Ɉeremi 31:32 - Yálá laawoo hɛɓɛ (dc)

³² Hvo pai kɛi yɛ mįnɛ̨i kwa di nąnni ku ɉəɠə, ɓɛlɔwai ŋą́ di hon na a di yee, gɛ́ di kulɔ Eziptə lɔi hu. Mįnɛ̨i tii, di ɉukala, kɛlaa, ɲą́ą́n, gáá lɔ a di Nąmu di nwun na. Yai-Laa woo li!»

Yálá laawoo hɛɓɛ

³² Hvo pai kɛi yɛ mįnɛ̨i kwa di nąnni ku ɉəɠə, ɓɛlɔwai ŋą́ di hon na a di yee, gɛ́ di kulɔ Eziptə lɔi hu. Mįnɛ̨i tii, di ɉukala, kɛlaa, ɲą́ą́n, gáá lɔ a di Nąmu di nwun na. Yai-Laa woo li!»

Bible

³² Vé pâi kɛ̂i yɛ̂ɛ gbanaŋ-wooi nyíi ŋá gɛ̀ dínâŋ pɔlɔ-ŋai yêei a tãi ŋá dísòŋ la a díyee ŋá díkula Ize lɔii sui. Berei máŋ ŋá kɛ̀ la yɛ̂ɛ dísurɔ̂ŋ, dífe ŋákpanaŋ-wooi mɛi káa ní.

Ɉeremi 31:32 ပူးပေါင်းရင်းမြစ်များ

Tɔɔɓɛlaa dɔlɔɔ 8:9

Hɛn dakpɛli hvo kɛ mįnɛ̨ kəhi hu, hvo kɛ li lɔ gwɛni ɓɛla hveelɛi Moisə ə naa ɉu Horɛbə yee ɓa, ɓɛlɔwai Yálá da Israɛlə nu di mįnɛ̨ həɠə la di kulaa Eziptə lɔi hu.

Mąątɛ̨nɛ̨ 73:23

A tɛ̨ą, gáá lɔ ə́ pulu a yələ kəlee, ə́ ɉón a mamįiyee;

Mąątɛ̨nɛ̨ 78:37

Di kili hvo kɛ tɔɔ li mą a neelee, di hvo kɛi di kilitɔɔ mįnɛ̨i da diɛni di ɉəɠə mą.

Lɛɛ gbɔwɔ ɓa 19:5

Ə həɠə yiihu ɓa, ka ka wəli tɔɔ nwóó ɓa, kaa lɛɛ nwɔ́ mįnɛ̨i pulu, ka kɛ a gwɛ́lin gɛnɛ̨mun, nu huwuɠaa kəlee lɔwai; mąąhɔlɔɓo, ɲą́ą́ ɓə lɔi kəlee kaa a nwɔ́ɔ́.

Lɛɛ gbɔwɔ ɓa 32:8

Niɛwooɠaai ŋɛ̨i ŋį́ dɛɛ, di pɔ, daa di pulu tɔɔ mą, daa nįŋɛ̨ lon bɛli di kpɔɔ ɓa, diɛ pɛlɛ gɔwɔ mu, diɛ haláá kulɔ mą, diɛ kɛ mą: Israɛlə, ka gu wɔ yálái ka, yai gu kulɔ Eziptə lɔi hu.»

Wɛli 8:5

Nɛ̨ɛ̨non nɛlɛ ɓə ŋɛ̨i həɠəi nɔi pun ɉu pələi, ɲee ə ɓo nwɛlikɛmąąmun ɲəi? Gu həliɛ mangolon nwulu mu, ɓɛi ə́ lee əí mąą koo həɠə laa, ɓɛi ə́ lee əí hɔlɔɓo laa, ŋą́ ə́ nwun naa.

Azaya 24:5

Nɔi nuą ɓə, nɔi kɔ́hɔɓoi, mąąhɔlɔɓo, daa dɔ́n nwooɠaa lɛɛ laa, di hvo díɓoɠaa kɛ li, mįnɛ̨i di ɉəɠə a yələ kəlee mɛ̨nį, daa nɛɛ laa.

Azaya 41:13

Mąąhɔlɔɓo, ɲą́ą́ Yai-Laa, gáá a ə́ wɔ Yálá, ŋį́ ə́ hon a ə́ ɓa-mįi-yee, gɛ́ kɛ yɛ́: «'Hvó ɲɔw, dɔ́ɔ́i ə́ pulu.»

Azaya 54:5

Mąąhɔlɔɓo, Yálái ə́ pɛli, ya ɓə a ə́ hilɛ, naa ɓaa Yai-Laa Mɛ̨nį Kəlee ŋą Hééɓomun; Israɛlə nwɔ mąąhəɠə mun ɓə ə́ nwun mąąɓooi, naa ɓaa yɛnɛ̨ɛ̨ piliɛ gee mɛ̨i nwɔ Yálá.

Ɉeremi 11:3

yɛ diɛ: Yai-Laa Israɛlə nwɔ Yálái yɛ: Nui hva nwəli tɔɔ mįnɛ̨i ŋɛ̨i hu woo ɓa, mąą nu nɛ̨ŋɛ̨n naai.

Ɉeremi 11:4

Mįnɛ̨i tii ɓaa, yii ŋɛ̨i ŋį́ dɛɛ ka nąnni pɔ, diɛi ŋį́ di kulɔ Eziptə lɔi hu, huluun nwɔ̨n ɉu. Yili ɓa, ka ka wəli tɔɔ nwóó ɓa, kaa bɔ mɛ̨nį kɛ; yili pɔ pələ ɓə ka kɛ la a nwɔ́ nu huwu, ɲą́ą́n gɛ́ ɓo a ka wɔ Yálá.

Ɉeremi 2:2

'Lí! Ə mɛ̨nįi ŋɛ̨i ɓo Ɉerusalɛmə daai a lolo, yɛ́ diɛ: Yai-Laa yɛ: Ə́ kpəla yələ, mɛ̨nįi ə́ gɛ, gaa gili tooi ə́ ŋą; yɛ bələi Nɛ̨ɛ̨non daa ɉilɛtaai kɛ, nwɔ wɛlikɛmąą a kɛ la. Ə́ hvilɛn ŋąą kɛ búlu nɔi pun ɉu; kpomó hu;

Ɉeremi 22:9

Di kaa pai kɛi bulu pənəi, diɛ kɛ mą: ‹Mąąhɔlɔɓo, di Yai-Laa di wɔ Yálá nwɔ mįnɛ̨i mąą kala, diɛ pɛlɛ haliɠaa lííla, diɛ di mąąwiɛ.›»

Ɉeremi 3:14

Yai-Laa woo ka, yɛ diɛ: Ka pənə ka pa bɔ́, ká kulɔ nwoo mu lɛapɛlɛɛ ŋɛ̨i; mąąhɔlɔɓo, ka nwun nąmu ɓaa ɲą́ą́. Gáá pai nu tɔ̨nɔ̨ həɠəi taa tɔ̨nɔ̨ hu, nu hvelɛ lɔi tɔ̨nɔ̨ hu, gɛ́ li a kaa Siɔn daai.

Ɉeremi 31:1

Yai-Laa woo ka, yɛ diɛ: «Ɲələ a pa həlii, gáá pai kɛi a Israɛlə pɛlɛ́ɠaa kəlee di wɔ Yálá, diɛn, di ɓo a nwɔ́ nuą.»

Ɉeremi 34:13

«Yai-Laa Israɛlə nwɔ Yálái woo ka: Kwa ka nąnni ku woo ə laa mą, ku ɲąą yili, ɓɛlɔwai ŋį́ di kulɔ la Eziptə lɔi hu, nuwɔ pɛlɛ́ mu.

Ɉeremi 34:14

‹Kwɛlan mɛ̨ihveelɛ tɛɛ pulu, ka kaayɔwɔɠaai a Hebreu, yai aa kɛ gbɔwɔ tɔlaa hee kaa; nu kəlee a mąą nu lɛɛ gbɔwɔ ɓa. A lɛɛ ka yəi tɔlaa laa hu, kwɛlan mɛ̨ida yeemu, yili pulu, ka nɛɛlaa.› Kɛlaa, ka nąnnii di hvo di wəli tɔɔ, di hvo nwoo mɛ̨n.

Izikiɛ 16:8

Gɛ́ɛ́ tɛɛi ə́ kwɛlɛ, ŋą́ ə́ kaa yáá kpɛla kɛa. Ŋą́ nwɔ́ həɠə wəlii ta pɛlɛ ə́ mɛ̨i; ŋą́ ə́ kpuɠulu loo; ŋį́ nwóó kwɛlɛ yɛ́, gwa yɛ́ gu mįnɛ̨ həɠə, ə́ kɛ kɛa a nwɔ́ɔ́. Yai-Laa gu wɔ yálái woo li.

Izikiɛ 20:37

Ŋą́ ka lɔ ɲąąwooɓo hvili mu, gɛ́ li a ka mįnɛ̨ həɠə lɔi hu.

Izikiɛ 23:4

Di laa ka: Ohola ɓə kɛ a nu kɛnɛ̨ laamun, nəɠə ə ɓo a Oholiba; yili pulu, di lɛɛ ɲə́i kwa diɛni ku lon nɛ̨ąą da lon ɉinąą kaa; nɛ̨ąąi ti ka: Ohola ɓaa a Samari; Oholiba ɓaa a Ɉerusalɛmə.

Osia 11:1

Ɓɛlɔwai Israɛlə ə kɛ la nokolo kɔ́lɔi, nwɛli ə kɛ mą́ą́; nón tii kɛ Eziptə, ŋą́ dəli.

Osia 2:2

Ɉuda lonnii da Israɛlə lonnii di kaa pai pɛlɛi di kee ɓa, nu tɔ̨nɔ̨ ə ɓo di yəi a di ɲąąwooɓomun, diɛ hee lɔi kəlee mɛ̨i; mąąhɔlɔɓo, Izreɛlə nwɔ hvólói a kɛ a hvóló kɛnɛ̨.

Osia 3:1

Yai-Laa yɛ mą́ą́: «Nɛ̨ɛ̨nui nwɛli kaa nwɔ wɛlii ɓa, kɛlaa ə mą kɛ tii yɛ wɛli hon, 'Li nwɔ̨nɔ̨, ə́ hvilɛn bulu. Bələ lɔ ɓə Yai-Laa a Israɛlə lonnii wɛlila kɛ la; ɛlɛɛ diɛn, diɛ di ɲɛ̨i tinɛ̨n haliɠaa pɔ pələ, ɛlɛɛ, hali-ɓa wɛli ə ɓo diɛ.»

Levetekɔ 26:15

ka nwɔ́ tɔ́n nwooɠaai pili, nɔi hu yíi ɓo pələi ŋį́ nɛ kaa, nwɛli a wala kɛ kaa, ɛlɛɛ ka wala nwɔ́ tíɓoɠaai ta lɔpee kɛ, kaa nwɔ́ mįnɛ̨i hu kala la tii,

Markə 8:23

Jesus ə́ ɲɛ̨ipumun tii hon a ɲee, ə kulɔ la taai. Ə nɛaya pu ɲɛ̨i, ə ɲee laa mɛ̨i, yɛ mą: «Ə kaa kɛɛ kaai?»

Ɉaan 3:29

Nɛ̨ą nąmu pɔɔ ɓaa nɛ̨ą, kɛlaa, nɛ̨ą nąmu mɛlan a tɔɔ mɛlan gwɛlɛ yɛ nwoo mɛ̨n, a kɛi nɛ̨ą nąmui tii woo mɛ̨n, gwəi yɛ nɛɛ kpɔ kɛnɛ̨. Pələ ɓə nwɔ kwəinɛ̨ɛ̨ kaa la, ə lɛɛ, nwɔ kwəinɛ̨ɛ̨ laa aa hvɛɛ.

Gɛlaɠaa 23:19

Ɉolahi nwun nąmu ə ɉulɔnon hon a ɲee, da yaa də li di tɔ̨nɔ̨ kɛɛnąą, yɛ mą: «Lə mɛ̨nį ɓə yɛ́ ə́ mo mą́ą́?»

Korɛntə veelɛ 11:2

Ká wɛlii gaa mą́ą́, yili aa ká mąą tolo lɔ ɉú, nwɛlikɛmąąlaa kɛnɛ̨i tii ə həɠə Yálá pɔ. Hulɔnu tanɔ̨n gbən mə, ŋą́ ká toonwəlii kɛ mą, ya ɓaa a Kristə. Ŋą́ ká lɛ mą yɛ, nɛ̨ɛ̨gbəla mąą haŋąnŋąąi hvo hulɔnu mɛ̨nį hu kɔlɔn;

Dutɛrɔnome 1:31

Yai-Laa ka wɔ Yálái ə ka kpəŋə yɛ bələi nu a non gbəŋə la, bələɠaa kpɔ ka tɛɛ la gəlee hu; ə lɛɛ ɉu ka həli gɛɛnąą ŋɛ̨i ɓa.»

Dutɛrɔnome 29:1

Moisə ə Israɛlə nuą kəlee təli, yɛ diɛ: «Mɛ̨nįɠaai kpɔ Yai-Laa ə gɛ, Eziptə lɔi hu Faraɔn ɓa, da nwɔ tínuą kəlee, da nɔi nuą kəlee, ka ɲɛ̨i ɓa, kaa kpinįi ka di kaa.

Dutɛrɔnome 29:21

«Nąąlɔwai, ka huwu yii pai muhəɠəi ka pulu, a ka lonnii, da nwɛ̨ąąi pai həɠəi kwɛaa la lɔi hu, da pa nɔi ŋɛ̨i nwɔ mɔ̨nɔ̨ɠaa kaai, da ɲɔ̨n Yai-Laa kaa pai bɛlɛi mą, di kaa pai kɛi diɛ:

Dutɛrɔnome 29:24

Da di woo pulu pənə, diɛ kɛ diɛ: ‹Həɠəi di mo Yai-Laa di kalaɓɔlɔni di wɔ Yálái nwɔ mįnɛ̨i pulu ya ɓə; a yaai da diɛni di ɉəɠə, ɓɛlɔwai Ə di kulɔ la Eziptə lɔi hu.

Dutɛrɔnome 31:16

Yai-Laa yɛ tɔlɔɔ Moisə ɓa: «Ə́ laa hiɛ ka ə́ nąnni kwɛlɛ. Ə́ haa pulu, Israɛlə nuą kaa pai tɔɔi diɛ kwɛli hvilɛn haliɠaa diɛ nɔi tii di kaa lii ɉu. Di kaa pai nɛ́ɛ́i laa, mįnɛ̨i ŋɛ̨i kwa diɛni ku ɉəɠə, di həɠə bulu, di mąą kala.

Dutɛrɔnome 31:20

Yaan, a tɛ̨ą, nɔi ŋɛ̨i ɲįnįyá da kwɛin nwulɔ da di kpoloon naa ɉu yɛ yá lon, gáá nąą tɛɛi di pɔ a di wɔɔ, yɛ bələi ŋą́ naakwɛlanmo la tii di kalaɓɔlɔni diɛ, gɛ́ gwɛ́la ɉu. Di kaa lii kɔ̨nɔ̨n ɉɔlɔɓoi laa a di liiɓa pələ, diɛ mįi; di kɔ́lɔ lɛlɛɛ yɛ laa diɛ. Yili pulu, di kaa pai di pulu tɔɔi mą́ą́, diɛ hvilɛn haliɠaa pulu, diɛ tí ɉaliɠaa tii diɛ; di kaa pai vííɓoi, di nwɔ́ mįnɛ̨i hu kala.

Dutɛrɔnome 5:2

«Yai-Laa gu wɔ Yálái, ə mįnɛ̨ laa gwa diɛni gu lɔwai Horɛbə yee ɓa.

Dutɛrɔnome 5:3

Yai-Laa da gu nąnni lɔ hvəi mįnɛ̨i tii həɠə; kɛlaa, gwa diɛni kəlee ɓə; guɔi ŋɛ̨i ɓɛ yiihu gu hvulú kɔ́lɔi.

Hebreu 8:9

Yili hvo pai kɛi yɛ bələi ə kɛ la kwa di nąnni ku lɔwai, a ɲələi ŋą́ di hon na a di yee, gɛ́ di kulɔ Eziptə lɔi hu, mąąhɔlɔɓo, diɛi tii, di hvo lɛɛ di woo pulu, Ɲą́ą́n, ŋą́ ɓo di yee ɓa, Ną́mu woo li.