Ɉaan 6:39 - Yálá laawoo hɛɓɛ (dc)

³⁹ Yaan, nui dɔ́ɔ́ niiɓa ɓaa: nuą ə di tɛɛ bɔ́ dɔ̨nɔ̨ kpɛli nwun na hvo pili. Kɛlaa, Ŋą́ gəlee nwun a yɛnɛ̨ɛ̨ ɲąąkpɛɛ yələ.

Yálá laawoo hɛɓɛ

³⁹ Yaan, nui dɔ́ɔ́ niiɓa ɓaa: nuą ə di tɛɛ bɔ́ dɔ̨nɔ̨ kpɛli nwun na hvo pili. Kɛlaa, Ŋą́ gəlee nwun a yɛnɛ̨ɛ̨ ɲąąkpɛɛ yələ.

Bible

³⁹ Nyíŋi ǹyaŋ káa a ǹúui ńdɛ̀ɛi ǹîa-mɛnii, a gɛɛ fe sɛŋ da kélee làŋ nyii ma a dɛɛ ḿbɔi, kɛ́lɛ, ŋá m̀u siɣe a ŋelei kpɛɛ ŋái.

Ɉaan 6:39 ပူးပေါင်းရင်းမြစ်များ

Ɉeremi 23:4

Ɲą́ą́ Yai-Laa nwóó ka: «Gáá pai di ɲąąkɔn nuą tɛɛi di pɔ, di hva kɛa ɲɔw, di hva kɛa kɛ mɔ̨nɔ̨ hu, da hva kɛa pili ɉu.»

Maafîu 10:15

Gáá moi kaa a tɛ̨ą; gití tee lɔwai, bɛlɛi tii mu nuą, a wala kɛti, daa tii hu nuą, di wɔ kitii a tinąą walawala ə tɛɛ Sodomə da Gomorə di wɛi ɓa.»

Maafîu 18:14

Pələ kpɔlɔ ɓə gaa la nɛapəlɛɛ ŋɛ̨i mąą mɛ̨nį hu. Ka Ną́n Yálá yai gaa yələkɔlɔn ɉu, hvo bɔ dɔ̨nɔ̨ kpɛli hvo lán.»

Lukə 12:32

«Kaai ka káá a nu kpulu logolo, ka hvo ɲɔw. Mąąhɔlɔɓo, ə laa a ka Nąn ə tɔɔlaai tɛɛ ka pɔ.

Ɉaan 12:48

Nui a lənə mą́ą́, ɛlɛɛ, a wala laa nwóó la, aa gití teemun ɉɔlɔɓo. Nwooi ŋą́ mo, ya ɓə pai mąą nu kiti teei yɛnɛ̨ɛ̨ ŋąąkpɛɛ yələ.

Ɉaan 17:12

Gɛ́ɛ́ di pɔ, ŋą kɛi ɲɛ̨́i kɛ diɛ Ə́ laa hu, yaai ə́ dɛɛ bɔ́. Dɔ̨nɔ̨ kpɛli nwun na hvo pili, hvo kɛli lɔ nwun na pilimun; ə gɛ, mɛ̨nį Ɉɛɓɛ́ ə mo bɔ mɛ̨nį ə kɛ.

Ɉaan 17:2

Bələi Ə́ tɔɔlaa tɛɛ la bɔ yɛnɛ̨ɛ̨ nuą kəlee mɛ̨i, 'Gɛ, nuąi Ə́ di tɛɛ bɔ ə yɛnɛ̨ɛ̨ hva kpɛɛ tɛ di pɔ.

Ɉaan 17:24

«Ną́n, gáá bɔ ɓɛi ŋą kɛ laa, nuą ŋɛ̨i yáá di tɛɛ bɔ, diɛ kpɛli di kɛ laa, ə gɛ, mąąwiɛ yii yáá dɛɛ bɔ, di gaa. Mąąhɔlɔɓo, ə́ gbɛa nwɛ́li la kɛ gɛɛ yɛnɛ̨ɛ̨ kɔ́wɔ hvo tɔɔ.

Ɉaan 17:6

«Nuą ŋɛ̨i Ə́ di kulɔ yɛnɛ̨ɛ̨ hu Ə́ di tɛɛ bɔ́, ŋą́ Ə́ laa lɛ diɛ. Di kaa a Ə́ wɔɔ, yaa di tɛɛ bɔ́, daa woo hon.

Ɉaan 17:9

«Diɛ ɓə gáá Ə́ hvɛli di mąą mɛ̨nį ɓa, və́ Ə́ hvɛlii yɛnɛ̨ɛ̨ mąą mɛ̨nį ɓa. Kɛlaa, gáá ə́ hvɛlii nuą Ə́ di tɛɛ bɔ́ di mąą mɛ̨nį ɓa, di kaa a Ə́ wɔɔ.

Ɉaan 18:9

Nwooi Jesus ə mo yɛ kɛ mą: «Nuąi ə́ di tɛɛ bɔ́, dɔ̨nɔ̨ kpɛli nwun na hvo pili li» bɔ mɛ̨nį ə kɛ.

Ɉaan 5:28

Mɛ̨nįɠaa ŋɛ̨i hvo ka kwəi pili kaa, yələ ta kaa pai ɉəli, hąąuą kəlee kaa pai nwoo mąn ɉii.

Ɉaan 6:37

Nuą lɔpee Ną́n a di tɛɛ bɔ́, di kaa pai pai bɔ́. Vá lənə dɔ̨nɔ̨ kpɛli ɓa.

Ɉaan 6:40

Ną́n dɔ́ɔ́ niiɓa ɓaa, nui lɔpee a ɲɛ̨i tɔɔ Non ma, ə laa na, mąą nu a yɛnɛ̨ɛ̨i kpɛɛ hvo mą ɉɔlɔɓo. Ɛlɛɛ, gáá pai nwun ɉii a yɛnɛ̨ɛ̨ ŋąąkpɛɛ yələ.»

Ɉaan 6:44

Nui lɔpee ta hva pɛli pai bɔ́ akɛ Ną́n dɔ́ɔ́ hvo nii muhəɠə li. Ɛlɛɛ, ɲą́ą́n gáá pai nwun ɉi a yɛnɛ̨ɛ̨ ŋąąkpɛɛ yələ.

Ɉaan 6:54

Nui a ɉúwɔ mįi ə ŋą́mą kpələ, a yɛnɛ̨ɛ̨ hva kpɛɛ hɔlɔɓo. Ɛlɛɛ, ŋį́ nwun a yɛnɛ̨ɛ̨ ɲąąkpɛɛ yələ.

Lomaŋ 8:11

Akɛ Yálá nwɔ Kilii ŋɛ̨i Jesus nwun haa ɓɛlaa lɔwai, gaa ka hui, Yaa ti lɔ Jesus Kristə nwun yɛ gulɔ haa nuą lɔwai, yaa lɔ ɓə pai yɛnɛ̨ɛ̨ tɛɛi ká kɔlɔi ŋɛ̨i haa mɛ̨nį pɛ̨ɛ̨i nwuɔ̨, bɔ; nwɔ Kilii ti ka hu, ɉáálai.

Korɛntə dɔlɔɔ 6:14

Yaan, Yálái ŋɛ̨i gu Ną́mu kulɔ haaɓɛlaa lɔwai, yaa lɔ ɓə pai gu kulɔi haaɓɛlaa lɔwai a nwɔ huwalawala.

Timote veelɛ 2:19

Ə mą kɛ ləi, bɛlɛ́ kɔwɔ hvilɛn gwɛnii Yálá ə naa, gaa laani naai. Gɔlɔn ɉɛn maa a Nwoo ŋɛ̨i: «Gu Nąmu ə nwɛiɠaai kɔlɔn.» Ɛlɛɛ nwɔ̨nɔ̨: «Nui lɔpee a gu Nąmu hvɛli, ə mąą kwɛa mɛ̨nį ɲɔ̨n ma.»

Zĩi 5:15

Laa na laa hvɛli woo a ɲɔ̨n gɛ mun gɔlɔi pono; ɛlɛɛ, gu Nąmu a ɉaŋąn ə ɉee, ə mą kɛ aa nɛ̨ŋɛ̨n ɉəɠə, a nwɔ nɛ̨ŋɛ̨n mąą hvaalɛɛ.

Piɛrə dɔlɔɔ 1:5

a káái Yálá ŋą hvaŋą yee kaa káá, laa na laa háálai, ɓalo mɛ̨nįi ɉɛ̨ą yiliɛi, doo mɛ̨nį ɓa pono ɲą, ɲąąkpɛɛi lɔwai.

Zûu 1:1

Ɲą́ą́ Ɉudə Jesus Kristə ŋą tímun, Ɉakə nəɠə. Gáá ɉɛɓɛ́i ŋɛ̨i tɛɛi, nuąi kpɔ Ną́n Yálá aa di təli, a wɛlikɛmąą laa, yɛ ɲɛ̨i kɛ diɛ, diɛi a Jesus Kristə nwɔɔ.

Samuɛlə dɔlɔɔ 25:29

Nuą daa di muhəɠə nwɔ́ mɛ̨nį Nąmu laa ɓa, di hvilɛnŋaa bulu, ə gɛ di baa, kɛlaa di ma gɛ tii, nwɔ́ mɛ̨nį Nąmu nwɔ yɛnɛ̨ɛ̨ a lɛɛ Yai-Laa ə́ wɔ Yálá yəi, ə naa hɔn mo. Kɛlaa, ə́ yowoɠaa di wɔ yɛnɛ̨ɛ̨ nwɛi, Yai-Laa a naa vingwɛni hu, ə bili kpɔ kwɛa la.