Ɉeremi 25:20 - Yálá laawoo hɛɓɛ (dc)

²⁰ Voló tooi pələ kəlee, Usə lɔi dɔɔɓɛlaa kəlee, Filisti tɔɔɓɛlaa kəlee: Askelɔn, Gaza, Ɛkrɔn da nu kpəlii aa lɛɛ Asdɔdə;

Yálá laawoo hɛɓɛ

²⁰ Voló tooi pələ kəlee, Usə lɔi dɔɔɓɛlaa kəlee, Filisti tɔɔɓɛlaa kəlee: Askelɔn, Gaza, Ɛkrɔn da nu kpəlii aa lɛɛ Asdɔdə;

Bible

²⁰ Ŋá gɛ̀ ŋ̀ɔ̃yai-ŋai kɛ̀ Izei dí da kpéle, é pɛ́lɛ Uzi kaloŋ ma. Ǹaa pôlu ma, Felesia kaloŋ-ŋai da-ŋa nyíi-ŋai kùla daa lêe-ŋai ŋí sui: Asikɛlɔŋ, Geza, Ɛkulɔŋ da ǹûai nyíi-ŋai lɛ̂ɛ Asɔdɔi dí da kpèle.

Ɉeremi 25:20 ပူးပေါင်းရင်းမြစ်များ

Zɛnɛse 10:23

Aramə lon ɉinąą laa ka: Usə, Hulə, Gɛtɛrə da Masə.

Zɛnɛse 22:21

Di lonnii tii laa ka: Dɔlɔɔ ɓaa: Usə. Nəɠə laa ɓaa: Buzə, ɛlɛɛ, da Kemuɛlə, yai kɛ a Aramə nąn.

Kɔlɔnikɔ Maa-ŋuŋ 1:17

Sɛmə lonnii laa ka: Elamə, Asurə, Arfasadə, Ludə, Aramə, Usə, Hulə, Gɛtɛrə da, Mɛsɛkə.

Zôo 1:1

Nu ta ə wɔlɔ kɛ Usə lɔi hu, a hulɔnu ta, diɛ kɛ mą: Ɉobə. Ə kɛ a nui dúwɔ́ pələ lɛlɛɛ, nwɔ mɛ̨nį haŋąą; yɛ ɲɔw Yálá ɓa, ɛlɛɛ, yɛ mąą kwɛa mɛ̨nį ɲɔ̨n ma.

Lɛɛ gbɔwɔ ɓa 12:38

Nu huwu tamąą di lɛɛ di pɔ, da diɛni diɛ li, da taatɛlɛɛ kpulu kɛnɛ̨.

Azaya 20:1

Gwɛlan tii, Asiri tɔɔmun Sargɔn ə nwɔ kɔlaɠai tɛɛ la, ə pa ə wolo Asdɔdə taa ɓa, ə ɉon.

Ɉeremi 25:24

Arabə tɔɔɓɛlaa kəlee, nu humɔɔɠaa di wɔ tɔɔɓɛlaa kəlee, diɛi tii heeni nɔi pun ɉu.

Ɉeremi 27:3

ə́ da tɛɛ Edɔmə tɔɔmun da Moabə tɔɔmun ma, Amɔn lonnii di wɔ tɔɔmun, Tirə tɔɔmun, da Sidɔn tɔɔmun; di wɔ kɛlaɠaai tii pa Ɉerusalɛmə, Ɉuda tɔɔmun Sedesiasə pɔ ə́ dɛɛ di pɔ dəli la.

Ɉeremi 50:37

Gɔ kɔ́ ɓɔwa ə hee ɉooɠaa hu, da nwotoloɠaa, da nu hviikpɛɠaa kpɔ tii nįnįn mu, da kɛ yɛ nɛ̨ąą. Gɔ kɔ́ ɓɔwa ə hee gɔ́ kɔ́ hɛnŋaa pui, daa too ɉu.

Woolaa 4:21

Ee kə, Edɔmə lɔi hu hee ɓo nuą! A kɛ lɔ tii, 'ká pili kpɔ yələi a kwəinɛ̨ɛ̨! Káái heeni Usə lɔi ɓa! Káá kpɛli mąn, gbələ kɔ́wɔ ŋɛ̨i kaa pai tɛɛi ka laa ɓa, gaa pai ká hon ɉii yɛ lɔɔ, kaa ká kpuwulu mąą lɛ.

Izikiɛ 30:5

Nubi, Putə, Ludə, Kuvə, nɔi huwu tamąąi kpɔ da diɛ ni di kaa ɓɛlan naa hu, da diɛ ni da too a kɔ́ kɔ́ ɓɔwa laa pɔɔ.

Nwun mąąɓo 1:18

Yili pulu, Ɉuda ə Gaza da gwɛlɛ lɔiɠaa hon, Askelɔn da gwɛlɛ lɔi, ə mą kɛ Ɛkrɔn da gwɛlɛ lɔi.

Samuɛlə dɔlɔɔ 6:17

Ɲɔ̨n tii pɛlɛ Filisti nuą diɛ, yai di mąąnįnįn ɉəɠə a hɛni, di nɛ̨ɛ̨mąą hvə la Yai-Laa ɓa; diɛ ka: Dɔ̨nɔ̨ ə kɛ a Asdɔdə nwɔɔ, dɔ̨nɔ̨ Gaza, dɔ̨nɔ̨ Askelɔn, dɔ̨nɔ̨ Gatə, dɔ̨nɔ̨ Ɛkrɔn.