Ɉaan 5:35 - Yálá laawoo hɛɓɛ (dc)

³⁵ Ɉaan ə kɛ yɛ labon daa dɔɔ yɛ lən. Ka kɛ bɔ ka da hɔlɔɓo, ka ɲąąnɛ̨ɛ̨ gulɔ.

Yálá laawoo hɛɓɛ

³⁵ Ɉaan ə kɛ yɛ labon daa dɔɔ yɛ lən. Ka kɛ bɔ ka da hɔlɔɓo, ka ɲąąnɛ̨ɛ̨ gulɔ.

Bible

³⁵ È kɛ̀ a laŋpoi nyii kɛ̀ lênii gɛ folo. Ǹyaŋ ká fàa a gɛɛ ka ŋɔkwaa-ponoɔi wɛli-kula a guro.

Ɉaan 5:35 ပူးပေါင်းရင်းမြစ်များ

Samia Veerɛi 21:17

Kɛlaa, Seruya lon Avisai ə pa ə kpɔmąą tɛɛ Davidə pɔ, ə Filisti mun tii paa. Nąąlɔwai ɓə Davidə nwɔ nuą di ɉuhvɛli la mą, diɛ mą: «Gwa gaani gu hva kɛa li kɔ́ mɛ̨i, ə gɛ, hvó pa Israɛlə nwɔ nwɔ̨n luwun.»

Lɛɛ gbɔwɔ ɓa 34:35

Moisə ɲɛ̨ilai ə kɛi lɔ lən Israɛlə lonnii ɲɛ̨i ɓa; Moisə ə pənə ə ɉəɠə yɛɛ ɲɛ̨i, ə lɛɛ ɉu yɛ pənə yɛ li da Yai-Laa diɛ mɛ̨nį ɓo.

Izikiɛ 33:31

Di kaa pai pai ə́ pɔ, yɛ a kɛ a nuą ɲąąkpɔn ɲələ; Di kaa pai heei ə́ hu, diɛi tii a nwɔ́ nuą, di kaa pai ə́ woo mɛ̨n ɉii, kɛlaa di hva bɔ mɛ̨nį kɛ. Mąąhɔlɔɓo, di laahvɛɛi a kiliŋąhiɛ ɲɔ̨nwɔ̨ɔ̨, ɛlɛɛ di kaa bɔ di yili pɔ túwɔ ɓo, di wɔ kiliŋąhiɛ hvilɛn ŋaai hɛn gɔw ɓa.

Danîa 12:3

Nwun gɛ ɉu nuąi ŋɛ̨i kɛi kpɔmaa tɛɛ nuą pɔ diɛ lɛɛ tələnmolaa hu, di ɲɛ̨ilaa a kɛ lən ɉii yɛ pɛmɛ̨nɛ̨n gɔw.

Maafîu 11:11

Gáá tɛ̨ą ɓoi kaa, nui kpɔ nɛ̨ɛ̨nu ə gaa, da hvo kɛnɛ̨ li hvo tɛɛ Ɉaan-Batistə ɓa. Kɛlaa yaan, nui gaa a lokolo Yálá-taa tɔɔlaa hu, mąą nu kɛnɛ̨i dɛɛ mą.

Maafîu 21:26

Akɛ nwɔ̨nɔ̨ gwa kɛ mą «Nuą ɓə», yaan hvo kɛli gwa ɲɔ̨w nuą diɛ. Mąąhɔlɔɓo, nu kəlee laai na diɛ Ɉaan ə kɛ a Yálá kwəi mɛ̨nį hukulɔ mun.

Markə 1:5

Ɉude lɔi hu nuą, da Ɉerusalɛmə daai nuą di kɛi pa Ɉaan pɔ diɛ hvaa di kɛ nɛ̨ŋɛ̨ ma nu kəlee ɲɛ̨i ɓa. Ɉaan yɛ di mąąwaa Ɉurdɛn yá hu.

Markə 6:20

Herodə ə kɛi ɲɔ̨w Ɉaan ɓa. Mąąhɔlɔɓo, ə kɛ gɔlɔn yɛ Ɉaan kaa a nu mąąhəɠɛɛ, əlɛɛ, dəlimo. Herodə ə kɛi Ɉaan mɛ̨i kaa. Herodə aa kɛi kɛ Ɉaan woo mɛ̨n, gwəi ə kɛi pili mą. Kɛlaa, ə mą kɛ tii, nwoo mɛ̨n nwɛli ə kɛ lɔ mą.

Lukə 7:28

Jesus yɛ diɛ: «Gáá moi kaa: Ɉaan-Batistə kaa a nu kɛnɛ̨, dɛɛ nu kəlee ɓa. Kɛlaa, nui gaa a lokolo Yálá-taa tɔɔlaa hu, gɛnɛ̨i dɛɛ Ɉaan-Batistə ɓa.»

Ɉaan 6:66

Ə həɠə ɲələ ɓa, Jesus nwɔ kalan nɛai damąą di lənə mą di həɠə bulu.

Piɛrə veelɛ 1:19

Yili ɓa, nwoo ŋɛ̨i Yálá kwəi mɛ̨nį hukulɔ nuą di mo, ku laai na kpɔ nwɔ̨nɔ̨ kɛnɛ̨. Mąąhɔlɔɓo, gaa yɛ labon yii gaa lən ɉi kɛɛnąą kpinɛ̨ɛ̨ ɓa, ə lɛɛ la ɉu, yələ ɓoi pɔ, pɛmɛ̨lɛn gɔw yɛ hvóló ka nii hu.