Ɉaan 9:31 - Yálá laawoo hɛɓɛ (dc)

³¹ Gu gɔlɔn kpɔ guɔ diɛ: Yálá hva nɛ̨ŋɛ̨n ɉəɠə nuą woo pulu pənə. Kɛlaa, nui a Yálá mąąwiɛ, yɛ niiɓa kɛ, ya ɓə Yálá a nwoo pulu pənə.

Yálá laawoo hɛɓɛ

³¹ Gu gɔlɔn kpɔ guɔ diɛ: Yálá hva nɛ̨ŋɛ̨n ɉəɠə nuą woo pulu pənə. Kɛlaa, nui a Yálá mąąwiɛ, yɛ niiɓa kɛ, ya ɓə Yálá a nwoo pulu pənə.

Bible

³¹ Ku gɔ́lɔŋ a gɛɛ Ɣâla fa ŋ̀wóli tɔ̀ɔ sɔnyɔ̂ŋ-nuu wóo ma. Kɛ́lɛ, ǹúui à Ɣâla fɛ̀li é ŋɔnîa-mɛnii kɛ̂i, ǹyaa ƃe Ɣâla a ŋ̀wóli tɔ̀ɔ ŋ̀óo ma.

Ɉaan 9:31 ပူးပေါင်းရင်းမြစ်များ

Zɛnɛse 19:29

Ɓɛi ŋɛ̨i Lɔtə ə kɛ laa kɛ nɔi, ɓɛlɔwai Yálá ə kɛi nɔi tii da ɉu taɠaa kəlee kala la, ə giliŋąhiɛ Abrahamə ɓa, ə Lɔtə kulɔ nwun na pili tii hu.

Zɛnɛse 20:7

Yii hu kɛa, nɛ̨ɛ̨nui ŋɛ̨i tɛɛ ɉilɛ pɔ. Nɛ̨ɛ̨nui ŋɛ̨i ɉilɛ kaa a gwə́i mɛ̨nį hu kulɔ mun, gaa pai ə́ mąą mɛ̨nį laa həlii mą́ą́, ə gɛ, hvo pa haa. Kɛlaa, akɛ ya wala dɛɛ nąmu pɔ, ka ə́ yee pɔ nuą kəlee ka káá pai haai.»

Zôo 35:12

Kɛlaa, ya ka gwa tomą, hvaa gu woo pulu pənə, mɛ̨nį ɲɔ̨n gɛ nuą di wɔ kpɔɔ ŋąą kɛnɛ̨ mɛ̨nį ɓa.

Zôo 35:13

Woo ɲɔ̨n lɔ hva too Yálá wəlii, ya ɓə da mo, Huwalawala Kəlee Nąmu yaan, hva nwəli tɔɔ yili ɓa.

Zôo 42:8

«Yiihu kɛa, ka nįŋɛ̨ hilɛ mɛ̨ihveelɛ həɠə, da ɓɛlaa hilɛ mɛ̨ihveelɛ, ka li a diɛ nwɔ́ tímun Ɉobə pɔ, ka di kulɔ a haláá yii da gəlee kələn, a kɛ ti nwɔ́ tímun Ɉobə ə pɛli ka mąą nɛ̨ɛ̨mąą hvəi, yaai ti mąą mɛ̨nį ɓə aa gɛ, gɛ pɛli li ka wɔ ɓowo túwɔ́i gwələ kulɔi kaa. Kaai ŋɛ̨i ka hvo mą́ą́ mɛ̨nį ɓo li a tɛ̨ą, yɛ bələi nwɔ́ tímun Ɉobə ə gɛ la.»

Mąątɛ̨nɛ̨ 106:23

Ə di hu kala mɛ̨nį, mąą kili tee gwəi, Kɛlaa, niiɓamun, Moisə ə kpɛ̨ąn mɛ̨nįi ti tɔwɔ, ə nwɔ kɛɛ kala líiholii hvoló nuą diɛ.

Mąątɛ̨nɛ̨ 143:10

Mą́ą́kwɛli a ə́ liiɓa kɛ pələ, mąąhɔlɔɓo yɛ́ ɓə a nwɔ́ Yálá, ə́ wɔ Líinɛ̨ɛ̨gwəi laa, ə də́nən dɔɔ pələ lɛlɛɛ mɛ̨i.

Mąątɛ̨nɛ̨ 145:19

Nuąi da ɲɔw mą, a di liiɓa kɛ, a nwəli tɔɔ di tomą woo ɓa, yɛ di ɓalo.

Mąątɛ̨nɛ̨ 18:41

Yá ɲówoɠaa kpowola lɛ mą́ą́, ɛlɛɛ, gɛ́ gɔ́yɔwɔɠaa hu kala.

Mąątɛ̨nɛ̨ 40:8

Nąąlɔwai, ŋį́ mo gɛ́ diɛ: «Ɲą́ą́ ka, ŋą́ą́ pa, a hɛɓɛ́ yili ta yii di bɛ̨ɛ̨ a náá.

Mąątɛ̨nɛ̨ 99:6

Moisə da Aarɔn di kɛ nwɔ haláái kulɔ nuą lɔwai, ɛlɛɛ Samuɛlə ə ɓo nuąi kɛi naa təli di pɔ, di kəlee di kɛi wɔlɔ Yai-Laa ɓa, yɛ di woo mu hon.

Hanwon 15:29

Yai-Laa a mąą kwɛa nwąnąlɔ nuą diɛ, Kɛlaa, a nwəli tɔɔ tələnmo nuą di wɔ hvɛli ɓo woo ɓa.

Hanwon 21:13

Nui a nwəli laa kpulu mąąwɛlimun domą woo tɔwɔ, gaa pai təliɓo kɛi yaa kpɛli, di hva nwoo mu hon.

Hanwon 28:9

Nui a nwəli laa kpulu tɔ́n nwoo tɔwɔ, nwɔ Yálá hvɛli woo kəlee kaa a mɛ̨nį ɲɔ̨n gɛnɛ̨.

Azaya 1:15

Ɓɛlɔwai ka ka yee tɛ la, kaa vɛ́li, ŋą́ ŋɛ̨́i-laa kpulu, ka mą kɛ wɔlɔi kpɔ kaa vɛ́li, vá nwə́li tɔɔ ka woo ɓa, mąąhɔlɔɓo, ɲąmą kaa ka yee ɓa.

Azaya 58:9

Ya Yai-Laa təli nąąlɔwai, a ə́ woo muhon, ya tómą bɔ pələ, gaa pai kɛ́ yɛ́: «ɲą́ą́ ga.» Ya wɛa mɛ̨nį kulɔ ə́ yəi bɛlɛ́n, da nu mąą ɲɔw mɛ̨nį, da woo ɲɔ̨n ɉaa mɛ̨nį nu ɓa.

Ɉeremi 11:11

Yai-Laa yɛ diɛ: Yii gaa tii, gáá mɛ̨nį ɲąąnwąnąą laai diɛ, yii di hva pɛli di kpɔɔ kulɔi ɉu. Di kaa pai wɔlɔi, diɛ də́li, kɛlaa vá nwə́li tɔɔ di woo ɓa.

Ɉeremi 14:12

Daa kɛ hin nɔ, vá nwə́li tɔɔ di wɔ nɛɛmąą hvə woo ɓa. Ə mą kpɛli kɛ daa taatɛlɛɛɠaa kulɔ a haláá mą́ą́, diɛ gɔ́, yili hva níí hon. Kɔ, pulu, da ɲɔ̨n ya ɓə gáá pai di mąą mɛ̨nį kpɛɛi la ɉu.»

Ɉeremi 15:1

Yai-Laa yɛ mą́ą́: Ə mą kɛ Moisə da Samuɛlə daa tɔɔ nííla, nwɔ́ kiliŋąhiɛ hva kɛa hvilɛn nuą ŋɛ̨i diɛ a nɛlɛɛ. Ka di kpɛ di həɠə nííla, də li!

Izikiɛ 8:18

Nwɔ́ɔ́ yələ aa həli, gɛ́ gɛ́ mɛ̨nį kɛ ɉu a líiholi kɛnɛ̨. Ɲɛ́iyá hvo pai kɛi ɉú; və́ pai nu mąąwɛlikaai; di kaa pai kɛi tómąi nwə́lii; kɛlaa və́ pai nwəli tɔɔi di woo ɓa.»

Mise 3:4

Ɓɛlɔwai di kaa pai tómąi la Yai-Laa pɔ pələ, gaa pai ɲɛ̨ilaai looi diɛ, hvo pai di woo mu hon ɉii, nɛ̨ŋɛ̨nŋąąi di ɉəɠə mąą mɛ̨nį ɓa.

Zakari 7:13

Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun yɛ diɛ: «Bələi lɔ ŋį́ di təli la di hvo gɛ di hvo mɛ̨n, bələ lɔ ɓə diɛ kpɛli di də́li la, ɛlɛɛ, ɲą́ą́n gbɛ́li mąn, və́ nwə́li tɔɔ di woo ɓa.

Ɉaan 11:22

Kɛlaa, yiihu, náái na gɛ́ diɛ, yii lɔpee ya vɛli Yálá ɓa, a pɛli gɛi.»

Ɉaan 15:16

Kaa hvəə ɉə́ɠə́ ɉu, ɲą́ą́ ɓə ka həɠə ɉu, ŋį́ ka kɛ a nwɔ́ tínuą, ə gɛ, ka ɓai, ə lɛɛ ka yəi; ya ɓə a gɛ, yii lɔpee ka vɛli Ną́n mą náá hu, ə dɛɛ ka pɔ.

Ɉaan 4:34

Jesus ə mo diɛ yɛ diɛ: «Gɔ́nɔ́n mąą: Yálá ŋɛ̨i dɔ́ɔ́ ŋį́ niiɓa kɛ, ə lɛɛ, gólói ŋɛ̨i ə dɛɛ bɔ́, ŋą gɛ ŋį́ naa kulɔ.

Ɉaan 7:17

Nui hvaa Yálá liiɓa kɛ mɛ̨nį ɓa, a gbaɠala kaa akɛ mɛ̨nįi ŋɛ̨i gáá mo, ə həɠə Yálá pɔ, awala kɛ tii, gbɔ́wɔ́ woo li.

Ɉaan 9:30

Ɉulɔnui yɛ diɛ: «Gwəi pili mąą mɛ̨nį gaa ɉu ya ɓaa: ka hvo ɉəɠəi kɔ́lɔn, kɛlaa, aa ɲɛ̨́i hvolon.

Ɉaan 9:32

Gu hvo ta mɛ̨n ni li diɛ kɛ, di nu ta kaa ɲɛ̨ipuɔ, nu ta aa ɲɛ̨i hvolon.

Dutɛrɔnome 1:45

Pənəi ka mo ka pa, ka wɔlɔ Yai-Laa ɓa, kɛlaa, Yai-Laa hvo nwəli tɔɔ ka woo ɓa.

Hebreu 10:7

Ya ɓə, ŋą́ kɛ mą: Ɲą́ą́ ka, mąąhɔlɔɓo, Ŋą́ą́ kpɔ ɓə, mą́ą́ mɛ̨nį ɓoɔi ɉɛɓɛ́ hu: Ŋą́ą́ pa, oo Yálá, ŋą́ ə́ liiɓa kɛ.»