, wea mɛ̨nį a kɛ nɔi, tɔɔmun yɛ mɛlan dɔɔmun gbɛ.

Danîa 2:35

Nąąlɔwai, gwɛli da nəɠipɔlɔ, mala kwɛli da nwali kwɛli, ə lɛɛ, da ɉɛni tii, di taɠa-taɠa di kee ɓa yɛ hvóló laa ɓoɔ hvana a hee mɔ̨nun gala hu. Hvaŋą ə li a ɉɛn tii kəlee, pɔɔ tɔ̨nɔ̨ kpɛli hvo lɛɛ laa. Kɛlaa, gwɛnii tii kɛlɛ mąąnįnįn ɉaɠaa hu, ə mąą pənə a yee kɛnɛ̨, ə lɔi mɛ̨i kəlee laahvɛɛ.

Habakukə 3:2

Éé Yai-Laa! Ŋą́ą́ ə́ kɛ mɛ̨nįɠaa mąą pələ mɛ̨n ŋą́ą́ ɲɔw. Yai-Laa ə́ kɛ mɛ̨nįɠaa kɛ yiihu. Yɛ bələi wɔlɔ ə́ kɛi gɛ la. Ə́ kɛ mɛ̨nį kɔlɔŋąą lɛ a kwɛlan gəlee. Ə mą kɛ kwaa ə́ liiholi mɛ̨nį kɛ, ə́ wɔ ɲɛ̨i mąą wɛli kaa lɛ kuɔ.

Maafîu 1:23

Ə mo yɛ: «Nɛ̨ɛ̨gbəla ta yii hvo hulɔnu mɛ̨nį hu kɔ́lɔn, gaa pai koo həɠəi, ə lon ɉulɔnu hɔlɔɓo, di naa hee a Ɛmanuɛlə (mukulaa ɓaa: Yálá kaa gu pɔ).»

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Gɛlaɠaa 18:10

gáá ə́ pulu, nu ta hva pɛli ɲee pɛlɛi yɛ́, yɛ ə́ yagalanmo. Hvo gaai, nu kpulu kɛnɛ̨ɛ̨ kaa daa ŋɛ̨i hu a nwɔ́ɔ́.»

Korɛntə dɔlɔɔ 11:32

Kɛlaa, gu Ną́mu a gu kiti tee gu hutɔɔ mɛ̨nį ɓa, ə gɛ, kiti hvo pa kala guɔ gwa yɛnɛ̨ɛ̨ nuą.

Timote veelɛ 4:17

Gu Ną́mu nwɛi, ə tɔɔ búlú, ə hvaŋą tɛɛ bɔ́, ə gɛ, ɲą́ą́ bɔ́ pələ, nwɛlɛɛ woo laa ə həli, huwu takpɛliɠaa di mɛ̨n. Ɛlɛɛ, ŋį́ kulɔ yala hvulúmąą la.

Zasua 1:5

Ə́ yíi hvóló kəlee hu, nui lɔpee ta hvo pai tɔɔi ə́ la. Bələi lɔ tii ŋį́ kɛ la Moisə pɔ, bələ lɔ ɓə gáá kɛi la ə́ pɔ. Vá gíli kulɔ ə́ hu, vá ə́ lɛɛ laa.

Zasua 1:9

Kɛlaa ŋą́ą́ mą́ą́ pamą la yɛ́-ee! Ə́ liikpələ, ə́ ə́ huwalawala, 'ə́ mąą hvo kpɛlin, 'hvó ɲɔw; mąąhɔlɔɓo Yai-Laa ə́ wɔ Yálá kaa pai kɛi ə́ pɔ ɓɛi lɔpee yá li laa.»

M̀ɛni-lɛɛi 3:19

Nwɛ́i, nui nwɛli kaa mą́ą́, ya ɓə ŋą́ ɉɔn doo mą, gɛ́ ɉutɔɔ. 'Tɔɔ kani a ə́ nwąnąi, ə́ ə́ tuwɔ pələ mąąhvalin!