Ɉeremi 31:40 - Yálá laawoo hɛɓɛ (dc)

⁴⁰ Nu powa boloon da nuwu pili ɓoloon gəlee, ə mą kɛ, Sedrɔn nɛ̨ŋɛ̨ hu, əlɛɛɉu ə həli ɉoo kpon ma, voló həɠəi pələ, gəlee a kɛ a lɔi mąąhəɠɛɛ, a Yai-Laa nwɔɔ, nu ta hva kɛa nąą kala, di hva nąą wolo, a kwɛlan nɔpee ta.»

Yálá laawoo hɛɓɛ

⁴⁰ Nu powa boloon da nuwu pili ɓoloon gəlee, ə mą kɛ, Sedrɔn nɛ̨ŋɛ̨ hu, əlɛɛɉu ə həli ɉoo kpon ma, voló həɠəi pələ, gəlee a kɛ a lɔi mąąhəɠɛɛ, a Yai-Laa nwɔɔ, nu ta hva kɛa nąą kala, di hva nąą wolo, a kwɛlan nɔpee ta.»

Bible

⁴⁰ É lí dìŋ-tiŋ su ƃɛ́i da zaai lôo naa dí kɛ́ galai pîli naai, é seri ǹɔii su nyíi gáa Kidɔŋ Yai kɔlɛi, é pîlaŋ Zoo-ŋai tɛɛ siɣãŋ laƃerei, é lí vóloi kulâi pere. Gwaai ŋí ma a pâi kɛ̂i a kwaa maa waa ḿaa mɛ̂ni ma. Daa-leei ŋí fé pâi wɔ́lɔ ŋɔ́nɔ pâi pûi a dɔnɔ kpîŋ.”

Ɉeremi 31:40 ပူးပေါင်းရင်းမြစ်များ

Samia Veerɛi 15:23

Nɔi nuą kəlee di kɛi wɔlɔ a di woo kɛnɛ̨. Nuą kəlee di tɛɛ. Tɔɔmun yaa kpįnįi ə Sedrɔn ya teen, ə lɛɛ, nɔ nuą kəlee di kɛi tɛɛ a bələi tii a laa a nɔi pun goo.

Tɔɔɓɛlaa veelɛ 11:16

Di ɉon di ɉaŋą la a gilɛ ɉoo kwɛnąn naaləi pələ, di həli la tɔɔmun ɲəi bɛlɛ́ laaləi, nąą ɓə di baa laa.

Tɔɔɓɛlaa veelɛ 23:12

Ɉaláá kulɔiɠaa ŋɛ̨i Ɉuda tɔɔɓɛlaa di bɛli Akazə nwɔ yələi pɛ́lɛ́i mɛ̨i, ə mą kɛ yii Manase ə dɔɔ Yai-Laa hee pɛlɛ́ hvaŋan mu, Ɉosiasə ə gələ taɠa, ə gələn, ə nuwu pili Sedrɔn ɓoloon ɉu.

Tɔɔɓɛlaa veelɛ 23:6

Nwului di dɔɔ Yai-Laa hee pɛlɛ́ mu Ɉerusalɛmə diɛ haláá kulɔ mą, ə gulɔ laa, ə gələn Sedrɔn ɓoloon ɉu, ə nuwu kələ ə bili dulun ŋą.

Kɔlɔnikɔ Veerɛi 23:15

Di Atali hon diɛ li la dɔɔ pɛlɛ́ laaləi pələ, yii lɔ di həli la ɉoo pɛlɛ laaləi, nąą ɓə di mąą mɛ̨nį ɲąąlɔ laa.

Nehemi 3:28

Ə həɠə ɉooɠaa di wɔ pɛlɛ laaləi ɓa ɲələi pələ, ɉaláá laa həli nuą kəlee di kɛi koló kɛ di wɔ pɛlɛ tənən ma.

Mąątɛ̨nɛ̨ 48:9

Mɛ̨nįi ku bələ mɛ̨n, kwaa gaa a ku ɲɛ̨i kɔ́w, Yai-Laa Mɛ̨nį Kəlee ŋą Hééɓomun nwɔ taai hu; ku wɔ Yálái nwɔ taai hu, Yálá a ɉee kpɔ tin-tin, a yələ kəlee.

Azaya 51:22

Mɛ̨nįi ə́ Nąmu, Yai-Laa ə́ wɔ Yálái kaa moi, yai a nwɔ nu kan mąąkɔ̨nwɔ̨, gaa moi ya ka: Gáá nwu ɉu tínɛ̨n nɔɔ gbama kulɔi ə́ yəi, hva kɛa nwɔ́ liiholi lɔɔi ta kpələ a yələ ta,

Ɉeremi 1:10

Ə́ kili ə kɛ ɉu, yɛ́ kɛ gáá heeɓo laa tɛɛi ə́ pɔ háákələi lɔiɠaa mɛ̨i, da tɔɔɓɛlaa mɛ̨i. Yɛ́ mɛ̨nįɠaa kulɔ a nwun, yɛ́ naa pɛlɛ, yɛ́ di hu kala, yɛ́ di ɓuwɔ. Yɛ́ da tɔɔ, yɛ́ da hi.»

Ɉeremi 18:7

Akɛ ŋą́ naa gwə́i a yələ ta, gɛ́ kɛ gáá tɔɔmun da nwɔ lɔi hu kalai, ŋą́ pɛli mą, ŋą́ bu, ŋą́ ɉu kala.

Ɉeremi 32:36

Yili ɓa, Yai-Laa Israɛlə nwɔ Yálái yɛ; yii gaa a daai ŋɛ̨i mąą mɛ̨nį, yaai ka kɛ kɛi la mą: ‹Gaa pai tooi Babilonə yee kɔ́n ma, a ɓɔwa kwɛaa, da pulu, da kwəi kulɔ ɲɔ̨n naa pɔɔ.›

Ɉeremi 8:2

Di kaa pai gəlee huhiɛi hvóló mu, di ɉuhiɛ ɲąnin voló ɓa, da yələkɔlɔn ɉu hɛnŋaa kəlee ɲɛ̨i ɓa. Ɉɛnŋaa tii ɓə di wɛli ə́ kɛ diɛ, diɛ di mąąwiɛ; diɛ kwɛli hvilɛn diɛ, diɛ di nwun dɔɔ a diɛ. Di kɔ́wɠaa da lɛɛ a ɉu taɠaa, di hva pənə di hvo di loo a nįnɛ̨. Da lɛɛ nɔi mɛ̨i yɛ tulun bɔlɔ.

Izikiɛ 37:2

Ə tɛɛ a ɲą́ą́ di lɔwai nąą kəlee, gu mɛ̨nį ɓo tɛ̨ą ɓa, di kpulu kɛnɛ̨ɛ kpɔ kɛ a mɔlɔɔ; ɛlɛɛ, di kpalaa kpɔ a nelee.

Izikiɛ 37:25

Nɔi ŋɛ̨i ŋą́ dɛɛ nwɔ́ tí mun Ɉakɔbə pɔ, ya ɓə di kaa pai heei ɉu; ɓɛi wɔlɔ ka kala ɓɔlɔni di kɛ laa hee ni. Di kaa pai kɛi laa heeni, diɛ, di lonnii, da yiliɠaai di wɔ lonnii. Da lɛɛ laa a yələ kəlee; ɛlɛɛ nwɔ́ tí mun Davidə ɓə pai kɛi a di ɲɛ̨itɔwɔ mun a yələ kəlee da nwɔɔ.

Izikiɛ 39:29

Vá kɛa ɲɛ̨́i loo diɛ, hvo gaai gáá pai mɛ̨nį kɔlɔn gili yɛɛi Israɛlə nwɔ pɛlɛ́i mɛ̨́i. Mɛ̨nį kəlee ŋą Hééɓomun Yálá woo li.»

Izikiɛ 48:35

Mąą tinɛ̨n ŋąą doɔ gee hu, yee tɔɔɉu waa pow kɔ́w mɛ̨ihaaɓa. Ə həɠə háákəlee ɓa, daa laa ɓaa kɛa: ‹Yai-Laa kaa ɓɛ.›»

Zakari 14:11

Nuą kaa pai heei laa, di hva kɛa nɛ̨ŋɛ̨nnaa kɛ, Ɉerusalɛmə kaa pai kɛi liilaa hu.

Zakari 14:20

Mąą yələi tii, di kaa pai bɛ̨ɛ̨i ɉoo kwaną talanənŋaa diɛ, diɛ kɛ mą: «Naakwəlan moɔi Yai-Laa ɓa.» Yai-Laa yəi bɛlɛ́n gwɛli ləɠiɠaa kaa pai kɛi yɛ, nuą mąąhəɠə gəgənŋaa ɉaláá kulɔi lííla.

Ɉaan 18:1

Jesus ə kpɛɛ lɔ a nwoo tii ɓoɔ, da nwɔ kalan nɛai də li Sedrɔn ya pulu pələ. Nɔw yɛa ta ə kɛ laa, də li ɉu.