Ɉeremi 35:15 - Yálá laawoo hɛɓɛ (dc)

¹⁵ Yələ kəlee, gwə́i mɛ̨nį hukulɔ nuą ŋɛ̨i a nwɔ́ tínuą, ŋą́ kɛi di tɔɔ ka pɔɔli, diɛ kɛ káá: ‹Nu kəlee ə ɲee kulɔ túwɔ́ pələ ɲɔ̨n ɉu, 'ká túwɔ́ a nɛlɛɛ, 'ká hvo hvilɛn haliɠaa pulu, kaa di mąąwiɛ. Ka yili kɛ tii, nɔi ŋɛ̨i ŋą́ dɛɛ ka ká nąnni ka pɔ, ka lɛɛ heeni ɉu, ka nwɛli kulɔ.› Kɛlaa, ka hvo ka wəli tɔɔ li, ka hvo nwóó mɛ̨n.

Yálá laawoo hɛɓɛ

¹⁵ Yələ kəlee, gwə́i mɛ̨nį hukulɔ nuą ŋɛ̨i a nwɔ́ tínuą, ŋą́ kɛi di tɔɔ ka pɔɔli, diɛ kɛ káá: ‹Nu kəlee ə ɲee kulɔ túwɔ́ pələ ɲɔ̨n ɉu, 'ká túwɔ́ a nɛlɛɛ, 'ká hvo hvilɛn haliɠaa pulu, kaa di mąąwiɛ. Ka yili kɛ tii, nɔi ŋɛ̨i ŋą́ dɛɛ ka ká nąnni ka pɔ, ka lɛɛ heeni ɉu, ka nwɛli kulɔ.› Kɛlaa, ka hvo ka wəli tɔɔ li, ka hvo nwóó mɛ̨n.

Bible

¹⁵ Ŋ́gaa nɔ́ wɔ́lɔ ŋátii kɛ́-ƃelai tɛɛ̂i ká pɔ́ naa da ŋálono kɛ́-ƃelai dí kɛ̀ mò kâa a gɛɛ kákpera káŋwana lɔ̂ɔ tuai ma ká mɛni lɛ́lɛɛ kɛ́. Dí ká lia-woo ƃò a gɛɛ káfe ɣâla da kpɛ́ni-ŋa fɛ̀li kpaa máŋ kátíi kɛ́ dîɛ, a gɛɛ kákɛ ǹɔii su nyíi ŋá dɛ̀ɛ kápɔ da kánâŋ pɔlɔ-ŋai. Kɛ́lɛ, káfe káwoli tɔ̀ɔ ní ḿâ a dɔnɔ kpîŋ.

Ɉeremi 35:15 ပူးပေါင်းရင်းမြစ်များ

Lɛɛ gbɔwɔ ɓa 20:3

«Yálá takpɛli hvo kɛ ka yəi, ə kulɔ Ɲą́ą́ búlú.

Ɉeremi 11:8

Kɛlaa, di hvo gɛ, di hvo di wəli tɔɔ! Di hvo di wəli tɛɛ bɔ́! Nu kəlee ə kanąn gwəi kili ɲɔ̨nwɔ̨ɔ̨ ɓa, di kpowola wala-walaa; ŋį́ di tí a mįnɛ̨i ŋɛ̨i hu woo hon mɛ̨nį, di hvo gɛ li, yili ɓə gɛ, gɛ́ mįnɛ̨i ŋɛ̨i hu wooɠaa pɔ mɛ̨nį nwąnąą laa diɛ.

Ɉeremi 13:10

Yaan, di kaa a nu huwu ɲɔ̨nwɔ̨ɔ̨, di hvo gɛi di hvo di wəli tɔɔ nwóó ɓa. Di kanąn ŋąą lɔ di wɔ wəlii kpɔlɔi ɓa. Diɛ li diɛ kwɛli hvilɛn haliɠaa diɛ; diɛ di mąąwiɛ, diɛ pɛlɛ di lííla. Di kaa pai kɛi yɛ bələi tii ɉąą yili kɔ́lɔi tii kaa la; tɔ̨nɔ̨ lɔpee hva kɛ mą.

Ɉeremi 18:11

'Li kɛa yiihu, yɛ́ Ɉuda da Ɉerusalɛmə nuą diɛ: «Yai-Laa yɛ: ‹Gáá mɛ̨nį ɲąąnwąnąą pɛlii, gɛ́ pa naai kaa, ŋą́ą́ kili tee gwə́i. Nu kəlee ə bulu tinɛ̨n nwɔ túwɔ́ pələ ɲɔ̨n ma.›»

Ɉeremi 22:4

Ka túwɔ tii, dɔɔɓɛlaa pai heei Davidə nwɔ tɔɔkpəlin hu, di kaa pai kɛi tɛɛi bɛlɛ́i ŋɛ̨i laaləi, di ɓo wotoloɠaa hu, da hooɠaa mɛ̨i. Yaa nwɔ tínuą da nwɔ lɔi hu nuą.

Ɉeremi 23:22

Ə li kɛ di pa nwɔ́ nwun dɔɔi hu, də li kɛ gwə́i woo ɓoi nuą diɛ, diɛ yiliɠaa yee kulɔ di yii pələ ɲɔ̨nwɔ̨ɔ̨ hu, da di wɔ túwɔ́ pələi ɲɔ̨nŋąą.»

Ɉeremi 25:4

Yai-Laa aa lɛɛ nwɔ tínuą, diɛi a gwəi mɛ̨nį hukulɔ nuą tɔɔi ka pɔ, vįi hvo ta kpɛɛ li, kɛlaa, ka hvo ta ka wəli tɔɔ li di mą, ka hvo Yai-Laa woo mɛ̨n.

Ɉeremi 26:13

Yii hu kɛa, ka ka yíi pələ mąąhvalin a nɛlɛɛ, da ka túwɔ́ pələ, ka ka wəli tɔɔ Yai-Laa ka wɔ Yálái woo ɓa. Akɛti, mɛ̨nį ɲąnwąnąąi Yai-Laa ə gili tee gwəi, yɛ kɛ ə naa kaai, gaa pai ɉəɠəi mą.

Ɉeremi 26:5

ká wala ká wəli tɔɔ nwɔ́ tínuą, da gwə́i mɛ̨nį hukulɔ nuą woo ɓa, diɛi ŋą́ kɛ di tɔɔ ká pɔɔli a yələ kəlee, ɛlɛɛ, yaan, ka hva kpɔ kɛ ka wəli tɔɔi diɛ.

Ɉeremi 29:19

Mąąhɔlɔɓo, di hvo di wəli tɔɔ li nwóó ɓa. Ɲą́ą́ Yai-Laa nwóó li! Ya pa, ŋą́ kɛi nwɔ́ tínuą tɔɔ di pɔ, diɛ gwə́i mɛ̨nį hukulɔ diɛ, vįi hvo kpɛɛ li; kɛlaa di kɛɛ mɔ̨ɔ̨ ŋɛ̨i, di hva mɛ̨nį mɛ̨n. Ɲą́ą́ Yai-Laa nwóó li!

Ɉeremi 3:14

Yai-Laa woo ka, yɛ diɛ: Ka pənə ka pa bɔ́, ká kulɔ nwoo mu lɛapɛlɛɛ ŋɛ̨i; mąąhɔlɔɓo, ka nwun nąmu ɓaa ɲą́ą́. Gáá pai nu tɔ̨nɔ̨ həɠəi taa tɔ̨nɔ̨ hu, nu hvelɛ lɔi tɔ̨nɔ̨ hu, gɛ́ li a kaa Siɔn daai.

Ɉeremi 32:33

Daa di pulu tɔɔ mą́ą́, di hva di ɲɛ̨i hee mą́ą́, bələi mąn váŋą lɔɔ la di mąą kwɛlii, di hva di wəli tɔɔ nwóó ɓa. Di hva di yee hee di mąą kwɛli woo mu.

Ɉeremi 34:14

‹Kwɛlan mɛ̨ihveelɛ tɛɛ pulu, ka kaayɔwɔɠaai a Hebreu, yai aa kɛ gbɔwɔ tɔlaa hee kaa; nu kəlee a mąą nu lɛɛ gbɔwɔ ɓa. A lɛɛ ka yəi tɔlaa laa hu, kwɛlan mɛ̨ida yeemu, yili pulu, ka nɛɛlaa.› Kɛlaa, ka nąnnii di hvo di wəli tɔɔ, di hvo nwoo mɛ̨n.

Ɉeremi 36:3

Gbəli hu, Ɉuda nuą di kaa pai di wəli tɔɔi, mɔ̨nɔ̨ɠaai gɛ́ ŋį́ naa diɛ mąą mɛ̨nį ɓa, di tɛitɛi di di pulu tɔɔ di túwɔ́ pələ ɲɔ̨n diɛ; gɛ́ di kɛ nɛ̨ŋɛ̨nŋąą, da di wɔ huwu la mɛ̨nįɠaa mąą hvaalɛɛ.»

Ɉeremi 4:1

Yai-Laa yɛ di: Israɛlə! Ya kɛ bɔ ə́ yali ə́ pului, ɲą́ą́ ɓə mąąnɛ̨ɛ̨ ə́ pa bɔ́. Akɛ, yá ə́ wɔ haliɠaai tii pili ɲɛ̨́i hvo kɛa tɔɔ mą́ą́, hvo kɛa pai həɠəi nííla a nwumɛ̨, yɛ́ ə́ loo mą́ą́.

Ɉeremi 4:14

Ɉerusalɛmə taa! Akɛ ə́ kaa bɔ ə́ nwun ə kulɔ ɉui, ə́ lii hu mąąhəɠə, ə́ mɛ̨nį ɲɔ̨n gulɔ laa! Akɛ tii, kiliŋąhiɛ ɲɔ̨nŋaa tii di kaa pai lɛɛ heeni ə́ lii hu hąą mįnɛ̨ lɔwai?

Lukə 10:16

Jesus ə mo nwɔ̨nɔ̨ nwɔ kalan nɛai diɛ, yɛ diɛ: «Akɛ nu ta a nwəli tɔɔ kaa, a kɛ tii, aa nwəli tɔɔ mą́ą́. Nui a lənə kaai, a kɛ tii, aa lənə mą́ą́. Yaan, nui a lənə mą́ą́, a kɛ tii, aa lənə nui dɛ́ɛ́ ma.»

Gɛlaɠaa 26:20

Kɛlaa yaamun, ŋį́ gbɛa tɔlɔɔ Damasə nuą diɛ, yili pulu, Ɉerusalɛmə daai, da Ɉude lɔi hu nuą, ə mą kɛ, lɔi takpɛliɠaa hu nuą. Gɛ́ kɛ diɛ: 'Hvo kɛli da di hɔn mąą pənə, di di ɲɛ̨i tínɛ̨n Yálá pɔ pələ, da di kili mąą hvalin, diɛ túwɔ́ a nąą mąą hon bələ.

Dutɛrɔnome 30:20

Ka Yai-Laa ka wɔ Yálái wɛli la kɛ, ka ka wəli tɔɔ nwoo ɓa, ɛlɛɛ, ka kanąn mą. Mąąhɔlɔɓo, nɔi ka Yai-Laa ə gwɛla yɛ kɛ gaa dɛɛi ka kalaɓɔlɔni pɔ: Abrahamə, Isaakə da Ɉakɔbə; bələ ɓə ka yíi nɛ̨ɛ̨ hɔlɔɓo la nɔi tii hu.»

Dutɛrɔnome 6:14

Ka hvo hvilɛn haliɠaa pulu, ə mą kɛ ka kwɛlɛ lɔiɠaa ŋɛ̨i di wɔ hali ta lɔpee;

Tɛsalonikə dɔlɔɔ 4:8

Yili ɓa, nui a ɲee kulɔ niɛwoo ŋɛ̨i mui, hvo ɲee kulɔ li nu ta mu, Yálá ɓə aa ɲee kulɔ mu, yai ŋą Kili-Mąąhəɠɛɛ tɛɛ ká pɔi.