Ɉaan 7:14 - Yálá laawoo hɛɓɛ (dc)

¹⁴ Di kɛ kɛa ɉɛli hamąi, Jesus ə li Yálá hvɛli pɛlɛ mu, yɛ nuą mąąkwɛli.

Yálá laawoo hɛɓɛ

¹⁴ Di kɛ kɛa ɉɛli hamąi, Jesus ə li Yálá hvɛli pɛlɛ mu, yɛ nuą mąąkwɛli.

Bible

¹⁴ Gúui su-ƃelai-ɣelei Zîsɛ e lì Ŋ̀âla-pɛrɛ Kɛ́tɛi mu é Ɣâla mɛni lɛ́.

Ɉaan 7:14 ပူးပေါင်းရင်းမြစ်များ

Malasi 3:1

Yai-Laa Mɛ̨nį Kəlee ŋą Hééɓomun kaa kɛi káá: Gáá nwɔ́ wɛlɛɛ ɓomu dɔɔi dɔ́wɔ́, ə pələ laa ɓo. Yálái ŋɛ̨i ka káá gwɛlii, gaa pai ɉee pɛlɛ́ mu, ɉu hvo kwɛa li. Nwɛlɛɛ ɓomu ŋɛ̨i ka káá mąąkpɔn ɉi, gaa pai nwɔ́ mįnɛ̨i laa həlii kaa. Gaa bələ ɓa, yɛ pa.

Lonon mo 29:17

«Voló hveelɛ yələ, nįŋɛ̨ hilɛ pow kɔ́w hveelɛ, ɓɛlaa hilɛ hveelɛ, kwɛlan dɔ̨nɔ̨ ɓɛlaa hilɛ pow kɔ́w nąąn yiiɠaai kpɛɠii hva kɛ da ɓa.

Lonon mo 29:20

Voló haaɓa yələ, nįŋɛ̨ hilɛ pow kɔ́w tanɔ̨n, ɓɛlaa hilɛ hveelɛ, kwɛlan dɔ̨nɔ̨ ɓɛlaa hilɛ pow kɔ́w nąąn yiiɠaai kpɛɠii hva kɛ da ɓa.

Maafîu 21:12

Jesus ə lɔ Yálá hee pɛlɛ́ mu, ə lɔwɔ́tɔɔ nuą da wali mąąhvalin nuą kaa laa, ə haŋą diɛ ə di kpɛ. Ə nwali mąąhvalin nuą di wɔ taɓaliɠaai laapɛlɛ, ə donwələn nɔwɔtɔɔ nuą di wɔ kpəlinŋąai too.

Maafîu 26:55

Yili pulu, Jesus yɛ ɉon nuą diɛ: «Akɛti, ka kɛi pa ɉón ɉii, hvo kɛ li ka pa a gbɔn da ɓɔwa kwɛaaɠaa, yɛ ŋą kɛ a mɛ̨nį ɲɔ̨n gɛmun? Yaan, ŋį́ kɛ lɔ ka pɔ a hvóló kəlee, gɛ́ nuą kalan Yálá hee pɛlɛ́ mu, ka hvo kɛ ɉón ni nąąlɔwai.

Lukə 19:47

Jesus ə kɛi nuą kalan hvóló kəlee Yálá hee pɛlɛ́ mu. Ɉaláá laa həli nuą kpɛa-kpɛaɠaa, tɔ́n galamɔ̨ɔ̨ɠaa da nɔi kalanɉonŋaa di kɛi baa pələ kwɛli.

Ɉaan 18:20

Jesus ə nwoo pulu pənə yɛ mą: «Ŋą́ kɛi mɛ̨nį ɓo nuą diɛ kpɔn ɉu. Hvóló kəlee, ŋį́ kɛi nuą mąąkwɛli Yálá hvɛli pɛlɛ́ɠaa mu, da Yálá hee pɛlɛ́ mu ɓɛi Ɉuifəɠaa da di ŋąąkpɔn naa, və́ kɛ mɛ̨nį ta ɓo li loo hu.

Ɉaan 5:14

Nąąta wolo gɛɛ, Jesus ə gaa Yálá hee pɛlɛ́ mu, yɛ mą: «Yii kɛa ə́ kɔ́lɔi aa pono, hvó kɛa nɛ̨ŋɛ̨n ɉəɠə, əgɛ, mɛ̨nį nwąnąą ta hvo pa laa yɛ́, hvo tɛɛ yili ɓa.»

Ɉaan 7:2

Ɉuifəɠaa di wɔ hɛlii a ɉəɠə kələ hɛli, mąą kpua kɛa kɛ.

Ɉaan 7:28

Jesus kɛɛ nuą mąąkwɛlii Yálá hvɛli pɛlɛ mu, ə mo kpɔ a nwoo kɛnɛ̨ yɛ diɛ: «Ka gɔ́lɔ́n! Ɓɛi ŋį́ həɠə laa, ka nąą kɔ́lɔn a neelee. Və́ pa li gbɔ́wɔ́ ɓa. Nui ŋɛ̨i dɔ́ɔ́ gaa a tɛ̨ą. Kɛlaa, ka hvo gɔlɔn.

Ɉaan 7:37

Ɉɛli hvóló kpəli, ɓə kɛ a volói tii ɓə kɛ mąą mɛ̨nį nwąnąą; Jesus ə haŋą ə tɔɔ nu kpului tii kəlee ɲɛ̨i ɓa, yɛ diɛ: «Nui kpələ wɛli kaa mą, ə pa bɔ́ ə gbələ.

Ɉaan 8:2

Yələ wala piinɛ̨ɛ̨, ə həɠə ə pa Yálá hee pɛlɛ́ mu. Nu kpulu kɛnɛ̨ɛ̨ ə lɛɠɛ mą, ə hee yɛ di mąąkwɛli.

Ɉaan 8:20

Jesus ə kɛ tɔɔni Yálá kɔ́ hɛn ɲąŋą kwɛlɛ yɛ nwooɠaa tii ɓo, ɓɛlɔwai ə kɛi nuą mąąkwɛli la Yálá hee pɛlɛ́ mu. Nu ta hvo pɛli ɉon ɉi, mąąhɔlɔɓo, ɲələ hvo ni kɛ ɉəli li.