Ɉeremi 25:27 - Yálá laawoo hɛɓɛ (dc)

²⁷ Ə́ kaa pai kɛi diɛ: «Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka: ka ká kpələ kpɔ ə lɛɛ ɉu ə ka hon, kaa ɓaɠi, ka too ka hva pɛli ka muhəɠəi, gɔ́ kɔ́ ɓɔwai gáá pai bilii ka lɔwai ɲɛ̨i tɔwɔ.»

Yálá laawoo hɛɓɛ

²⁷ Ə́ kaa pai kɛi diɛ: «Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka: ka ká kpələ kpɔ ə lɛɛ ɉu ə ka hon, kaa ɓaɠi, ka too ka hva pɛli ka muhəɠəi, gɔ́ kɔ́ ɓɔwai gáá pai bilii ka lɔwai ɲɛ̨i tɔwɔ.»

Bible

²⁷ Nya ƃe Ŋ̀wála-wâla kélee Yâwɛɛ nyii gáa a Eezuɛ Ŋɔɣâlai è mò ḿâ a gɛɛ ŋá m̀ó ǹûai dîa ńyɛ̃ɛ Yâwɛɛ ǹyɛɛ, “Ka kákpele a ŋwã̂ai nyíi gáa gbele-kɔɛɛi ŋí sui é kákɛ ká kákɔŋ píli, ka tóo káfa ká mu sìɣe. Kpɛ́ni fêi ŋa pâi kɔ́ toôi kásama.

Ɉeremi 25:27 ပူးပေါင်းရင်းမြစ်များ

Azaya 51:21

'Ə́ wəli tɔɔ kani mɛ̨nįi ŋɛ̨i ɓa mąąwɛli nɛ̨ɛ̨nu, ə́ ɓo yɛ lɔɔ-hon, ɛlɛɛ yaan hvo lɔɔ kpələ li.

Azaya 63:6

Ŋą́ lɔiɠaa kiin nííholi pələ ɓa, nwɔ́ líiholii ə di kɛlɛ, di kɛ tupɛ-tupɛ, gɛ́ di wɔ mąąwiɛ pənə a pɔlɔ.

Ɉeremi 12:12

Nɔi pun ɉu pələɠaa kəlee pɔ, kɛɛ kala nuą kaa pai; Yai-Laa nwɔ kɔlaɠa kaa pai, gaa pai nɔi hu hɛɓɛ́-hɛɓɛ́i; ə həɠə nɔi mɛ pələ yɛ li mɛ pələ; nu ta hvo liilaa hu.

Ɉeremi 13:13

Yá bulu pənə diɛ, yɛ́ diɛ: ‹Yai-Laa yɛ: Nɔi ŋɛ̨i hu nuą kəlee, di wɔɔ tɔɔɓɛlaai di kaa a Davidə huwu, diɛi heeni nwɔ tɔɔkpəlin mɛ̨i, ɉaláá laa həli nuą mąn, da Yálá kwəi mɛ̨nį hukulɔ nuą mąn, da Ɉerusalɛmə nuą kəlee; gáá pai gəlee kɛi yɛ lɔɔ honŋaa.

Ɉeremi 22:10

Nui a haa, ka hvo ɉaa wɔlɔ ɓo, ka hvo haa mɛ̨nį ta kɛ mą; kɛlaa nui lii luwɔlaa hu, ka nwɔlɔ ɓo; Mąąhɔlɔɓo, hva kɛa pənə hvo ɲɛ̨i tɔɔ gaa lɔi ɓa.

Ɉeremi 25:16

Di kaa pai gbələi, diɛ tɔɔ la takpa-takpa, ɓɛlɔwai gáá pai kɔ́ kɔ́ ɓɔwa pilii la di lɔwai, da gaa yɛ di hu pu diɛ.»

Ɉeremi 46:10

Kɛlaa volói tii, gaa a Nąmu Yai-Laa Mɛ̨nį Kəlee ŋą Hééɓomun nwąną kulɔ hvóló, yɛ nwąną kulɔ ɲowoɠaa diɛ. Kɔ kɔ́ ɓɔwa kaa paa ɓo kɛi, yɛ pilɛ, yɛ pilɛ ɲąmą hu. A tɛ̨ą Nąmu Yai-Laa Mɛ̨nį Kəlee ŋą Hééɓomun, gaa paa ɓo kɛnɛ̨ kɛi ɲánwuɔ̨ pələ Eufratə kwɛlɛ.

Ɉeremi 46:14

'Ká mɛ̨nįi tii laa həli Eziptə lɔi ɓa, 'ká noloɓo Migdolə, 'ká noloɓo Mɛmfisə da Dafne; kaa mą: 'Haŋąn ə́ tɔɔ, ə́ ə́ kpɔɔ pɛli, mąąhɔlɔɓo, kɔ́ kɔ́ ɓɔwa kaa kɛɛ kalai ə́ kwɛlɛ nąą kəlee.

Ɉeremi 50:35

Yai-Laa woo ka, yɛ diɛ: Kɔ kɔ́ ɓɔwa kaa Kalde nuą hu hɛɓɛ́-hɛɓɛ́i, ə mą kɛ Babilonə nuą da di ɲɛ̨itɔwɔ nuą, bɛlɛɛ nwɔ mɛ̨nį kɔ́lɔn nuą diɛ.

Ɉeremi 51:39

Hvɛ́nɛ̨ aa di yɔwɔ, gáá kɔ̨nɔ̨n bili diɛ, gáá lɔɔ tɔɔi di la, yɛ di yee kulɔ di mu, diɛ yíi, a yíi ɲɔ̨nwɔ̨mąn, kpɛɛ hvo mą, di hva kɛa pənə di hvo nwun. Ɲą́ą́ Yai-Laa nwóó li.

Ɉeremi 51:57

«Gáá lɔɔ tɔɔi Babilonə lɔi hu kóló kɛ nu kpɛa kpɛa kəlee la, da nwɔ mɛ̨nį kɔ́lɔn nuą, da nɔi ɲɛ̨itɔwɔ nuą, bɛlɛɛ galanɉonŋaa diɛ, da gulaaɠaa; yɛ di hon. Di kaa pai yíi, kpɛla bələi hva kɛ mą, di hva kɛa di ɲįnąąɓo. Dɔɔmun da kɛ naa ɓaa a: Yai-Laa Mɛ̨nį Kəlee ŋą Hééɓomun nwoo li!»

Woolaa 4:21

Ee kə, Edɔmə lɔi hu hee ɓo nuą! A kɛ lɔ tii, 'ká pili kpɔ yələi a kwəinɛ̨ɛ̨! Káái heeni Usə lɔi ɓa! Káá kpɛli mąn, gbələ kɔ́wɔ ŋɛ̨i kaa pai tɛɛi ka laa ɓa, gaa pai ká hon ɉii yɛ lɔɔ, kaa ká kpuwulu mąą lɛ.

Amɔsə 8:14

Nuąi kɛi di kwɛla a Samari hali laa, Diɛi kɛi di kwɛla, diɛ kɛ mą: «Dan! Ə́ wɔ halii laa hu!», A wala kɛ tii, «Beɛrə-Seva pələi laa hu!» Nuą tii da too di hva kɛa di muhəɠə.

Nahumə 3:11

Ə́ wɔ yələ aa həli, yɛ́ kpɛli mɛ̨n, lɔɔ yɛ ə́ hon, yɛ ə́ kɛlɛ, yɛ́ kpɛli mɛ̨n, ə́ pui kwɛli ə́ yowo tɔwɔ.

Habakukə 2:16

Nwumɛ̨ ka tii, ka káá ka kpɔwɔ kwɛlii la, mąąwiɛ hvo li. Kaa kpɛli, ka nɔɔ tii ta kpələ, ka ka kpuwulu lɛ. Yai-Laa, kaa pai ka ɲee tɔɔi ka kwaną, Nwɔ liiholii yɛ ka kɛlɛ́ yɛ lɔɔ, ka wɔ mąąwiɛ mąą a pənə a ɓɛlɛkpɛɛmąą.

Dutɛrɔnome 32:42

Nwɔ́ kɔ́ kɔ́ ɓɔwai kaa pai pilɛi huwɔ hu. Nwɔ́ mɛ̨ɛ̨kɔwɠaa diɛ di kpələ a ɲąmą, yɛ di kɛlɛ yɛ lɔɔ, diɛ pilɛ a nuąi daa haa di ɲąmą, da gɔ́kulááɠaa, da ɲówo nwun gbilɛɛɠaa, nwun galən ɲąmą.»

M̀ɛni-lɛɛi 14:10

mąą nu yaa kpɛlimąn, gaa pai Yálá ŋą lííholi lɔɔi ta kpələi, yai da bu ŋą lííholi kpələ-kɔwɔi hu, di hva ɉumu, ɛlɛɛ, gaa lii mɔ̨nɔ̨ kɔlɔn ɉii nwɔ̨n maɠa hu, malaka mąąhəɠɛɛɠaa da Mɛlaa Lon di ɲɛ̨i ɓa.