Ɉaan 7:15 - Yálá laawoo hɛɓɛ (dc)

¹⁵ Ɉuifəɠaa kwəi ə pili diɛ, diɛ kɛ di kee ɓa: «Nui ŋɛ̨i ə Ɉɛɓɛ́ kɔ́lɔn bələ kɛ ləi, yai hvo lakwəli kɛ li?»

Yálá laawoo hɛɓɛ

¹⁵ Ɉuifəɠaa kwəi ə pili diɛ, diɛ kɛ di kee ɓa: «Nui ŋɛ̨i ə Ɉɛɓɛ́ kɔ́lɔn bələ kɛ ləi, yai hvo lakwəli kɛ li?»

Bible

¹⁵ Zûu-ŋai lá e kpàla dîa, dîyɛɛi, “Nalôŋ ŋi e sɛŋ kɔlɔŋ leŋ, ǹyaŋ ve tá sɛŋ kɔ́lɔŋɔɔ maa kɔri ni?”

Ɉaan 7:15 ပူးပေါင်းရင်းမြစ်များ

Azaya 29:12

Yili pulu, di dɛɛ nui hvo hɛɓɛ́ kɔ́lɔn bɔ, diɛ yili ɓa; «ɉɛɓɛ́i ŋɛ̨i hu woo ɓo», yaa kpɛli yɛ diɛ: «və́ hɛɓɛ́ kɔ́lɔn.»

Maafîu 13:54

Ə li di wɔ Yálá hvɛli pɛlɛ́i mu, yɛ di mąąkwɛli. Nwɔ mąąkwɛli kɛ pələ ə nuą kəlee kwəi pili diɛ, diɛ kɛ diɛ: «Ə həɠə mį a gilimąą wooɠaa ŋɛ̨i, da gbalo mɛ̨nįɠaa kɛɛ ŋɛ̨i?

Maafîu 22:22

Yii kɛa Jesus ə di woo ŋąąpənə tii, di Jesus lɛɛ laa, diɛ li.

Maafîu 22:33

Nuą kpɔ Jesus woo tii mɛ̨n, di kwəi ə pili diɛ.

Lukə 2:47

Nuą kpɔ kɛi Jesus nwɔ woo pulu pənə wooɠaa mɛ̨n, da gili pələɠaai ə kɛi mo, di kwəi ə pili kpɔ diɛ kɛnɛ̨.

Lukə 4:22

Nu kəlee di kɛi mąąwiɛi kaa, ə lɛɛ, mɛ̨nį lɛlɛɛɠaa ŋɛ̨i kɛi kulɔ na yɛ mo, ə nuą kəlee kwəi pili diɛ. Di kɛi di kee mąąni kɛ, diɛ kɛ mą: «Akɛti, Ɉosɛfə lon vəi mɔ̨ɔ̨?»

Ɉaan 1:19

Ɓɛlɔwai Ɉuifə nwun nąmįną ŋɛ̨i kɛ Ɉerusalɛmə daai di haláá laa həli nuą kpɛa-kpɛa da Levi huwu hu nuą tɔɔ la diɛ pa Ɉaan mąąni kɛi, diɛ kɛ mą: «Gbɛɛ ɓaa yɛ?»

Ɉaan 7:11

Di kɛɛ ɉɛli ɓa, Ɉuifəɠaa di kɛi Jesus kwɛli, diɛ kɛ mą: «Ə̨́i, gaa kani mį?»

Ɉaan 7:13

Kɛlaa, nu ta lɔpee hvo kɛi Jesus mąą mɛ̨nį ɓo a pono ŋą, mąąhɔlɔɓo, di kɛi ɲɔ̨w Ɉuifəɠaa diɛ.

Ɉaan 7:46

Ɉolahiɠaa diɛ diɛ: «Ku hvo ta nu ta kaa li yɛ hvaa yɛ ɉulɔnui tii.»

Gɛlaɠaa 26:24

Polə ə lɛɛ lɔ nwoo hukulɔi, Fɛstusə ə bələ hon na, ə tomą kpɔ a nwoo kɛnɛ̨, yɛ mą: «Polə, ɓowo ɓə yáá mo? Nakwəli kɛnɛ̨i ŋɛ̨i ə́ gɛi, yɛ ə ə́ ɓowo?»

Gɛlaɠaa 4:13

Di kɛi Piɛrə da Ɉaan di liikpələ pələ kaa; ɛlɛɛ, gbaɠala ə ɓo diɛ, diɛ kɛ, di hvo ta hɛɓɛ́ mąąkwɛli li, di hvo a mɛ̨nį kɔlɔn nuą. Yili ə di kwəi pili diɛ. Di kɛ di kɔlɔn nɔ a nuąi kɛ Jesus pɔ.

Samuɛlə dɔlɔɔ 10:11

Nuąi kpɔ kɛ gɔlɔn a bɔlɔ, di gaa, yɛ Yálá kwəi mɛ̨nį ɓo da yiiɠaai tii. Nuą di kɛi di kee mąąnin gɛ, diɛ kɛ diɛ: «Lə ɓə kɛ Kisə lon ma? A kɛ tii Saulə yaa kpɛli aa too kɛa Yálá kwəi mɛ̨nį hukulɔ nuą pɔ?»