Ɉaan 8:33 - Yálá laawoo hɛɓɛ (dc)

³³ Nuą tii diɛ Jesus ɓa: «Ku kaa a Abrahamə huwu; ku hvo ta luwɔlaa kɛ li nu ta yee mu. A kɛ pələ kɛ ləi, yɛ kɛ diɛ: ku kaa pai kɛɛi ku gbɔwɔ ɓa?»

Yálá laawoo hɛɓɛ

³³ Nuą tii diɛ Jesus ɓa: «Ku kaa a Abrahamə huwu; ku hvo ta luwɔlaa kɛ li nu ta yee mu. A kɛ pələ kɛ ləi, yɛ kɛ diɛ: ku kaa pai kɛɛi ku gbɔwɔ ɓa?»

Bible

³³ Dí ŋ̀óo su tòo, dîyɛɛ ma, “Ku kùla Eberaɣɛ̃ɛ ŋɔsii su, ǹyaŋ kúfe tá fúlɔi kɛ́ ni luɛ-laai núu da kélee yêei. A pɔ̂ri kɛ̂i leŋ í mò, yɛɛ, ‘Káŋuŋ ma a pâi ƃôi’?”

Ɉaan 8:33 ပူးပေါင်းရင်းမြစ်များ

Zɛnɛse 15:13

Yai-Laa yɛ Abramə ɓa: «'Gɔlɔn yɛ kɛ: Ə́ huwu kaa pai kɛi nwɛ̨ą lɔi hu a luwɔ, diɛ di mɔ̨nɔ̨ɓo kwɛlan nwun-nąąn ɲee mu.

Ɛsdrasə 9:9

Mąąhɔlɔɓo, ɓɛlɔwai ku kɛ la luwɔlaa hu, hvo ə́ kili kulɔ li ku hu, ə́ ə́ kiliŋąhiɛ kuɔ, Pɛrsə tɔɔɓɛlaa ɲɛ̨i ɓa, ə́ wɔ wɛlikɛmąąlaa hu, ə́ ku nwun mąąɓo, ə gɛ, ku Yálá hee pɛlɛ́ muhəɠə, kuɔ nwɔ̨nɔ̨ bɛlɛ kpoloon tii muhəɠə a nįnɛ̨, ə́ ku mąą kɔ́nwɔ̨i tɛɛ ku pɔ Ɉerusalɛmə daai, da Ɉuda lɔi hu.

Levetekɔ 25:42

Mąąhɔlɔɓo, nuąi ŋį́ di kulɔ Eziptə lɔi hu, nwɔ́ tí nuą li, nu ta hva pɛli di lɔwɔ́tɔɔi yɛ da kɛi luwɔ lɔwɔ́tɔɔ.

Maafîu 3:9

Ɛlɛɛ, ka hvo ka kiliŋąhiɛ, kaa kɛ mą: ‹Ku kálápɔlɔ ɓaa a Abrahamə.› Gbalaitɔɔ, gáá moi kaa, Yálá a pɛli mą ə gwɛniɠaa ŋɛ̨i mąąpənə a Abrahamə lonnii.

Lukə 3:8

Yili ɓə gaa mą, túwɔ́ pələ yii a nɛ yɛ kaa ka yii pələ ɲɔ̨nwɔ̨ɔ̨ɠaa mąąhvalin, mąąnɛ̨ɛ̨ ka yili kɛ. Ka hvo ka kiliŋąhiɛ kaa kɛ diɛ: ‹Ku kalaɓɔlɔ ɓaa a Abrahamə.› Gaa moi kaa, Yálá a pɛli mą ə gwɛniɠaa ŋɛ̨i mąą pənə ə di kɛ a Abrahamə huwuhu nuą.

Ɉaan 19:25

Jesus nwɔ kolɔwa kwɛlɛ, Jesus nee ə kɛ laa tɔɔni da nee gaayɔwɔ Mari yai kɛ a Klopasə nɛ̨ą, da Mari Magdala mun.

Ɉaan 8:37

Ŋą́ gɔlɔn gbɔ gɛ́ diɛ: Abrahamə huwu ɓaa a kaa, kɛlaa, ka hvilɛn ŋąąi búlú báá mɛ̨nį ɓa; mąąhɔlɔɓo, nwóó wɛli hvo kaa.

Ɉaan 8:39

Di nwoo pulu pənə, diɛ mą: «Ku kalaɓɔlɔ ɓaa Abrahamə.» Jesus yɛ diɛ: «Akɛ Abrahamə huwu ɓaa a kaa, ka Abrahamə túwɔ́ pələ həɠə.

Ɉaan 8:43

Lə mɛ̨nį ɓa ka hvo nwóó ŋąą kai? Mąąhɔlɔɓo, ka hva pɛli ɉu gbɛɛ ɓoi.

Lomaŋ 9:7

Abrahamə huwu hu nuą kəlee hvə a Abrahamə lonni leeleeɠaa. Mąąhɔlɔɓo, Yálá ə mo Abrahamə ɓa yɛ mą: Ə́ lón Isaakə lonni ɓə di kaa pai kɛi diɛ: Abrahamə lonnii.

Nwun mąąɓo 2:18

Ɓɛlɔwai lɔpee kɛ Yai-Laa a kuláá ta tɔɔ la, a kɛ bɔ yaa kpinįi, yɛ di nwun mąąɓo di yowoɠaa yəi, guláái tii nwɔ lɔwai hu. Mąąhɔlɔɓo, ɓɛlɔwai da di ɓɛlɛkpɛɛ la diɛ, diɛ di laanɔ̨nwɔ̨ ɓo, di ɲɛ̨imąąwɛli a too Yai-Laa ɓa.

Nwun mąąɓo 3:8

Yai-Laa lii ə holi Israɛlə nuą pɔ, ə di kwɛlɛ Kusan-Riseataimə ɓa, yai kɛ a Aramə yá leeɠaa kwɛlɛ tɔɔmun, di kwɛlan mɛ̨ihaaɓa kɛ yili yəi luwɔlaa hu.

Nwun mąąɓo 4:3

Israɛlə nuą di wɔlɔ Yai-Laa ɓa, mąąhɔlɔɓo, kɔ́ wotolo nwun mɛ̨inąąn ə kɛ Sisera yəi, ə ɓo a kwɛli, ɛlɛɛ, aa kɛ hee Israɛlə nuą nwun mɛ̨i kpɔ a nwalawalaa, kwɛlan bow hveelɛ yee mu.