Ɉeremi 30:19 - Yálá laawoo hɛɓɛ (dc)

¹⁹ Hɛɠɛɛ ɓo wooɠaa diɛ kulɔ laa, kwəinɛ̨ɛ̨ wooɠaa. Gáá di ɓuwu ɓoi, di ta hva kɛa kulɔ ɉu, gáá di mąąwiɛi, di hva kɛa kɛ a nu huwu hviikpɛɛ.

Yálá laawoo hɛɓɛ

¹⁹ Hɛɠɛɛ ɓo wooɠaa diɛ kulɔ laa, kwəinɛ̨ɛ̨ wooɠaa. Gáá di ɓuwu ɓoi, di ta hva kɛa kulɔ ɉu, gáá di mąąwiɛi, di hva kɛa kɛ a nu huwu hviikpɛɛ.

Bible

¹⁹ Ǹûai pâi kɛ̂i naai, da pâi kɛ̂i laa-maa-tɛ wule-ŋa toôi. Ɣɛ́lɛ-woo a pâi kɛ̂i tɛ̂i naa. Ŋa pâi nîa-pɛlɛɛ támaa tɛɛ̂i dípɔ a gɛɛ dí kɛ́ a dítamaa. Ŋa pâi ƃaa-kɛ-ma kɛ̂i dîa, a gɛɛ núu da fé ŋ̀ɛ́i nàɣiŋ dí mɛi.

Ɉeremi 30:19 ပူးပေါင်းရင်းမြစ်များ

Ɛsdrasə 6:22

Di pənə di voló mɛ̨ihveelɛ hɛli ŋɛ̨i da bu a lɛɠɛ yii dɛ hɛn və ɉu, di yili pu gee ɓa a kwəinɛ̨ɛ̨. Mąąhɔlɔɓo, Yai-Laa ə di kwəinɛ̨ɛ̨, ə Asiri tɔɔmun ɲɛ̨i lɛlɛɛ hee diɛ, ə di yee kɔ́n gɛ ɉu, Yálá nwɔ pɛ́lɛ́i tɔɔ mɛ̨nį ɓa, yii gaa a Israɛlə nwɔ Yálá.

Nehemi 8:12

Nɔi lonnii kəlee diɛ kɛa li di kɔ̨nɔ̨n mįi diɛ di kpələ. Nuą yiiɠaai hɛn da hvo kɛ di yəi, diɛ di kɔ́, di kəlee diɛ kwəinɛ̨ɛ̨ kɛnɛ̨ kulɔ. Mąąhɔlɔɓo, nwooɠaai di mo diɛ, daa kɛ ŋąą kaa.

Nehemi 8:17

Nuą kəlee, diɛi kpɔ tii həɠə nuwɔ laa hu, di kələɠaa tɔɔ di lɔ mu. Ya pa, ə həɠə Nun lon Ɉosue nwɔ hvólói ɓa, ə həli la ɲələi tii ɓa, Israɛlə nu huwu di hvo ta kɛ da kɛ li tii. Ə kɛ a kwəinɛ̨ɛ̨ kɛnɛ̨.

Mąątɛ̨nɛ̨ 53:6

Diɛ ka ɓɛ, di mąą yɛ kpɛlin, ya pa, nu mąą kpɛlin mɛ̨nį hvo laa. Mąąhɔlɔɓo, nuąi kɔ́ pɛlɛi yɛ́, Yálá aa di kɔ́wɠaa hu taɠa-taɠa. Yá yɛlɛ kulɔ di hu kɛa, mąąhɔlɔɓo Yálá aa di pili.

Azaya 12:1

Mąą yələi tii, yá kɛ diɛ: Yai-Laa! Gáá ə́ hɛɠɛɛɓoi! Ə́ líí holiɛ kɛ bɔ́, Kɛlaa, ə́ wɔ líiholii kɔ́lɔ aa haa mą. Ə́ kaa kɛa níí laai.

Azaya 26:15

Yai-Laa, Yáá nɔi hu kɛnɛ̨, Yáá nɔi kɛnɛ̨, Yɛ́ Ə́ wɔ mąąwiɛ lɛ la tii, Yáá nɔi ɲɛ̨n gəlee kulɔ bulu.

Azaya 27:6

Voló yiɠaai pai pai, Ɉakɔbə hamuɠaa kaa pai ɓɔn ɉi, Israɛlə kaa pai powai, dɛlinŋąą diɛ kulɔ, gaa pai yɛnɛ̨ɛ̨ laa hvɛɛi a ma.

Azaya 35:10

Nuąi Yai-Laa ə di nwun mąąɓo, di kaa pənəi diɛ pa, di kaa pai kɛi lɔi Siɔn, diɛ tómą a kwəinɛ̨ɛ̨, diɛ yɛlɛ a kwəinɛ̨ɛ̨ huwu yii nu hva pɛli ɉukulɔi, nwun na nɛ̨ɛ̨ da kwəinɛ̨ɛ̨ di kaa pai di laa kwiɛn ɉii, liikələn gwəi da wɔlɔ woo diɛ pu a gilɛ.

Azaya 51:11

Nuąi Yai-Laa ə di nwun mąąɓo, di kaa pai pənəi di pa, di kaa pai lɔi Siɔn, nuą diɛ di yee lɔwa diɛ, diɛ kwəinɛ̨ɛ̨ kulɔ yii kpɛɛ hva kɛ mą, kwəinɛ̨ɛ̨ da mąną di hvilɛn ŋąą di pulu, a kɛ tii kɛa wɔlɔ da ɲin ŋą mįi daa li.

Azaya 51:3

Gaa tii, Yai-Laa aa Siɔn mąą wɛli kaa, Aa nwɔ taa kpoloonŋąąi mąą wɛli kaa; gaa nwɔ ɲɛą lɔi mąą pɛ̨nɛ̨i a Yálá-taa lon ma, ə nwɔ kpomóɠaai mąą pɛ̨nɛ̨ a, Yai-Laa nwɔ nɔw yɛa; kwəinɛ̨ɛ̨ da mąną ɓə nu a di kaa laa, hɛɠɛɛɓo da hvɛ́li woo lɔ ɓə nu a di mąn naa.

Azaya 52:9

'Ka tomą a gee a kwəinɛ̨ɛ̨ woo, kaai a Ɉerusalɛmə taa kpoloonŋaa, mąąhɔlɔɓo, Yai-Laa kaa nwɔ nu huwui liilaai, gaa Ɉerusalɛmə nwun mąąɓoi.

Azaya 55:5

Mąąhɔlɔɓo, nu huwui hvo kɛ gɔlɔn, ə́ kaa pai dəlii, ɛlɛɛ, nu huwui hvo ə́ kɔ́lɔn, yɛ ə́ mąą gilɛ hələ. Yili a kɛ tii, mąąhɔlɔɓo, Yai-Laa ɓə a ə́ wɔ Yálá, a kɛ tii Israɛlə nwɔ mąąhəɠə mun laa hu, a yai tii ə́ wɔ mąąwiɛ kɛ yɛ́i.

Azaya 60:19

Yələ a ɓɔ, hvóló hvo kɛa pai kɛi a ə́ wɔ kɛɛ pɔ̨nɔ̨, kpinį a pɛlɛ, ɲąnin və kɛa pai kɛi lən ɉi ə́ mɛ̨i. Kɛlaa, Yai-Laa ɓə pai kɛi a ə́ wɔ kɛɛ pɔ̨nɔ̨, a yələ kəlee mɛ̨nį, ə wɔ Yálái ɓə pai kɛi a ə wɔ lɛlɛ.

Azaya 60:22

Nolokolo laamun, gaa pai kɛi a nu waa tɔ̨nɔ̨, nui kpɔ nogolo tiikpə, a kɛ a lɔi hvąŋą kɛnɛ̨. Ɲą́ą́ Yai-Laa, nąąlɔwai a həli, ŋį́ gɛ ɉa ɉa.

Azaya 60:9

Mąąhɔlɔɓo, gboloyá hɛ̨ąi lɔiɠaa kaa di ɲɛ̨i hąŋąn bɔ́ pələ, Tarsisə kələnŋąą ɓə di ɲɛ̨itɔwɔ, di kaa həɠəi a nonnii kwɛala, diɛ pa a diɛ, da di wɔ waliɠaa, ɛlɛɛ di wɔ hɛniɠaa. Yai-Laa, ə́ wɔ Yálái mąąwiɛ mɛ̨nį ɓa. Israɛlə nwɔ Mąąhəɠəmun mąą mɛ̨nį ɓa, yai mąąwiɛ kɛ yɛ́.

Ɉeremi 17:26

Nąąlɔwai, nuą da həɠə Ɉuda taaɠaa hu, da Ɉerusalɛmə kwɛlɛ taaɠaa, Bɛnɉamɛn nwɔ lɔi hu, ɉɛɠɛɛ pələ nuą, da nuąi heeni ɲeeɠaa hu, da nɛ̨ŋɛ̨ lɔi hu nuą, diɛ pa a haláá taatɛlɛɛɠaa, da haláá hɛn dakpɛliɠaa, da mɛ̨inɛ̨ɛ̨ɠaa, ə mą kɛ, hɛn gun nɛ̨ɛ̨ɠaa, da Yálá mąątɛ̨nɛ̨ haláá Yai-Laa yəi bɛlɛ́n.

Ɉeremi 3:16

Yai-Laa yɛ diɛ: 'Ka pa, əgɛ, ka ɓuwu ə ɓo nɔi; nąąlɔwai di hva kɛa kɛ diɛ: Yai-Laa nwɔ mįnɛ̨ kon nwɔɔ? Gili hvo kɛa pai kɛi nu ta ŋą, di hvo kɛa pai mąą mɛ̨nį ta ɓoi, di hvo pai gbaɠala kaai diɛ kɛ hvo laa, dakpɛli pɛli kili hva too di gwəi.

Ɉeremi 31:27

Yai-Laa woo ka, yɛ diɛ: «Gaa pai kɛi a yələ ta kaa pai ɉəlii, gɛ nu kan da taatɛlɛɛ huwu híi Ɉuda da Israɛlə lɔiɠaa hu.

Ɉeremi 31:4

Gáá bɔ ŋį́ pənə ŋį́ ə́ tɔɔ, Israɛlə nɛ̨ɛ̨gbɛla, ə́ kaa pai tɔɔi, ə́ kaa pai pənəi ə́ pu ə́ ninə kɔ́lɔi. Ŋą́ ə́ mąąyili, ə́ wɔ hvɛli kɛ hɛnŋaa di ɓo ə yəi, ə́ tɔɔ la nuą ɲɛ̨itɔwɔ nwələ yɛli hu, a ɉɛli yələ.

Ɉeremi 33:22

Bələi lɔ nu hva pɛli yələkɔlɔn ɉu kɔlaɠa lonoi la, bələi lɔ gboloyá kwɛlɛ ɲɛa kaa la, lono hvo mą, bələ lɔ ɓə gáá pai nwɔ́ tii mun Davidə huwu tamai la, da Lévi lonnii a nwɔ́ kóló kɛ nuą.»

Izikiɛ 36:37

«Mɛ̨ni kəlee ŋą Hééɓomun Yálá woo ka; yɛ: Yii gáá pai gɛi, ya ka; Gáá pai gbɔ́ɔ́ lɛɛi laa, Israɛlə nwɔ pɛlɛ́i yɛ gwɛ́li, gɛ́ pɛli ɉon ɉii a wɛlikɛmąąlaa, gáá pai di tamąi, yɛ nu taatɛlɛɛ kpulu,

Izikiɛ 37:10

Ŋą́ Yálá kwəi mɛ̨nį hukulɔ, yɛ bələi ə dí la; nu nɔ̨ɔ̨ ə too di hu, di kɛ a di hvulú, di haŋą di tɔɔ, di ɓo kpɔ a kɔlaɠa kpulu kɛnɛ̨ɛ.

Izikiɛ 37:26

Kwa diɛni ku kaa pai liilaa mįnɛ̨ həɠəi, gáá pai di heei kulɔi, ŋą́ di ɓuwu ɓo; gáá pai nwɔ́ pɛlɛ́ mąąhəɠɛɛi tɔɔi di lɔwai yɛ lɛɛ laa a yələ kəlee da nwɔɔ.

Zakari 10:8

Gáá pai húú pili, gɛ́ di ɲąąkpɔn, hvo gaai, ŋą́ą́ di nwun mąąɓo. Di kaa pai ɓuwuɓoi, yɛ tɔlɔɔ-tɔlɔɔ yələ.

Zakari 12:8

Mąą yələi tii, Yai-Laa a goon bɛlɛ Ɉerusalɛmə nuą mɛ̨i, nui kpɔ hvaŋą hvo ɲəi di lɔwai, gaa pai kɛi yɛ Davidə. Ɛlɛɛ, Davidə nwɔ pɛlɛ́i a kɛ yɛ Yálá, ə ɓo yɛ Yai-Laa nwɔ malaka, ə ɓo di ɲɛ̨i tɔwɔ.

Zakari 2:4

Ŋą́ mąąnįn kɛ nwɔ̨nɔ̨ gɛ́ mą: «Yiiɠaai diɛn, lə ɓə di kaa pai gɛi?» Ə nwóó pulu pənə, yɛ mą́ą́: «Nɔiɠaai tii di wɔ huwalawalai gaa di yəi yɛ di mįnɛ̨, yai di Ɉuda lɔi hu taɠa la, nui lɔpee ta hvo pɛli tɔɔi di la, diɛ ɓə gwɛliyɔw nuąi ŋɛ̨i di pa di mąą kpɛlin ɉii.»

Zakari 8:19

Nwooi Yai-Laa Mɛ̨nį Kəlee ŋą Hééɓomun ə mo mą́ą́, ya ka, yɛ mą́ą́: Ɲąnin nąąn nąą nwɔ hin nɔ kuu, ɲąnin nɔɔli nąą nwɔ hin nɔ kuu, ɲąnin mɛ̨ihveelɛnąą nwɛi, da ɲąnin bow nąą nwɛi, gəlee kaa pai kɛi a Ɉuda nwɔ pɛlɛ́i mu nuą di wɔ kwəinɛ̨ɛ̨ kulɔ hvóló, di wɔ mąną kaa hvólóɠaa, da di wɔ hɛli pu hvólóɠaa. Kɛlaa, tɛ̨ą da liilaa, di wɛli ə kɛ kaa.

Ɉaan 17:22

Mąąwiɛi ə́ dɛɛ bɔ́, ŋą́ą́ dɛɛ di pɔ, ə gɛ, di kɛ ɉu tɔ̨nɔ̨, yɛ pələi gu kaa la ɉu tɔ̨nɔ̨.

Piɛrə dɔlɔɔ 1:7

əgɛ, ká wɔ laa na laai ɉu aa waa, yai viɛlaɓoɔ dɛɛ hɛnii da ɉu waa a nwɔ̨n mą, ə mą kɛ tii, ɉɛnii tii a kala lɔ, ká wɔɔ laa na laa tii, ə mąątɛ̨nɛ̨ laa, mąąwiɛlaa da ɓɛlɛlaa hɔlɔɓo, a ɲələi Jesus Kristə kaa pai gbɔwɔ lɛi la,