Ɉaan 5:26 - Yálá laawoo hɛɓɛ (dc)

²⁶ Mąąhɔlɔɓo, bələi lɔ yɛnɛ̨ɛ̨ kaa la Nąn ɉu, bələ lɔ ɓə Ə mąąlaa tɛɛ la Non bɔ.

Yálá laawoo hɛɓɛ

²⁶ Mąąhɔlɔɓo, bələi lɔ yɛnɛ̨ɛ̨ kaa la Nąn ɉu, bələ lɔ ɓə Ə mąąlaa tɛɛ la Non bɔ.

Bible

²⁶ Kpɛ́ni fêi, berei nɔ fulu-laa káa la Nàŋ-nuui kpîŋ yêei, ǹyaa ƃe a Nòŋ-nuui kɛ́ a gɛɛ fulu-laa e kɛ́ gbîŋ yêei.

Ɉaan 5:26 ပူးပေါင်းရင်းမြစ်များ

Mąątɛ̨nɛ̨ 36:9

Diɛ pilɛ ə́ yəi bɛlɛ́n gɔ̨nɔ̨n nɛ̨ɛ̨ɠaa hu; ɲái yá dɔɔ di la, gaa a yɛnɛ̨ɛ̨ ɲąąnɛ̨ɛ̨ yá.

Mąątɛ̨nɛ̨ 90:2

Gɛɛ hvó yeeɠaa tɔɔ, hvó lɔi kpalan naa, da yɛnɛ̨ɛ̨ bili-pili gee mɛ̨i, wɔ́lɔ́ wɔ́lɔ́ ɓa, wɔlɔ-wɔlɔ ɓa, Yɛ́ lɔ ɓə ɓaa a Yálá.

Lɛɛ gbɔwɔ ɓa 3:14

Yálá yɛ Moisə ɓa: «Náá ɓaa a: ‹Yai Gaa Lɔ A Yaa›, yá li, yá kɛ diɛ, nui ŋɛ̨i naa ɓa a: ‹ƝĄ́Ą́ LƆ, ya ɓə dɔ́ɔ́ ka pɔ.›»

Ɉeremi 10:10

Kɛlaa, Yai-Laa nwɛi, yaa ɓə a Yálá; yii gaa a vulú, yɛ ɓo a tɔɔmun a yələ kəlee. A níiholi, lɔi a kpɛlin, yɛnɛ̨ɛ̨ lɔi ta hva pɛli tɔɔi nwɔ liiholi tɔwɔ.

Ɉaan 1:4

Nwoo tii ɓə yɛnɛ̨ɛ̨ kpɛɛ hvo mą kaa ɉu, ɲiipoo tii ɓə a nuą di wɔ kɛɛ pono.

Ɉaan 10:18

Nu ta hva pɛli hvo nwɔ́ yɛnɛ̨ɛ̨ kulɔ ɲéi, ɲą́ą́ ɓə gbɔ́ɔ́ kwɛlɛ. Ŋą́ pɛli ŋį́ gwɛlɛ, ŋą pɛli nwɔ̨nɔ̨ ŋį́ ɉəɠə. Ŋą́ ɉuwalawala yili hɔlɔɓo ną́n ɲei.»

Ɉaan 11:25

Jesus ə mo Martə ɓa yɛ mą: «Ɲą́ą́ ɓə gáá a haaɓɛlaa muhəɠə mɛ̨nį, ə lɛɛ, gɛ́ ɓo a yɛnɛ̨ɛ̨ kpɛɛ hvo mą. Nui a laa na, ə mą haa, a pənə ə kɛ a vulu.

Ɉaan 11:26

Nui nwɔ̨nɔ̨ gaa a vulu, a laa ná nwun na hva pili. Ə laai yili la?»

Ɉaan 14:19

Ɉu hvo kɛa kwɛa li, yɛnɛ̨ɛ̨ nuą di hvo pai kɛa gáái, kɛlaa, ka wɛi, ka káá pai gáái mąąhɔlɔɓo, gáá a vúlú, kaa kpɛli ka káá pai kɛi a ka hulu.

Ɉaan 14:6

Jesus yɛ mą: «Ɲą́ą́ ɓə gáá a bələ gɛ́ ɓo a tɛ̨ą, gɛ́ ɓo a yɛnɛ̨ɛ̨ kpɛɛ hvo mą. Nu ta hva pɛli lii Ną́n Yálá pɔɔli akɛ hvo tɛɛ li ɲą́ą́ bɔ pələ.

Ɉaan 4:10

Jesus ə nwoo pulu pənə yɛ mą: «Akɛ kɛ ə́ Yálá nwɔ mɛ̨inɛ̨ɛ̨ kɔ́lɔn, ə lɛɛ, nui ŋɛ̨i kɛi yɛ́: ‹Gɔ́ a ya ŋį́ gbələ› yɛ́ ɓo a gɔlɔn ŋąąi, yáá mun mə kɛ, mąąnɛ̨ɛ̨ kɛ ə́ vɛli, ŋą ə́ kɔ́ kɛ a yɛnɛ̨ɛ̨ kpɛɛ hvo mą ya.»

Ɉaan 6:57

Ną́n Yálá ŋɛ̨i dɔ́ɔ́ gaa a vulú, gáá yɛnɛ̨ɛ̨ kɛi ɉaalai. Yili ɓə gaa mą, nui a ɉúwɔ mįi, a kɛ a vulú ɲą́ą́ ɉaalai.

Ɉaan 8:51

Gáá tɛ̨ą ɓoi kaa, nui a nwóó hon, hva haa.»

Gɛlaɠaa 17:25

Ɛlɛɛ, di hva nwɔ̨nɔ̨ mąą mɛ̨nį ɲɛ̨i kulɔ a nu kan ɲee, yɛ hɛn da mąąkpaan a kɛ mą, yá pa, yaa tii ɓə a: hɛn nɔpee gəlee tɛɛ nu pɔ, kɛ-yɛnɛ̨ɛ̨, ə mą kɛ nu nɔ̨ɔ̨.

Korɛntə dɔlɔɔ 15:45

Yɛ bələi bɛ̨ɛ̨ la, yɛ mą: «Nu tɔlɔɔ, Adamə, nu kɔ́lɔ ə kɛ mą, nɔ̨ɔ̨ yɛ ɓo ɉu», kɛlaa, Adamə gbɛlamąą, gaa a Yálá-taa mun, ɛlɛɛ, yɛ yɛnɛ̨ɛ̨ tɛɛ nu kanŋaa pɔ.

Timote dɔlɔɔ 1:17

Wɔlɔ-wɔlɔ da wɔlɔ-wɔlɔ tɔɔmun, a Yálái haa hvo mą, kaa hvo mą, yɛ ɓo lɔ tanɔ̨n gbən, kɛnɛ̨laa da mąąwiɛlaa, ə kɛ mą, ɲɛ̨n dee hvo mą! Kɛ́i a mo tii Yálá, ə kɛ! Amįįną.

Timote dɔlɔɔ 6:16

a Yaa tanɔ̨n gbən yɛnɛ̨ɛ̨ kaa ɲəii, Yai heeni kɛɛponoi nu kan hva pɛli lɔi ɉu, a yai nu kan hvo ta gaa li, hva nwɔ̨nɔ̨ pɛli gaai; Yaa ɓə, mąąwiɛlaa, da hvaŋąlaa kaa ɲəi. Amįįną!

Hebreu 1:2

ya ka, yiihui ŋɛ̨i, gu kaa kɛa la vóló gbɛlamąąɠaa hu, aa pələ ɓo guɔ, Non ɉu pələ, yai ə ɉee a gwɛlin gəlee həɠəmun, a yai ə yɛnɛ̨ɛ̨ kəlee pɛli la.

M̀ɛni-lɛɛi 21:6

Ɛlɛɛ, yɛ mą́ą́: «Mɛ̨nį kəlee laa aa hon. Ɲą́ą́ ɓə a Alfa, ɛlɛɛ, a Omega, gɔwɔ tɔɔi, da naa kulɔi. Nui kpələ wɛli kaa mą, ŋą́ gɔ a yá nwun gulɔi yá, a mɛ̨nį nɛ̨ɛ̨.

M̀ɛni-lɛɛi 22:1

Yili pulu, malaka ə ɓaloyá-lee ta lɛ mą́ą́, yɛ lən gbɔ yɛ pɛ̨nɛ̨n galan, ə kɛli kulɔ Yálá da mɛlaa Lon di wɔ tɔɔkpəlin gɔwɔ mu.

M̀ɛni-lɛɛi 22:17

Kili, ɛlɛɛ, da ɉilɛtai nɛ̨ą, diɛ mą: «'Pá!» Nui a mɛ̨n, ə mu hon yɛ mą: «'Pá!» Nui kpələ wɛli kaa mą, ə pá, ɲái a yɛnɛ̨ɛ̨ tɛɛ nu pɔ, nui nwɛli kaa mą, ə ɉon a mɛ̨inɛ̨ɛ̨.

M̀ɛni-lɛɛi 7:17

Gbala ə tɔɔ, Mɛlaa Lon tii dɔɔkpəlin ɉu, ya ɓə pai kɛi a di mɛ̨i kaamun, a tɔɔ di tɔwɔ, ə li a diɛ yá ton gulɔi. Ɛlɛɛ, Yálá a di ɲɛ̨iyá kələ di ɲɛ̨i.»