Ɉeremi 31:13 - Yálá laawoo hɛɓɛ (dc)

¹³ Mąą yələi tii, nɛ̨ɛ̨lɛa kaa pai kɛi mąnąai, di ɓo di nɛɛ hu. Ɉilɛlɛa, da ɉulɔgoloɠaa kpɛli mąn, gáá pai di wɔlɔ woo mąą pənəi a kwəinɛ̨ɛ̨. Ŋą́ di kpɛgbɛn mo, gɛ́ di kwəinɛ̨ɛ̨ mɔ̨nɔ̨ mį́i pulu.

Yálá laawoo hɛɓɛ

¹³ Mąą yələi tii, nɛ̨ɛ̨lɛa kaa pai kɛi mąnąai, di ɓo di nɛɛ hu. Ɉilɛlɛa, da ɉulɔgoloɠaa kpɛli mąn, gáá pai di wɔlɔ woo mąą pənəi a kwəinɛ̨ɛ̨. Ŋą́ di kpɛgbɛn mo, gɛ́ di kwəinɛ̨ɛ̨ mɔ̨nɔ̨ mį́i pulu.

Bible

¹³ Gɛ̀ ní nɛyâa-nɛyãai líi a pâi nɛ̃ɛ̂i dí kɛ́ mã̀la. Ǹúu-pɔlɔ-ŋai da ǹyánkpa-ŋai dí kɛ́ lii-nɛ̃ɛ kùla. Ŋa pâi díŋa-nɛnɛi, ŋa dímalôŋ too maai kɛ́ a lii-nɛ̃ɛ.

Ɉeremi 31:13 ပူးပေါင်းရင်းမြစ်များ

Ɛsdrasə 6:22

Di pənə di voló mɛ̨ihveelɛ hɛli ŋɛ̨i da bu a lɛɠɛ yii dɛ hɛn və ɉu, di yili pu gee ɓa a kwəinɛ̨ɛ̨. Mąąhɔlɔɓo, Yai-Laa ə di kwəinɛ̨ɛ̨, ə Asiri tɔɔmun ɲɛ̨i lɛlɛɛ hee diɛ, ə di yee kɔ́n gɛ ɉu, Yálá nwɔ pɛ́lɛ́i tɔɔ mɛ̨nį ɓa, yii gaa a Israɛlə nwɔ Yálá.

Nehemi 12:27

Ɉįį ŋɛ̨i kɛ dinɛn ŋąą Ɉerusalɛmə daa ɓa, ɲələi di pa lúwɔ́ tooi la mą, də li di Levi huwuhu nuą təli di həɠə ɓɛɠaai di kɛ laa, ə gɛ, di pa Ɉerusalɛmə, di ɉɛli pu kwəinɛ̨ɛ̨ hu, a Yálá mąątɛ̨nɛ̨ woo, da wələɠaa, diɛ nwələ too diɛ muhee a gwɛnįn da bɛlɛgwəi da ɓala.

Nehemi 12:43

Di haláá kpɛa kpɛa kulɔ a mąą yələi tii, nu kəlee kwəinɛ̨ɛ̨ mąąhɔlɔɓo, Yálá aa kɛ kwəinɛ̨ɛ̨ kɛnɛ̨ tɛɛ di pɔ. Nɛ̨ąą da lɛapɛlɛɛɠaa diɛ kpɛli, di kwəinɛ̨ɛ̨i kɛ, gwəinɛ̨ɛ̨i tii di kɛi gulɔ Ɉerusalɛmə, bələ ə li kwɛa la.

Mąątɛ̨nɛ̨ 126:5

Nui a kɛɛhin ɲɛ̨iya hu, a mɔ̨nun dee yɛ́lɛ!

Mąątɛ̨nɛ̨ 148:12

hilɛlɛa da nɛ̨ɛ̨lɛa kpɛlimąn, nu pɔlɔ-pɔlɔɠaa da lɛapɛlɛɛ;

Mąątɛ̨nɛ̨ 149:3

'Di naa mąątɛ̨nɛ̨ a mąną, 'di ɓálá da bɛlɛgwəi ɲɔw mą!

Mąątɛ̨nɛ̨ 30:11

'Ə́ wəli tɔɔ nwóó ɓa Yai-Laa! Nɛ̨ɛ̨ yɛ́! Yai-Laa, kɛ a mą́ą́kpɔn mąąɓomun.

Azaya 12:1

Mąą yələi tii, yá kɛ diɛ: Yai-Laa! Gáá ə́ hɛɠɛɛɓoi! Ə́ líí holiɛ kɛ bɔ́, Kɛlaa, ə́ wɔ líiholii kɔ́lɔ aa haa mą. Ə́ kaa kɛa níí laai.

Azaya 35:10

Nuąi Yai-Laa ə di nwun mąąɓo, di kaa pənəi diɛ pa, di kaa pai kɛi lɔi Siɔn, diɛ tómą a kwəinɛ̨ɛ̨, diɛ yɛlɛ a kwəinɛ̨ɛ̨ huwu yii nu hva pɛli ɉukulɔi, nwun na nɛ̨ɛ̨ da kwəinɛ̨ɛ̨ di kaa pai di laa kwiɛn ɉii, liikələn gwəi da wɔlɔ woo diɛ pu a gilɛ.

Azaya 51:11

Nuąi Yai-Laa ə di nwun mąąɓo, di kaa pai pənəi di pa, di kaa pai lɔi Siɔn, nuą diɛ di yee lɔwa diɛ, diɛ kwəinɛ̨ɛ̨ kulɔ yii kpɛɛ hva kɛ mą, kwəinɛ̨ɛ̨ da mąną di hvilɛn ŋąą di pulu, a kɛ tii kɛa wɔlɔ da ɲin ŋą mįi daa li.

Azaya 51:3

Gaa tii, Yai-Laa aa Siɔn mąą wɛli kaa, Aa nwɔ taa kpoloonŋąąi mąą wɛli kaa; gaa nwɔ ɲɛą lɔi mąą pɛ̨nɛ̨i a Yálá-taa lon ma, ə nwɔ kpomóɠaai mąą pɛ̨nɛ̨ a, Yai-Laa nwɔ nɔw yɛa; kwəinɛ̨ɛ̨ da mąną ɓə nu a di kaa laa, hɛɠɛɛɓo da hvɛ́li woo lɔ ɓə nu a di mąn naa.

Azaya 60:20

Ə́ wɔ hvólói hva kɛa too, ə́ wɔ ɲąnin hva kɛa li gbinįi. Mąąhɔlɔɓo, Yai-Laa ɓə kɛa a ə́ wɔ kɛɛ pɔ̨nɔ̨, a yələ kəlee mɛ̨nį, ə́ wɔ mąąwɛli hvólóɠaai di ɓo kɛa a di kpɛɛ.

Azaya 61:2

Yai-Laa nwɔ mɛ̨inɛ̨ɛ̨ kɛ kwɛlan noloɓo mɛ̨nį ɓa, da gu wɔ Yálái nwąną kulɔ yələ, nuąi mɔ̨nɔ̨ hu, di lii laa mɛ̨nį ɓa.

Azaya 61:3

Nuąi haa aa too diɛ Siɔn daai, ə gɛ: ŋį́ di wɔ mąąwɛli mąąhvalin a mąąwiɛ, ŋį́ di wɔ háá wɔlɔ ɓoɔ mąąhvalin a kwəinɛ̨ɛ̨ wulɔ, kwəinɛ̨ɛ̨ kulɔ həɠə tɛɛ mɛ̨nį ɓa di pɔ, a mɔ̨nɔ̨ mįi həɠə mąąhvalin. Di kaa pai di laa heei a, tələnmo wulu, Nwuluɠaai Yai-Laa ə di hin a ɲɛ̨i ponɔ̨ mɛ̨nį.»

Ɉeremi 31:4

Gáá bɔ ŋį́ pənə ŋį́ ə́ tɔɔ, Israɛlə nɛ̨ɛ̨gbɛla, ə́ kaa pai tɔɔi, ə́ kaa pai pənəi ə́ pu ə́ ninə kɔ́lɔi. Ŋą́ ə́ mąąyili, ə́ wɔ hvɛli kɛ hɛnŋaa di ɓo ə yəi, ə́ tɔɔ la nuą ɲɛ̨itɔwɔ nwələ yɛli hu, a ɉɛli yələ.

Ɉeremi 33:11

kwəinɛ̨ɛ̨ wələɠaa mɛ̨n ɉii laa, da yɛlɛ wooɠaa, nɛ̨ą həɠə mun nwɔ wələ woo yɛ tɔɔ. Hilɛtai nɛ̨ɛ̨nu nwɔ mąną kaa tin yɛ tɔɔ. Nuąi pai a hɛɠɛɛɓo halááɠaa Mɛ̨nį Kəlee ŋą Hééɓomun Yai-Laa yəi bɛlɛ́n, di wɔ hvɛ́li woo yɛ tɔɔ laa, diɛ kɛ mą: 'Ká Yai-Laa Kɔlaɠa Nwun Ną́mu laa too a wələ, mąąhɔlɔɓo, nwɔ mɛ̨nį lɛlɛɛi, nwɔ wɛlikɛmąąlaa ɲɛ̨n deei hvo mą. «A tɛ̨ą, ŋą́ pənə ŋą́ nɔi ŋɛ̨i tɔɔ, ə pənə ə kɛ yɛ bələi ə kɛ la tɔlɔɔ. Ɲą́ą́ Yai-Laa nwoo li.»

Zakari 8:19

Nwooi Yai-Laa Mɛ̨nį Kəlee ŋą Hééɓomun ə mo mą́ą́, ya ka, yɛ mą́ą́: Ɲąnin nąąn nąą nwɔ hin nɔ kuu, ɲąnin nɔɔli nąą nwɔ hin nɔ kuu, ɲąnin mɛ̨ihveelɛnąą nwɛi, da ɲąnin bow nąą nwɛi, gəlee kaa pai kɛi a Ɉuda nwɔ pɛlɛ́i mu nuą di wɔ kwəinɛ̨ɛ̨ kulɔ hvóló, di wɔ mąną kaa hvólóɠaa, da di wɔ hɛli pu hvólóɠaa. Kɛlaa, tɛ̨ą da liilaa, di wɛli ə kɛ kaa.

Ɉaan 16:22

Bələ kpɔlɔ ɓə ka káá la yiihu. Kɛlaa, ɓɛlɔwai gu kaa pai pənəi gu gu kee kaa la a nįnɛ̨, ka kwəi a nɛ̨ɛ̨, nu ta hva pɛli gwəinɛ̨ɛ̨i tii kulɔi ka yəi.

Nwun mąąɓo 21:21

Kaa nąą mąą hɛn, ɓɛlɔwai ka Silo nɛ̨ɛ̨lɛa kaa la, daa kulɔ diɛ mąną a di kpulu, ka kulɔ ka loo pələi, nu kəlee ə nɛ̨ɛ̨lɛai tii da hon, ka li la Bɛnɉamɛn lɔi hu.