Ɉaan 8:2 - Yálá laawoo hɛɓɛ (dc)

² Yələ wala piinɛ̨ɛ̨, ə həɠə ə pa Yálá hee pɛlɛ́ mu. Nu kpulu kɛnɛ̨ɛ̨ ə lɛɠɛ mą, ə hee yɛ di mąąkwɛli.

Yálá laawoo hɛɓɛ

² Yələ wala piinɛ̨ɛ̨, ə həɠə ə pa Yálá hee pɛlɛ́ mu. Nu kpulu kɛnɛ̨ɛ̨ ə lɛɠɛ mą, ə hee yɛ di mąąkwɛli.

Bible

² Ŋele-waa pɛ-pɛi e pá ŋɔ́nɔ Ŋ̀âla-pɛrɛ Kɛ́tɛi mu; ǹûai kélee dí pà bɔ, e see e Ɣâla mɛni lɛ dîa.

Ɉaan 8:2 ပူးပေါင်းရင်းမြစ်များ

Ikilisiati 9:10

Yii kpɔ ə́ yee a pɛli mą, gɛ a huwalawalai gaa ə́ yəi. Mąąhɔlɔɓo, ɓɛi ə́ kaa pai lii laa haaɓɛlaataa, kóló hvo laa, mɛ̨nį dɛ̨ą kwɛliɛ hvo laa, mɛ̨nį kɔ́lɔn ŋąą hvo laa da kili mɛ̨nį.

Ɉeremi 25:3

«Ə həɠə Ɉuda tɔɔmun Ɉosiasə Amɔn lon nwɔ tɔɔlaa gwɛlan pow kɔ́w haaɓa yələ ɓa, ə həli la yiihu ɓa, aa kɛ kɛa a kwɛlan pow hveelɛ kɔ́w haaɓa, Yai-Laa a kɛ kpɔlɔɔ mɛ̨nį ɓoi mą́ą́, gɛ́ pa gɛ́ naa həli kaa, vįi hva kpɛɛ, kɛlaa, ka hvo ta ka wəli tɔɔ li nwóó ɓa.

Ɉeremi 32:33

Daa di pulu tɔɔ mą́ą́, di hva di ɲɛ̨i hee mą́ą́, bələi mąn váŋą lɔɔ la di mąą kwɛlii, di hva di wəli tɔɔ nwóó ɓa. Di hva di yee hee di mąą kwɛli woo mu.

Ɉeremi 44:4

Vį́į́ hvo kɛi kpɛɛ nwɔ́ tínuą, da gwə́i mɛ̨nį hukulɔ nuą tɛɛi, diɛ kɛ kaa: Mɛ̨nįi nwɛli hvo mą́ą́, 'ká hvo di kɛ.

Maafîu 26:55

Yili pulu, Jesus yɛ ɉon nuą diɛ: «Akɛti, ka kɛi pa ɉón ɉii, hvo kɛ li ka pa a gbɔn da ɓɔwa kwɛaaɠaa, yɛ ŋą kɛ a mɛ̨nį ɲɔ̨n gɛmun? Yaan, ŋį́ kɛ lɔ ka pɔ a hvóló kəlee, gɛ́ nuą kalan Yálá hee pɛlɛ́ mu, ka hvo kɛ ɉón ni nąąlɔwai.

Lukə 21:37

Akɛ a yələ ɓɔɔ, Jesus ə kɛi li Yálá hee pɛlɛ́ mu yɛ nuą kalan. Yələ wilii pɔ, ə kɛi li yɛ yii Olivə yee ɓa.

Lukə 21:38

Nuą kəlee di kɛi pa yələ wala pɔ Yálá hee pɛlɛ́ mu, əgɛ, di di wəli tɔɔ Jesus woo ɓa.

Lukə 4:20

Yili pulu, Jesus ə ɉɛɓɛ́ kpinįn gɛ, ə dɛɛ ɉɛɓɛ́ laaikɛ mun bɔ, ə li ə hee. Nuąi kpɔ kɛ laa Yálá hvɛli pɛlɛ́i tii mu, gəlee di di ɲɛ̨i hee Jesus ɓa.

Lukə 5:3

Jesus ə tɛ gələnŋąa tii dɔ̨nɔ̨ hu, yai kɛ a Simɔn nwɔ. Ə mo Simɔn ɓa, yɛ mą: gələn mąą tɛ ɲá hąmąi pələ. Jesus ə hee kɛa gələn ɉu yɛ nuą kalan.

Ɉaan 4:34

Jesus ə mo diɛ yɛ diɛ: «Gɔ́nɔ́n mąą: Yálá ŋɛ̨i dɔ́ɔ́ ŋį́ niiɓa kɛ, ə lɛɛ, gólói ŋɛ̨i ə dɛɛ bɔ́, ŋą gɛ ŋį́ naa kulɔ.

Ɉaan 8:20

Jesus ə kɛ tɔɔni Yálá kɔ́ hɛn ɲąŋą kwɛlɛ yɛ nwooɠaa tii ɓo, ɓɛlɔwai ə kɛi nuą mąąkwɛli la Yálá hee pɛlɛ́ mu. Nu ta hvo pɛli ɉon ɉi, mąąhɔlɔɓo, ɲələ hvo ni kɛ ɉəli li.

Ɉaan 8:3

Dɔ́n galamɔ̨ɔ̨ɠaa da Farisiɛ̨ɠaa di pa a nɛ̨ɛ̨nu ta bɔ, yii di gulɔ wɛli pɛlɛ mu. Di paa la Jesus pɔ, di ɉee nu kpulu lɔwai.

Gɛlaɠaa 5:21

Di lɛɛ nwoo pulu. Yələ ɓɔi lɔwai, dəli Yálá hee pɛlɛ́ mu, diɛ nuą kalan. Ɉaláá laa həli mun gɛnɛ̨ ə pa, yaa da ɲee pɔ nuą, di tɔ́n vili nąmįną təli nwun dɔɔ hu, di gɛlaɠaa kulɔ gaho pɛlɛ́ mu di paa a diɛ Israɛlə nuą di wɔ ɲąąkpɔn gɛnɛ̨ɛ̨ hu.