Ɉaan 8:15 - Yálá laawoo hɛɓɛ (dc)

¹⁵ Ka wɛi, ka kiti tee lɔ yɛ pələi nuą kiliŋąhiɛ pələ kaa la; kɛlaa nwɛ́i, vá nu ta kiti tee.

Yálá laawoo hɛɓɛ

¹⁵ Ka wɛi, ka kiti tee lɔ yɛ pələi nuą kiliŋąhiɛ pələ kaa la; kɛlaa nwɛ́i, vá nu ta kiti tee.

Bible

¹⁵ Ka mɛni ŋá tèe núu-kpune kɛ-pere ma. Fa núu da ŋɔmɛni ŋá tèe.

Ɉaan 8:15 ပူးပေါင်းရင်းမြစ်များ

Amɔsə 5:7

Diɛi da mɛ̨nį haŋąą mąąhvalin a mɛ̨nį ɲɔ̨nwɔ̨ɔ̨, diɛ tələnmolaa too lɔi ɓa.

Amɔsə 6:12

Akɛti, hoo a mɔ̨ɔ̨ gilɛ həɠə kwɛni kpuwuluɠaa mɛ̨i? Akɛti da mɔ̨ɔ̨ pɛli kɛɛ hii a gboloyá ŋąą? Lə mɛ̨nį ɓa, ka mɛ̨nį haŋąą mąąhvalin a pilimąą? Ɛlɛɛ, kaa tɛ̨ą mąąhvalin a nɛ̨ŋɛ̨n naa?

Habakukə 1:4

Nuą di hva tɔ́n mąąwiɛ, nuą di hva kiti tee a ɉaŋąą. Nwąnąlɔɔ nuą ɓə da tɛ̨ą hɔlɔɓo nu haŋąąɠaa mɛ̨i; kiti tee a hvulu.

Lukə 12:14

Jesus ə mo mą, yɛ mą: «Náwəi, gbɛɛ ɓə gɛ́ a ka lɔwai mɛ̨nį hutɔɔ mun? A wala kɛ tii, ka nąn gwɛlin ŋąąkwɛlɛ mun?»

Ɉaan 12:47

Nui a nwóó mɛ̨n, a wala bɔ mɛ̨nį kɛ, ɲą́ą́ hvəə ŋą́ gití tee. Mąąhɔlɔɓo, və́ kɛ pa li yɛnɛ̨ɛ̨ kiti tee mɛ̨nį ɓa. Kɛlaa, ŋą́ pa, yɛnɛ̨ɛ̨ nwun mąąɓo mɛ̨nį ɓa.

Ɉaan 18:36

Jesus ə nwoo pulu pənə yɛ mą: «Ŋɔ́ tɔɔlaai hvo a yɛnɛ̨ɛ̨ ɓɛ tɔɔlaa, a kɛ kɛ a yɛnɛ̨ɛ̨ ɓɛ tɔɔlaa yɛ nwɔ́ holahiɠaai də li mą́ą́kɔ̨nwɔ̨, ə gɛ, Ɉuifəɠaa di hvo pa kɛ Ɉón. Kɛlaa, nwɔ́ tɔɔlaai hvo a yɛnɛ̨ɛ̨ ɓɛ tɔɔlaa.»

Ɉaan 3:17

Yálá hvo kɛ non dɛɛ li yɛnɛ̨ɛ̨, ə gɛ, ə yɛnɛ̨ɛ̨ nuą mąą ɲąba lɔ, kɛlaa, ə dɛɛ, ə gɛ, yɛnɛ̨ɛ̨ nuą nwun mąą ə ɓo Ɉaalai.

Ɉaan 7:24

Ka hvo kiti tee lɔ mɛ̨i pɛlɛ, kɛlaa, ka kiti tee a ɉaŋąą.»

Ɉaan 8:11

Nɛ̨ɛ̨nui tii ə Jesus woo pulu pənə yɛ mą: «Ną́mu, nuą tii kəlee daa li.» Jesus yɛ mą: «Ɲą́ą́ gbɛli, və́ ə́ kiti teei. 'Li, kɛlaa, hvo kɛa nɛ̨ŋɛ̨n ɉəɠə.»

Lomaŋ 2:1

Yɛi ə́ kaa ə́ ɓɛlaa kiti teei, mąąhvaalɛɛ hvo yɛ, ə́ mąą kɛ a nu huwui lɔpee. Mąąhɔlɔɓo, mɛ̨nįi ə́ kaa nuą kiti tɛɛi mąą mɛ̨nį hu, yɛ kpinįi yɛ ɓo a da kɛmun. A kɛ ti, yaa kɛi nuą kiti tee, ya kɛ ə́ kpɔɔ ɲɛ̨i hvalai.

Korɛntə dɔlɔɔ 2:15

Nui Yálá nwɔ Kilii yee kɔnma nwɛi, a mɛ̨nį kəlee hutɔɔ, ɛlɛɛ, nu ta hva pɛli naa ɲɔ̨nwɔ̨ɔ̨ ɓoi.

Korɛntə veelɛ 5:16

Yili ɓa, yiihu kɛa, gu hvo nu ta kɔlɔn nu kan gɔlɔ hu, akɛ gu Kristə kɔlɔn a nu kanŋaa di wɔ nu kɔlɔn bələ, bələ yili hvəə kɛa ku gɔlɔn na.

Zĩi 2:4

Akɛ tii, ká kɛɛ nuą lɔwai tɔɔi hvaa a yili? Ɛlɛɛ, káá nuą kiti teei a ɲąnį pələ?

Samuɛlə dɔlɔɔ 16:7

Kɛlaa, Yai-Laa yɛ Samuɛlə ɓa: «Hvo ə́ kili lɛɛ nui ŋɛ̨i koloon ma, da dɔɔmɛ̨i, yili hvəi gáá bɔ. Yii nuą da gaa, yili hvəi; nuą di wɛi, da nu kɔ́lɔ ɓa kaa, Yai-Laa yɛ nu líí hu kaa.»