Ɉeremi 23:9 - Yálá laawoo hɛɓɛ (dc)

⁹ Yii hvilɛn na Yálá kwəi mɛ̨nį hukulɔ nuą diɛ: Níí aa yali gwə́i. Gɔ́lɔ kəlee yɛ kpɛlin mą́ą́, gáá yɛ lɔɔ hon, yɛ nui lɔɔ aa gɛlɛ, Yai-Laa da nwoo mąąhəɠɛɛ tii mąą mɛ̨nį ɓa,

Yálá laawoo hɛɓɛ

⁹ Yii hvilɛn na Yálá kwəi mɛ̨nį hukulɔ nuą diɛ: Níí aa yali gwə́i. Gɔ́lɔ kəlee yɛ kpɛlin mą́ą́, gáá yɛ lɔɔ hon, yɛ nui lɔɔ aa gɛlɛ, Yai-Laa da nwoo mąąhəɠɛɛ tii mąą mɛ̨nį ɓa,

Bible

⁹ Ńii toɔ̂ɔi pôlu, ŋ́gɛ kpɛ̃̀liŋ Yâwɛɛ mɛni ma, ŋɔwóo maa waai mɛni ma. Ŋ́gaa nɔ́ yɛ̂ɛ núu ƃa lɔɔ kpéle, núu nyíi a ŋwã̂ai támaa kpéle, ǹyée a tɛɛ mai.

Ɉeremi 23:9 ပူးပေါင်းရင်းမြစ်များ

Mąątɛ̨nɛ̨ 60:3

Yálá, yáá ku pili, yáá ku hu taɠa-taɠa, Ə́ líiholiɛ kɛ! 'Pənə ə́ ku pu ku nįnɛ̨ kɔ́lɔi.

Mąątɛ̨nɛ̨ 69:20

Ə́ kili kaa ɉu Yɛ́, da kɛ nálán ɉii, mɛ́lɛ́ aa kpɛɛ mą́ą́, ɲɛ̨́i mąą aa luwu, a nwumɛ̨, ɲówóɠaa kəlee kaa ə́ ɲɛ̨i ɓa.

Azaya 28:1

Kpalo ɓɛlaai Ɛfraimə lɔɔ honŋąą di wɔ kpɔwɔ ŋąąkɛnɛ̨ ɓɔlɔi ɓa, nwulu powaɠaai daa yohva, diɛi kɛ a Ɛfraimə mąąyili hɛn ɲɛ̨i tɔɔɠaa, diɛi ɲa ɓoloon nɛlɛɛ hui, kaai lɔɔ yee aa tɛɛ kaai.

Azaya 29:9

Ka kwəi ə pili kaa, hvaa hvo kulɔ ka la, ka ɲɛ̨i ə pu, ka lɛɛ lɔ kɛa tii; ka kɛ tɔɔi takpa takpa, kɛlaa hva kɛ a lɔɔ laa pɔɔ, ka kɛ ka yee pɛlɛi ɓɛ-ɓɛ, Kɛlaa lɔɔ laa hva kɛ ɉu.

Azaya 51:21

'Ə́ wəli tɔɔ kani mɛ̨nįi ŋɛ̨i ɓa mąąwɛli nɛ̨ɛ̨nu, ə́ ɓo yɛ lɔɔ-hon, ɛlɛɛ yaan hvo lɔɔ kpələ li.

Azaya 6:5

Nąąlɔwai, gɛ́ diɛ: «Kpalo aa ɓɛla mą́ą́, nwún aa lɛɛ ɉu, hvó gaai, ɲą́ą́ ŋɛ̨i nááwulun mąą liɓiɛ a nɛ̨ŋɛ̨n, ŋį́ ɓo nwɔ̨nɔ̨ nu huwu lɔwai yiiɠaai di laawulun mąą liɓiɛ a nɛ̨ŋɛ̨n; ɛlɛɛ, ya ka ŋɛ̨i ŋą́ą́ Yai-Laa Mɛ̨nį Kəlee ŋą Hééɓomun kaa a ɲɛ̨́ikɔw.»

Ɉeremi 20:9

Ŋą́ tɔɔ gɛ́ kɛ diɛ: «Vá kɛa náá tunwɔ̨n mą, vá kɛa mɛ̨nį ta ɓo naa hu.» Ŋą́ gɛ tii, yaamun, a hee ɉú pələ yɛ nwɔ̨n gbəɠiɛ, gánan ŋąą gɔ́w hu. Ŋą́ tɔɔ kpɔ a nwą́nąąi, gɛ́ kɛ ŋį́ ɉu hon, Kɛlaa vá pɛli mą.

Ɉeremi 36:16

Nwooɠaai tii mɛ̨n di mo, di kəlee di kwəi ə pili diɛ, diɛ di ɲɛ̨i hee di kee ɓa. Yili pulu, diɛ Barukə ɓa: «Ku kaa pai nwooɠaai ŋɛ̨i kəlee hukulɔi tɔɔmun ma.»

Ɉeremi 5:31

Nuą daa di kpɔɔ kɛ a Yálá kwəi mɛ̨nį hukulɔ nuą, di kaa lɛɛ woo ɓoi. Ɉaláá kulɔ nuą diɛn, hɛn lɔpee di yee a pɛli mą, da nɔ di yəi ɲuɓoi. Yili aa kɛi kɛ tii, nwɔ́ nuą kwəinɛ̨ɛ̨ ɉu. Kɛlaa, ka káá pai gɛi ləi a naa kulɔ yələ?

Ɉeremi 8:18

Gáá mɔ̨nɔ̨ hu, yii naai hvo mą, ɉú aa haa,

Ɉeremi 9:1

'Əkə! Gbɛɛ ɓə a gbáán dee kələ tɛɛ pɔ? Nɔi pun ɉu! Ə gɛ, ŋį́ kulɔ nwɔ́ nuą lɔwai, ŋį́ li ŋį́ mą́ą́kilɛ di yəi kwɛa la. Di kəlee di kaa a wɛli hon nuą, a ɲaba lɔ nuą.

Woolaa 3:15

Aa góó laahvɛɛ a kala nwąną nwąną aa ɉón.

Izikiɛ 13:3

Mɛ̨nį kəlee ŋą Hééɓomun Yálá woo ka, yɛ: Kpalo ɓɛlaai diɛ, diɛi a gili kpɛɛ ɲəi nuąi tii da hvilɛn di kwəi kiliɠaa pului; ɛlɛɛ yaan, di hvo mɛ̨nį ta kaa li.

Izikiɛ 9:4

Yai-Laa yɛ mą: «'Hvilən daa pɔ, Ɉerusalɛmə taa pɔ; nuąi kpɔ ɲįŋɛ̨i, diɛ di woolaa dúwɔ́ pələ ɲɔ̨nŋąąi nuą kaa gulɔi daa kwəi mąą mɛ̨nį ɓa, ə́ ə́ pɔɔ kɛ mąą nuą tɔwɔla.»

Izikiɛ 9:6

Ə kɛ a hulɔngolo, ə kɛ a ląŋąlon, ə kɛ a halakpɛla, lɛapɛlɛɛ mąn, nɛ̨ąą mąn; ka gəlee paa, ə lɛɛ ɉu, di kpɛɛ kpɔ tɛ̨ɛ̨ tɛ̨ɛ̨. Kɛlaa, nui lɔpee, nui ɲɛ̨i pɔɔ a kɛ mą, 'ká hvo tunwɔ̨n mą. 'Ká gbala tɔɔ Yálá hee pɛlɛ́ ɓa. Di gbala tɔɔ kɛa ɉulɔngoloɠaai ti kɛ Yálá hee pɛlɛ́ laaləi diɛ.»

Danîa 8:27

Ɲą́ą́ Daniɛlə, ŋą́ Yələ tamąą kɛ, ɲɔ̨n yɛ ɓo mą́ą́, ə lɛɛ vįikpɛɛ. Vili tɛɛ pulu, ŋą́ pənə ŋą́ li gɛ́ kóló ɓa, yii tɔɔmun ə dɔ́ɔ́ ma. Ɉiin tii ŋą́ gaa, nwɔ kwəi pili maa ə kɛ mą́ą́, və́ kpɔ kɛi mukulaa kɔ́lɔn.

Habakukə 3:16

Ŋą́ din tii mɛ̨n, ɉú ə pu mą́ą́ kpɔ kɛnɛ̨; nááwuluun yɛ kɛlɛ gee ɓa a ɲɔw, gɔ́lɔi kəlee ə haa, gɔ́wɔ́ɠaa diɛ kɛlɛ di kee hu. Ŋą́ hee lɔ tin, və́ hvaa, gɛ́ mąąwɛli hvólói tii mąą kpɔn, ə gɛ, nɔi ŋɛ̨i aa hee ku mɛ̨i, diɛ li pɛlɛi mą.

Lomaŋ 7:9

Tɔlɔɔ ti kɛ, dɔ́n və ni kɛ pa li; ŋį́ kɛ a vúlú. Kɛlaa, yii kɛa dɔ́n ə pa a liɛwoo, nɛ̨ŋɛ̨n aa mąn kɛ a vulú.