Ɉeremi 12:2 - Yálá laawoo hɛɓɛ (dc)

² Yá di kɔ́wɔ hvilɛn, di hamu yɛ lɔ nɔi mu; diɛ ɓa a damąą, ɛlɛɛ yaan, ə́ mąą mɛ̨nį kaa lɔ di laaləi; Kɛlaa hvo di nii hu;

Yálá laawoo hɛɓɛ

² Yá di kɔ́wɔ hvilɛn, di hamu yɛ lɔ nɔi mu; diɛ ɓa a damąą, ɛlɛɛ yaan, ə́ mąą mɛ̨nį kaa lɔ di laaləi; Kɛlaa hvo di nii hu;

Bible

² Ya dísi, dísame a ǹɔii sóŋ, da ƃɔlɔ dí kɛ̀ ƃà. Da ílaa maa tɛ̀ nɔ́ a díla-gbɔ. Kɛ́lɛ í maa mɛ̂ni fé dí líi su.

Ɉeremi 12:2 ပူးပေါင်းရင်းမြစ်များ

Zôo 24:12

Daai nuą da kɛ di woo laai, nuąi pala aa tee diɛ, diɛ tomą, Kɛlaa, Yálá hva nwəli tɔɔ di woo ɓa.

Zôo 5:3

Ŋą́ ɓowo mun da kaa kpɔ yɛ tɛ tɔwɔ, Kɛlaa, ɲąąɓa, ŋį́ nwɔ pɛ́lɛ́i nɛ̨ŋɛ̨n naa, gɛ́ diɛ:

Mąątɛ̨nɛ̨ 37:35

Nui hvo Yálá kɔ́lɔn, ŋį́ gaa yɛ gilitɔɔ vaŋą ɓa, yɛ nwun dɛ yɛ Liban hɛan;

Azaya 29:13

Mɛ̨nįi Nąmu ə mo nu huwui ŋɛ̨i laa mɛ̨i ya ka, yɛ diɛ: Nu huwui ŋɛ̨i a mą́ą́wiɛ lɔ a naaləi, Kɛlaa, di nįį hu pələ mąąkwɛai mą́ą́; ɲɔw mąą laai gaa di hu mą́ą́ mɛ̨nį ɓa, gaa lɔ a nu mɛ̨nį, gaa a mɛ̨nįi daa di mąąkwɛli mą.

Ɉeremi 11:17

Yai-Laa Mɛ̨nį Kəlee ŋą Hééɓomun, yaai ka hin, ya ɓə mo, mɛ̨nį nwąnąą ŋɛ̨i yɛ laa kaa; nɛ̨ŋɛ̨nŋaai Israɛlə nwɔ pɛlɛ́i da Ɉuda nwɔ pɛlɛ́i di ɉəɠə mąą mɛ̨nį ɓa; a yaai di niikələn na gwəi, diɛ halááɠaa kulɔ Baalə ɓa.

Ɉeremi 3:10

Mɛ̨nįɠaa tii kəlee di mą kɛ, Ɉuda ŋɛ̨i hvo nwoo pulu, yaai a Israɛlə gaayɔwɔ, hvo pənə li hvo pa bɔ́ gwəi tɔ̨nɔ̨ mɛ̨i; yaamun, mɔ̨nɔ̨ ɓə ə kɛi naa mą́ą́. Ɲą́ą́ Yai-Laa nwoo li.

Ɉeremi 45:4

Mɛ̨nįi ə́ kaa lii moi mą, ya ka, yá kɛ mą: «Yai-Laa woo ka, yɛ: ‹Hɛn ŋą́ dɔɔ, ɲą́ą́ ɓə ŋą́ bu. Hɛn ŋą́ ɉin, ɲą́ą́ ɓə ŋą́ gulɔ a nwun; ɛlɛɛ, bələ ɓə ŋą́ gɛ la yɛnɛ̨ɛ̨ nąą kəlee.

Izikiɛ 33:31

Di kaa pai pai ə́ pɔ, yɛ a kɛ a nuą ɲąąkpɔn ɲələ; Di kaa pai heei ə́ hu, diɛi tii a nwɔ́ nuą, di kaa pai ə́ woo mɛ̨n ɉii, kɛlaa di hva bɔ mɛ̨nį kɛ. Mąąhɔlɔɓo, di laahvɛɛi a kiliŋąhiɛ ɲɔ̨nwɔ̨ɔ̨, ɛlɛɛ di kaa bɔ di yili pɔ túwɔ ɓo, di wɔ kiliŋąhiɛ hvilɛn ŋaai hɛn gɔw ɓa.

Osia 7:14

Di hva vɛ́li di kwəi tɔ̨nɔ̨ mɛ̨i, Kɛlaa, da kɛ wɔlɔi di yee gbinŋaa ɲą, da kɛ di ɲąąkpɔn ɉii mɔ̨nun mɛ̨nį ɓa, da lɔɔ nįnɛ̨, ɲą́ą́ ka tii di kaa di kwɛli teei ɲə́i.

Habakukə 1:13

Kɛlaa, ə́ wɔ Yálá ɲɛ̨ikɔw hva pɛli mɛ̨nį ɲɔ̨n gɛi kaai, hvá pɛli hvaai mą, hvo kɛ a mɛ̨nį ɲɔ̨n gɛi kaa mun. Akɛtii, lə mɛ̨nį ɓa, ə́ ɲɛ̨i kaa nu ɲɔ̨nŋąą ŋɛ̨i diɛ, hvó da ɓoi? Lə mɛ̨nį ɓa, ə́ ə́ laa pilɛ, nuąi di haŋąą, diɛ mɔ̨nɔ̨ mįi nwąnąlɔ nuą yəi?

Maafîu 15:8

«‹Nu huwui ŋɛ̨i a mą́ą́wiɛ lɔ a naaləi, Kɛlaa, di wɔ kiliŋąhiɛ mąą kwɛaa mą́ą́.

Markə 7:6

Jesus ə di woo pulu pənə yɛ diɛ: «Kaa kpɔ ɓə Yálá kwəi mɛ̨nį hukulɔ mun Esai ə wɔlɔ mɛ̨nį ɲɛ̨i ɓo ka laa mɛ̨i, ka tɛ ɲɛ̨i mɛ̨nį kɛ nuą ŋɛ̨i. Yálá ə mo gwəi mɛ̨nį hukulɔ mun Esai laaləi yɛ diɛ: «‹Nuą ŋɛ̨i da mą́ą́wiɛ lɔ a di laaləi, kɛlaa, di wɔ kiliŋąhiɛ mąą kwɛaa mą́ą́.

Taitɔ 1:16

Da kɛ diɛ di Yálá kɔ́lɔn, kɛlaa, di túwɔ́ pələ yɛ ɓo a dakpɛli. Di ɓɛlɛkpɛɛ diɛ, di kalapiliɛ, di hva pɛli mɛ̨nį lɛlɛɛ lɔpee ta kɛi.