Ɉaan 6:30 - Yálá laawoo hɛɓɛ (dc)

³⁰ Diɛ nwɔ̨nɔ̨ mą, diɛ mą: «Kpalo mɛ̨nį lə kɛɛ ɓə ə́ kaa pai gɛi, ku laa ə́ la? Ə́ kɛ tíi ɓaa a lə?

Yálá laawoo hɛɓɛ

³⁰ Diɛ nwɔ̨nɔ̨ mą, diɛ mą: «Kpalo mɛ̨nį lə kɛɛ ɓə ə́ kaa pai gɛi, ku laa ə́ la? Ə́ kɛ tíi ɓaa a lə?

Bible

³⁰ Nya ƃe dí mò ma, dîyɛɛi, “Gɛ̀ ní le-ŋɛi-kɛ-maa ƃe ya gɛ̀ a gɛɛ ku gáa ku láa a yá? Le-tii ƃe ya gɛ̀?

Ɉaan 6:30 ပူးပေါင်းရင်းမြစ်များ

Tɔɔɓɛlaa dɔlɔɔ 13:3

Mąą yələ, Yálá nwɔ nui ə mɛ̨nįi tii kɔ́lɔn ɉɛn nɛ, yɛ diɛ: Mɛ̨nįi pai nɛ yɛ kɛ Yai-Laa ɓə mo, ya ka: Ɉaláá kulɔi kaa pai ɓɛlai, nuwui tii mɛ̨i ə pu.

Tɔɔɓɛlaa dɔlɔɔ 13:5

Nąąlɔwai, ɉaláá kulɔ taɓali ə ɓɛla, nuwu ə kulɔ daɓali mɛ̨i ə pu kpɔlɔi yɛ bələi di mo la, ɛlɛɛ, Yálá nwɔ nui ə nɛ a mɛ̨nį tii gɔlɔn ɉɛn.

Lɛɛ gbɔwɔ ɓa 4:8

Yai-Laa, yɛ nwɔ̨nɔ̨ mą: «Da wala laa ə́ la, di hvo gwɛlɛɛn mɛ̨nį dɔlɔɔ woo mɛ̨n, da laa gwɛlɛɛn mɛ̨nį bulu ɓa woo la.

Lɛɛ gbɔwɔ ɓa 7:9

«Eziptə tɔɔmun a kɛ kaa: ‹'Ka kpalo mɛ̨nį ta kɛ›, yá kɛ Aarɔn ɓa, ‹Ə́ wɔ tunwɔ̨n həɠə, ə́ bili Eziptə tɔɔmun nííla.› A mąą pənə a kaalə.»

Azaya 5:19

Diɛ kɛ diɛ: «Ə gɛ kani ɉa, ə nwɔ kólói kɛ ɉa ku nąą kaa. Mɛ̨nįi Israɛlə nwɔ mąąhəɠəmun gwəi, ə too pɔ̨nɔ̨ŋą kuɔ pɛli gɔlɔn ɉii.»

Markə 15:32

Yaai kɛi kɛ diɛ: gaa a Nwun mąąɓomun Yálá ə naakwɛlanmo, yɛ́ ɓo a Israɛlə tɔɔmun ya ɓəi! Ə kulɔ ka ni kolɔwa ɓa ə hvilɛn ku gaa, ya ɓə a gɛ ku laa na.» Nuą tii di di kpanwo kolɔwa ɓa Jesus kwɛlɛ, diɛ kpɛli di kɛi Jesus lalan.

Markə 8:11

Farisiɛ̨ɠaa di pa da Jesus ni diɛ hɛa too, di kɛ bɔ di Jesus hon nwoo hu. Di mo Jesus ɓa diɛ mą: «Kpalo mɛ̨nį ta kɛ yii kwa gaa ku laa na kuɔ ə́ wɔ huwalawala a həɠə Yálá pɔ.»

Ɉaan 10:38

Kɛlaa, akɛ ŋą́ą́ kɛi mɛ̨nįɠaa tii kɛ, ka wala laa ná, ka laa gɛ́ mɛ̨nįɠaa tii la, kaa diɛ kwa ná Yálá ku kaa tɔ̨nɔ̨.»

Ɉaan 12:37

Bələi mąn Jesus ə kpalo mɛ̨nį tamąą kɛ la di ɲɛ̨i ɓa, di hvo laa na.

Ɉaan 2:18

Ɉuifə nwun nąmįną di mąąni kɛ diɛ mą: «Kpalo mɛ̨nį lə kɛɛ ɓə ya pɛli gɛi, ə gɛ, ə́ nɛ kuɔ, yɛ diɛ: mɛ̨nį ŋɛ̨i ə́ kaa gɛi mąą laa tɛɛi ə́ pɔ?»

Ɉaan 4:8

Nąąlɔwai, nwɔ kalan nɛai daa kɛ tɛ taai laa mį́į́ hɛn ɲá mɛ̨nį ɓa.

Ɉaan 6:14

Nuą tii di wɛi, mɛ̨nįi tii Jesus ə gɛ, nąą kaai di mo, di kɛi kɛ diɛ: Nui ŋɛ̨i kaa kpɔ a Yálá nwɔ kwəi mɛ̨nį hukulɔ mun gbɔ-kpɔɔ, yai pai yɛnɛ̨ɛ̨ nwun mąąɓoi.

Ɉaan 6:2

Nu kpulu kɛnɛ̨ hvilɛn ŋąąi kɛ bulu mąąhɔlɔɓo, ə kɛi kpalo mɛ̨nįɠaa kɛ yɛ ɲɔ̨n gɛ nuą ɓalo.

Ɉaan 6:36

Kɛlaa, ŋą́ą́ mo kaa, kaa gáá, ə mą kɛ tii, ka hvo laai ná.

Gɛlaɠaa 4:30

Ə yee haŋą, ə gɛ, kpalo mɛ̨nį da kwəi pilimąą mɛ̨nįɠaa di kɛ ə́ nwɔ tímun Jesus laa hu.»

Korɛntə dɔlɔɔ 1:22

Ɉuifəɠaa di kaa kpalo mɛ̨nį hvɛlii, Grɛkəɠaa diɛ kilikɛɲəi kwɛli;

Hebreu 2:4

Ɛlɛɛ, Yálá kpinįi ə nuą ti di wɔ kɛla woo lɛ a tɛ̨ą, a kwəi pili mąą mɛ̨nįɠaa, da kpalo mɛ̨nį huwu tamąą, ɛlɛɛ, a Kili-Mąąhəɠɛɛ yəi mɛ̨inɛ̨ɛ̨ɠaai ə ɲąąkwɛlɛ diɛ a niiɓa!