Ɉeremi 33:24 - Yálá laawoo hɛɓɛ (dc)

²⁴ «Gaa nuąi ŋɛ̨i kwəi diɛ kɛ, bɛlɛ hveelɛi ŋɛ̨i Yai-Laa ə ɉɛɠɛ ɉu, aa ɲee kulɔ di mu; yili ɓə gɛi diɛ nwɔ́ nu huwui hviiɓa, hvo kɛa a lɔi ɲąą mąą di ɲɛ̨i ɓa.

Yálá laawoo hɛɓɛ

²⁴ «Gaa nuąi ŋɛ̨i kwəi diɛ kɛ, bɛlɛ hveelɛi ŋɛ̨i Yai-Laa ə ɉɛɠɛ ɉu, aa ɲee kulɔ di mu; yili ɓə gɛi diɛ nwɔ́ nu huwui hviiɓa, hvo kɛa a lɔi ɲąą mąą di ɲɛ̨i ɓa.

Bible

²⁴ “Yaâ gɔ́lɔŋ a gɛɛ nûa da môi dîɛ ŋà ńyee kúla Eezuɛ nuu suu feerɛi mu nyii ŋá dí sìɣe zui? M̀ɛni ma da dípôlu tɔɔ ŋánûai dîa, dífa ŋɔ́nɔ díkàa a lɔii-ŋuŋ.

Ɉeremi 33:24 ပူးပေါင်းရင်းမြစ်များ

Mąątɛ̨nɛ̨ 71:11

Diɛ kɛ diɛ: «Yálá aa gili kulɔ ɉu, 'ka ɉon, nu hvo mą hvo mąąkɔ̨nwɔ̨!»

Mąątɛ̨nɛ̨ 83:4

Di kaa nɔgilii kɛi a ə́ wɔ nu kanŋaai, diɛ ɲaɓa nwun dɔɔ kɛ ə́ wɔ hɛn gɔwi ɓa.

Mąątɛ̨nɛ̨ 83:5

Diɛ kɛ diɛ: «'Ka pa ka gu di huwu pu, gu di kpɛɛ lɔi mɛ̨i, di hvo kɛa Israɛlə laa mɛ̨n yɛnɛ̨ɛ̨ ɓɛ.»

Mąątɛ̨nɛ̨ 94:14

Mąąhɔlɔɓo, Yai-Laa hva gili kulɔ nwɔ nu huwui hu, hva lɛ̨ą gwɛlin ma tanɔ̨n gbɛli.

Azaya 11:13

Ɛfraimə nwɔ toloi kɔ́lɔ a haa mą, Ɛfraimə hva kɛa tolo kulɔ a Ɉuda, Ɉuda ɲowo mɛ̨nį hva kɛa ɓo, Ɉuda hva kɛa yowolaa hee Ɛfraimə ɓa.

Azaya 7:17

Kɛlaa, yɛ́ ka ə́ nąn nonnii, da ká ə́ wɔ lɔi hu nuą ka wɛi, Yai-Laa kaa pai hvólóɠaa hɔɔi ka mɛ̨i, yii ɉuwu ta hvo ta muhəɠə li tii, ə həɠə ɲələi Ɛfraimə lɔi da Ɉuda lɔi di di ɓɛlaɓo la. Asiri tɔɔmun.»

Ɉeremi 3:7

Ŋą́ kɛi kɛ diɛ: a kpɛɛ a mɛ̨nįɠaa tii kəlee kɛɛ, gaa pai pənəi ə pa bɔ́, kɛlaa, hvo gɛ li hvo pa bɔ́; Ɉuda nuą ŋɛ̨i di woo lɛɛ, di ɲɛ̨i heɛ laa diɛ nąą kaa.

Ɉeremi 3:8

Ɉuda ɲɛ̨i heɛ kɛ mą́ą́, Israɛlə ŋɛ̨i aa nwóó lɛɛ, gɛ́, kuɔ hilɛtaai taɠa towələ tɛɛ bɔ, gɛ gbɛ, yɛ nąą kaa. Ɉuda yii gaa a gaayɔwɔ, yai hvo nwoo pulu, yili hvo mąą kpɛlin. Yaa kpɛli mąn, ə li ə ɲee too wɛli hon ŋąą hu.

Ɉeremi 30:17

Ə́ wɛi ŋą́ą́ gɔwɔ tɔɔ gɛ́ kɔ́lɔi pɔ̨nɔ̨ tɛɛ ə́ pɔ, gɛ́ ə́ wɔ palaɠaai hali kɛ. Hvo gaai, di kaa kɛa kɛi yɛ́: «Daa gulɔ lɔwɛi», Siɔn ka tii nu ta ɲɛ̨i hvo kulɔi bɔ. Yai-Laa woo li.

Ɉeremi 31:36

«Akɛ bələi yɛnɛ̨ɛ̨ mɛ̨nįɠaa hee kpəlin na kɛɛ la, ŋį́ wala pɛli mɛ̨i kaai! Ɲą́ą́ Yai-Laa nwóó li! Akɛtii, Israɛlə huwuhu nuą diɛ kpɛli, di hva kɛa lɛɛ a lɔi yələkɔlɔn mu ɲą́ą́ ɲɛ̨́i ɓa.»

Ɉeremi 31:37

Yai-Laa woo ka, yɛ diɛ: «Akɛ nu a pɛli yələkɔlɔn goloon gɔɔn ɉii, akɛ nu a pɛli lɔi kpon ɉukwɛa pələ kɔ́ɔn ɉii, akɛtii, ɲą́ą́ gbɛli, ŋį́ pɛli gíli kulɔi Israɛlə nuą hu, di túwɔ́ hɔn mąą mɛ̨nį ɓa. Ɲą́ą́ Yai-Laa nwóó li!»

Ɉeremi 33:23

Yai-Laa ə mɛ̨nį ɓo Ɉeremi ɓa, yɛ mą: Ə́ kaa nąą kaai!

Ɉeremi 33:26

Ŋą́ mɔ̨ɔ̨ pɛli ɲéé kulɔi Ɉakɔbə da nwɔ́ tí mun Davidə di huwu mu? Ŋą́ mɔ̨ɔ̨ pɛli kpɛlai nuą həɠəi di lɔwai, diɛ Abrahamə, Isaakə da Ɉakɔbə di huwu ɲąą woo ɓo? Vá gɛ́ tii! Ŋą́ pənə ŋį́ di pu di nįnɛ̨ kɔ́lɔi, mąąhɔlɔɓo, di mąąwɛli kaa mą́ą́. Ŋą́ą́ Yai-Laa nwóó li.»

Ɉeremi 51:5

Mąąhɔlɔɓo, nɛ̨ŋɛ̨n di ɉəɠə Israɛlə nwɔ Yálái Mąąhəɠɛɛ ɓa, gɛnɛ̨i nɔi, ya pa, Israɛlə da Ɉuda di wɔ Yálái hvo haa li di yəi, di hvo lɛɛ li a Mɛ̨nį Kəlee ŋą Hééɓomun Yai-Laa wɛli.

Woolaa 4:15

Daa kɛi di mąą lɛɠɛ nuą diɛ, nuą diɛ kɛ diɛ: «'Ká tɛ ka pulu! Nuą tii kɔ́hɔɓoɔi, 'ká hvo tunwɔ̨n diɛ.» Di mą kɛ pu, diɛ li ɓɛi di hvo nąą kɔ́lɔn, nąą nuą da kɛ diɛ: «Di hvo kɛ di kaa heei ɓɛ, ku wɔ nwɛ̨ąą hvaa diɛ.»

Izikiɛ 25:3

'Kɛ Amɔn lonnii diɛ; 'ka ka wəli tɔɔ Mɛ̨nį kəlee ŋą Hééɓomun Yálá woo ɓa; Mɛ̨nį kəlee ŋą Hééɓomun Yálá yɛ: Ə́ ə́ laa pu mą́ą́wiɛ lɔi hu, ɓɛlɔwai di mɛlɛ too la, a Israɛlə nwɔ lɔi di ɉu wolo, a Ɉuda nwɔ pɛlɛ́i, daa li a bələ tɔ̨nɔ̨ luwɔlaa hui.

Izikiɛ 26:2

Hulɔnu lon! Tirə ə mɛ̨nį ta ɓo a Ɉerusalɛmə laa, yɛ kɛ diɛ: «Hiiyoo, daa lɔiɠaa di wɔ kpon wolo!» Bílɛ yələ aa həli; daa nɛɛ a lɔi pun.

Izikiɛ 36:2

Mɛ̨nį kəlee ŋą Hééɓomun Yálá woo ka; yɛ: Ka yowoɠaa di kɛi kɛ diɛ: ‹Dɔwɔ tɔwɔ yeeɠaai ŋɛ̨i daa lɛɛ a ku wɔɔ.›

Izikiɛ 36:20

Də li a nwɔ́ nu huwui lɔiɠaa hu, ɛlɛɛ, di náá mąąhəɠɛɛ; kala laa. Mąąhɔlɔɓo, di kɛi mo a di laa, diɛ kɛ: ‹Yai-Laa nwɔ nu huwui ka, kɛlaa, di hvo di wɔ lɔi hu.›

Izikiɛ 37:11

Yálá yɛ mą́ą́: «Hulɔnu lon, nu kɔ́wɠaai tii, di kaa a Israɛlə nwɔ pɛlɛ́i kəlee. Mąąhɔlɔɓo, da kɛ kɛi diɛ: ‹Ku kɔ́wɠaa daa kpala, ku wɔ kilitɔɔi aa haa, ku lɛɛ li ɉu.›

Izikiɛ 37:22

Gáá pai di kɛi a lɔi tɔ̨nɔ̨ nɔi hu; Israɛlə yeeɠaa mɛ̨i, tɔɔmun dɔ̨nɔ̨ lɔ ɓə pai kɛi di kəlee di nwun na. Di hvo kɛa pai kɛi a lɔi hveelɛ, dɔɔlaa hvo kɛa pai kɛi a mɛlaɓoɔ ɉu hveelɛ.