Ɉaan 7:39 - Yálá laawoo hɛɓɛ (dc)

³⁹ Nuąi da laa Jesus la Yálá nwɔ Kilii da ɉɔlɔɓo, mąą mɛ̨nį ka tii ə kɛi ɉanwon ɉɔɔ diɛ. Gilii ti hvo nii kɛ pa li nąąlɔwai, mąąhɔlɔɓo, Jesus mąąɲįnɛ̨n hvo nii kɛ too li pono ŋą.

Yálá laawoo hɛɓɛ

³⁹ Nuąi da laa Jesus la Yálá-Nįį da ɉɔlɔɓo, mąą mɛ̨nį ka tii ə kɛi ɉanwon ɉɔɔ diɛ. Nįį ti hvo nii kɛ pa li nąąlɔwai, mąąhɔlɔɓo, Jesus mąąɲįnɛ̨n hvo nii kɛ too li pono ŋą.

Bible

³⁹ E nyiŋi ƃò e pîlaŋ M̀ɔlêŋ ma nyíi diai da làa lai da pâi zɔlɔ ƃôi; kpɛ́ni fêi, dífe niî kɛ̀ M̀ɔlêŋ tɛɛ ni, kpɛ́ni fêi, Zîsɛ ŋɔfólo-laai ma fe kɛ́ ni niî a dɛ́ɛ.

Ɉaan 7:39 ပူးပေါင်းရင်းမြစ်များ

Mąątɛ̨nɛ̨ 68:18

Yálá nwɔ hoo mɛ̨i kulááɠaai, di kaa a nu waa nwun damąą, di mąąɲɔwuɔ. Ną́mu kaa di lɔwai, Sinai yee nwuɔ̨, nwɔ pɛlɛ́ mąąhəɠɛɛi mu.

Hanwon 1:23

'Ka pənə ka pa, 'ka nwɔ́ kilaa pɔ̨nɔ̨ wooi mɛ̨n! Akɛtii, gáá pai nwɔ́ Kilii tɛɛi ka pɔ, ŋą́ ka kilaa pɔ̨nɔ̨, ŋą́ gwə́i woo lɛ kaa.

Azaya 12:3

Ka káá pai yá haɠai a kwəinɛ̨ɛ̨, nu ɓaloyá nwun gulɔi.

Azaya 32:15

Ə lɛɛ ɉu, Yálá nwɔ Kilii ə həɠə yələi ə pa gu pɔ. Nąąlɔwai tii, lɔi pun a mąą pənə a nɔw-yɛa lɛlɛɛ, nɔw yɛ lɛlɛ yɛ wɛla wulu.

Azaya 44:3

Mąąhɔlɔɓo, nuąi kpələ wɛli kaa diɛ, gáá pai yálee laai di pɔɔli, gɛ́ yá pɛlɛɛ laa lɔi hu kpalaa hu, gɛ́ nwɔ́ Kilii yɛɛ ə́ huwu mɛ̨i, gɛ́ lúwɔ́ too ə́ lonnii diɛ.

Maafîu 16:14

Di nwoo ŋąąpənə diɛ mą: «Nu taɠaa da kɛ kɛi diɛ: Ɉaan-Batistə ɓaa a yɛ́. Daɠaa diɛ kɛ diɛ: ə́ kaa a Eli. Daɠaa diɛ kɛ diɛ: ə́ kaa a Ɉeremi, a wala kɛ tii, Yálá kwəi mɛ̨nį hukulɔ mun ta lɔ ɓaa a yɛ́.»

Maafîu 21:11

Daɠaa diɛ kɛ mą: «Yálá kwəi mɛ̨nį hukulɔ mun ŋɛ̨i da kɛ mą Jesus yaa li, yaa ŋɛ̨i həɠə Nazarɛtə daai Galile lɔi hui.»

Lukə 24:49

Ɲą́ą́n ŋą lii, yii Nąn ə naakwɛlanmo kaa, ŋą dɛɛ. Kɛlaa, ka lɛɛ ɓɛ daa lee hu, ə lɛɛ la ɉu, ka huwalawala ta hɔlɔɓo yɛ həɠə Yálá pɔ.»

Lukə 3:16

Ɉaan ə mo nuą tii kəlee diɛ, yɛ diɛ: «Nwɛ́i gáá ka mąąwaai yai; kɛlaa, nu ta kaa pai pai, huwalawala kɛnɛ̨ kaa ɲəi dɛɛ mą́ą́, ɲą́ mąą hvo nɛ̨ɛ̨li kpɛli a ŋą kɔ́lɔ laa yili yɛli hvólóon mun. Gaa pai ka mąąwaai a Kili-Mąąhəɠɛɛ da nwɔ̨n.

Lukə 7:16

Nuą kəlee kwəi ə pili diɛ, diɛ, Yálá hɛɠɛɛɓo, diɛ kɛ mą: «Yálá kwəi mɛ̨nį hukulɔ mun gɛnɛ̨ ta kaa ku lɔwai háákələi.» Yili ɓa, «Yálá aa nwɔ nu huwui mąą kpɔnmąą ɓo.»

Ɉaan 1:21

Di pənə di mąąni kɛ diɛ mą: «Gbɛɛ ɓaa yɛ? Akɛti, Eli ɓaa yɛ?» Ə di woo ŋąą pənə yɛ diɛ: «Ya hvaa ɲą́ą́.» Diɛ nwɔ̨nɔ̨ mą: «Akɛti, yɛ ɓə a Yálá kwəi mɛ̨nį hukulɔ mun?» Ə di woo ŋąą pənə yɛ diɛ: «Kpaa-o!»

Ɉaan 1:25

Di pənə nwɔ̨nɔ̨ di Ɉaan mąąni kɛ, diɛ mą: «Akɛ Nwun mąąɓomun Yálá ə naakwɛlanmo ya hvaa yɛ, ə lɛɛ, Eli hva nwɔ̨nɔ̨ a yɛ, hvo nwɔ̨nɔ̨ a Yálá kwəi mɛ̨nį hukulɔ mun, lə mɛ̨nį ɓa ə kaa nuą mąąwaai?»

Ɉaan 1:33

Və́ kɛ gɔlɔn, kɛlaa Yálái ŋɛ̨i dɔ́ɔ́ ə gɛ ŋį́ mąąwaa kɛ, ə mo mą́ą́ yɛ mą́ą́: ‹Nui ə́ kaa pai Kili kaai ə yɛɛ mɛ̨i, a kɛ tii mąą nui tii ɓə pai mąąwaa kɛi a Kili-Mąąhəɠɛɛ.›

Ɉaan 12:16

Mɛ̨nįi tii kɔ́wɔ tɔɔi lɔwai, Jesus nwɔ kalan nɛai di hvo kɛi gbaɠala kaa, kɛlaa, Jesus mąąwia pulu, di kili ə pu ɉu, diɛ kɛ: mɛ̨nį kɛ bɛ̨ɛ̨ mąą mɛ̨nį hu, aa gulɔ mą.

Ɉaan 12:23

Jesus ə di woo pulu pənə yɛ diɛ: «Nu Lon mąąwiɛi lɔwai aa həli.

Ɉaan 14:13

Yii lɔpee ka vɛli Yálá ɓa ɲą́ą́ náá hu, ŋą dɛɛ ka pɔ, ə gɛ, ną́n mąą ə wiɛ non Ɉaalai.

Ɉaan 14:26

Ka mąąkɔ̨nwɔ̨ mun yai a Kili-Mąąhəɠɛɛ, yai Ną́n gaa pai dɛɛi ka pɔ ɲą́ą́ náá hu, gaa pai ka mąąkwɛlii mɛ̨nįɠaa ti kəlee ɓa, yiiɠaai ŋį́ mo kaa, ə nąą kili too ka ŋą.

Ɉaan 16:14

Gaa pai mą́ą́wiɛ pələ lɛi kaa, mɛ̨nį yiiɠaai da həɠə ɲą́ą́ bɔ diɛ ɓə gaa pai kɛi nɛi kaa.

Ɉaan 16:7

Kɛlaa, ə mą kɛ tii, gáá tɛ̨ą ɓoi kaa, yii viɛlaɓoɔ ka mąą mɛ̨nį ɓa, ya ɓaa: Hvo kɛli ŋį́ li. Yaan, a kɛ ŋą́ wala li, ka mąąkɔ̨nwɔ̨mun hva pɛli pai. Kɛlaa yaamun, ŋą́ li, gáá lii dɔɔi ə pa ka pɔ.

Ɉaan 17:1

Jesus ə kpɛɛ lɔ a nwooɠaai tii ɓoɔ, ə ɲɛ̨i tɛ yələi, yɛ diɛ: «Ną́n! Nąąlɔwai aa həli, Ə́ lon mąąwiɛ, Ə́ lon Ə́i mąąwiɛ.

Ɉaan 17:5

Ną́n! Yiihu kɛa mąąwiɛi ŋɛ̨i kɛ ɲə́i gɛɛ yɛnɛ̨ɛ̨ kɔ́wɔ hvo tɔɔ, dɛɛ bɔ́.

Ɉaan 20:22

Ə kpɛɛ lɔ a nwooi tii ɓoɔ, ə nɔ̨ɔ̨ pu diɛ, yɛ diɛ: «Ká ká yee hee Kili-Mąąhəɠɛɛ mu.

Ɉaan 6:14

Nuą tii di wɛi, mɛ̨nįi tii Jesus ə gɛ, nąą kaai di mo, di kɛi kɛ diɛ: Nui ŋɛ̨i kaa kpɔ a Yálá nwɔ kwəi mɛ̨nį hukulɔ mun gbɔ-kpɔɔ, yai pai yɛnɛ̨ɛ̨ nwun mąąɓoi.

Ɉaan 7:12

Nu tamąą di kɛi Jesus mąą mɛ̨nį ɓo di kee lɔwai; daɠaa di kɛi kɛ diɛ: «Nu lɛlɛɛ li.» Dakpɛliɠaa diɛ kɛ: «Lɛɛ li, Gaa nuą nwun ɉu lan ɉi.»

Ɉaan 8:54

Jesus ə di woo pulu pənə yɛ diɛ: «Ŋą́ kɛi gbɔ́ɔ́ mąąwiɛ ɲą́ą́ gbíníí, nwɔ́ɔ́ mąąwiɛ hva kɛ a hɛn da. Ną́n mə gaa mą́ą́wiɛi, a yaa ŋɛ̨i ka káá kɛi diɛ: ‹Kuɔ Yálá lii.›

Gɛlaɠaa 19:2

Ə di mąąnin kɛ, yɛ diɛ: «Ká yee heei ká mo Jesus mąą mɛ̨nį mui, 'ka Kili-Mąąhəɠɛɛ hɔlɔɓo?» Di nwoo ɲąąpənə diɛ mą: «Kpaa-o! Ku hvo ta Kili-Mąąhəɠɛɛ mąą mɛ̨nį bələ mɛ̨n ni kpɛli.»

Gɛlaɠaa 2:17

«‹Yálá ə mo yɛ diɛ: Yɛnɛ̨ɛ̨ ɲąą kpɛɛi lɔwai aa kɛi həli, gáá pai nwɔ́ Kilii tɛɛi nu kəlee pɔ, ka lon ɉinąą da ka lon nɛ̨ąą da Yálá nwɔ wɛlɛɛ laa həli, ka wɔ hilɛlɛai diɛ mɛ̨nįɠaa kaa, ɉulɔgoloɠaa diɛ hįi kaa.

Gɛlaɠaa 2:33

Ə tɛ ə hee Yálá yee lɛlɛɛ mɛ̨i, Yálá ə nwɔ Kili-Mąąhəɠɛɛ tɛɛ bɔ yɛ bələi ə naakwɛlan mo la, ə gbɛŋąn gu mɛ̨i yɛ pələi ka káá gaai la, ɛlɛɛ, kaa mąą mɛ̨nį mɛ̨n na.

Gɛlaɠaa 2:38

Piɛrə ə di woo ŋąą pənə yɛ diɛ: «Ka kpɛla mɛ̨nį ɲɔ̨n ma, ka ka hɔn mąą pənə, di ka mąąwaa Jesus Kristə laa hu, ə gɛ, ka wɔ nɛŋɛ̨nŋaa mąąhvaa ə lɛɛ, ká Kili-Mąąhəɠɛɛ yəi mɛ̨inɛ̨ɛ̨ hɔlɔɓo.

Gɛlaɠaa 2:4

Di kəlee di pilɛ a Kili-Mąąhəɠɛɛ, diɛ hįi woo takpɛli ɓo yɛ bələi Kili ə mąąlaa tɛɛ la di pɔ.

Gɛlaɠaa 3:13

Abrahamə, Isaakə da Ɉakɔbə di nwɔ Yálá, gu nąnni di wɔ Yálá ə nwɔ tímun Jesus ɲɛ̨i pono, a yaa ti ka ɲąɓalɔ mą, ka gwɛlɛ Pilatə ɓa, bələi mąn yili ə kɛ la bɔ, ə ɓo la ma.

Gɛlaɠaa 4:31

Ɓɛlɔwai di kpɛɛ la a Yálá hvɛliɛ, ɓɛi ti di ɲąąkpɔn ŋąą kɛ laa, nąą ə kpɛlin, di kəlee di pilɛ a Kili-Mąąhəɠɛɛ hvaŋą, diɛ kɛa Yálá lawoo laa həli a liikpələ.

Lomaŋ 8:9

Kɛlaa, ka wɛi, ka hvo nu kili yeekɔnma, kɛlaa, Kili-Mąąhəɠɛɛ ɓə; gbala ə tɔɔ, Yálá ŋą Kilii kaa ka hu, nui Kristə nwɔ Kilii hvo ɉu, Kristə nwɔ nu hvə li.

Korɛntə veelɛ 3:8

gu hvo mun kɛ, Yálá nwɔ Kilii ŋą kóló, nwɔ mąąwiɛlaa hva mɔ̨ɔ̨ kɛnɛ̨ ə tɛɛ yili ɓa?

Ifisiɛŋ 4:30

'Ká hvo Kili-Mąąhəɠɛɛ liikələn gwəi, yai Yálá ə gɔlɔn ɉii kɛ la káá, káá ká nwun mąąɓo yələ mąąkpɔn na.