Ɉeremi 36:29 - Yálá laawoo hɛɓɛ (dc)

²⁹ Yili pulu, yɛ́ Ɉuda tɔɔmun Yoyakimə ɓa: Yai-Laa woo ka: Ə́ ɉɛɓɛ́ yilii tii kələn, yɛ́ kɛ mą́ą́ lə ɓə kɛ yai ə́ bɛ̨ɛ̨ ɉu, yɛ́ kɛ diɛ: ‹Yai-Laa yɛ; Babilonə tɔɔmun gaa pai nɔi woloi, hva ɉəɠə mą, ɛlɛɛ yɛ nuą da taatɛlɛɛɠaa di kpɛɛ ɉu.›

Yálá laawoo hɛɓɛ

²⁹ Yili pulu, yɛ́ Ɉuda tɔɔmun Yoyakimə ɓa: Yai-Laa woo ka: Ə́ ɉɛɓɛ́ yilii tii kələn, yɛ́ kɛ mą́ą́ lə ɓə kɛ yai ə́ bɛ̨ɛ̨ ɉu, yɛ́ kɛ diɛ: ‹Yai-Laa yɛ; Babilonə tɔɔmun gaa pai nɔi woloi, hva ɉəɠə mą, ɛlɛɛ yɛ nuą da taatɛlɛɛɠaa di kpɛɛ ɉu.›

Bible

²⁹ Yâwɛɛ è mò ḿâ a gɛɛ ŋá mó gâloŋ ma ńyɛ̃ɛi, “Yaâ gɔlɔi kéreŋ, ǹyaŋ í mò Zɛlemaya ma lé mɛni ƃé í gɔlɔi pɔ̃yɛ la yɛ̂ɛ Babelɔŋ kaloŋ a pâi la é ǹɔii ŋí su-kara, é zu-ƃela da daa-tulɛ-ŋai kélee páa.

Ɉeremi 36:29 ပူးပေါင်းရင်းမြစ်များ

Zôo 15:24

Ɓɛlɛkpɛɛ mąą da liikələn gwəi ɓə pai mąą ɲɔwi, yɛ tɔɔmun a kɛi nu too gaho ŋa.»

Zôo 15:25

Mąąhɔlɔɓo, aa ɲee muhəɠə Yálá ɓa. Yɛ tɔɔ Huwalawala Kəlee Nąmu la.

Zôo 40:8

Hvo gɔlɔn yɛ́ kiti tee mun mąą ɲą́ą́? Ə́ kaa bɔ ə́ tɛ̨ą tɛɛ ə́ kpɔwɔ pɔ, ə́ gɛ́ a hɔn mąąmun?

Azaya 29:21

Diɛ ɓaa nuąi da di ɓɛlaa kiti tee lɔ a di woo, nuąi da hɛlɛn dɛ di ɓɛlaa tɔwɔ kiti hu, nui hɔn və mą, diɛ doo kpinį hu.

Azaya 30:10

Nuąi ŋį́ mɛ̨nį lɛ diɛ, da kɛ kɛi diɛ: «Ka hvo kɛɛ kaa.» Nuąi ŋį́ mɛ̨nį ɓo diɛ, diɛ yiliɠaai diɛ: «Ka hvo tɛ̨ą mɛ̨nį ɓo kuɔ. Mɛ̨nįɠaai lɔ ku kaa bɔ, ka yiliɠaai ɓo lɔ kuɔ, ka kpɛli kpɛli mɛ̨nįɠaa hu kulɔ lɔ kuɔ.

Azaya 45:9

Kpalo ɓaa nu da bɛlimun diɛ dɔɔnwuɔ̨ kɔ́, ləɠi a pɛli mɔ̨ɔ̨ tɔɔi da ləɠi tɔɔmun diɛ woo hukulɔ kɛ? Ɛlɛɛ, yá hɛn da pɛli, mąą hɛn a pɛli kɛi diɛ: «Nui ɲɛ̨i ɲee hvo mą?»

Ɉeremi 21:10

Yai-Laa yɛ diɛ: A tɛ̨ą, gáá pɛlɛi daa ŋɛ̨i ɓa, gɛ́ mɛ̨nį nwąnąą laa mą, və́ nɛlɛɛ laai mą. Gáá dooi Babilonə tɔɔmun yee ŋą, ə gələn.»

Ɉeremi 25:13

Mɛ̨nįɠaa ŋɛ̨i gáá moi yɛ́, yɛ hvilɛn na nɔi ŋɛ̨i ɓa, yii kpɔ bɛ̨ɛ̨i hɛɓɛ hu, gáá gəlee kɛi yɛ bələi ŋą́ mo la. Mɛ̨nįɠaa kpɔ Ɉeremi ə di lɛɛ tɔwɔ yɛ mo, yɛ hvilɛn na nɔiɠaa tii diɛ, ŋį́ gəlee kɛ.

Ɉeremi 25:9

gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Ɉeremi 26:9

Ə́ liikpələi pələ kaa ləi, yɛ mɛ̨nį lɛɛ kwɛa la, yɛ mo a Yai-Laa laa, yɛ kɛ diɛ, bɛlɛ́i ŋɛ̨i kaa pai kɛi yɛ Silo, ɛlɛɛ, di kaa pai daa kalai di ɉu nuą kulɔ ɉu?» Nuą kəlee di tinɛ̨n Ɉeremi ɓa Yai-Laa hee pɛlɛ́ mu.

Ɉeremi 28:8

Yálá kwəi mɛ̨nį hukulɔ nuąi di wɔ kólói kɛ, ɲą́ą́ gwa yɛ́ gu tɔwɔ, ə həɠə wɔlɔ-wɔlɔ ɓa, di mɛ̨nįɠaa ɓo yɛ hvilɛn lɔi tamąą da tɔɔlaa tamąą diɛ, di di lɛɛ kwɛa la, diɛ mo; kɔ́ mɛ̨nįɠaa, mąąwɛli mɛ̨nį, lɔi wolo ɲɔ̨n, mąą mɛ̨nį.

Ɉeremi 32:3

Ɉuda tɔɔmun Sedesiasə ɓə nɔ laa. Yɛ kɛ Ɉeremi ɓa: «Lə mɛ̨nį ɓa, ə́ kaa kɛi diɛ: ‹Yai-Laa lawoo ka ŋɛ̨i gáá moi kaa, yɛ diɛ: Ɲą́ą́ Yai-Laa, gáá pai daa ŋɛ̨i lɛɛi Babilonə tɔɔmun ɲee kɔ́nma; Babilonə tɔɔmun kaa pai ɉon ɉii a kɔ́.

Ɉeremi 33:12

Yai-Laa Mɛ̨nį Kəlee ŋą Hééɓomun nwoo ka, yɛ diɛ: «Ɉuda taaɠaa kəlee hu, da gɛɛnąąi ŋɛ̨i a lɔi pun, nu hvo laa, taatɛlɛɛ hvo laa; taatɛlɛɛ kwənąŋaa kaa nwɔ̨nɔ̨ kɛi laa. Daatɛlɛɛ mɛ̨i kaa nuą diɛ di wɔ ɓɛlaaɠaai pɛlɛ laa.

Ɉeremi 36:23

Yehudi a kpɛɛ lɔ kɛ a ɉɛɓɛ́ ɲɛli haaɓa a wala kɛ ti nąąn ną ɓoɔ, tɔɔmun ə yili nąą tee mą a ɓɔwa lon, ɛlɛɛ, ə bili nwɔ̨n ŋą; ə lɛɛ ɉu ə ɉɛɓɛ́ yili kəlee kələn ə gbɛɛ.

Gɛlaɠaa 5:28

yɛ diɛ: «Kɛlɛi ku hiɛ tɔn dɔɔ káá, kuɔ ka hvo kalan gɛ naai ti hu-ee? Akɛti, lə ɓə yai káámun káá Ɉerusalɛmə laahvɛɛ a ka wɔ kalan nwooi, ɛlɛɛ, káá ka wɔ nui ti haa wulu lɛɛ ku nwuɔ̨.»

Gɛlaɠaa 5:39

Kɛlaa, akɛ ə həɠə Yálá pɔ, ka hva pɛli ɉu taɠai. Ka gɛ a nɛlɛɛ, ka hvo pa kɔ́ pɛlɛ Yálá ɓa.» Diɛn hvaa nwoo ɓa.

Korɛntə dɔlɔɔ 10:22

Akɛti, gu kaa bɔ gu Ną́mu nwɔ toloi muhəɠə? Gaa ká kwəi gu hvaŋą kɛnɛ̨i gu tɛɛ mą?

Dutɛrɔnome 29:19

Nui taaləi tii, Yai-Laa hva mąą hvaalɛɛ. Yai-Laa nwɔ liiholi da nwɔ tolo kaa pai ɓɛlai mąą nu mɛ̨i, mɛ̨nį nwąnąąɠaa kpɔ di pɛ̨ɛ̨i ɉɛɓɛ́i ŋɛ̨i hu, di kaa pai pui mɛ̨i; ɛlɛɛ, Yai-Laa yɛ mąą nu laa kpɛɛ yələkɔlɔn mu.