Ɉeremi 25:32 - Yálá laawoo hɛɓɛ (dc)

³² Mɛ̨nį Kəlee ŋą Hééɓomun Yai-Laa woo ka, yɛ: Mɛ̨nį ɲąąnwąnąą a həɠə lɔi, ə li dakpɛli hu. Tulɔ hvaŋą kɛnɛ̨ a muhəɠə lɔi kpon ɉeei.

Yálá laawoo hɛɓɛ

³² Mɛ̨nį Kəlee ŋą Hééɓomun Yai-Laa woo ka, yɛ: Mɛ̨nį ɲąąnwąnąą a həɠə lɔi, ə li dakpɛli hu. Tulɔ hvaŋą kɛnɛ̨ a muhəɠə lɔi kpon ɉeei.

Bible

³² Ŋ̀wála-wâla kélee Yâwɛɛ è mò a gɛɛ mɛni kpɔ̂lu a nâa pâi táa-tâai ǹɔii-ŋuŋ-ŋai kélee su. M̀ɛni kpɔ̂lui ŋí a pâi pâi yɛ̂ɛ fãa kɛ́tɛ a kɛ̀ kulâi lɔii su kôyaa su.

Ɉeremi 25:32 ပူးပေါင်းရင်းမြစ်များ

Kɔlɔnikɔ Veerɛi 15:6

Di kɛi kɔ́, lɔi yɛ pɛlɛ lɔi ɓa, taa yɛ pɛlɛ taa ɓa. Gbala ə tɔɔ, Yálá ə di nwun ɉee gee ɓa a mɔ̨nɔ̨ huwu kəlee.

Azaya 30:30

Yai-Laa woo kaa pai kɛi tɔɔi a mąą ɲɔwuɔ, diɛ ɲee pili pələ kaa, nwɔ liiholi kɛnɛ̨ɛi hu, ə ɓo yɛ nwɔ̨n gɛnɛ̨ a kɛi kɛɛ kələn, yɛ hvaŋą tulɔ kɛnɛ̨ a kɛi pu, hanwon yɛ pu mu.

Azaya 34:2

Yai-Laa nwɔ liiholii aa muhəɠə lɔi kəlee laa ɓa, nwɔ kɛɛ kala liiholii aa muhəɠə di wɔ kɔlaɠa kəlee pɔ, aa ɲee lɛ diɛ di hukala mɛ̨nį ɓa; aa ɲee ɓo diɛ, di hukala.

Azaya 5:28

Donwą ɓaɠaaɠaa, da gilɛnŋąą kəlee di hu yalaa ɓə, di wɔ hooɠaai kɔ́wɔ ɲą wala walaai yɛ kwɛni, di wɔ wotoloɠaai kɔ́wɔ ə ɓo yɛ hvaŋą.

Azaya 66:18

Ɲą́ą́ ɓə di kɛ mɛ̨nįɠaa, da di kɛ kólóɠaa kɔ́lɔn. Ŋą́ pa hįį kəlee ɲąą kpɔn ɉii, da hį́i woo kəlee, di kaa pai pai, diɛ nwɔ mąąwiɛ kaa.

Ɉeremi 23:19

«Yai-Laa nwɔ tulɔ hvaŋai aa muhəɠə, a kɛɛ kala liiholi, vaŋa kaa tɛɛi, yɛ kpəlaan a hɔn mąą nuą nwun.

Ɉeremi 30:23

Yai-Laa nwɔ tulɔ hvaŋai aa muhəɠə a liiholi kɛnɛ̨. Hvaŋą kɛnɛ̨ li, nuąi daa di hɔn gɛ, diɛ ɓə gaa tɛɛi di mɛ̨i.

Ɉeremi 6:22

Yai-Laa woo ka, yɛ diɛ: Nu huwu ta ka ŋɛ̨i həɠəi ɲanwuɔ̨ pələ yɛ pa! Lɔi ta li yii ɉu kɛnɛ̨, aa muhəɠə aa hvilɛn pələ ɓa, yɛ həɠə lɔi kpon ɉeei pələ.

Ɉeremi 6:23

Nwɔ kulaaɠaa kaa di wɔ kpalaɠaa da mį́i kɔ́wɠaa kɔ̨nwɔ̨i. Di kili walawalaa ɲɛ̨imąąwɛli hvo di hu, di tin gaa tɔɔ yɛ gboloyá aa kɛi huluun, di kaa heeni hooɠaa mɛ̨i; di háán yiliɛ kɔ́ kɔ́ mɛ̨nį ɓa, daa tɔɔ a di yɛli, Siɔn taa! Yɛ́ ɓə di kaa pai pɛlɛi yɛ́.

Sofoni 3:8

Yili ɓa, ka mą́ą́ kpɔn! Ɲələi gáá pai múhəɠəi la, ŋą́ tɔɔ yɛ kɛla, gɛ́ ka hɔn doo, ka nąą mąą kpɔn! Gáá pai lɔiɠaa hukalai, gɛ́ tɔɔɓɛlaa di wɔ lɔiɠaa pu gee mɛ̨i, ŋą́ nwɔ́ liihvoli hee diɛ. Mąąhɔlɔɓo, gáá pai lɔi kəlee pilɛɛ gee mɛ̨i kələn ɉii, a nwɔ́ tolo nwɔ̨n. Yai-Laa wóó li!

Lukə 21:10

Yili pulu yɛ nwɔ̨nɔ̨ diɛ: «Lɔi kaa pai muhəɠəi mɛlan nɔi laa ɓa, tɔɔ ɓɛlaa diɛ di muhəɠə di kee laa ɓa.

Lukə 21:25

«Mɛ̨nįɠaa kaa pai kɛi hvóló ɓa, da yɛ kɛ ɲąnįn ma da pɛmɛ̨nɛ̨n gɔwɠaa. Lɔi mɛ̨i da, gboloyá hu tin gɛ pələ, yɛ liihɛlɛn doo nuą diɛ.