Ɉaan 7:28 - Yálá laawoo hɛɓɛ (dc)

²⁸ Jesus kɛɛ nuą mąąkwɛlii Yálá hvɛli pɛlɛ mu, ə mo kpɔ a nwoo kɛnɛ̨ yɛ diɛ: «Ka gɔ́lɔ́n! Ɓɛi ŋį́ həɠə laa, ka nąą kɔ́lɔn a neelee. Və́ pa li gbɔ́wɔ́ ɓa. Nui ŋɛ̨i dɔ́ɔ́ gaa a tɛ̨ą. Kɛlaa, ka hvo gɔlɔn.

Yálá laawoo hɛɓɛ

²⁸ Jesus kɛɛ nuą mąąkwɛlii Yálá hvɛli pɛlɛ mu, ə mo kpɔ a nwoo kɛnɛ̨ yɛ diɛ: «Ka gɔ́lɔ́n! Ɓɛi ŋį́ həɠə laa, ka nąą kɔ́lɔn a neelee. Və́ pa li gbɔ́wɔ́ ɓa. Nui ŋɛ̨i dɔ́ɔ́ gaa a tɛ̨ą. Kɛlaa, ka hvo gɔlɔn.

Bible

²⁸ Nya ƃe Zîsɛ e làɣi, gɛɛ Ɣâla mɛni lɛ̂i Ŋ̀âla-pɛrɛ Kɛ́tɛi mui, ǹyɛɛi, “Ká ŋ́gɔlɔŋ, ǹyaŋ ká ƃɛi kɔ́lɔŋ ŋa kulâi naai? Kɛ́lɛ, fe pa ni ŋ́gbɔɔi-yee ma; ǹúui nyii ńdɛ̀ɛi gáa a tɔ̃yâ-nuu, ǹyaŋ ǹyaa ƃe káfe gɔ́lɔŋ.

Ɉaan 7:28 ပူးပေါင်းရင်းမြစ်များ

Mąątɛ̨nɛ̨ 9:10

Nuąi di kaa di mɔ̨nɔ̨ɓoi, Yai-Laa, kɛ a di mąą kɔ̨nwɔ̨ taa, a di mąą kɔ̨nwɔ̨ taa, a mąąwɛli yələɠaa.

Ɉeremi 31:34

Di hvo kɛa pai kɛi di kee ni mąąkwɛlii di kee lɔwai. Nu ta hva kɛa kɛ nąn non ma: ‹Ka Yálá kɔ́lɔn bələ mąąkwɛli›. Mąąhɔlɔɓo, di kəlee di kaa pai gɔ́lɔn ɉii; nu kpɛa kpɛaa mąn, nɛapɛlɛɛ mąn. Ɲą́ą́ Yai-Laa nwóó li! Ŋą́ di wɔ nɛ̨ŋɛ̨nŋaa mąą hvaalɛɛ, ŋį́ gíli kulɔ di hɔn ɉu.»

Ɉeremi 9:6

Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun yɛ diɛ: Gáá pai di mąąhəɠəi a nwɔ̨n, ŋį́ di mąą waa. A tɛ̨ą, gáá pai gɛ́ mɛ̨nį kɛi nwɔ́ nuą kili ɲɔ̨nwɔ pələi ŋɛ̨i hu.

Osia 4:1

Israɛlə lonnii, ka ka wəli tɔɔ Yai-Laa woo ɓa: Yai-Laa da nɔi lonnii di kaa kiti haɠa ɓa, mąąhɔlɔɓo tɛ̨ą mɛ̨nį, nu mɛlan gaalon nwɛli la kɛɛ, da Yálá kɔ́lɔn mɛ̨nį, da hvo kɛa nɔi.

Osia 5:4

Di tuwɔ pələ hva pɛli gɛi, diɛ yali di pulu, diɛ pa Yálá pɔ, mąąhɔlɔɓo, wɛli mɛ̨nį kili ɓə di tənən dɔɔi, ɛlɛɛ, di hvo Yai-Laa kɔ́lɔn.

Maafîu 11:27

«Nąn aa hɛn gəlee tɛɛ bɔ́. Nu ta hvo Nąn gɔlɔn, hvo kɛ li Non. Nu ta hvo Non gɔ́lɔn, hvo kɛ li Nąn, ɛlɛɛ, da nui Non gaa bɔ ə Nąn nɛ mą.

Maafîu 2:23

Ə li kɛa ə hee Nazarɛtə daai, ə gɛ, mɛ̨nį Yálá kwəi mɛ̨nį hukulɔ nuą di mo, naa ə hon; yai di mo, diɛ kɛ la mą: «Di kaa pai kɛi nokoloi tii ɓa Nazarɛtə mun.»

Maafîu 26:55

Yili pulu, Jesus yɛ ɉon nuą diɛ: «Akɛti, ka kɛi pa ɉón ɉii, hvo kɛ li ka pa a gbɔn da ɓɔwa kwɛaaɠaa, yɛ ŋą kɛ a mɛ̨nį ɲɔ̨n gɛmun? Yaan, ŋį́ kɛ lɔ ka pɔ a hvóló kəlee, gɛ́ nuą kalan Yálá hee pɛlɛ́ mu, ka hvo kɛ ɉón ni nąąlɔwai.

Lukə 10:22

«Nán Yálá aa huwalawala kəlee tɛɛ bɔ́; nu ta hvo Non gɔ́lɔn, hvo kɛ li lɔ Nąn; nu ta hvo Nąn gɔlɔn, hvo kɛ li lɔ Non, da nui Non a kɛ bɔ ə Nąn nɛ mą.»

Lukə 2:11

Daa ka Nwun mąąɓomun gaa, háákələi, Davidə ŋą taaleei hu, naa ɓaa a Kristə, mɛ̨nį kəlee nąmu.

Lukə 2:39

Ɉosɛfə da Mari yii kɛa di kpɛɛ a ɉaláá kəlee kulaa Yálá hee pɛlɛ́ mu, di pənə a di lon, də li la di pɔ taai Nazarɛtə Galile lɔi hu.

Lukə 2:4

Ɉosɛfə ə həɠə Nazarɛtə daai Galile lɔi hu, yɛ li Bɛtleɛmə daai Ɉude lɔi hu, Davidə pɔ taai. Mąąhɔlɔɓo, Ɉosɛfə ə kɛ a Davidə yəi bɛlɛ́n mun da, də li, əgɛ, di di lono.

Lukə 2:51

Jesus ə di woo hon, ə muhəɠə, ə lɛɛ di pɔ da diɛni də li di pɔ taai Nazarɛtə. Kɛlaa, Mari nwɛ́i ə gili lɛɛ mɛ̨nįɠaa tii kəlee hu.

Ɉaan 1:46

Natanaɛlə yɛ mą: «Mɛ̨nį lɛlɛɛ ta a pɛli kulɔi Nazarɛtə daai?» Filipə ə nwoo pulu pənə yɛ mą: «Pa lɔ ə kaa pai gaai.»

Ɉaan 10:36

A kɛ tii, ɲą́ą́ ŋɛ̨i Yálá ə ɲɛ́ɠɛ́ ɉu, ə dɛ́ɛ́ yɛnɛ̨ɛ̨, ŋį́ kɛ diɛ: ‹Yálá lon maa ɲą́ą́›, lə mɛ̨nį ɓa, ka kɛ diɛ ŋą́ą́ Yálá mąątea woo ɓo?

Ɉaan 12:49

Və́ gbɔ́wɔ́ mąą mɛ̨nį ɓoi, kɛlaa, Ną́n dɔ́ɔ́, nwooi ə bu ná, ya ɓə gáá naa həlii, gɛ́ mo kaa.

Ɉaan 14:10

Hvo laa li ná yɛ diɛ kwa Ną́n ku kaa tɔ̨nɔ̨n? Nwooɠaa ŋɛ̨i ŋį́ kɛ moi kaa, ɲą́ą́ gbinįi váá woo hvəli. Kɛlaa, kwa Ną́n Yálá ku yee lɔɔi gee hu, yɛ nwɔ kólói kɛ ɲą́ą́ ɲéé hu.

Ɉaan 14:31

Kɛlaa, gaa pai, ə gɛ, yɛnɛ̨ɛ̨ nuą di gɔlɔn diɛ Ną́n Yálá wɛli kaa mą́ą́, ə lɛɛ, yii lɔpee aa mo mą́ą́, ya ɓə ŋį́ gɛ. Ka həɠə gwə li.»

Ɉaan 16:3

Di kaa pai kɛi túwɔ́i tii, mąąhɔlɔɓo, di hvo Ną́n gɔlɔn, di hvo nwɔ̨nɔ̨ ɲą́ą́ gɔ́lɔn.

Ɉaan 17:25

Ną́n, ə́ tələnmoɔi, yɛnɛ̨ɛ̨ nuą di hvo ə́ kɔ́lɔn, kɛlaa nwɛ́i, ŋą ə́ kɔ́lɔn, ɛlɛɛ, nuą ŋɛ̨i daa gɔlɔn diɛ: yɛ́ ɓə dɔ́ɔ́.

Ɉaan 17:3

Yaan, yɛnɛ̨ɛ̨ hva kpɛɛ ɓaa, di ə́ kɔ́lɔn a Yálá tanɔ̨n, yai a kpɔ-kpɔ, da Jesus Kristə yai Ə́ dɔɔ.

Ɉaan 3:2

Ə pa a kpinį Jesus pɔ, yɛ mą: «Mąąkwɛli kɛmun, ku gɔlɔn kuɔ Yálá ɓə ə́ kɛ a mąąkwɛli kɛmun, mąąhɔlɔɓo, mɛ̨nįɠaai ŋɛ̨i ə́ kaa gɛi, nu hva pɛli hvo gɛ, akɛ.»

Ɉaan 3:33

Nui a ɲee hee nwɔ kɛla hvaa mu, ya ɓə a kɛ diɛ: Yálá a tɛ̨ą ɓo.

Ɉaan 5:32

Kɛlaa, nu takpɛli ɓə a kɛ mą́ą́ kɛla hvaa ɓoi, yii a mo mą́ą́ mɛ̨nį hu, gaa a tɛ̨ą.

Ɉaan 5:43

Ŋą́ pa Ną́n Naa hu, ɛlɛɛ, ka hvo gɛ li ka hvo ka yee hee li mú. Nu takpɛli a pa gbɔwɔ laa hu, ka ka yee hee mu.

Ɉaan 6:42

Yili pulu diɛ di kee ɓa: kɛlɛi Ɉosɛfə lon məi; gu nee kɔ́lɔn gu nąn gɔlɔn! A həɠə pələ kɛ ləi yɛ kɛ diɛ: «Ŋą́ həɠə Yálá-taa?»

Ɉaan 7:14

Di kɛ kɛa ɉɛli hamąi, Jesus ə li Yálá hvɛli pɛlɛ mu, yɛ nuą mąąkwɛli.

Ɉaan 8:14

Jesus ə di woo pulu pənə yɛ diɛ: «Ŋą́ą́ kɛi gbɔ́wɔ́ mąą kɛla hvaa ɓoi, yili kaa a tɛ̨ą. Mąąhɔlɔɓo, ɓɛi ŋą́ həɠə laa, da ɓɛi gaa lii laa, ŋą́ nąą kɔ́lɔn. Kɛlaa ka wɛi ɓɛi ŋą́ həɠə laa, da ɓɛi gaa lii laa, ka hvo nąą kɔ́lɔn.

Ɉaan 8:16

Ŋą́ mą kɛ gáá kiti teei, ŋą́ dee a tɛ̨ą. Mąąhɔlɔɓo, ɲą́ą́ dɔ̨nɔ̨ hvəə, nui dɔ́ɔ́, kwá yaa ɓə.

Ɉaan 8:19

Farisiɛ̨ɠaa di mo mą, diɛ mą: «Ə nąn gaa mį?» Jesus yɛ diɛ: «Ka hvo gɔ́lɔ́n, kaa hvo Ną́n gɔlɔn. Ə li kɛ ka gɔ́lɔ́n, kai Ną́n gɔlɔn.»

Ɉaan 8:26

Yii vilɛn ŋąąi kaa, mɛ̨nį tamąą kaa laa, gɛ́ pɛli moi, ə ɓo a ka kiti tee mɛ̨nį. Mąąhɔlɔɓo, nui dɔ́ɔ́ gaa a tɛ̨ą. Yii ŋą́ mɛ̨n yaa tii na, ya ɓə ŋą́ naa həli yɛnɛ̨ɛ̨ nuą diɛ.»

Ɉaan 8:42

Jesus yɛ diɛ: «Akɛ ka nąn ɓaa a Yálái, ka li nwɛ́li la kɛ. Mąąhɔlɔɓo, ŋą́ həɠə Yálá pɔ, naa hu ɓə gáá la ɓɛ. Və́ kɛ pa li gbɔ́wɔ́ ɓa, kɛlaa, yaa tii ɓə dɔ́ɔ́.

Ɉaan 9:29

Ku kili kaa ɉu kuɔ diɛ, Moisə wɛi, Yálá ɓə dɔɔ; kɛlaa, nui ŋɛ̨i nwɛi, ku hvo ɉəɠəi kɔ́lɔn.»

Gɛlaɠaa 17:23

Gɛ́ɛ́ tɛɛi ká wɔɔ pələɠaai pɔ, ŋą́ haláá kulɔi tamąą kaa, ɛlɛɛ, ŋą́ haláá kulɔi ta kaa, bɛ̨ɛ̨ mą, diɛ mą: Yálái di hvo gɔlɔn, gɔi ka! Ɉɛn ka kwɛli hvilɛn mą, ká hvo gɔlɔn, ya ɓə ŋą́ pa nɛi káá.

Lomaŋ 1:28

Yii di hvo gɛ li di hvo Yálá kɔ́lɔn, ya ɓə gɛ, Yálá ə di lɛɛ laa di lɔ di kpɔkpɔɔ kili ɲɔ̨nwɔ̨ɔ̨ ti hu, yii kɛ mąą hvo nɛ̨ɛ̨li nu hvo gɛ, diɛ gɛ.

Lomaŋ 3:4

Gɛ́ diɛ: Kpaa-o! Hvɛɛ nu kəlee ə Yálá kɔlɔn a tɛ̨ą nąmu. Ə mą kɛ nu kəlee kaa a lɛɛ kɛ nuą, yɛ bələi Ɉɛɓɛ́ hu woo kaa moi la, yɛ kɛ: «Hvo kɛ li nuą di ə́ wɔ tələnmolaa kɔlɔn ə́ hvaa woo hu, Yɛ́ kiti woo mąąkulɔi hvo mą.»

Korɛntə veelɛ 1:18

Yálá kaa a nwɔ́ kɛla, nwooi ku moi káá, hvo a «ee!» da «kpaa!»

Korɛntə veelɛ 4:6

Mąąhɔlɔɓo, Yálá ŋɛ̨i kɛ diɛ: 'Kɛɛ ə pono kpinį hu! Yaa ti lɔ ɓə kɛ a kɛɛ pono ku lii hu, yɛ ŋą mąąwiɛlaa kɔ́lɔn gili tɛɛ ka gu pɔ, yai lən ɉii Kristə ɲɛ̨ilaai.

Taitɔ 1:2

kilitɔɔmąą laa hu, a ɓálo hva kpɛɛ, yai, Yálái hva lɛɛ kɛ, ə gbɛa naakwɛlanmo gɛɛ hvo yɛnɛ̨ɛ̨ pɛli;

Hebreu 6:18

Mɛ̨nį hveelɛ ka ti, hva ɉəɠə mą, lɛɛ mɛ̨nį hvo ɉu Yálá pɔ pələ, yili a hvaŋąlɔ tɛɛ gu pɔ, a guɔi gwaa mɛ̨nį kəlee lɛɛ laa, gu kilitɔɔ mɛ̨nį laakwɛlanmoɔ tii ɓa.

Zɔ̂ŋ Maa-ŋuŋ 5:10

Nui a laa Yálá Lon na, gɛla hvaa tii kaa mąą nu kpinį hu. Nui a wala laa Yálá la, aa gɛ a lɛɛmun, mąąhɔlɔɓo, gɛla hvaai ɓo, hvo laa li na, yai Yálá ə mo Non mąą manį hui.

Samuɛlə dɔlɔɔ 2:12

Eli lonnii di kɛ a nu kpoloonŋaa, Yai-Laa mąą mɛ̨nį hvo kɛ di ɲɛ̨i ɓa a hɛn da.