Ɉeremi 25:34 - Yálá laawoo hɛɓɛ (dc)

³⁴ Taatɛlɛɛ mɛ̨i kaa nuą! Ka gboo təli! Ka nu kwɛli kaa! Taatɛlɛɛ tɔɔ nuą, ka too nɔi ɓa, ka kiliɠilin; ka nwun deei lɔwai aa həli, di kaa pai ka ɲąąkwɛlɛi, kaa too yɛ haláá kulɔ ɓɛlaa hilɛɠaa.

Yálá laawoo hɛɓɛ

³⁴ Taatɛlɛɛ mɛ̨i kaa nuą! Ka gboo təli! Ka nu kwɛli kaa! Taatɛlɛɛ tɔɔ nuą, ka too nɔi ɓa, ka kiliɠilin; ka nwun deei lɔwai aa həli, di kaa pai ka ɲąąkwɛlɛi, kaa too yɛ haláá kulɔ ɓɛlaa hilɛɠaa.

Bible

³⁴ Káai a ǹúu láa-tuɛ-ƃelai, ka wɔ́lɔ. Ka too ǹɔii mâ ká wɔ́lɔ kákɛ kìliŋ, kákɛ làɣi a ŋánaa. Tãi aâ nâa seri a gɛɛ díka páa. Ka pâi kɛ̂i a kátaa-tâa ǹɔii ma yɛ̂ɛ pɔ̂rɔ-leɣi kàlaŋ.

Ɉeremi 25:34 ပူးပေါင်းရင်းမြစ်များ

Kɔlɔnikɔ Veerɛi 36:10

Gwɛlan gbɛɛi lɔwai, tɔɔmun Nabukodonosorə kuláaɠaa tɔɔ, di ɉon diɛ li la Babilonə, di bɛlɛ Yai-Laa nwɔ pɛlɛ́i mu hɛnŋąą nɛlɛɛɠaa ɓa; ə nąn non Sedesiasə hee a dɔɔmun Ɉuda da Ɉerusalɛmə mɛ̨i.

Mąątɛ̨nɛ̨ 2:9

Ə́ kaa pai di kɛlɛi a kwɛli hvaɠa, yɛ́ di wolo yɛ ləɠi tɔɔ mun a kɛi nwɔ ləɠi wolo.»

Azaya 10:12

Kɛlaa, ɲələi Yai-Laa kaa pai ɲee laa kulɔi la nwɔ koloi kəlee ɓa Siɔn yee nwuɔ̨ da Ɉerusalɛmə daai, gaa pai kɛi diɛ: «Gáá kɛa nwɔ́ nąą kɛi Asiri tɔɔmun ŋą kpɔwɔ ɲąą kɛnɛ̨ mɛ̨nįi ŋɛ̨i hu, da ŋą tɛɠɛɓoɉulaa.

Azaya 2:16

A həli, Tarsisə nwɔ ya ŋą kələn gbɛa-kpɛa diɛ, da ya ŋą kələn nɛlɛɛɠaa.

Azaya 30:14

Ɉu yɛ ɓuwo kpɔlɔ yɛ bələi ləɠi tɔɔmun nwɔ ləɠi a ɓuwɔ la, kpɔlɔ a galan bɛlɛɛ pɛlɛɛ, kɛi hva kɛ mą, nu hva pɛli kpɛli galan ta kaai hvo nwɔ̨n ɉəɠə ɉu, a wala kɛti yɛ pɛli ya haɠai ɉu.

Azaya 33:1

Kpalo ɓɛlaai yɛ́, yɛ́i kɛɛ kalai ə́ ɓɛlaa diɛ, yaan, da hvo ta kala li yɛ́, yɛ́ ə́ ɓɛlaa ɓowo, yaan di hvo ta ə́ ɓowo li. Ya pa kpɛɛi gɛɛ kalaai tii ɓa, di kaa pai da kalai lɔ yɛ́, yá pa kpɛɛi a mowo ɓoi tii kɛɛ a ə́ ɓɛlaa, di kaa pai ə́ ɓowoi.

Azaya 34:6

Yai-Laa nwɔ kɔ́ kɔ́ ɓɔwai kaa a ɲąmą nąą kəlee, aa pilɛ nu wulɔ hu, aa pilɛ mɛlaa lonnii da moluɠaa di ɲąmą hu, mɛlaa hilɛɠaa kwəikwɛnikɔw ɓa wulɔ hu; mąąhɔlɔɓo, Yai-Laa aa haláá kulɔ Bɔsra daai, gaa pai kɛi a nu hukala mɛ̨nį kɛnɛ̨ Edɔmə lɔi hu.

Azaya 34:7

Nąąlɔwai, lanŋąą, nįŋɛ̨ hilɛ gbɔnŋąą da nįŋɛ̨ hilɛɠaa di kaa pai tooi, nɔi kaa pai pilɛi ɲąmą hu, munuun gbala yɛ pilɛ nu wulɔ hu.

Ɉeremi 18:22

Wɔlɔ woo ə tɔɔ di wɔ pɛlɛ́ɠaai mu. Ɓɛlɔwai ə́ kaa pai toomɛ̨i kɛ nuą ɲąątɔɔ la diɛ di tɛɠi mąąhɔlɔɓo, daa mą́ą́ tinɛ̨n a hɛlɛn, ɉón mɛ̨nį ɓa. Daa hɛlɛn dɛ gɔ́wɔ́ mu.

Ɉeremi 22:28

Koniahu a mɔ̨ɔ̨ kɛ yɛ hɛnɲąŋą wolɔɔ yai dɔlɔ hvo kɛa mą, a mɔ̨ɔ̨ kɛ yɛ hɛn ɲąŋą yii di hvo bɔ? Lə ɓə kɛ yai daa di pili, yaa da nonnii, diɛ di pili lɔi di hvo gɔlɔn ɉu?

Ɉeremi 23:1

Yai-Laa woo ka, yɛ diɛ: «Kpalo ɓɛlai nwɔ́ taatɛlɛɛ mɛ̨i kaa nuą diɛ, diɛi tii daa nwɔ́ taatɛlɛɛ kpului lɛɛ laa, pulu yɛ di paa, diɛ taɠa taɠa.»

Ɉeremi 25:12

«Gwɛlan bow mɛ̨ihveelɛi tii a tɛɛ, ŋį́ hee Babilonə tɔɔmun ɉu, di wɔ túwɔ́ pələ ɲɔ̨n mąą mɛ̨nį ɓa. Ŋą́ hee Kalde lɔi hu. Ɲą́ą́ Yai-Laa nwóó li! Ŋą́ nąą mąą pənə a lɔi pun a yələ kəlee.

Ɉeremi 25:23

Dedan nuą Tema nuą, Buzə nuą da nuąi kpɔ tii da di nwun galaan,

Ɉeremi 25:36

Taatɛlɛɛ mɛ̨i kaa nuą gboo təli woo kaa tɔɔi, taatɛlɛɛ tɔɔ nuą tomą woo yɛ tɔɔ. Yai-Laa kaa daatɛlɛɛ laa mɛɛiɠaa hukalai.

Ɉeremi 27:7

Lɔiɠaa kəlee kaa pa tí mą, yaa da non, da non nwɔ lon; yili pulu nwɔ lɔi yaa kpɛli, nwɔ yələ a pa həlii, lɔi tamąą da tɔɔɓɛlaa huwalawalaaɠaa diɛ hee mɛ̨i.

Ɉeremi 3:19

Ɲą́ą́, ŋį́ kɛi mo gwə́i, gɛ́ kɛ diɛ: «Ŋą́ kɛ kpɔ bɔ ŋį́ ə́ kɛ nón ɉinąąlɔwai a lon ɉulɔnu tɔlɔɔ, lɔi yii nu kəlee ɲɛ̨i kaa kulɔi bɔ, ŋį́ dɛɛ kɛ ə́ pɔ; a lɔi yii nɛlɛɛ mɛlaa lɔiɠaa lɔwai. Ə kɛ gwəi, ka káá pai kɛi mą́ą́: ‹Ku Nán!› Ka hva kɛa ka pulu tɔɔ mą́ą́.»

Ɉeremi 48:26

Ka lɔɔ tɔɔ na, ə gɛlɛ, hvo gaai, ə gbɔwɔ gɛnɛ̨ ə dɛɛ Yai-Laa ɓa. Ya ka mąąkɔ̨nwɔ̨i maɠi hu, yaa kpɛli aa kɛ a yɛlɛ mąą hɛn.

Ɉeremi 48:38

Moabə pɛlɛ́ kəlee mu, gwəli kəlee hu, wɔlɔ woo lɔ ɓə laa, diɛ kɛ mą: «Daa Moabə wolo yɛ kɔ́wɔ haɠa. Ɲą́ą́ Yai-Laa nwóó li!»

Ɉeremi 50:27

'Ka Nįŋɛ̨ gbɔnŋaa kəlee paa, 'ka li a diɛ Nįŋɛ̨ paai. Aa kɛ a mɔ̨nɔ̨ aa laa diɛ, di wɛi ɲələ aa həli. Ɲələi da di nwąną kulɔ la diɛ, ɲələ li.

Ɉeremi 6:26

Kaa ɓaa nwɔ́ nu huwui, ka mąąwɛli heeɓo! Ka too luwu hu ka kɔ́, yɛ nu non ɉulɔnu tɔ̨nɔ̨ gbən a haa. Ka ka woo laa a nwąnąą! A mąąwɛliɛ, mąąhɔlɔɓo, gɛɛ kala nuą tii, di kaa pai woloi lɔ kaa tanwɔn kpúlu, ka tɛɠii pələ.

Woolaa 4:21

Ee kə, Edɔmə lɔi hu hee ɓo nuą! A kɛ lɔ tii, 'ká pili kpɔ yələi a kwəinɛ̨ɛ̨! Káái heeni Usə lɔi ɓa! Káá kpɛli mąn, gbələ kɔ́wɔ ŋɛ̨i kaa pai tɛɛi ka laa ɓa, gaa pai ká hon ɉii yɛ lɔɔ, kaa ká kpuwulu mąą lɛ.

Izikiɛ 34:20

Yili mąą mɛ̨nį ɓa, Mɛ̨nį kəlee ŋą Hééɓomun Yálá yɛ: Ɲą́ą́ gbínii, gáá pai mɛlaa haa yolaa, da mɛlaa haa kpalaa di lɔwai mɛ̨nį ɓoi.

Danîa 11:8

Yili pulu, gɔ́ pulu hɛnŋaa gaa pai ɉəɠəi, a li la Eziptə lɔi hu, ɉɛnŋaai tii ɓa: mąąnįnįn ɉaɠaaɠaa, yai kɛ a nɔi tii nwɔ alaɠaa, hɛni hɛnŋaŋa lɛlɛɛɠaa, da wali kwɛliɠaa, yai kɛ a ɲalaɠaai tii di wɔɔ. Yili pulu, kwɛlan damaa a tɛɛ, di hva kɛ kɔ́ kɔ́i.

Osia 8:8

Daa Israɛlə mu kpələ, gaa lɔiɠaa lɔwai yɛ hɛn dɔlɔ hvo mą.

Amɔsə 5:11

Kaa too mąąwɛli mun mɛ̨i, kaa gɔ̨nɔ̨n gulɔ ɲəi. Yili ɓə gaa mą, ka káá pai kwɛni pɛlɛ lɛlɛɛɠaa tɔɔi-yo! Kɛlaa, ka hva yii mu. Kaa viɲə huwu lɛlɛɛɠaa ɲɛa laa, Kɛlaa, ka hvo pai da ya kulɔi, ka hvo gɛ a lɔɔ kaa gbələ.

Zakari 10:3

Mɛlaa pulu nuą ɓə, ŋį́ nííholi di pɔ, molu hilɛɠaa ɓə gáá pai heei di hu. Mąąhɔlɔɓo, Yai-Laa Mɛ̨nį Kəlee ŋą Hééɓomun, kaa pai nwɔ taatɛlɛɛ kpului mɛ̨i kaai, yai a Ɉuda nwɔ pɛlɛ́i. Gaa pai gɛi a nwɔ kɔ́nwɔ̨-hvoo, gɔ́ mɛ̨i.

Zakari 11:3

'Ə́ wəli tɔɔ daatɛlɛɛ pulu nuą ɲiŋɛ̨ woo ɓa, mąąhɔlɔɓo, daa di ɲɛ̨i pɔ̨nɔ̨ hɛn ɉukala, ɲala gbɔnŋaa tómą woo kaa tɔɔi, mąąhɔlɔɓo, daa Ɉurdɛn nwɔ kpɔwɔ ɲąąkɛnɛi nwun ɲɛɛ,

Zĩi 5:5

Ká kɛ ká nɛ̨ɛ̨ hu yɛnɛ̨ɛ̨, káá ká liiɓa kɛ, káá ká laa nɛ̨ɛ̨ mįi, a hɛli ɲələɠaa.