Ɉaan 6:63 - Yálá laawoo hɛɓɛ (dc)

⁶³ Kili a nu kɛ a vulú, kɛlaa, nu hvo ɓaa hɛn da. Nwooɠaai ŋɛ̨i ŋį́ mo kaa ya ɓə gaa a Kili da yɛnɛ̨ɛ̨.

Yálá laawoo hɛɓɛ

⁶³ Nįį a nu kɛ a vulú, kɛlaa, nu hvo ɓaa hɛn da. Nwooɠaai ŋɛ̨i ŋį́ mo kaa ya ɓə gaa a Nįį da yɛnɛ̨ɛ̨.

Bible

⁶³ M̀ɔlêŋ ƃe a fulu-laa tɛ̀ɛ, sɛŋ da fe lúu su; ŋ̀óo-ŋai ŋa m̀ó kâai, gáa a mɔ̂leŋ da fulu-laa.

Ɉaan 6:63 ပူးပေါင်းရင်းမြစ်များ

Zɛnɛse 2:7

Nąąlɔwai ɓə Yai-Laa ə nu pɛli la a pɔlɔ, ə yɛnɛ̨ɛ̨ kɛ hvaŋą pu ɉunwɛ̨i, nu ə kɛ a hɛn vulúmąą.

Mąątɛ̨nɛ̨ 119:130

Ə́ laawoo, kili ɲąpono, a kili tɛɛ lɛapɛlɛɛ pɔ.

Mąątɛ̨nɛ̨ 119:50

Ya ɓə a níílaa nwɔ mɔ̨nɔ̨i hu, ə́ woo kwɛlɛ woo tii ɓə a váŋąlɔ.

Mąątɛ̨nɛ̨ 119:93

Vá lɛ̨ą kpɛli tanɔ̨n, ə́ wɔ tɔn nwooɠaai diɛ, mąąhɔlɔɓo, di haalai ɓə, ə́ nwɔ́ yɛnɛ̨ɛ̨ pu la nįnɛ̨ kɔ́lɔi.

Hanwon 4:13

Mɛ̨nį ŋɛ̨i di ə́ kalan na, 'ɉon kpaan, 'hvó ə́ pulu tɔɔ mą. Gaa a ə́ wɔ yɛnɛ̨ɛ̨, ə́ yee kanąn mą.

Ɉaan 5:21

Bələi lɔ Ną́n a haa nuą nwun na, yɛ yɛnɛ̨ɛ̨ tɛɛ di pɔ, bələ lɔ ɓə Non a yɛnɛ̨ɛ̨ tɛɛ la nwɛlikɛmąą nuą pɔ.

Ɉaan 6:68

Simɔn Piɛrə ə nwoo pulu pənə yɛ mą: «Ną́mu, gbɛɛ takpɛli ɓə kwa pɛli lii bɔ? Mąąhɔlɔɓo, nwooɠaai gaa ə́ la, da yɛnɛ̨ɛ̨ kpɛɛ hvo mą tɛɛ nu pɔ.

Gɛlaɠaa 5:20

Ka li Yálá hee pɛlɛ́ mu, 'ká nu ɓalo woo ŋɛ̨i laa həli nɔi lonnii kəlee diɛ.

Lomaŋ 10:17

Nwɛlɛɛ lɛlɛɛ mɛ̨n ŋąą ɓə laa na laa a kulɔ ɉu, nwɛlɛɛ lɛlɛɛ ɓaa: Kristə mąą mɛ̨nį laa həliɛ.

Lomaŋ 2:25

Akɛ yá dɔ́n nwooi pɔ mɛ̨nį kɛ, ə́ wɔ kɛ́nɛ̨lonnaa mɛlɛ kaa mą. Kɛlaa, akɛ yá wala dɔ́n nwoo pɔ mɛ̨nį, ə́ káá a kpolɔwa.

Lomaŋ 8:2

Mąąhɔlɔɓo, Kili nwɔ tɔ́n a yɛnɛ̨ɛ̨ tɛɛ nu pɔ Jesus Kristə hu, aa nwún mąąɓo nɛ̨ŋɛ̨n da haa di yəi.

Korɛntə dɔlɔɔ 15:45

Yɛ bələi bɛ̨ɛ̨ la, yɛ mą: «Nu tɔlɔɔ, Adamə, nu kɔ́lɔ ə kɛ mą, nɔ̨ɔ̨ yɛ ɓo ɉu», kɛlaa, Adamə gbɛlamąą, gaa a Yálá-taa mun, ɛlɛɛ, yɛ yɛnɛ̨ɛ̨ tɛɛ nu kanŋaa pɔ.

Galatə 5:25

Akɛ gu kaa yɛnɛ̨ɛ̨ kɛi Kili-Mąąhəɠɛɛ yee kɔnma, 'ká gu nɛɛ laa, ə gu tənən dɔɔ.

Galatə 5:6

Gbala ə tɔɔ, nui gaa Jesus Kristə hu, yɛ ə kɛ a kɛ́nɛ̨-lon, yɛ ə kɛ a kɛ́nɛ̨-kpolaa, yili hvo neelee, kɛlaa, yii a neelee, ya ɓaa: laa na laai bɔ túwɔ́ kaa mą.

Galatə 6:15

Gbala ə tɔɔ, kɛ́nɛ̨-lon naa da kɛ́nɛ̨ kpolɔwa laa, tɔ̨nɔ̨ hvo da lɔpee hu. Yii lɔ tɔ̨nɔ̨ kaa mą, ya ɓaa: Yálá aa gu kɛ a nu nįnɛ̨ɠaa.

Dutɛrɔnome 32:47

Mąąhɔlɔɓo, gaa a woo mąąwiɛ, mąą mɛ̨nį nwąnąą; Nwoo tii ɓə ka wɔ yɛnɛ̨ɛ̨ kaa ɉu; nwoo tii haalai ɉu ɓə ka yíi hvólóɠaa hu kaa lii kwɛai la Ɉurdɛn yá pulu lɔi tii ka káá li ɉɔlɔɓoi, ɉu.»

Tɛsalonikə dɔlɔɔ 2:13

Yili ɓə gɛ, ku wɛi, ku pɔ pələ, kwa hva kpɛla Yálá mąmąɓo a yələ kəlee; ɓɛlɔwai ká Yálá laa woo hɔlɔɓo la, a yai kwa kɛ ká wəli tɔɔi mą, ká ká yee hee mu, ká hvo gɛli yɛ nu kan vaa woo, kɛlaa, yɛ bələi lɔ tii gaa la, a Yálá laa woo, yai gɛ-mɛ̨nį kɛi ká hu, káái a laa na nuą.

Timote dɔlɔɔ 4:8

Nu yá ə́ kɔ́lɔ ɲąątɔɔ a mɛ̨nį ta, dɔlɔ kaa lɔ mą mɛ̨nį pɛlɛɛɠaa hu, kɛlaa Yálá mɛ̨nį nwɛi, dɔlɔ kaa mą mɛ̨nį kəlee hu. Kɛlɛi yili mun mə, yɛnɛ̨ɛ̨ laakwɛlanmoɔ ɉu, yɛ ə kɛ a, háákələi yɛnɛ̨ɛ̨, awala kɛ tii, tínąą gaa pai?

Hebreu 13:9

'Ká hvo ka kpɔwɔ lɛɛ laa, kalan bələ takpɛli hu wooɠaa di hvo ká həɠə tɛ̨ą pələ mɛ̨i. Mąąhɔlɔɓo, viɛlaɓoɔi, nu lii ə pilɛ a Yálá yəi mɛ̨inɛ̨ɛ̨, ə tɛɛ la, koolon gɔ̨nɔ̨n ma, yai, ŋą tɔn ɉon nuą di hvo ta dɔlɔ kaa lii.

Hebreu 4:12

Hvo gaai, Yálá laa woo kaa a vulúmąą, vaŋą ə ɓo ɉu, ɲąąliɛ dɛɛ líikpakpa ɓa. A lɔ kpɔ nu hu, ə gili da nįį di ɓɛlaɓo, ə gbulɔn na da gbɔlɔ di ɓɛlaɓo. Yɛ nu kɛ mɛ̨nįɠaa da nwɔɔ kiliŋąhiɛɠaa di hukpɛ.

Zĩi 1:18

Yaa kpinįi niiɓa hu ɓə, ə gu kaa la a lon, tɛ̨ą woo háálai, əgɛ, gu kɛ a ŋą pɛli hɛn dɔlɔɔɠaa.

Piɛrə dɔlɔɔ 1:23

káái daa ká hɔlɔɓo a lon nįnɛ̨ɠaa, hvo kɛli a híhɛn gɔwi kala kaa mą, kɛlaa gaa a híhɛn gɔwi kala hvo mą, a Yálá hvulúmąą laa wooi gaa laa a yələ kəlee.

Piɛrə dɔlɔɔ 3:18

Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Kili-Mąąhəɠɛɛ ə gɛ a vulú.

Piɛrə dɔlɔɔ 3:21

Ɲąi tii kaa a mąąwaaɓoi aa ká ɓalo yiihu, gɔɔn mąą, hvo a kɔhɔɓoi ká kɔlɔ ɓa, nwaa hɛn, kɛlaa, yili kaa a nu kpɔwɔ kwɛlɛɛ Yálá ɓa, ə́ kili hu pələ, a ká ɓalo, Jesus Kristə nwun ə mo haa yəi ɉáálai,