Ɉaan 6:40 - Yálá laawoo hɛɓɛ (dc)

⁴⁰ Ną́n dɔ́ɔ́ niiɓa ɓaa, nui lɔpee a ɲɛ̨i tɔɔ Non ma, ə laa na, mąą nu a yɛnɛ̨ɛ̨i kpɛɛ hvo mą ɉɔlɔɓo. Ɛlɛɛ, gáá pai nwun ɉii a yɛnɛ̨ɛ̨ ŋąąkpɛɛ yələ.»

Yálá laawoo hɛɓɛ

⁴⁰ Ną́n dɔ́ɔ́ niiɓa ɓaa, nui lɔpee a ɲɛ̨i tɔɔ Non ma, ə laa na, mąą nu a yɛnɛ̨ɛ̨i kpɛɛ hvo mą ɉɔlɔɓo. Ɛlɛɛ, gáá pai nwun ɉii a yɛnɛ̨ɛ̨ ŋąąkpɛɛ yələ.»

Bible

⁴⁰ Kpɛ́ni fêi, Ńâŋ ǹîa-mɛnii ká ŋi, a gɛɛ ǹúui nyii kélee a Nòŋ-nuui kàa é láa lai, a wɔlɔ-wɔlɔ fulu-laa sɔlɔ ƃò, ǹyaŋ ŋa pâi m̀u siɣêi a ŋ̀elei kpɛɛ ŋai.”

Ɉaan 6:40 ပူးပေါင်းရင်းမြစ်များ

Azaya 52:10

Yai-Laa kaa nwɔ huwalawala mąąhəɠɛɛi kulɔi pɔ̨nɔ̨ ŋą lɔi kəlee ɲɛ̨i ɓa, lɔi wəlin na kəlee kaa pai Yálá nwɔ ɓalo mɛ̨nį kaai.

Azaya 53:2

Mąą nui ə kɛi kɛnɛ̨ Yálá ɲɛ̨i ɓa yɛ wulu ɓɔn, yɛ wulu hamui kulɔi lɔi hu kpalaa hu; Kɔlɔn və kɛ mą, ku kɛɛ gaa, ə kɛ a nui nu ɲɛ̨i hva pɛli kɛ kulɔi bɔ, bələi mąą mɛ̨ni ə kɛ la ku kwəi, ku hvo gaa tii.

Lonon mo 21:9

Moisə ə kaalə mąą nįnįn ɉəɠə a ɓala kwɛli, ə ɉɛlɛn wulu gbiɛ da ɓa. Gaaləi tii ta a nu ɲin nɔ kɛ, mąą nu a ɲɛ̨i hee gwɛli kaaləi tii ɓa, ə ɓalo.

Maafîu 10:15

Gáá moi kaa a tɛ̨ą; gití tee lɔwai, bɛlɛi tii mu nuą, a wala kɛti, daa tii hu nuą, di wɔ kitii a tinąą walawala ə tɛɛ Sodomə da Gomorə di wɛi ɓa.»

Maafîu 25:46

«Yili pulu yiliɠaa da li laa nɔ̨nwɔ̨ hu yii kpɛɛ hvo mą, kɛlaa, təli monuą da li yɛnɛ̨ɛ̨ hu yii kpɛɛ hvo mą ɉu.»

Markə 16:16

Nui a laa na, da mąąwaa, nwun mąą a ɓo. Nui a wala laa na, nwun na a pili.

Lukə 2:30

Hvó gaai, ɲɛ̨́i aa tɔɔ ɓalomun ma,

Ɉaan 1:14

Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Ɉaan 10:28

Ŋą́ yɛnɛ̨ɛ̨ kpɛɛ hvo mą tɛɛ di pɔ, ə lɛɛ, di nwun na hvo pai pili; nu ta hva pɛli di kulɔi ɲéi.

Ɉaan 11:24

Martə ə nwoo pulu pənə yɛ mą: «Gílí kaa ɉu, gɛ́, yɛnɛ̨ɛ̨ ŋąąkpɛɛi lɔwai, haaɓɛlaa da di muhəɠə, gaa pai muhəɠəi yaa kpɛli.»

Ɉaan 11:25

Jesus ə mo Martə ɓa yɛ mą: «Ɲą́ą́ ɓə gáá a haaɓɛlaa muhəɠə mɛ̨nį, ə lɛɛ, gɛ́ ɓo a yɛnɛ̨ɛ̨ kpɛɛ hvo mą. Nui a laa na, ə mą haa, a pənə ə kɛ a vulu.

Ɉaan 12:45

Nui a gáá, aa nui dɔ́ɔ́ gaa.

Ɉaan 12:50

Ɛlɛɛ, ŋą́ gɔlɔn gɛ́ nwɔ tɔ́n nwoo kaa a ɓalo hva kpɛɛ. Yii Ną́n ə bu ná, ya ɓə gáá moi.»

Ɉaan 14:17

Yálá nwɔ Kilii tii ɓə gaa a tɛ̨ą kili, yai yɛnɛ̨ɛ̨ nuą di hva di yee hee mu. Mąąhɔlɔɓo, di hva gaa, ɛlɛɛ, di hvo gɔlɔn. Kɛlaa, ka wɛi, ka gɔlɔn, mąąhɔlɔɓo, gaa ka pɔ, yɛ ɓo ka nįį hu.

Ɉaan 14:19

Ɉu hvo kɛa kwɛa li, yɛnɛ̨ɛ̨ nuą di hvo pai kɛa gáái, kɛlaa, ka wɛi, ka káá pai gáái mąąhɔlɔɓo, gáá a vúlú, kaa kpɛli ka káá pai kɛi a ka hulu.

Ɉaan 17:2

Bələi Ə́ tɔɔlaa tɛɛ la bɔ yɛnɛ̨ɛ̨ nuą kəlee mɛ̨i, 'Gɛ, nuąi Ə́ di tɛɛ bɔ ə yɛnɛ̨ɛ̨ hva kpɛɛ tɛ di pɔ.

Ɉaan 3:36

Nui a laa Non na, a yɛnɛ̨ɛ̨ hva kpɛɛ hɔlɔɓo; nui a wala laa Non na, hva yɛnɛ̨ɛ̨ hva kpɛɛ hɔlɔɓo, kɛlaa, Yálá nwɔ liiɲąnwąną a kɛ bulu.

Ɉaan 4:14

Kɛlaa, nui ŋą gɔ́ a ya, a gbələ, kpələ wɛli hva kɛa ɉon. Kɛlaa yaamun, ɲái tii a kɛ mąą nu yəi a yɛnɛ̨ɛ̨ kpɛɛ hvo mą ya ton, yii hva kpala.»

Ɉaan 5:24

«A tɛ̨ą, a tɛ̨ą kpɔkpɔɔ gáá moi kaa: nui a nwəli tɔɔ nwóó ɓa, ɛlɛɛ, nui dɔ́ɔ́, yɛ laa na, a yɛnɛ̨ɛ̨i kpɛɛ hvo mą hɔlɔɓo. Kiti mɛ̨nį hvo mą, kɛlaa, aa kulɔ haa yəi, yɛnɛ̨ɛ̨i kpɛɛ hvo mą, aa ɉɔlɔɓo.

Ɉaan 6:27

Kɔ̨nɔ̨n ɲii a kalai, ka hvo kóló kɛ lɔ yili mąą mɛ̨nį ɓa, kɛlaa, kɔ̨nɔ̨n a yɛnɛ̨ɛ̨ hva kpɛɛ tɛɛ nu pɔ, ka yili mąą kóló ɓo. Nu Lon a pɛli ə yili tɛɛ ka pɔ. Mąąhɔlɔɓo, Ną́n Yálá aa mɛ̨nį kəlee nwɔ heeɓolaa tɛɛ bɔ.»

Ɉaan 6:39

Yaan, nui dɔ́ɔ́ niiɓa ɓaa: nuą ə di tɛɛ bɔ́ dɔ̨nɔ̨ kpɛli nwun na hvo pili. Kɛlaa, Ŋą́ gəlee nwun a yɛnɛ̨ɛ̨ ɲąąkpɛɛ yələ.

Ɉaan 6:44

Nui lɔpee ta hva pɛli pai bɔ́ akɛ Ną́n dɔ́ɔ́ hvo nii muhəɠə li. Ɛlɛɛ, ɲą́ą́n gáá pai nwun ɉi a yɛnɛ̨ɛ̨ ŋąąkpɛɛ yələ.

Ɉaan 6:54

Nui a ɉúwɔ mįi ə ŋą́mą kpələ, a yɛnɛ̨ɛ̨ hva kpɛɛ hɔlɔɓo. Ɛlɛɛ, ŋį́ nwun a yɛnɛ̨ɛ̨ ɲąąkpɛɛ yələ.

Ɉaan 8:56

Ka kalaɓɔlɔ Abrahamə kwəinɛ̨ɛ̨ mɛ̨nį ɓa kɛ, ə ɲɛ̨i tɔɔ mą́ą́; kɛlaa, ə mą kɛ tii, ə gáá, gwəi ə nɛ̨ɛ̨.»

Lomaŋ 5:21

Ya ɓə gɛ, yɛ bələi nɛ̨ŋɛ̨n ə hee la gu mɛ̨i a haa, bələ lɔ ɓə Yálá nwɔ mɛ̨inɛ̨ɛ̨ a tɔɔlaa kɛ la tələnmolaa háálai, ə gɛ, ə li a guɔ yɛnɛ̨ɛ̨ hva kpɛɛ hu, gu Ną́mu Jesus Kristə háálai.

Lomaŋ 6:23

Mąąhɔlɔɓo, nɛ̨ŋɛ̨n vɛla ɓaa a haa, kɛlɛɛ, Yálá nwɔ mɛ̨inɛ̨ɛ̨ ɓaa yɛnɛ̨ɛ̨ kpɛɛ hvo mą, yii gwa ɉɔlɔɓo gu Ną́mu Jesus Kristə laa hu.

Korɛntə veelɛ 4:6

Mąąhɔlɔɓo, Yálá ŋɛ̨i kɛ diɛ: 'Kɛɛ ə pono kpinį hu! Yaa ti lɔ ɓə kɛ a kɛɛ pono ku lii hu, yɛ ŋą mąąwiɛlaa kɔ́lɔn gili tɛɛ ka gu pɔ, yai lən ɉii Kristə ɲɛ̨ilaai.

Hebreu 11:1

Laa na laa ɓaa: Mɛ̨nįi nu ɲɛ̨i hvo mą, ə́ kilitɔɔmą, yɛ́ kɛ gaa kɛa ə́ yəi, a kpaaləi yá mɛ̨nį kili kɔlɔn na a tɛ̨ą, ə́ ɲɛ̨i hvo mą.

Hebreu 11:27

Laa na laa háálai, Moisə ə həɠə Eziptə lɔi hu, hvo ɲɔw tɔɔmun ŋą lííholi ɓa, ɛlɛɛ, ə tɔɔ kpąą, yɛ ɲɛ̨i a kɛ nui hva kaa, mą.

Piɛrə dɔlɔɔ 1:8

a yaa tii káá nwɛli la kɛ, ká ɲɛ̨i hvo mąi ɛlɛɛ, káá laa na, ká hvo nwɔ̨nɔ̨ gaai; 'ká pili kani yələi a kwəinɛ̨ɛ̨i ɲɛ̨n deei hvo mą, a mąąwia,

Zɔ̂ŋ Maa-ŋuŋ 2:25

Ɛlɛɛ, yii yaa kpinįi ə naakwɛlanmo guɔ, ya ɓaa a, yɛnɛ̨nɛ̨i kpɛɛ hvo mą.

Zûu 1:21

Ka lɛɛ Yálá nwɔ wɛlikɛmąąlaa hu, kaa gu Ną́mu Jesus Kristə nwɔ mɛ̨inɛ̨ɛ̨ mąą kpɔn yai pai yɛnɛ̨ɛ̨ kpɛɛ hvo mą dɛɛi ka pɔ.