Ɉaan 5:39 - Yálá laawoo hɛɓɛ (dc)

³⁹ Ka kɛ Yálá nwɔ hɛɓɛ́i hupilii, ə ɓo ka kwəi kaa, ka káá pai yɛnɛ̨ɛ̨i kpɛɛ hvo mą hɔlɔɓoi a yili, yaan, ɉɛɓɛ́i tii ɓə mą́ą́ kɛla hvaa ɓoi.

Yálá laawoo hɛɓɛ

³⁹ Ka kɛ Yálá nwɔ hɛɓɛ́i hupilii, ə ɓo ka kwəi kaa, ka káá pai yɛnɛ̨ɛ̨i kpɛɛ hvo mą hɔlɔɓoi a yili, yaan, ɉɛɓɛ́i tii ɓə mą́ą́ kɛla hvaa ɓoi.

Bible

³⁹ Ka Ŋ̀âla-kɔlɔi su kɔ̀ri. Kpɛ́ni fêi, ka gàa kâa, nàa ƃe wɔlɔ-wɔlɔ fulu-laa káa naa, ǹyaŋ ǹyaa ƃe a ḿaa-sere-faa kɛ̀,

Ɉaan 5:39 ပူးပေါင်းရင်းမြစ်များ

Mąątɛ̨nɛ̨ 1:2

Kɛlaa, niiɓa ɓaa Yai-Laa nwɔ tɔ́n nwoo, a giliŋąhiɛ mą a hvoló da kpinį.

Mąątɛ̨nɛ̨ 119:11

Mɛ̨nįɠaai ə́ mo, ŋą́ di kanąn níi pɔ, əgɛ, və́ pa nəi nɛ̨ŋɛ̨n ɉəɠə yɛ́.

Mąątɛ̨nɛ̨ 133:3

Gaa yɛ nɛ̨nɲái a yɛɛ a Hɛrmɔn yee, yɛ yɛɛ Siɔn yeeɠaa nwuɔ̨. Nąą ɓə Yai-Laa ə naa gwəi, yɛ lúwɔ́ kɛ laa; a yíinɛ̨ɛ̨i kpɛɛ hvo mą!

Mąątɛ̨nɛ̨ 16:11

Yá yɛnɛ̨ɛ̨ kɛ pələ lɛ mą́ą́, kwəinɛ̨ɛ̨ kɛnɛ̨ lɔ ɓə ə́ lííla; a mɛ̨nį ɲąąnɛ̨ɛ̨ɠaai kpɛɛ hvo mą, diɛ ɓə ə́ ɓa-mįi-yee hu.

Mąątɛ̨nɛ̨ 21:4

Yá laa nąą tɔwɔ, Ə́ naakwiɛn a lúwɔ́ da mɛ̨inɛ̨ɛ̨ɠaa, yɛ́ hɛni lɔ nwuɔ̨.

Mąątɛ̨nɛ̨ 36:9

Diɛ pilɛ ə́ yəi bɛlɛ́n gɔ̨nɔ̨n nɛ̨ɛ̨ɠaa hu; ɲái yá dɔɔ di la, gaa a yɛnɛ̨ɛ̨ ɲąąnɛ̨ɛ̨ yá.

Hanwon 6:23

Mąąhɔlɔɓo, liɛwoo kaa yɛ labon, mɛ̨nįi da nu kalan na, gaa a kɛɛ pɔ̨nɔ̨. Kili nwɔ hutɔɔ wooɠaa kaa a yɛnɛ̨ɛ̨ kɛ hɛn.

Azaya 34:16

Ka Yai-Laa nwɔ hɛɓɛ́i hu kaa, ka ɉu woo ɓo, dɔ̨nɔ̨ kpɛli hvo pai lɛɛi pulu, di ta hvo pai kɛi mɛlan gɛɛmąąnįn kɛi, Mąąhɔlɔɓo, Yai-Laa ɓə di tí la nwɔ Kilii ɓə di ɲąąkpɔn.

Azaya 8:20

A kɛ tii, 'ka ɉɛɓɛ́ hu kaa, da mąąkwɛli woo, da wala hvaa yɛ bələi ɉɛɓɛ́i tii hu woo kaa la, a kɛ tii yələ hvo ɓɔli di mɛ̨i.

Ɉeremi 8:9

Gilimąą nuą tii daa nwumɛ̨, di ɲɛ̨i aa paa, daa kɔ́ a hɛlɛn di kɛi tɛɠɛ ɓo Yai-Laa woo hu. Da pɛli di kpɔɔ kaai ləi a mɛ̨nį kɔ́lɔn nuą?

Danîa 12:2

Nuą tamąą daa haa, di kaa laani di kámą hu, di kaa pai di muhəɠəi, di kɛ a di hvulú. Daɠaa da di muhəɠə də li yɛnɛ̨ɛ̨ kpɛɛ hvo mą ɉu; daɠaa də li nwun napili hu, nwumɛ̨ hu yii hva kpɛɛ.

Maafîu 22:29

Jesus ə di woo ŋąąpənə yɛ diɛ: «Ka káá ka kpɔɔ ɓowoi, mąąhɔlɔɓo, ka hvo Yálá laawoo hɛɓɛ́ kɔ́lɔn, ə mą kɛ Yálá nwɔ huwalawala.

Markə 10:3

Jesus ə di woo pulu pənə a kɛɛ mąąlən, yɛ diɛ: «Tɔ́n nə kɛɛ ɓə Moisə ə dɛɛ ka pɔ?»

Markə 12:10

Yili pulu, Jesus ə mo diɛ, yɛ diɛ: «Akɛti, mɛ̨nį Yálá laawoo hɛɓɛ́ ə mo, ka hvo ta mɔ̨ɔ̨ yili kalan ni? Yaai ə kɛ mą: «‹Gwɛnii bɛlɛ́ tɔɔ nuą di lənə mą ya gaa a bɛlɛ nwun ɉon gwɛni leelee.

Lukə 16:29

«Abrahamə ə nwoo pulu pənə yɛ mą: ‹Moisə nwɔ tɔ́n ɉɛɓɛ́i da Yálá kwəi mɛ̨nį hukulɔ nuą hvaa woo pɛ̨ɛ̨ kaa laa di yəi; yɛ di kilaa pono, mąąnɛ̨ɛ̨ di di wəli tɔɔ nwoo ɓa!›

Lukə 16:31

«Kɛlaa, Abrahamə ə mo mą, yɛ mą: ‹Akɛ, da wala di wəli tɔɔ Moisə nwɔ tɔ́n ɉɛɓɛ́i da Yálá kwəi mɛ̨nį hukulɔ nuą woo ɓa, di hvo pai di wəli tɔɔi di kilaa pono mɛ̨nį takpɛli ɓa, ə mą kɛ nu ta aa həɠə ɓɛ ɲąmuątaa aa li laa.›»

Lukə 24:25

Nąąlɔwai, Jesus ə mo diɛ, yɛ diɛ: «Ee kə́! Ka hva mɛ̨nį kpaɠala kaa ɉa, ə lɛɛ, mɛ̨nį Yálá kwəi mɛ̨nį hukulɔ nuą di mo ka laa la walai yili la!

Lukə 24:27

Yili pulu, mɛ̨nįɠaa kpɔ kɛ bɛ̨ɛ̨ yaa tii nąą mɛ̨i Yálá laawoo hɛɓɛ́ hu, ə gəlee hukulɔ diɛ, ə gɔɠɔ tɔɔ Moisə nwɔ hɛɓɛ́ yilii hu, ə nąą kulɔ Yálá kwəi mɛ̨nį hukulɔ nuą di wɔ hɛɓɛ́ yiliɠaai ɓa.

Lukə 24:44

Yili pulu ə mo diɛ, yɛ diɛ: «Mɛ̨nįɠaai ŋį́ kɛi mo kaa, ɓɛlɔwai gu kɛ la gu kee pɔ ya ka; ŋį́ kɛ kaa: mɛ̨nįɠaai kpɔ kɛ bɛ̨ɛ̨ náá mɛ̨i Moisə nwɔ tɔ́n ɉɛɓɛ́i hu, Yálá kwəi mɛ̨nį hukulɔ nuą, da Yálá Mąątɛnɛ Wələɠaa hu, hvo kɛli gəlee laa ə hvɛɛ.»

Ɉaan 1:45

Filipə ə́ li ə Natanaɛlə kaa, yɛ mą: «Nui ŋɛ̨i Moisə nwɔ tɔ́n ɉɛɓɛ́i da Yálá kwəi mɛ̨nį hukulɔ nuą di mąą mɛ̨nį ɓo, kwa gaa. Da kɛ naa ɓaa: Jesus, Ɉosɛfə Nazarɛtə mun lon ni.»

Ɉaan 5:32

Kɛlaa, nu takpɛli ɓə a kɛ mą́ą́ kɛla hvaa ɓoi, yii a mo mą́ą́ mɛ̨nį hu, gaa a tɛ̨ą.

Ɉaan 5:36

Kɛlaa, nwɛ́i, nwɔ́ kɛla hvaai kɛnɛ̨i dɛɛ Ɉaan ɓa. Golóɠaai Ną́n ə dɔ́ɔ́ yɛ ŋį́ gɛ, yai gáá di kɛi, diɛ ɓə mą́ą́ tɛ̨ą ɓoi, diɛ Ną́n mə dɔ́ɔ́.

Ɉaan 5:40

Kɛlaa, ə mą kɛ tii, ka hva gɛ, ka hvo pa bɔ́, ka hvo yɛnɛ̨ɛ̨i kpɛɛ hvo mą hɔlɔɓo.

Ɉaan 5:46

Akɛ kɛ ka laa Moisə la, ka li lɔ laa ɲą́ą́ gbɛ́li na. Mąąhɔlɔɓo, mą́ą́ mɛ̨nį ɓə ə bɛ̨ɛ̨.

Ɉaan 7:52

Mɛlaa diɛ mą: «Yɛ́ kpɛli, Galilemun mąą a yɛ́? Yɛ́ kpinįi ya kɛ Yálá laawoo hɛɓɛ́ ɓoi, ə́ gɔlɔn kpɔ yɛ́ diɛ, Yálá kwəi mɛ̨nį hukulɔ mun hva pɛli kulɔi Galile lɔi hu.»

Gɛlaɠaa 13:27

Kɛlaa yaamun Ɉerusalɛmə nuą da ɲɛ̨itɔwɔ nuą, di hvo Jesus kɔ́lɔn ni, di baa. Yálá kwəi mɛ̨nį hukulɔ nuą wooɠaai da moi a vįitɔɔ yələ tɛitɛi, diɛ di pɔ mɛ̨nį kɛ la tii.

Gɛlaɠaa 17:11

Yiliɠaa lii lɛlɛɛi kɛ di kwəi, ə tɛɛ Tesalonikə Ɉuifəɠaa diɛ. Di di yee hee Yálá lawoo mu a di kwəi kwəlɛɛ, ɛlɛɛ, hvóló tɛitɛi yee mu, di kɛli Yálá lawoo hɛɓɛ́ mąą kpɛɛ, akɛ, mɛ̨nįi di kaa nɛi diɛ, gaa kpɔ ti a tɛ̨ą.

Gɛlaɠaa 26:27

Tɔɔmun Agripa, mɛ̨nįi ŋɛ̨i Yálá kwəi mɛ̨nį hukulɔ nuą di mo, ə́ laai na? Gílí kaa ɉu, gɛ́ diɛ, ə́ laai na.»

Lomaŋ 1:2

Nwɛlɛɛ lɛlɛɛ ti wɔlɔ Yálá ə naakwɛlanmo naa woo hɛɓɛ́ hu, gwəi mɛ̨nį hukulɔ nuą diɛ,

Lomaŋ 3:2

Dɔlɔ kaa mą nąą kəlee. Hvo gaai, Ɉuifəɠaa ɓə tɔlɔɔ Yálá ə naa woo tɛɛ di pɔ.

Dutɛrɔnome 18:15

Nąąlɔwai kɛa, Moisə yɛ Israɛlə lonnii diɛ: Yai-Laa ka wɔ Yálái kaa pai gwəi mɛ̨nį hukulɔ mun da kulɔi ka lɔwai yɛ ɲą́ą́, ka kaayɔwɔɠaa lɔwai, yaa ɓə mąąnɛ̨ɛ̨ ka ka wəli tɔɔ nwoo ɓa.

Dutɛrɔnome 18:18

Gáá pai gwə́i mɛ̨nį hukulɔ mun da kulɔi di kaayɔwɔɠaa lɔwai, ə kɛ yɛ bələi ə́ kaa la. Gáá pai nwóóɠaa pui na, ɛlɛɛ, yii lɔpee ŋą́ dí la, yɛ mo diɛ.

Dutɛrɔnome 32:47

Mąąhɔlɔɓo, gaa a woo mąąwiɛ, mąą mɛ̨nį nwąnąą; Nwoo tii ɓə ka wɔ yɛnɛ̨ɛ̨ kaa ɉu; nwoo tii haalai ɉu ɓə ka yíi hvólóɠaa hu kaa lii kwɛai la Ɉurdɛn yá pulu lɔi tii ka káá li ɉɔlɔɓoi, ɉu.»

Kolosə 3:16

Kristə woo ə ɉeei kulɔ ká nįį hu, da ŋą hɛn nąmu laa kəlee, ká ká keeni kilaa pono a kili pələ, káá mɛ̨inɛ̨ɛ̨ hu kɔlɔn nwələ too Yálá ɓa ká nįį hu, a Yálá mąątɛ̨nɛ̨ wooɠaa ɓoɔ gee ɓa, 'káá Naa tɛ wələɠaa too, da kalan nwələɠaai Kili a dɛ ká la.

Hebreu 11:16

A tɛ̨ą, lɔi yii viɛlaɓoɔ, yai gaa yələkɔlɔn ɉu, ya ɓə di kɛli gwɛli. Yili ɓə gɛ, Yálá hva nwumɛ̨ naa heei a di wɔ Yálá, hvó gai, aa taa nįnɛ̨ ta tɔɔ, a di wɔɔ.

Hebreu 11:35

Laa na laa háálai, nɛ̨ąąi di wɔ nuą daa kɛ haa, diɛ pənə diɛ nwun. Kɛlaa, nu taɠaa diɛ hvaa mą, diɛ di mɔ̨nɔ̨ɓo, diɛ di paa, ə gɛ, di pa yɛnɛ̨ɛ̨ hva kpɛɛ hɔlɔɓo di nwunŋąą pulu.

Zasua 1:8

'Gɛ pələ kwɛli mą, dɔ́n ɉɛɓɛ́i ŋɛ̨i, hvó kpəla moɔ ɓa, yɛ́ ə́ kiliŋąhiɛ mą a hvóló da kpinį. Ya ɓə a gɛ ə́ pɛli túwɔ́i yɛ dɔ́n tii hvaa woo. Yili pɔ pələ ɓə, ə́ yee kɔ̨nwɔ̨n ɉu a ɓɛlɛ́ la, ə́ yee yɛ tɛɛ ə́ kɛ mɛ̨nįɠaa diɛ.

M̀ɛni-lɛɛi 19:10

Ya ɓə, ŋą́ pɛlɛ gɔ́wɔ mu, gɛ́ kɛ ŋį́ gwɛli hvilɛn mą, kɛlaa, yɛ mą́ą́: «'Hvo kɛ ə́ kaa gɛi tii! Gáá lɔ a tímun, ə́ mąą mɛ̨nį ɓa, ɛlɛɛ, da ə́ nąn nonnii, diɛi di yee kąnąnŋąą Jesus ŋą kɛla wooi ɓa.» Yálá ɓə mąąnɛ̨ɛ̨i ə́ gwɛli hvilɛn mą, gbala ə tɔɔ, Jesus ŋą kɛla wooi, ya ɓaa a mɛ̨nįi pai kɛi ŋą kili.