Ɉaan 8:58 - Yálá laawoo hɛɓɛ (dc)

⁵⁸ Jesus yɛ diɛ: «A tɛ̨ą kpɔ-kpɔ gáá moi kaa, gɛɛ Abrahamə hvo kɛ hɔlɔɓo a lon, ɲą́ gbɛa kɛ laa.»

Yálá laawoo hɛɓɛ

⁵⁸ Jesus yɛ diɛ: «A tɛ̨ą kpɔ-kpɔ gáá moi kaa, gɛɛ Abrahamə hvo kɛ hɔlɔɓo a lon, ɲą́ gbɛa kɛ laa.»

Bible

⁵⁸ Zîsɛ e mò dîa, ǹyɛɛi, “Tɔ̃yâ kpîŋ, ŋá m̀ó kâa, Eberaɣɛ̃ɛ é lɛ́ɛ pâi kɛ̀i, ŋá kɛ̀.”

Ɉaan 8:58 ပူးပေါင်းရင်းမြစ်များ

Lɛɛ gbɔwɔ ɓa 3:14

Yálá yɛ Moisə ɓa: «Náá ɓaa a: ‹Yai Gaa Lɔ A Yaa›, yá li, yá kɛ diɛ, nui ŋɛ̨i naa ɓa a: ‹ƝĄ́Ą́ LƆ, ya ɓə dɔ́ɔ́ ka pɔ.›»

Azaya 43:13

A tɛ̨ą, wɔlɔ-wɔlɔ ɓa wɔlɔ-wɔlɔ ɓa, ɲą́ą́ lɔ laa! Hɛn ɲéé a ɉon, nu ta hva gulɔ ɲə́i, mɛ̨nįi ŋą́ gɛ, gbɛɛ kpɔ ɓə a pɛli ɉəɠəi mą?

Azaya 44:6

Israɛlə nwɔ Mɛ̨nį Kəlee ŋą Hééɓomun Yai-Laa, woo ka, yai a Israɛlə nwun mąąɓomun, Yai-Laa, huwalawala kəlee Nąmu, yɛ diɛ: ɲą́ą́ ɓə a dɔlɔɔ, ɲą́ą́ ɓə a ɲąąkpɛɛi, ə kulɔ ɲą́ą́ búlu, yálá takpɛli hvo laa.

Azaya 44:8

'Ka mąą hvo kpɛlin, 'ka hvo ɲɔw! Kɛlɛi ɉu aa kwɛa, ŋą́ą́ mo kaa, gɛ́ ɉu pɔ̨nɔ̨ a kaa, Ka hvo mɔ̨ɔ̨ kɛa a nwɔ́ kɛlaɠaa? Yálá takpɛli kaa mɔ̨ɔ̨ laa, ə kulɔ Ɲą́ą́ búlú? Gíli kaa kpɔ ɉu, gɛ́ Kwɛni takpɛli hvo laa, Və́ dakpɛli kɔlɔn.

Azaya 46:9

'Ka ka kiliŋąhiɛ mɛ̨nįɠaai da tɛɛ ɉu, a tɔwɔ-tɔwɔ mɛ̨nįɠaa tii: A tɛ̨ą, ɲą́ą́ lɔ ɓə a Yálá, dakpɛli hvo laa, Ɲą́ą́ lɔ ɓə a Yálá, kwa hɛn da ku hvo kpɔn ni náá ɓa, gəlee kaa lɔ ɲɛ̨́i mu yɛ hvaŋą kpɛli kpɛli.

Azaya 48:12

'Ə́ wəli tɔɔ Ɉakɔbə, Israɛlə yɛi gáá ə́ təlii. Gɛ́ pələ lɔ ɓaa gɛ́ pələ: Ɲą́ą́ ɓə a dɔlɔɔ tɔlɔɔ, ɲą́ą́ ɓə ɓaa gbəlan mąą.

Azaya 9:6

Nwɔ heeɓolaai, yee kɔnwɔ̨n ɉu a ɓɛlɛɛ, ɛlɛɛ, kpɛɛ hvo nwɔ tɔɔlaa ɓa. Yii ɓaa nąn Davidə nwɔ tɔɔkpəlin, Ya ɓə pai vilɛn ɉii gbilin, tɛ̨ą mɛ̨nį da tələnmolaa mɛ̨i, ə həɠə yiihu ɓa, ə lɛɛ la ɉu, wɔ. Yili ɓə Yai-Laa Mɛ̨nį Kəlee ŋą Hééɓomun kaa pai gɛi, nwɔ wɛlikɛmąą kɛnɛ̨ɛ̨ hu.

Mise 5:2

Yili ɓə pai gɛi, Yai-Laa yɛ pa ɲee kulɔi di mu, ə lɛɛ ɉu, nɛ̨ɛ̨nui mąąnɛ̨ɛ̨ ə non tii kaa, ŋą lon tii kaa yələ yɛ ɉəli. Nąąlɔwai, nąn nonnii yiiɠaai pai lɛɛi, di kaa pai pənəi di laŋąn Israɛlə lonnii diɛ.

Ɉaan 10:25

Jesus ə di woo pulu pənə, yɛ diɛ: «Ŋą́ą́ gbɛa mo kaa, kɛlaa, ka hvo laa li na. Mɛ̨nįɠaa ŋɛ̨i gáá gɛ́i ną́n Yálá laa hu, di kaa mą́ą́ kɛla hvaa ɓoi.

Ɉaan 17:24

«Ną́n, gáá bɔ ɓɛi ŋą kɛ laa, nuą ŋɛ̨i yáá di tɛɛ bɔ, diɛ kpɛli di kɛ laa, ə gɛ, mąąwiɛ yii yáá dɛɛ bɔ, di gaa. Mąąhɔlɔɓo, ə́ gbɛa nwɛ́li la kɛ gɛɛ yɛnɛ̨ɛ̨ kɔ́wɔ hvo tɔɔ.

Ɉaan 17:5

Ną́n! Yiihu kɛa mąąwiɛi ŋɛ̨i kɛ ɲə́i gɛɛ yɛnɛ̨ɛ̨ kɔ́wɔ hvo tɔɔ, dɛɛ bɔ́.

Ɉaan 8:24

Mɛ̨nįi gɛ gɛ́ kɛ kaa: ka káá pai haai ka kɛ nɛ̨ŋɛ̨n ɉu, akɛ ka wala laa na kaa diɛ: ‹Ɲą́ą́ ɓə gáá a Yaai Gaa Lɔ Laa›.»

Ɉaan 8:28

Jesus, yɛ diɛ: «Ɓɛlɔwai ka káá pai Nu Lon tɛi la yələi, nąąlɔwai ɓə ka káá pai gɔlɔn ɉii la, kaa kɛ diɛ: Ɲą́ą́ ɓə gáá a Yaai Gaa Lɔ Laa. Ka káá pai gɔlɔn ɉii kaa diɛ: Və́ mɛ̨nį ta lɔpee kɛi gbɔ́wɔ́ ɓa, ɛlɛɛ, yii Ną́n ə mąąkwɛli mą, ya ɓə ŋą́ mo.

Ɉaan 8:34

Jesus yɛ diɛ: «A tɛ̨ą kpɔ-kpɔ gáá moi kaa, nɛ̨ŋɛ̨n ɉəɠəi, gaa, a nɛ̨ŋɛ̨n nwɔ luwɔ.

Ɉaan 8:51

Gáá tɛ̨ą ɓoi kaa, nui a nwóó hon, hva haa.»

Kolosə 1:17

Ɛlɛɛ Yaa lɔ ɓə, a Yaa, ə ɓo gəlee tɔwɔ, yiihu, hɛn gəlee kaa ɉu,

Hebreu 13:8

Jesus Kristə kaa lɔ a gɛ pələ yələ kəlee, wɛi, háákələi, ə lɛɛ ɉu, wɔlɔ-wɔlɔ ɓa.

M̀ɛni-lɛɛi 1:11

yɛ kɛ mą: «Mɛ̨nįɠaa tii ə́ kaa gaai, 'bɛ̨ɛ̨ hɛɓɛ́ ta hu, ə́ dɛɛ gbɔn ɉeei mɛ̨ihveelɛi ɓa: Efɛsə, Smirnə, Pɛrgamə, Tiatirə, Sardɛsə, Filadelfi da Laodise.»

M̀ɛni-lɛɛi 1:8

Ɲą́ą́ ɓə a dɔlɔɔ, ɛlɛɛ, a gbɛlai, Hééɓo laa Kəlee Nąmu Yálá woo li! Yai kɛ laa, yai laa Yiihu, ɛlɛɛ, yai pai, yai a Hééɓomun.

M̀ɛni-lɛɛi 2:8

Malakai gbɔn nwun na Smirnə, hɛɓɛ́ kɛ ə dɛɛ mą: «Dɔlɔɔ da Gbɛla mąą, woo ka, yai di baa, kɛlaa, ə pənə ə kɛ a vúlú, yɛ: