Ɉeremi 23:30 - Yálá laawoo hɛɓɛ (dc)

³⁰ Yai-Laa woo ka, yɛ diɛ: «Yili mąą mɛ̨nį ɓa, Yálá kwəi mɛ̨nį hukulɔ nuą tii, da kɛ nwóó nwuɔ̨i di kee yəi, gáá hvaa pɛlɛi diɛ.»

Yálá laawoo hɛɓɛ

³⁰ Yai-Laa woo ka, yɛ diɛ: «Yili mąą mɛ̨nį ɓa, Yálá kwəi mɛ̨nį hukulɔ nuą tii, da kɛ nwóó nwuɔ̨i di kee yəi, gáá hvaa pɛlɛi diɛ.»

Bible

³⁰ Ńdɔɔ̂i ɣâla ŋɔlóno kɛ́-ƃelai dîa nyíi-ŋai da díkîe-ni wóo sìɣe dí kɛ́ mò dîyɛ ŋ́oo ƃei.

Ɉeremi 23:30 ပူးပေါင်းရင်းမြစ်များ

Mąątɛ̨nɛ̨ 34:16

Yai-Laa a ɲɛ̨i lɛlɛɛ hee tələnmo nuą diɛ, nwəli tɔɔ di woo ɓa.

Ɉeremi 21:13

Yai-Laa yɛ: Yɛ́ kpɔ ɓə gáá yɛ́, yɛ́i tii gwɛni yee koo mu. Kaai ka kɛ diɛ: Gbɛɛ kpɔ ɓə pai yɛɛi ɓɛ, yɛ kɔ́ pɛlɛ kuɔ, gbɛɛ ɓə pai lɔi kuɔ nwoloi ŋɛ̨i hu?

Ɉeremi 23:31

Yai-Laa woo ka, yɛ diɛ: «Gáá hvaa pɛlɛi Yálá kwəi mɛ̨nį hukulɔ nuą tii da hvaa kpɛlɛɛ-kpɛlɛɛ, diɛ mɛ̨nį ɓo a náá, diɛ.»

Ɉeremi 44:11

«Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ diɛ: Gáá pai heei ka hu, gɛ́ ka mɔ̨nɔ̨ ɓo, ɛlɛɛ, gɛ́ ka huwu kpɛɛ Ɉuda lɔi kəlee hu.

Ɉeremi 44:29

Ɲą́ą́ Yai-Laa nwóó ka, ɉɛn ka káá pai gɔlɔn ɉii la, kaa gáá pai mɛ̨nį laai káá, nwóó tii ŋą́ mo bɔ mɛ̨nį kaa kɛi, ya ka:

Izikiɛ 13:20

Yili mąą mɛ̨nį ɓa, Mɛ̨nį kəlee ŋą Hééɓomun Yálá woo ka: ka wɔ həɠə ɓɛlaɠaai ti ɓə vílə́ŋąą di pulu, diɛi ti ka kɛ nuą di wɔ yɛnɛ̨ɛ̨ hon ɉi lai; gáá pai di ɓɛlai ka yee ɓa; ɛlɛɛ nuą kaa di wɔ yɛnɛ̨ɛ̨ hon, ŋą́ di lɛɛ di kpɔwɔ ɓa.

Izikiɛ 13:8

Yili ɓə gɛi Mɛ̨nį kəlee ŋą Hééɓomun Yálá yɛ diɛ: Yii kaa nuą ɓowo mɛ̨nį ɓo, ɛlɛɛ kaa mɛ̨nįɠaa ɓo a nuą nwun ɉu lan mɛ̨nį, gáá heei ka hu; Mɛ̨nį kəlee ŋą Hééɓomun Yálá woo li.

Izikiɛ 15:7

Gáá heei di hu: Daa kulɔ nwɔ̨n ɲəi, kɛlaa nwɔ̨n gaa pai di kələn ɉi; bələ ɓə ká gili kɔ́lɔn na ti káá kɛ, Yai-Laa ɓaa a ɲą́ą́, ɲą́ą́ ɲɛ̨i hee ka hui.

Levetekɔ 20:3

Ɲą́ą́n, ŋą́ ɲɛ̨i ɲɔ̨nwɔ̨ɔ̨ hee mąą nu ɓa, ŋį́ gulɔ nɔi nuą lɔwai; mąąhɔlɔɓo, aa non da tɛɛ Molɛkə pɔ, yɛ nwɔ́ pɛ́lɛ́i mąąliɓi la tii, ɛlɛɛ yɛ náá ɓɛlɛkpɛɛ mą.

Levetekɔ 26:17

Ŋą́ ɲɛ̨́i ɲɔ̨nwɔ̨ɔ̨ hee kaa, ka yowo yee yɛ tɛɛ kaa, nuąi yowolaa kulɔi a kaa, diɛ hee ka mɛ̨i. Ɛlɛɛ, kaa pu, ə mą kɛ nu hvo ka kpɛi.

Dutɛrɔnome 18:20

Kɛlaa, nu ta a niikpələ, yɛ kɛ yɛ gaa mɛ̨nį ta ɓoi a náá, yii və́ dí li la, a wala kɛ tii, yɛ hvaa haliɠaa laa hu, mąą nu a haa.»

Dutɛrɔnome 29:20

Yai-Laa a mąą nu huwu kulɔ Israɛlə nuhuwuɠaa kəlee lɔwai, ə nwun na pili, bələ ɓə, mįnɛ̨i ŋɛ̨i bɛ̨ɛ̨ dɔ́n ɉɛɓɛ́i ŋɛ̨i hu, ɉu mɛ̨nįɠaa a nɛɛ la ma.

Piɛrə dɔlɔɔ 3:12

Mąąhɔlɔɓo, gu Ną́mu Yálá ɲɛ̨i kaa tələnmo nuą mɛ̨i, ɛlɛɛ, nwəli tɔɔ di wɔ hvɛli woo ɓa; kɛlaa, gu Nąmu Yálá a ɲɛ̨i ɲɔ̨nwɔ̨ɔ̨ hee mɛ̨nį ɲɔ̨n gɛ nuą diɛ.»