Ɉeremi 23:31 - Yálá laawoo hɛɓɛ (dc)

³¹ Yai-Laa woo ka, yɛ diɛ: «Gáá hvaa pɛlɛi Yálá kwəi mɛ̨nį hukulɔ nuą tii da hvaa kpɛlɛɛ-kpɛlɛɛ, diɛ mɛ̨nį ɓo a náá, diɛ.»

Yálá laawoo hɛɓɛ

³¹ Yai-Laa woo ka, yɛ diɛ: «Gáá hvaa pɛlɛi Yálá kwəi mɛ̨nį hukulɔ nuą tii da hvaa kpɛlɛɛ-kpɛlɛɛ, diɛ mɛ̨nį ɓo a náá, diɛ.»

Bible

³¹ Ńdɔɔ̂i ɣâla ŋɔlóno kɛ́-ƃelai dîa nyíi-ŋai da díkpɔɔi woo ƃò, dí kɛ́ mò a gɛɛ ŋ́oo ƃei.

Ɉeremi 23:31 ပူးပေါင်းရင်းမြစ်များ

Tɔɔɓɛlaa dɔlɔɔ 22:11

Nąąlɔwai Kenaana lon Sidkiyahu, ə huwɔ mįnɛ̨ pɛli a kwɛli, ə dɔɔ nwuɔ̨, yɛ kɛ diɛ: «Yai-Laa yɛ diɛ: ‹Mįnɛ̨ɠaa ŋɛ̨i, di kaa a huwalawalai ə́ kaa lii Aramə nuą huwu pui la, mąą pɔɔ kɔ́ɔn.›»

Kɔlɔnikɔ Veerɛi 18:5

Israɛlə tɔɔmun ə nwɔ Yálá kwəi mɛ̨nį hukulɔ nuąi ɲąąkpɔn, di kɛ a nu nwun nąąn; yɛ diɛ: «Kwa pɛli lii mɔ̨ɔ̨ ku kɔ́ pɛlɛ Ramotə ɓa Galaadə, awala kɛ tii, ŋį́ lɛɛ ɓɛ?» Ya diɛ mą: «Tɔɔmun! 'Li, Yálá aa nąą tɛɛ ə́ pɔ!»

Azaya 30:10

Nuąi ŋį́ mɛ̨nį lɛ diɛ, da kɛ kɛi diɛ: «Ka hvo kɛɛ kaa.» Nuąi ŋį́ mɛ̨nį ɓo diɛ, diɛ yiliɠaai diɛ: «Ka hvo tɛ̨ą mɛ̨nį ɓo kuɔ. Mɛ̨nįɠaai lɔ ku kaa bɔ, ka yiliɠaai ɓo lɔ kuɔ, ka kpɛli kpɛli mɛ̨nįɠaa hu kulɔ lɔ kuɔ.

Ɉeremi 23:17

Nuąi da Yai-Laa woo ɓɛlɛkpɛɛmą, diɛ kɛ yiliɠaa diɛ: ‹Ka wɛi hu kaa pai nɛɛi.› Nuąi di yee kaa di túwɔ́ pələ ɲɔ̨n ɉu, diɛ kɛ yiliɠaa diɛ: ‹mɛ̨ni ta hva həli kaa.›

Ɉeremi 23:30

Yai-Laa woo ka, yɛ diɛ: «Yili mąą mɛ̨nį ɓa, Yálá kwəi mɛ̨nį hukulɔ nuą tii, da kɛ nwóó nwuɔ̨i di kee yəi, gáá hvaa pɛlɛi diɛ.»

Ɉeremi 23:32

Yai-Laa yɛ diɛ, «Gáá hvaa pɛlɛi Yálá kwəi mɛ̨nį hukulɔ nuą tii, da kɛ nɛɛ hįįɠaai kaai, diɛ lia ɉukulɔ, diɛ nuą nwun ɉu lan a di wɔ lɛɛ mɛ̨nįɠaai tii, da ɉanwon nwoo kpɛli-kpɛliɠaai tii. Ɲą́ą́ hvə di tɔɔ li la. Və́ mɛ̨nį ta ɓo li diɛ, di tɔlɔ lɔpee hvo diɛ nu ta ɲɛ̨i ɓa.» Yai-Laa woo li.

Ɉeremi 28:15

Nąąlɔwai, Yálá kwəi mɛ̨nį hukulɔ mun Ɉeremi yɛ Yálá kwəi mɛ̨nį hukulɔ mun Hanania ɓa: «Ə́ wəli tɔɔ Hanania, Yai-Laa hvə ə́ tɔɔ li, yɛ́ ɓə gɛi, nuą ŋɛ̨i diɛ di kpɔɔ ŋąąkolon a lɛɛ mɛ̨nįɠaa.

Ɉeremi 28:17

Yálá kwəi mɛ̨nį hukulɔ mun Hanania ə haa a gwɛlan nwɔ ɲąnin mɛ̨ihveelɛ lɔwai.

Mise 2:11

Ə li kɛ nu a pɛli hɔlɔɓoi, yɛ gilɛ həɠə hvaŋą pulu, lɔɔ pulu, yɛ kɛ diɛ: «'Ka lɔɔ tɛɛ bɔ́, a lɔɔ kpəɠiɛ ŋį́ Yálá kwəi mɛ̨nį ɓo yɛ́ a ə́ kwəinɛ̨ɛ̨ mɛ̨nį» mąą nu lɔ ɓə li kɛ a nu huwui ŋɛ̨i nwɔ kalan gɛmun.

Dutɛrɔnome 18:20

Kɛlaa, nu ta a niikpələ, yɛ kɛ yɛ gaa mɛ̨nį ta ɓoi a náá, yii və́ dí li la, a wala kɛ tii, yɛ hvaa haliɠaa laa hu, mąą nu a haa.»