Ɉeremi 24:8 - Yálá laawoo hɛɓɛ (dc)

⁸ Yai-Laa yɛ diɛ: «Mɔ́láá ɓá ɲɔ̨nwɔ̨ɔ̨ɠaai tii mį́i hvo diɛ, di kalaa, ɉɛn da gɛ a diɛ, ya ɓə gáá pai gɛi a Ɉuda tɔɔmun Sedesiasə da nwɔ tí nuąi, da Ɉerusalɛmə nuą gbəliɠaai lɛɛ daai, yiiɠaai kpɔ kɛ nɔi ŋɛ̨i hu da yiiɠaai kpɔ Eziptə lɔi hu.

Yálá laawoo hɛɓɛ

⁸ Yai-Laa yɛ diɛ: «Mɔ́láá ɓá ɲɔ̨nwɔ̨ɔ̨ɠaai tii mį́i hvo diɛ, di kalaa, ɉɛn da gɛ a diɛ, ya ɓə gáá pai gɛi a Ɉuda tɔɔmun Sedesiasə da nwɔ tí nuąi, da Ɉerusalɛmə nuą gbəliɠaai lɛɛ daai, yiiɠaai kpɔ kɛ nɔi ŋɛ̨i hu da yiiɠaai kpɔ Eziptə lɔi hu.

Bible

⁸ “Berei fîi wuru-ƃa nyɔ́mɔɔi káa la miî fé mài, bere ƃé ŋa pâi tûai la a Zɛdikaya nyíi gáa a Zuda kaloŋ da ŋɔtíi kɛ́-ƃelai, é pɛ́lɛ ǹúu-kpului ma nyíi pâi lɛɛ̂i Zerusâlɛŋ taa-leei ŋí sui, da ǹûai nyíi-ŋai díkaa Ize lɔii sui.

Ɉeremi 24:8 ပူးပေါင်းရင်းမြစ်များ

Kɔlɔnikɔ Maa-ŋuŋ 3:15

Ɉosiasə lonnii laa ka: Non ɉulɔnu dɔlɔɔ Yohanan, veelɛnąą Yoyakimə, ɉaaɓanąą Sedesiasə, nąąnnąą Salumə.

Ɉeremi 13:7

Ŋą́ li kɛa Peratə ɲai, gɛ́ naakwɛli, ɓɛi hiɛ ŋį́ ɉąą yili kɔ́lɔ loo laa, gɛ́ kɛ ŋį́ ɉəɠə. Ɉąą yili kɔ́lɔ tii aa kala kpɔ tɛ̨ɛ̨tɛ̨ɛ̨; hva pɛli kɛa kɛ kɛi a hɛn da.

Ɉeremi 21:10

Yai-Laa yɛ diɛ: A tɛ̨ą, gáá pɛlɛi daa ŋɛ̨i ɓa, gɛ́ mɛ̨nį nwąnąą laa mą, və́ nɛlɛɛ laai mą. Gáá dooi Babilonə tɔɔmun yee ŋą, ə gələn.»

Ɉeremi 24:2

Ɓɔ́láá ɓá lɛlɛɛɠaa di kɛ gbili dɔlɔɔ hu, yɛ ɓɔ́láá ɓá dɔɔdɔwɔɠaa. Gbili hveelɛnąą hu, wulu ɓaɠaa ɲɔ̨nwɔ̨ɔ̨ kɛ, mįi hvo kɛ diɛ, di kala pələ ɓa.

Ɉeremi 24:5

«Yai-Laa Israɛlə nwɔ Yálá woo ka, yɛ diɛ: Bələi lɔ da di ɲɛ̨i hee la a nɛlɛɛ mɔ́láá ɓá lɛlɛɛɠaa ŋɛ̨i diɛ, bələ lɔ ɓə gáá pai ɲɛ̨́i lɛlɛɛ heei la Ɉuda kɔluwɔɠaa diɛ, diɛi tii ŋį́ di kpɛ gɛɛnąą ŋɛ̨i ɓa, diɛ li Kalde lɔi hu.

Ɉeremi 37:10

Ə mą kɛ, káá Kalde kɔlaɠa kəlee hu nuą paa, a diɛi tii gɔ́ pɛlɛi kaa, ɛlɛɛ, nu tɛitɛi ə mą lɛɛ, tonwą kpanwɔɔ diɛ, da di muhəɠə, di wɔ kələɠaai mu, diɛ daai ŋɛ̨i kələn.»

Ɉeremi 37:17

Yili pulu, tɔɔmun Sedesiasə ə nu ta tɔɔ, diɛ li dəli; tɔɔmun ə mąąnin kɛ loo pələi, ɲəi bɛlɛ́n, yɛ mą: «Yai-Laa nwɔ wɛlɛɛ kaa ə́ la?» Ɉeremi yɛ mą: «Ee! Di kaa pai ə́ tɛɛi Babilonə tɔɔmun pɔ.»

Ɉeremi 43:1

Ɉeremi kpɛɛ kɛa a nwoo laa kulaa nuą ɲɛ̨i ɓa, a Yai-Laa di wɔ Yálái, wooɠaai ɓoɔ, a yai Yai-Laa di wɔ Yálái ə mo mą, ə gəlee laa həli.

Ɉeremi 44:1

Mɛ̨nįi di mo Ɉeremi ɓa, yɛ hvilɛn na Ɉuda lɔi hu nuą kpɔ tii li heei Eziptə lɔi hu; Migdolə, Dafne, Mɛmfisə, da Patrɔsə lɔi hu, ya ka: