Ɉeremi 31:15 - Yálá laawoo hɛɓɛ (dc)

¹⁵ Yai-Laa woo ka, yɛ diɛ: Gboo təli woo kaa tɔɔi Rama, gaa a mąąwɛli wɔlɔ woo. Rasɛlə ɓə nonnii wɔlɔ ɓoi, hvo nwəli tɔɔi naapilɛ nuą woo ɓa. Mąąhɔlɔɓo, nonnii di hvo lɛɛ li.

Yálá laawoo hɛɓɛ

¹⁵ Yai-Laa woo ka, yɛ diɛ: Gboo təli woo kaa tɔɔi Rama, gaa a mąąwɛli wɔlɔ woo. Rasɛlə ɓə nonnii wɔlɔ ɓoi, hvo nwəli tɔɔi naapilɛ nuą woo ɓa. Mąąhɔlɔɓo, nonnii di hvo lɛɛ li.

Bible

¹⁵ Yâwɛɛ è mò ǹyɛɛ, “Ŋà wóo da mɛnîi gɛ́ kùla Lama. Gáa a maloŋ too maa wɔlɔ-woo. Leesa káa wɔ̂lɔi ŋɔnîa-pɛlɛɛi mɛni ma. Vé fáa ní ma a gɛɛ díŋa kpɛ́, kpɛ́ni fêi, ŋɔnîa-pɛlɛɛi dífe ŋɔ́nɔ naa.

Ɉeremi 31:15 ပူးပေါင်းရင်းမြစ်များ

Zɛnɛse 35:19

Rasɛlə ə haa, Ɛfrata bələ pɔ, di noo. Ɛfrata laa ta ɓaa a: Bɛtleɛmə.

Zɛnɛse 37:35

Ɉakɔbə lonnii kəlee di pa, di nąn ɲɛ̨i kpalai, kɛlaa, nii hvo pɛli laai. Mąąhɔlɔɓo, ə kɛi kɛ mą: «Gáá lɛɛi nón ɉaa wɔlɔ ɓoi, ə lɛɛ ɉu, ŋį́ həli mą ɲąmuątaa.» Ə kɛ lɔ wɔlɔ ɓa, yɛ mo.

Zɛnɛse 42:13

Di pənə diɛ Ɉosɛfə ɓa: «Kpaa kpɔ tɔ̨nɔ̨ kpɛli! Ku nąn gaa tanɔ̨n, ku həɠə Kanaan lɔi hu. Ku kɛ a nu pow kɔ́w hveelɛ, kɛlaa, ku kpɛlamąą ə lɛɛ laa ku nąn gwɛlɛ. Ə lɛɛ, ku tɔ̨nɔ̨ hvo kɛa laa.»

Zɛnɛse 42:36

Ɉakɔbə yɛ nonnii diɛ: «Nonnii hveelɛ ka tii kaa gulɔ ɲə́i, diɛ ɓaa: Ɉosɛfə da Simeɔn. Ka káá nwɔ̨nɔ̨ bɔ ka Bɛnɉamɛn həɠə? Ɲą́ą́ lɔ ka tii mɛ̨nįɠaai tii kəlee kaa laai mą́ą́.»

Zɛnɛse 5:24

Henɔkə da Yálá di nɛ̨ɛ̨yɔwɔ laa kɛ, yili pulu, nu ta hvo kɛa gaa. Mąąhɔlɔɓo, Yálá ə ɉəɠə ə nɛɠɛ mą.

Zôo 7:21

Hvo pɛli li ə́ lii kpələi nwɔ́ kwɛli tee laa mu? Hvo pɛli li ə́ kili kulɔi ɉɔ́n ɉu? Ya ka gáá kɛa pənəi a pɔlɔ Ə́ kaa pai gwɛ́lii, vá kɛa kɛ ɓɛ.

Mąątɛ̨nɛ̨ 37:36

Kɛlaa, aa tɛɛ, hvo kɛa laa, ŋį́ gwɛli və́ kɛa gaa.

Mąątɛ̨nɛ̨ 77:2

Yálá ɓə gáá dəlii, gɛ́ tómą, Yálá ɓə gáá dəlii, yɛ nwəli tɔɔ nwóó ɓa.

Azaya 10:29

di tɛɛ ɲee lɔwai, diɛ mą: «Ku kaa lii yii Gɛva!» Rama mąą kaa kpɛlin ɉii, Saulə pɔ taai Givea nuąi kaa pui.

Azaya 22:4

Yii hu kɛa, gáá kɛi kaa: ka ka ɲɛ̨i həɠə mą́ą́, ŋį́ wɔlɔ kpɔ a ɲąąnwąnąą, ka hvo tɔɔ kaa kɛ, ka káá ɲɛ̨́i kpalai, nwɔ́ lɔi hu nɛ̨ɛ̨gbɛla, hu kala mɛ̨nį ɓa.

Ɉeremi 10:20

Daa nwɔ pɛlɛ́i pu, daa bɛlɛ hɔlɔɔn gəlee kulɔ, nónnii-o nwɔ́ taatɛlɛɛɠaai-o, dɔ̨nɔ̨ kpɛli hvo kɛa laa; nu hvo mą́ą́, hvo nwɔ́ pɛlɛ́i tɔɔ; hvo nwɔ taa kɔ́wɔ hvilɛn!

Ɉeremi 40:1

Ɓói dɔɔmun mąąkpɛ kɔ́kulááɠaa nwun nąmu Nebuzaradan ə mo Ɉeremi ɓa Rama daai, mąąhɔlɔɓo, ya ɓə ɲɛ̨i ə kɛ Ɉeremi ɓa, ɓɛlɔwai yili ə kɛ la yɛli ŋą, da mɛlaa gaho nąmįną diɛi kɛ a Ɉerusalɛmə da Ɉuda nuąi kɛi pa lii a diɛ Babilonə; Yai-Laa woo ə həli Ɉeremi ɓa.

Woolaa 5:7

Ku nąnnii nɛ̨ŋɛ̨n ɉəɠə, daa haa; kuɔ ɓə kɛa ɉu mɔ̨nɔ̨ mįi.

Izikiɛ 2:10

Ə volóon ɲɛ̨́i ɓa, hɛɓɛ́ pɛ̨ɛ̨i kɛ bələ kəlee hveelɛi, woolaa wooɠaa ɓə kɛ bɛ̨ɛ̨ ɉu, nu ɲiŋɛ̨ woo da tomą wooɠaa.

Zasua 18:25

Gabaɔn, Rama, Beerotə,

Nwun mąąɓo 4:5

Ə kɛ heeni Debora nwɔ tow wului mu, Rama da Betɛlə di lɔwai, Ɛfraimə nwɔ yeei hu, Israɛlə nuą diɛ li bɔɔli, yɛ di lɔwai mɛ̨nįɠaa ɓo.

Samuɛlə dɔlɔɔ 7:17

Yili pulu, ə kɛi pənə yɛ pa Rama, naa ɓə ɉeɛ ə kɛ laa, naa ɓə ə kɛi Israɛlə ɲąąwooɓo laa, ə haláá kulɔi pɛli laa Yai-Laa ɓa.