Ɉaan 8:48 - Yálá laawoo hɛɓɛ (dc)

⁴⁸ Ɉuifəɠaa di nwoo pulu pənə, diɛ mą: «Akɛ tii, tɛ̨ą kaa ku pɔ, kuɔ kɛ yɛ: Samari mun mąą a yɛ́, ɛlɛɛ, ɲį́nɛ̨n gaa ə́ pulu.»

Yálá laawoo hɛɓɛ

⁴⁸ Ɉuifəɠaa di nwoo pulu pənə, diɛ mą: «Akɛ tii, tɛ̨ą kaa ku pɔ, kuɔ kɛ yɛ: Samari mun mąą a yɛ́, ɛlɛɛ, ɲį́nɛ̨n gaa ə́ pulu.»

Bible

⁴⁸ Zûu-ŋai dí ŋ̀óo su tòo, dîyɛɛ ma, “Kɛrɛ̂e, kwa dɔ̃yâi ƃôi a gɛɛ íkaa a Sameria-nuu, nyînaŋ nyɔ́mɔɔ ǹyaŋ kɛ́ ƃo ípôlu?”

Ɉaan 8:48 ပူးပေါင်းရင်းမြစ်များ

Azaya 49:7

Mɛ̨nįi Yai-Laa, Israɛlə nwun mąąɓo Yálá, da nwɔ nu mąąhəɠɛɛ kaa moi, ya ka: Yai daa mɛlɛ kpɛɛ mą, yɛnɛ̨ɛ̨ nuą diɛ gaa yɛ hɛn ɲɔ̨nwɔ̨ɔ̨, ə ɓo a tɔɔɓɛlaa di wɔ luwɔ, Gaa kɛi mą, tɔɔɓɛlaa kaa pai ə́ kaai, diɛ di muhəɠə, lɔi ɲąąwooɓo nuą, diɛkpɛli, diɛ kwɛli hvilɛn mą, diɛ yili kɛ tii, Yai-Laai ɲɛ̨i dəlimoɔ, mąą mɛ̨nį ɓa, Israɛlə nwɔ nu mąąhəɠəɛi ɲɛ̨i ə́ həɠə ɉu, mąą mɛ̨nį ɓa.

Azaya 53:3

Mɛlɛkpɛɛ kɛ mą, nuą daa di ɲɛgilɛn dɔɔ mą, ə ɓo a mɔ̨nɔ̨ laa looo, laa nɔ̨nwɔ̨ hvilɛn ŋąą bulu, ə ɓo a nui da di ɲɛ̨i loo dɔwɔ, a tɛ̨ą, ə kɛ ku ɲɛ̨i ɓa a nui mɛlɛkpɛɛ mą.

Maafîu 10:25

Mąąnɛ̨ɛ̨ lɔ kalan non ə kɛ yɛ galamɔ̨ɔ̨. Luwɔ ə kɛ yɛ nuwɔ nąmu. Akɛ di kɛ pɛlɛ́ nąmu ɓa: Beɛlzebulə, gu hvo mun kɛ bɛlɛ́n nuą! Da di laa hee a ɲɔ̨nwɔ̨ɔ̨ ə tɛɛ la bɛlɛ nąmu ɓa.»

Maafîu 10:5

Nu pow-kɔw-hveelɛi tii Jesus ə di tɔɔ, ə di liɛwoo kɛ, yɛ diɛ: «Líi ka káá moi; ɓɛi Ɉuifəɠaa di hvo laa, 'ka hvo li nąą bələ. 'Ka hvo li kpɛli Samari taa ta hu.

Maafîu 11:18

Yaan, Ɉaan pai ə mo, hvo kɔ̨nɔ̨n mį́į́, hvo kɛi lɔɔ kpələ, kɛlaa, di kɛ mą: ‹Ɲįnɛ̨n gaa bulu.›

Maafîu 12:24

Yii kɛa Farisiɛ̨ɠaa di yili mɛ̨n, di mo diɛ kɛ diɛ: «Nui ŋɛ̨i hvo kpɛli-kpɛli, ɲį́nɛ̨nŋąą nwun nąmu Beɛlzebulə háálai ɓə gaa ɲį́nɛ̨nŋąą kpɛi la.»

Maafîu 12:31

«Yili ɓə gaa mą, nu ə mą nɛ̨ŋɛ̨n gəlee həɠə, ə mą woo ɲɔ̨n ɉaa Yálá ɓa mąąhvaa a lɛɛ. Kɛlaa, nui a woo ɲɔ̨n ɉaa Kili-Mąąhəɠɛɛ ɓa, mąąhvaa hva lɛɛ.

Maafîu 15:7

Ka tɛ ɲɛ̨i mɛ̨nį kɛ nuąi ŋɛ̨i, kaa kpɔ ɓə Yálá ə kɛi ka mąą mɛ̨nį gwəi mɛ̨nį hukulɔ mun Esai laaləi yɛ kɛ mą:

Ɉaan 1:19

Ɓɛlɔwai Ɉuifə nwun nąmįną ŋɛ̨i kɛ Ɉerusalɛmə daai di haláá laa həli nuą kpɛa-kpɛa da Levi huwu hu nuą tɔɔ la diɛ pa Ɉaan mąąni kɛi, diɛ kɛ mą: «Gbɛɛ ɓaa yɛ?»

Ɉaan 10:20

Daɠaa diɛ kɛ mą: «Ɲįnɛ̨n gaa bulu, ə lɛɛ, aa ɓowo; lə mɛ̨nį ɓa ka káá ka wəli tɔɔi nwoo ɓa?»

Ɉaan 13:13

Ka kɛ kɛi mą́ą́ ‹Mąąkwɛli kɛmun› da ‹Ną́mu›, ka kɛ moi a nɛlɛɛ, mąąhɔlɔɓo, ɲą́ą́ ɓə.

Ɉaan 4:9

Samari nɛ̨ɛ̨nui tii yɛ Jesus ɓa: «Gɛ pələ kaa ləi yaan, yɛ́i ŋɛ̨i a Ɉuifə, yɛ kpələyá hvɛli Samari nɛ̨ɛ̨nu ɓa?» Yaan Ɉuifəɠaa da Samari nuą di hvo kɛ nɛ̨ɛ̨li.

Ɉaan 7:20

Nu kpului tii kəlee di nwoo pulu pənə, diɛ mą: «Ɲį́nɛ̨n gaa ə́ pulu! Gbɛɛ ɓə gaa bɔ ə ə́ paa?»

Ɉaan 8:22

Ɉuifəɠaa diɛ mą: «Kɛi gaa moi mą: ‹Ɓɛi gáá lii laa, ka hva pɛli lii laai, akɛti yɛ mɔ̨ɔ̨ gbɔwɔ paa?›»

Ɉaan 8:52

Ɉuifəɠaa diɛ mą: «Kwaa gɔlɔn kuɔ diɛ: ɲį́nɛ̨n gaa ə́ pulu. Abrahamə aa haa, Yálá kwəi mɛ̨nį hukulɔ nuą diɛ kpɛli daa haa; yili ɓə ya kɛ diɛ: ‹Nui a nwóó hon hva haa kɔ́lɔn a yələ ta!›

Lomaŋ 15:3

Mąąhɔlɔɓo, Kristə hvo kɛ gbɔwɔ liiɓa kɛ li yɛnɛ̨ɛ̨, kɛlaa, yɛ pələi bɛ̨ɛ̨ la Yálá lawoo hɛɓɛ́ hu yɛ mą: «Ə lalan di mo, ɲą́ą́ ɓə di kɛ mą́ą́.»

Hebreu 13:13

'Ká gu kulɔ kani, gwə li, gu naakwiɛn daa pulu pələ, mɛlɛ too ti həli mą, ə həli gu kəlee guɔ.

Zĩi 2:19

Ə́ laai na yɛ́ kɛ, Yálá kaa taanɔ̨n? Yáá gɛ a lɛlɛɛ. Ɲįnɛ̨nŋaa diɛ kpɛlimąn di laai lɔ ti na, ɛlɛɛ, yɛ di mąą kpɛlin.