Ɉeremi 31:1 - Yálá laawoo hɛɓɛ (dc)

¹ Yai-Laa woo ka, yɛ diɛ: «Ɲələ a pa həlii, gáá pai kɛi a Israɛlə pɛlɛ́ɠaa kəlee di wɔ Yálá, diɛn, di ɓo a nwɔ́ nuą.»

Yálá laawoo hɛɓɛ

¹ Yai-Laa woo ka, yɛ diɛ: «Ɲələ a pa həlii, gáá pai kɛi a Israɛlə pɛlɛ́ɠaa kəlee di wɔ Yálá, diɛn, di ɓo a nwɔ́ nuą.»

Bible

¹ Yâwɛɛ è mò ǹyɛɛ, “Tãi káa pâi, maa tãi tí ƃé ŋa pâi kɛ̂i la a Eezuɛ-ƃelai kélee kpɔ́ Díɣâla. Dia máŋ da pâi kɛ̂i a ŋánûa.

Ɉeremi 31:1 ပူးပေါင်းရင်းမြစ်များ

Samia Veerɛi 7:24

Ə́ di tɔɔ, ə́ di kɛ a ə́ wɔ nu huwu a yələ kəlee, ə lɛɛ, yɛ́ Yai-Laa, ə́ kɛ a nwɔ Yálá.

Mąątɛ̨nɛ̨ 144:15

Nwun na nɛ̨ɛ̨ nuą ɓaa, a nuąi mɛ̨nį huwui tii kəlee kaa di yəi! Nwun na nɛ̨ɛ̨ nuą ɓaa a nuąi Yai-Laa kaa a di wɔ Yálá.

Mąątɛ̨nɛ̨ 48:14

'Ka mąąkɔ̨nwɔ̨ hįi lɛlɛ pələ kaa, 'ka dɔɔɓɛlaa yíi pɛlɛ́ɠaa lono, nuąi pai lɛɛi ka pulu, kaa pɛli kɛi diɛ:

Azaya 20:6

Nɔiɠaa ŋɛ̨i hu nuą diɛ kɛa kɛ diɛ: «Nuąi ku ɲɛ̨i heɛ kɛ di pɔ pələ, kuɔ kɛ ku ku mąąkilɛ laa, diɛ kpɔnmąą tɛɛ ku pɔ, diɛ ku kulɔ Asiri tɔɔmun ɲəi, diɛ ka; kwa pɛli kɛa kulɔ pələ kɛi ləi ɉu?»

Azaya 41:10

'Hvó ɲɔw, mąąhɔlɔɓo, gáá ə́ pulu, 'Hvó ə́ liihɛlɛn, mąąhɔlɔɓo, gáá a ə́ wɔ Yálá. Gáá ə́ huwala walai, gɛ́ kpɔn ɲɛ́, Gɛ́ mamįiyee pu ə́ mu, yai tələnmolaa kaa ɉui.

Ɉeremi 23:6

Nwɔ yɛnɛ̨ɛ̨ hu, Ɉuda nwun mąą a ɓo Israɛlə yɛ kɛ nɛ̨ɛ̨ hu. Naai di kaa pai ɉeei mą, ya ka: ‹Yai-Laa ɓə a ku wɔ tələnmolaa.›»

Ɉeremi 3:18

Nąąlɔwai, Ɉuda nuą, da Israɛlə nuą da kpɔn di kee ɓa, di həɠə ɲanwuɔ̨ pələ, di pa di nąnni kwɛlin nɔi hu, yii ŋį́ dɛɛ di pɔ; di hee ɉu a di wɔɔ.

Ɉeremi 30:10

Yɛ́i a nwɔ́ tímun Ɉakɔbə, hvo ɲɔw Yai-Laa woo li. Ə́ líi hvo kulɔ yɛ́ Israɛlə, gáá pai ə́ kulɔi nwɛ̨ą lɔiɠaa hu, gɛ́ ə́ huwu kulɔ mąąkilɛ lɔi hu. Ɉakɔbə kaa pənəi ə pa liilaa hu, a nwəli pulu laɠiɛ, nu ta hva viikpɛɛ.

Ɉeremi 30:22

Ka káá nwɔ̨nɔ̨ pai kɛi a nwɔ́ nu huwu, ɲą́ą́n, ŋą́ ɓo a ka wɔ Yálá.

Ɉeremi 30:24

Yai-Laa nwɔ liiholi kɛnɛ̨i kɔ́lɔ hvo pai haai mą. Hvo kɛli, mɛ̨nįi aa gbɛa ŋaayili, a gɛ, ə naa kulɔ. Ka káá pai mukulaa kaai a yələ takpɛli.

Ɉeremi 30:3

Yai-Laa woo ka, yɛ: Gaa pai kɛi a yələ ta, nwɔ nuąi a Israɛlə, da Ɉuda nuą, gɛ́ pənə gɛ́ di wɔ lɔi tɔɔ; Ɲą́ą́ Yai-Laa nwóó li! Nɔi ŋɛ̨i ŋį́ dɛɛ di nąnni pɔ, ŋį́ pənə ŋį́ pa a diɛ ɉu, di hee laa tin-tin.»

Ɉeremi 31:33

Mįnɛ̨i ku kaa pai ɉəɠəi kwa Israɛlə lonnii a ɲələi tii, ya ka: «Gáá pai nwɔ́ tɔ́n nwooɠaa lɔi di nįį hu, gɛ́ bɛ̨ɛ̨ di kili pɔ. Ŋą́ lɛɛ a di wɔ Yálá, diɛn, di kɛ a nwɔ́ nuą. Yai-Laa woo li!

Ɉeremi 32:38

Nąąlɔwai da kɛ a nwɔ́ nuą, gɛ ɓo a di wɔ Yálá.

Ɉeremi 33:14

Yai-Laa yɛ diɛ: «Hvolóɠaa kaa pai pai, mɛ̨nįi ŋą́ naakwɛlanmo Israɛlə nwɔ pɛlɛ́i ɓa da Ɉuda nwɔ pɛlɛ́i, gɛ́ bɔ mɛ̨nį kɛ.

Ɉeremi 33:7

Gáá pai Israɛlə da Ɉuda di pui di nįnɛ̨ kɔ́lɔi. Ŋą́ di tɔɔ yɛ bələi di kɛ la tɔlɔɔ.

Ɉeremi 50:4

Yai-Laa woo ka, yɛ diɛ: Voloi tii, nąąlɔwai kpɔ́ɔ́ kpɔɔ, Israɛlə nuą da Ɉuda nuą, di kaa pai a gee, di kaa pai, diɛ wɔlɔ, diɛ Yai-Laa kwɛli, yai a di wɔ Yálái.

Izikiɛ 11:20

Əgɛ, diɛ pɛli hiɛi a nwɔ́ tɔ́n nwooɠaai; diɛ di yee kanąn nwɔ́ lɔi hu yíi ɓo pələ ɓa, ɛlɛɛ, diɛ bɔ mɛ̨nį kɛ. Di kaa pai kɛi a ŋą́ nu huwu, ɲą́ą́n, ŋį́ ɓo a di wɔ Yálá.

Izikiɛ 34:24

Ɲą́ą́ Yai-Laa, ŋą́ kɛ a di wɔ Yálá, nwɔ́ tí mun Davidə yaan, ə ɓo a di nwun nąmu, ə ɓo di lɔwai. Ɲą́ą́ Yai-Laa nwóó li.

Izikiɛ 34:31

«Ka kaa a nwɔ́ taatɛlɛɛɠaai a nwɔ́ kalai taatɛlɛɛɠaa, kaai a nu kanŋaa; ɲą́ą́n, ŋą́ ɓo a ka wɔ Yálá. Mɛ̨nį kəlee ŋą Hééɓomun Yálá woo li.»

Izikiɛ 36:28

Nɔi tii ta ŋą́ dɛɛ ka nąnni pɔ, ka káá pai heei laa; kaa kɛ a nwɔ́ nu huwu, ŋą́ ɓo a ka wɔ Yálá.

Izikiɛ 39:22

Ə həɠə mąą yələ ɓa, yɛ li la tɔwɔ pələ; Israɛlə nwɔ pɛlɛ́i a gili kɔ́lɔn yɛ kɛ Yai-Laa, di wɔ Yálá ɓaa a ɲą́ą́.

Izikiɛ 39:25

Kɛlaa, Mɛ̨nį kəlee ŋą Hééɓomun Yálá yɛ diɛi: Yii hu kɛa, gáá Ɉakɔbə nwɔ yɛnɛ̨ɛ̨ ɲɛ̨́i mąą pənəi; gáá pai Israɛlə nwɔ pɛlɛ́i kəlee hon ɉi a wɛlikɛmąąlaa; gɛ́ ɲɛ̨́i kɛ́ Náá mąąhəɠɛɛ ɓa a tóló.

Levetekɔ 26:12

Gu kaa pai kɛi gu kee ɓa; Ŋą́ ɓo a ka wɔ Yálá, kaan ka ɓo a nwɔ́ nu huwu.

Zakari 13:9

Gáá pai ɉaaɓanąą tii tɛɛ nwɔ̨n ɉu, ŋį́ ɉu waa, yɛ bələi da wali hu waa la, ŋį́ ɉu həɠeen, yɛ bələi da hɛni hu həɠeen na. Gaa pai kɛi vɛ́lii, ɛlɛɛ, ɲą́ą́n, gɛ́ nwoo mu hon. Gáá pai kɛi diɛ: «Nwɔ́ nu huwu li.» Yaan gaa pai kɛi diɛ: «Nwɔ́ Yálá ɓaa a Yai-Laa.»

Ɉaan 20:17

Jesus yɛ mą: «Hvó kanąn mą́ą́, mąąhɔlɔɓo, və́ nii tɛ li Ną́n bɔ yələi. Kɛlaa, li ya Ną́n nonnii kaa ə́ mo diɛ, yɛ diɛ: Gáá li Ną́n da ka Nąn bɔ, nwɔ́ Yálá da ka wɔ Yálá pɔ.»

Korɛntə veelɛ 6:16

Bɛlɛ gee ɓa lə kɛɛ ɓə a pɛli kɛi Yálá hee pɛlɛ́ da haliɠaa di lɔwai? Gbala ə tɔɔ, guɔ ɓə gu kaa a Yálá hvulúmąą hee pɛlɛ́; yɛ pələi Yálá ə mo la, yɛ kɛ diɛ: «Gáá pai heei di lɔwai, gɛ́ hiɛ laa, Ŋį́ ɓo a di wɔ Yálá, diɛn, di ɓo a nwɔ́ nu huwu.»

Hebreu 12:16

Ka gɛ a nɛlɛɛ, wɛlikɛmun hvo kɛ ká lɔwai, 'ká hvo Yálá mɛ̨nį mɛlɛ too, yɛ bələi Esau ə gɛ la, ə nwɔ nu pɔlɔlaa lɔwɔtɔ́ɔ́ ɓá-kɔwɔ tɔ̨nɔ̨ mąą mɛ̨nį ɓa.