Ɉeremi 35:6 - Yálá laawoo hɛɓɛ (dc)

⁶ Diɛ mą́ą́: «Ku hva lɔɔ kpələ, ku kalaɓɔlɔ Yonadavə, Rekavə lon ə tɔ́n naa ku mɛ̨i, yɛ kuɔ, 'ká hvo lɔɔ kpələ a yələ lɔpee ta, kaa mąn, ə mą kɛ, ka lonnii mąn.

Yálá laawoo hɛɓɛ

⁶ Diɛ mą́ą́: «Ku hva lɔɔ kpələ, ku kalaɓɔlɔ Yonadavə, Rekavə lon ə tɔ́n naa ku mɛ̨i, yɛ kuɔ, 'ká hvo lɔɔ kpələ a yələ lɔpee ta, kaa mąn, ə mą kɛ, ka lonnii mąn.

Bible

⁶ Kɛ́lɛ, dí ŋ́oo su tòo dîyɛɛi, “Kúfa ŋwã̂ai kpèle. Kúnâŋ pɔlɔi Zonada nyíi kɛ̀ a Leka ǹóŋ è mò kûa a gɛɛ kwa kúsuui su-ƃelai da kúfe wɔ́lɔ ŋwã̂ai kpèle.

Ɉeremi 35:6 ပူးပေါင်းရင်းမြစ်များ

Zɛnɛse 25:27

Nɛa pɛlɛɛi tii di kpɛa kpɛa, Esau ə kɛ a huwɔ kpɛmun ɲɛlɛɛ, yii kɛi gilɛ həɠə lɔwɔ pɔ. Ɉakɔbə ə kɛ a nu ɲąą laa, nwɛi ə kɛ lɔ bɛlɛ́ laaləi.

Zɛnɛse 36:7

Mąąhɔlɔɓo, ɉɛn gɔw kɛ di nu hveelɛi di yəi, gɛnɛ̨i kɛ, di hva pɛli kɛ heei di kee kwɛlɛ. Nɔi tii di kɛ ɉu, di wɔ taatɛlɛɛɠaai di hva pɛli kɛ di kɔ̨nɔ̨n ɉɔlɔɓoi laa.

Tɔɔɓɛlaa veelɛ 10:15

Ɉəɠɛɛ laa, da Rekavə lon Yonadavə di kwiɛn. Ɉehu ə nwoo pili mą, ɛlɛɛ, yɛ mą: «Ə́ kwəi kwɛlɛɛi mą́ą́, yɛ bələi gwə́i kwɛlɛɛi la yɛ́i?» Yonadavə yɛ mą: «Ee!» Ɉehu yɛ mą: «Akɛ gaa tii, gu gu kee túwɔ́ ɓo.» Da Yonadavə di di yee lɔ di kee yəi, Ɉehu ə Yonadavə tɛ ə ɉee gwɛlɛ nwotolo hu.

Tɔɔɓɛlaa veelɛ 10:23

Ɉehu da Rekavə lon Yonadavə di pa Baalə hee pɛlɛ́ mu; yɛ Baalə mąąwiɛ nuą diɛ: «Ka ka ɲɛ̨i laa ka lɔwai, akɛ Yai-Laa nwɔ tímun da hvo ɓɛ ka lɔwai, akɛ Baalə mąąwiɛ nuą təlee lɔ ɓə ɓɛi!»

Kɔlɔnikɔ Maa-ŋuŋ 16:19

Da pɛli kɛ ka lonoi, ka kɛ lɔ yɛ toonwunma nuą, ka hvo kɛ tamą li nɔi.

Kɔlɔnikɔ Maa-ŋuŋ 2:55

ɛlɛɛ, da ɉɛɓɛ́ kɛ nuąi kɛ heeni Yaebɛsə, diɛ ɓaa Tirea nuą, Simeatə nuą, Suka nuą. Keni nwɔ pɛlɛ́i ka tii, diɛi kulɔ Hamatə huwu hu, Rekavə nwɔ pɛlɛ́i nąn.

Mąątɛ̨nɛ̨ 105:12

Di kpulu hvo kɛ kɛnɛ̨ li, di ɓo a nwɛ̨ąą nɔi.

Lɛɛ gbɔwɔ ɓa 20:12

«'Ə́ lee da ə́ nąn di mąąwiɛ; ya ɓə a gɛ, nɔi ŋɛ̨i Yai-Laa ə́ wɔ Yálá ə dɛɛ ə́ pɔ, ə́ yíi ə kwɛa ɉu.

Ɉeremi 35:10

Kwa ku wɔ yɛnɛ̨ɛ̨ kɛ həɠə-pɛlɛ́ɠaa mu, mɛ̨nįi ku kalaɓɔlɔ Yonadavə ə ku tí la, kwa kɛ gɛi yɛlɛ tɛ-tɛ.

Ɉeremi 35:14

Nɔɔ tɔ́n Rekavə lon Yonadavə ə dɔɔ nonnii diɛ, di ɉon, di hvo ta mąą kala li, di hvo ta lɔɔ kpələ li, aa lɛɛ ɉu háákələi aa həli; daa lɛɛ di kalaɓɔlɔ woo ɲą. Kɛlaa nwɛ́i, ŋą́ pələ ɓo káá, vįi hvo ta kpɛɛ li; kɛlaa, ka hva mɛ̨n. Ŋą́ túwɔ́ pələ ɓoi kaa, ka hva mɛ̨n.

Levetekɔ 10:9

«Yɛ́ ka ə́ lonnii, ɓɛlɔwai ka kɛi li la gee kaa kələ mu, ka hvo lɔɔ kpələ, da kpələ hɛn a nu hon, ə gɛ ka hvo pa haa, ka mąą tɔ́n ni, a yələ kəlee ka ka huwuhu nuą, yili hva ɉəɠə mą.

Lukə 1:15

Mąąhɔlɔɓo, gaa pai kɛi a nu kɛnɛ̨ Yálá ɲɛ̨i ɓa. Dɛa ɓa pai kɛi a lɔɔ da kpələ hɛnŋąa lɔpee nwəleen gaa ɉu. Yɛ nu nwun ɉu tinɛ̨n, mąąhɔlɔɓo, Kili-Mąąhəɠɛɛ kaa pai kɛi ɲəi ə həɠə gaa yələ ɓa ə lɛɛ la ɉu ɉaa yələ.

Piɛrə dɔlɔɔ 2:11

Nwɛ́likɛmąą nuą, gáá ká hvaŋąlɔ, káái yɛ tɛɛ nuą da nwɛ̨ąą, 'ka hvo ká ɲɛ̨i kulɔ yɛnɛ̨ɛ̨ hɛn da pɔ, yai a kɔ́ pɛlɛ nu nįį ɓa.

Nwun mąąɓo 13:14

Hvo viɲə má ta mįi, hvo lɔɔ kpələ, da kpələ hɛn lɔpee a nu nwun ɉutínɛ̨n; kɔ̨nɔ̨n ɲiiɠaai Yálá ə tɔ́n dɔɔ mą, hvo da mįi. Mɛ̨nįɠaai ŋą́ mo mą, ə gili lɛɛ gəlee hu, ə ɉon.»

Nwun mąąɓo 13:7

Ə kɛ lɔ mą́ą́: ‹Ə́ kaa pai koo həɠəi, ə́ lon ɉulɔnu hɔlɔɓo, ə həɠə yiihu ɓa, hvo lɔɔ kpələ, kpələ hɛn ɉuwui lɔpee a nu nwun ɉu tínɛ̨n, hvo da kpələ. Kɔ̨nɔ̨n yii Yálá ə tɔ́n dɔɔ mą, hvo da mįi; mąąhɔlɔɓo, nokoloi tii kaa pai kɛi a nui naakwɛlanmoɔ Yálá ɓa, ə gɔwɔ tɔɔ nee kwəi, ə lɛɛ la ɉu, ɉaa yələ.›»