Ɉaan 9:16 - Yálá laawoo hɛɓɛ (dc)

¹⁶ Farisiɛ̨ɠaa lɔwai, daɠaa diɛ kɛ diɛ: «Akɛtii, nu kpɔ hvo hvįįtɔɔ yələ kɔ́lɔn? A kɛ yili kaa tii, hvo həɠə li Yálá pɔ.» Kɛlaa, da kpɛliɠaa diɛ kɛ diɛ: «Nɛ̨ŋɛ̨n ɉəɠəmun nɛlɛ ɓə a pɛli ə gbalo mɛ̨nį taaləi ŋɛ̨i ɲɔ̨nwɔ̨mą gɛi?» Yili ɓə woo taɠa too la di lɔwai.

Yálá laawoo hɛɓɛ

¹⁶ Farisiɛ̨ɠaa lɔwai, daɠaa diɛ kɛ diɛ: «Akɛtii, nu kpɔ hvo hvįįtɔɔ yələ kɔ́lɔn? A kɛ yili kaa tii, hvo həɠə li Yálá pɔ.» Kɛlaa, da kpɛliɠaa diɛ kɛ diɛ: «Nɛ̨ŋɛ̨n ɉəɠəmun nɛlɛ ɓə a pɛli ə gbalo mɛ̨nį taaləi ŋɛ̨i ɲɔ̨nwɔ̨mą gɛi?» Yili ɓə woo taɠa too la di lɔwai.

Bible

¹⁶ Faresii-ŋai da-ni dí mò, dîyɛɛi, “Nalôŋ ŋi fe kulâi Ɣâla yêei. Kpɛ́ni fêi, va Vii-tɔɔ-ɣelei mɛi kaa.” Ǹúui gbeli-ŋai dîyɛɛi, “A kɛ̂ leŋ ǹúui gáa a sɔnyɔ̂ŋ-nuui e ŋɛi-kɛ-maa-ŋai ŋi kɛ́?” Sia e kɛ̀ díloai.

Ɉaan 9:16 ပူးပေါင်းရင်းမြစ်များ

Maafîu 12:10

Hulɔnu ta ə kɛ laa, yii kɛ ɲee kpalaa mą. Nuą tii di kɛ bɔ, di Jesus hon vaa woo hu, di mąąni kɛ, diɛ mą: «Akɛti, gu wɔ tɔ́n ə mo yɛ, di nu kɔ́lɔi pono a túwɔ lɔwɔ yələ?»

Maafîu 12:2

Yii kɛa Farisiɛ̨ɠaa di ɓɛli kaa tii, di mo Jesus ɓa diɛ mą: «Ə́ wɔ kalan nɛai kaa li, yii tɔ́n dɔɔi mą ku yəi háákəlee hvólói ŋɛ̨i mąą mɛ̨nį ɓa, diɛ gɛ!»

Lukə 13:14

Kɛlaa, Yálá hvɛli pɛlɛ́ nwun nąmu kwəi hvo nɛ̨ɛ̨ Jesus pɔ. Mąąhɔlɔɓo, aa kɛ nu ta kɔ́lɔi pono a vįitɔɔ yələ. Nu kpului tii kɛ laa, ə mo kɛa diɛ, yɛ diɛ: «Hvóló mɛ̨ida ɓə mąąnɛ̨ɛ̨ ku koló kɛ la, volóɠaa tii hu ɓə mąąnɛ̨ɛ̨ ka paa la di ka kɔ́lɔi pono. Mąą hvo nɛ̨ɛ̨li hvo kɛ a vįitɔɔ yələ.»

Ɉaan 10:19

Nwoo tii ə ɓɛlaɓo too nwɔ̨nɔ̨ Ɉuifəɠaa lɔwai.

Ɉaan 14:11

Ŋą́ kɛ kaa, kwa Ną́n Yálá ku kaa tɔ̨nɔ̨. Ka wala laa yili la, ka pɛli ka laa túwɔ́ pələɠaai gaa gɛi na.

Ɉaan 15:24

Ə li kɛ və́ pa, və́ kpalo mɛ̨nįɠaa kɛ di lɔwai, yii nui lɔpee ta hva pɛli gɛi, nɛ̨ŋɛ̨n və li kɛ diɛ. Kɛlaa, yiihu kɛa, daa mɛ̨nįɠaa tii kaa, diɛ ku wɛli kpɛɛ mąą laa kulɔ a kuɔ, ɲą́ą́ kwa Ną́n.

Ɉaan 2:11

Pələi Jesus ə kpalo mɛ̨nį dɔlɔɔ kɛ la Kana daai Galile lɔi hu bələ li. Ə nwɔ mąąwiɛ kulɔ laa pono ŋą, nwɔ kalan nɛai di laa na.

Ɉaan 3:2

Ə pa a kpinį Jesus pɔ, yɛ mą: «Mąąkwɛli kɛmun, ku gɔlɔn kuɔ Yálá ɓə ə́ kɛ a mąąkwɛli kɛmun, mąąhɔlɔɓo, mɛ̨nįɠaai ŋɛ̨i ə́ kaa gɛi, nu hva pɛli hvo gɛ, akɛ.»

Ɉaan 5:10

Yili ɓə gɛ, Ɉuifəɠaa diɛ mą: «Háá ɓaa hvįįtɔɔ yələ, gu wɔ tɔ́n gaa mą nu hvo ə́ laa hɛn ɉəɠə yɛ́ hiɛ la.»

Ɉaan 5:36

Kɛlaa, nwɛ́i, nwɔ́ kɛla hvaai kɛnɛ̨i dɛɛ Ɉaan ɓa. Golóɠaai Ną́n ə dɔ́ɔ́ yɛ ŋį́ gɛ, yai gáá di kɛi, diɛ ɓə mą́ą́ tɛ̨ą ɓoi, diɛ Ną́n mə dɔ́ɔ́.

Ɉaan 6:52

Nwoo tii ɓoɔ pulu, Ɉuifəɠaa kəlee lii ə kələn di kwəi, diɛ kɛ mą: «Nui ŋɛ̨i a pɛli ɉuwɔ tɛɛ pələ kɛi ləi ku pɔ kuɔ mįi?»

Ɉaan 7:12

Nu tamąą di kɛi Jesus mąą mɛ̨nį ɓo di kee lɔwai; daɠaa di kɛi kɛ diɛ: «Nu lɛlɛɛ li.» Dakpɛliɠaa diɛ kɛ: «Lɛɛ li, Gaa nuą nwun ɉu lan ɉi.»

Ɉaan 7:23

Yii da nu hee kɛ́nɛ̨ ɓa a hvįįtɔɔ yələ, hva Moisə nwɔ tɔ́n həɠə mą, lə mɛ̨nį ɓa ŋą́ą́ nu ɓalo a hvįįtɔɔ yələ ka kpuluun a ɲą́ą́?

Ɉaan 7:43

Bələ ɓə woo taɠa ə too la nuą lɔwai.

Ɉaan 9:24

Ɉulɔnui tii kɛ ɲɛ̨ipuɔ, Farisiɛ̨ɠaa di pənə nwɔ̨nɔ̨ di də li, diɛ mą: «Yálá mąąwiɛ. Mąąhɔlɔɓo, ku wɛi ku gɔlɔn kuɔ gaa a nɛ̨ŋɛ̨n ɉəɠəmun.»

Gɛlaɠaa 14:4

Daa ə mɛlaɓo ɉu hveelɛ, bələ tɔ̨nɔ̨ tɔɔ Ɉuifəɠaa pulu, bələ tɔ̨nɔ̨ tɔɔ gɛlaɠaa pulu.