Ɉaan 6:53 - Yálá laawoo hɛɓɛ (dc)

⁵³ Jesus ə mo diɛ yɛ diɛ: «A tɛ̨ą kpɔ-kpɔ gáá moi kaa, akɛ ka wala Nu Lon ɉuwɔ mįi, ɛlɛɛ, ka hvo ɲąmą kpələ, ka hva pɛli ɓaloi.

Yálá laawoo hɛɓɛ

⁵³ Jesus ə mo diɛ yɛ diɛ: «A tɛ̨ą kpɔ-kpɔ gáá moi kaa, akɛ ka wala Nu Lon ɉuwɔ mįi, ɛlɛɛ, ka hvo ɲąmą kpələ, ka hva pɛli ɓaloi.

Bible

⁵³ Nya ƃe Zîsɛ e mò dîa, ǹyɛɛi, “Tɔ̃yâ kpîŋ, ŋá m̀ó kâa, fɛ̂ɛ nɔ ka núu-kpune Ǹóŋ ǹúu mii ka ŋɔŋãai kpele, à wàla kɛ́ tí, fúlu-laa fé kákponôi.

Ɉaan 6:53 ပူးပေါင်းရင်းမြစ်များ

Maafîu 18:3

Yɛ diɛ: «Gaa tɛ̨ą ɓoi kaa, akɛ ka wala ka kɛ pələ mąąhvalin ka hvo kɛ yɛ lɛapɛlɛɛ, ka hva pɛli lɔi Yálá-taa tɔɔlaa hu.

Maafîu 5:18

Gáá tɛ̨ą ɓoi kaa, a kɛ yələ kɔ́lɔn, da lɔi da wala ni tɛɛ, mɛ̨nį yiiɠaai bɛ̨ɛ̨ dɔ́n ɉɛɓɛ́ hu, ɉɛɓɛ́ gɔw dɔ̨nɔ̨ kpɛli hva ɉəɠə mą. Gəlee ka kɛ, yɛ pələi bɛ̨ɛ̨ la, ə lɛɛ la ɉu, hvo kɛ li yɛnɛ̨ɛ̨ ɲąą kpɛɛi lɔwai.

Maafîu 8:20

Jesus ə mo mą yɛ mą: «Kɛlɛnŋąa lɔ wolo kaa di yəi, ə mą kɛ nwɛ̨nįɠaa taa kaa di yəi. Kɛlaa, kɛɛnąą ta hvo kpɛli Nu Lon yəi ɓɛi a vįitɔɔ laa.»

Lukə 13:3

Gáá moi kaa, kaa kpɛli, ka wala ka hɔn mąą hvalin, ka haa kpɔlɔɔ yɛ bələi tii di háálai.

Lukə 13:5

Gáá moi kaa, ka wala ka hɔn mąą hvalin, ka haa kpɔlɔɔ yɛ bələi tii di haa la.»

Ɉaan 13:8

Piɛrə yɛ mą: «Ə́ gɔ́wɔ́ mąąwaai, a ɲą́ą́! Kpaa!» Jesus yɛ mą: «Ŋą́ wala ə́ waa, ə́ nwɔ nąą hvo nwɔ́ mɛ̨nįi hu.»

Ɉaan 15:4

Ka kanąn mą́ą́, yɛ bələi gánąn ɲąą la kaa. Bələi lɔ wulu wonwo hva ɓa la gbɔɔ ɓa, hvɛɛ a kɛ a ganąn ŋąą nwulu ɓa, kaa kpɛli mąn, ka hva pɛli ɓai hvo kɛli ka kanąn mą́ą́.

Ɉaan 3:3

Jesus ə nwoo pulu pənə yɛ mą: «Gáá moi yɛ́ a tɛ̨ą, akɛ nu a wala kɛ a nu nįnɛ̨, hva pɛli lɔi Yálá-taa tɔɔlaa hu.»

Ɉaan 3:36

Nui a laa Non na, a yɛnɛ̨ɛ̨ hva kpɛɛ hɔlɔɓo; nui a wala laa Non na, hva yɛnɛ̨ɛ̨ hva kpɛɛ hɔlɔɓo, kɛlaa, Yálá nwɔ liiɲąnwąną a kɛ bulu.

Ɉaan 3:5

Jesus ə nwoo pulu pənə yɛ mą: «Gáá moi yɛ a tɛ̨ą, nu hva pɛli lɔi Yálá-taa tɔɔlaa hu, akɛ a wala hɔlɔɓo a yá da Kili.

Ɉaan 6:47

A tɛ̨ą kpɔ-kpɔ gáá moi kaa, nui a laa ná, a yɛnɛ̨ɛ̨ yii hva kpɛɛ ɉɔlɔɓo.

Ɉaan 6:51

Ɲą́ą́ ɓə gáá a kɔ̨nɔ̨n vúlu mąą, yai həɠə yələi. Nui a da mįi, a yɛnɛ̨ɛ̨ hva kpɛɛ hɔlɔɓo. Yaan, gɔ̨nɔ̨n ŋį́ dɛɛ nuą pɔ ya ɓaa a gbį́nį́, yai ŋį́ gwɛlɛ yɛnɛ̨ɛ̨ nuą ɓola mɛ̨nį ɓa.»

Ɉaan 6:55

Mąąhɔlɔɓo, ɉúwɔ kaa a kɔ̨nɔ̨n gbɔ-kpɔ, ɛlɛɛ, ŋą́mą ə ɓo a hɛn da kpələ.

Ɉaan 6:62

Akɛti, yələi ka Nu Lon kaa la, yɛ tɛ yələi ɓɛi ə həɠə laa, kaa gɛ ləi?

Zɔ̂ŋ Maa-ŋuŋ 5:12

Nui Yálá Lon gaa ɲəi, yɛnɛ̨ɛ̨ kaa ɲəi, nui Non və ɲəi, yɛnɛ̨ɛ̨ hvo ɲəi.

M̀ɛni-lɛɛi 2:17

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, ŋą́ gɔ a manəi noɔ, ŋą́ kwɛnį kwɛlɛɛ dɛɛ bɔ, ɛlɛɛ, laa nįnɛ̨ a kɛ a bɛ̨ɛ̨ gwɛnįi tii ɓa, nu takpɛli hva gɔlɔn, ə kulɔ nui gaa ɲəi, bulu.»

M̀ɛni-lɛɛi 2:7

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, nwului Yálá-taa yɛ yɛnɛ̨ɛ̨ tɛɛ nu pɔ, ŋą́ mąą nu kɔ a má ta, ə mįi.»