Ɉeremi 25:29 - Yálá laawoo hɛɓɛ (dc)

²⁹ Gáá mɛ̨nį ɲąąnwąnąą tɛɛi, gáá gbala tɔɔi daai da Náá ɓo ɉu, mą. Ɛlɛɛ, káán ka nwun yɛ kulɔ ɉu, yili hva kɛ tii, gáá kɔ-kɔ ɓɔwa təlii yɛnɛ̨ɛ̨ nąą kəlee mɛ̨i. Mɛ̨nį Kəlee ŋą Hééɓomun Yai-Laa woo li.»

Yálá laawoo hɛɓɛ

²⁹ Gáá mɛ̨nį ɲąąnwąnąą tɛɛi, gáá gbala tɔɔi daai da Náá ɓo ɉu, mą. Ɛlɛɛ, káán ka nwun yɛ kulɔ ɉu, yili hva kɛ tii, gáá kɔ-kɔ ɓɔwa təlii yɛnɛ̨ɛ̨ nąą kəlee mɛ̨i. Mɛ̨nį Kəlee ŋą Hééɓomun Yai-Laa woo li.»

Bible

²⁹ Ye gáa, ŋa pâi mɛni kpɔ̂lu lâai Zerusâlɛŋ ma nyíi ŋá ńaa sèe mai. Gáa íkili ŋá a gɛɛ ḿve pâi íkula maa kɛ̂i? Kpao! Ŋa pâi gɛ̂i tí! Ŋ̀wála-wâla kélee Yâwɛɛi è mò ǹyɛɛ a pâi kɔ́ toôi kpɔ́ núu kélee ma ŋ̀éniɛi su gwaa kélee.

Ɉeremi 25:29 ပူးပေါင်းရင်းမြစ်များ

Tɔɔɓɛlaa dɔlɔɔ 8:43

Ee Yai-Laa! Lɛɛ yələkɔlɔn ɉu, ə́ ə́ wəli tɔɔ, ə́ mɛ̨nį kəlee kɛ, yɛ bələi nwɛ̨ąi tii kaa pai vɛli la yɛ́. Ə gɛ, yɛnɛ̨ɛ̨ nuą kəlee diɛ pɛli ə́ laa kɔ́lɔn ɉii, ɛlɛɛ, diɛ ɲɔw yɛ́, yɛ bələi ə́ wɔ nu huwu Israɛlə a ɲɔw la yɛ́. Ɛlɛɛ, di gili kɔ́lɔn diɛ kɛ da kɛi ə́ laa ɓoi bɛlɛ́i ŋɛ̨i mɛ̨i, yai ŋą́ dɔɔ.

Hanwon 11:21

Mąąhɔlɔɓo, mįnɛ̨ həɠɛɛ lɔi kaa a nu haŋąąɠaa di wɔɔ. Diɛ ɓə da hee laa.

Hanwon 11:31

Tələnmomun a lɛɛ lɔi mɛ̨i ə dɔlɔ ta hɔlɔɓo, gu hvomun kɛ nwąnąlɔ nuą da nɛ̨ŋɛ̨n ɉəɠə nuą!

Hanwon 17:5

Nui a yɛlɛ kulɔ mąąwɛlimun ɉu, a kɛ tii, Yálái mąąwiɛlimun tii pɛli, ya ɓə gaa lalan ɉii. Nui a kwəinɛ̨ɛ̨ kulɔ mąąwɛli mɛ̨nį hu, hva lɛɛ tii, hvo kɛli di ɉutɔɔ.

Azaya 10:12

Kɛlaa, ɲələi Yai-Laa kaa pai ɲee laa kulɔi la nwɔ koloi kəlee ɓa Siɔn yee nwuɔ̨ da Ɉerusalɛmə daai, gaa pai kɛi diɛ: «Gáá kɛa nwɔ́ nąą kɛi Asiri tɔɔmun ŋą kpɔwɔ ɲąą kɛnɛ̨ mɛ̨nįi ŋɛ̨i hu, da ŋą tɛɠɛɓoɉulaa.

Ɉeremi 13:13

Yá bulu pənə diɛ, yɛ́ diɛ: ‹Yai-Laa yɛ: Nɔi ŋɛ̨i hu nuą kəlee, di wɔɔ tɔɔɓɛlaai di kaa a Davidə huwu, diɛi heeni nwɔ tɔɔkpəlin mɛ̨i, ɉaláá laa həli nuą mąn, da Yálá kwəi mɛ̨nį hukulɔ nuą mąn, da Ɉerusalɛmə nuą kəlee; gáá pai gəlee kɛi yɛ lɔɔ honŋaa.

Ɉeremi 19:3

Ə́ kaa pai kɛi diɛ: Ka ka wəli tɔɔ Yai-Laa woo ɓa, Ɉuda tɔɔɓɛlaa, da Ɉerusalɛmə hee ɓo nuą; Yai-Laa Mɛ̨nį Kəlee ŋą Hééɓomun, Israɛlə nwɔ Yálá yɛ, gáá pai mɛ̨nį ɲąąnwąnąą laai gɛɛnąą ŋɛ̨i ɓa! Nui lɔpee pai bələ mɛ̨n ɉii, hvo kɛ li nwəli a hvaa nwun ma wee.

Ɉeremi 30:11

Yai-Laa yɛ, gáá ə́ pɔ ə́ kulɔ mɛ̨nį ɓa mɛ̨nįi. Nɔiɠaai kpɔ tii ŋą́ ka taɠa taɠa ɉu, gáá gəlee hu kalai. Kɛlaa ə́ wɛi, vá ə́ kala, gáá ə́ mąąkwɛli, yɛ́ hiɛ a bələ, vá da lɛɛ hvo tɛɛ yɛ́ kpɛli-kpɛli.

Ɉeremi 46:28

Nwɔ́ tímun Ɉakɔbə, hvo ɲɔw. Ɲą́ą́ Yai-Laa nwóó li! Hvó ɲɔw, gáá ə́ pɔ. Nɔiɠaa kpɔ tii ŋį́ ə́ huwu taɠa taɠa ɉu, gáá gəlee hukalai. Kɛlaa, ə́ wɛi, və́ ə́ hukalai. Gáá ə́ mąąkwɛlii, yɛ́ lɛɛ tɔ́n nwoo mu. Kɛlaa, və́ ə́ hɔn da lɛɛi laa kpɛli kpɛli.

Ɉeremi 49:12

Gaa tii, Yai-Laa woo ka: «Nuąi kɛ mąą hvo nɛ̨ɛ̨li di hvo nɔɔ ta kpələ, da di kpaan, diɛ da tɔɔ di la, ɛlɛɛ, yɛ́i ŋɛ̨i ə́ nwun a kulɔ ɉu, hva kɛ tii, ə́ nwun va kulɔ ɉu, hva ɉəɠə mą, ə́ kaa pai da kpələi.

Izikiɛ 14:17

A wala kɛ ti, ŋą́ pa a kɔ́ kɔ́ nɔi ti hu; gɛ́ kɛ diɛ: Ə kɛ a nu, ə kɛ a huwɔ; kɔ́ kɔ́ ɓɔwa ə tɛɛ, ə gəlee paa.

Izikiɛ 14:21

Mąąhɔlɔɓo, mɛ̨nįi Yai-Laa kaa moi ya ka: «Ə mą kɛ, ŋą́ą́ hutɔɔ hɛnŋąą nąąn dɛɠɛ Ɉerusalɛmə ɓa, diɛ ɓaa a, kɔ-kɔ-ɓɔwa, pulu, lɔwɔ huwɔ kpəɠiɛɠaa, da ɲɔ̨n, diɛ nu kanŋaa da taatɛlɛɛɠaa paa laa,

Izikiɛ 38:21

Gáá pai kɔ-kɔ-ɓɔwa tolui, yɛ həɠə nwɔ́ yeeɠaa kəlee mɛ̨i, yɛ wolo Gɔgə ɓa. Mɛ̨nį kəlee ŋą Hééɓomun Yálá woo li. Nu tɛi tɛi kaa pai pɛlɛi nąngaa ɓa a kɔ́ kɔ́ ɓɔwa. Hééɓo kəlee Nąmu Yálá woo li.

Izikiɛ 9:6

Ə kɛ a hulɔngolo, ə kɛ a ląŋąlon, ə kɛ a halakpɛla, lɛapɛlɛɛ mąn, nɛ̨ąą mąn; ka gəlee paa, ə lɛɛ ɉu, di kpɛɛ kpɔ tɛ̨ɛ̨ tɛ̨ɛ̨. Kɛlaa, nui lɔpee, nui ɲɛ̨i pɔɔ a kɛ mą, 'ká hvo tunwɔ̨n mą. 'Ká gbala tɔɔ Yálá hee pɛlɛ́ ɓa. Di gbala tɔɔ kɛa ɉulɔngoloɠaai ti kɛ Yálá hee pɛlɛ́ laaləi diɛ.»

Abdiasə 1:16

Kaai ɓaa Israɛlə nu huwu, kaa gbɛa nwɔ́ liiɲąnwąną kpələ kɔ́wɔi hu lɔɔ kpələ, nwɔ́ yee ŋɛ̨i ɉéé pɛlɛ kaa tɔɔ ni mɛ̨i, mą. Yii ɓaa nɔi yiiɠaa tii di wɛi, gbəlɛɛ hvo pai kpɛlai pələi, di kaa pai gbələi, ə di kɛlɛ. Yili pulu, di kaa pai kpɛɛi kpɔ lɔi mɛ̨i tɛ̨ɛ̨tɛ̨ɛ̨??.

Zakari 13:7

Yai-Laa Mɛ̨nį Kəlee ŋą Hééɓomun woo ka, yɛ: Kɔ-kɔ ɓɔwa, 'ə́ muhəɠə nwɔ́ ɓɛlaa pulumun pɔ, a mɛ́lanmun nwalaai tii. Daatɛlɛɛ pulu mun, 'gɛlɛ, mɛlaahaaɠaa di taɠa. Ɲéé kaa pai yálii bulu, yɛ bɛlɛɛ pɛlɛɛɠaa kɛlɛ.

Lukə 23:31

Mąąhɔlɔɓo, akɛ wulu nwunu ɓə di gɛ la ŋɛ̨i, wulu kpala nwɛi a kɛ kɛa ləi?»

Piɛrə dɔlɔɔ 4:17

Yálá nwɔ kitii teei lɔwai aa lɛɠɛ, kɛlaa, gɔwɔ kaa pai tɔɔi Yálá nwɔ pɛlɛ́i ɓa. Yaan, akɛ gɔwɔ kaa tɔɔi guɔi, nuąi di hvo gɛi di hvo laa Yálá nwɔ wɛlɛɛ lɛlɛɛ la, di ɲąąkpɛɛi a kɛ ləi?