Ɉaan 5:17 - Yálá laawoo hɛɓɛ (dc)

¹⁷ Jesus yɛ diɛ: «Bələi lɔ Ną́n vaŋąlɔɔ la kólo ɓa, bələ lɔ ɓə váŋąlɔɔi la.»

Yálá laawoo hɛɓɛ

¹⁷ Jesus yɛ diɛ: «Bələi lɔ Ną́n vaŋąlɔɔ la kólo ɓa, bələ lɔ ɓə váŋąlɔɔi la.»

Bible

¹⁷ Kɛ́lɛ, Zîsɛ e zu tòo, ǹyɛɛi, “Ńâŋ káa niî tíi kɛ̂i, ńyãa máŋ ŋ́gaa tíi kɛ̂i.”

Ɉaan 5:17 ပူးပေါင်းရင်းမြစ်များ

Mąątɛ̨nɛ̨ 65:6

Yá ku woo mu hon, a mɛ̨nį ɲɛ̨i kɛnɛ̨ kpɛa-kpɛaɠaa, Yɛ́i a ku ɓalo Yálá; Liilaa yɛnɛ̨ɛ̨ ɓə lɔi kɔ́lɔ kəlee, ə həli kpɔ la kwɛaala gboloyáɠaa diɛ.

Azaya 40:26

'Ka ka ɲɛ̨i muhəɠə kpɔ ɲələi pələ, ka nąą kaa, gbɛɛ ɓə ɉɛnŋąąi tii pɛli? Ya ɓə di kpulu kəlee ɲąąkpɔn, yɛ di tɛi tɛi di təli a di laa, vaŋą kɛnɛ̨ pələ, ɉuwala wala pələ, ɉɛnŋąąi tii ta lɔpee hvo lɛɛ pulu.

Maafîu 10:29

Kɛlɛi nwɛ̨ni pəlɛɛ hveelɛ hɔ̨nwɔ̨ kaa a wali tɔ̨nɔ̨. Kɛlaa yaamun, di tɔ̨nɔ̨ kpɛli hva too lɔi ɓa, akɛ hvo a ka Ną́n niiɓa?

Ɉaan 10:36

A kɛ tii, ɲą́ą́ ŋɛ̨i Yálá ə ɲɛ́ɠɛ́ ɉu, ə dɛ́ɛ́ yɛnɛ̨ɛ̨, ŋį́ kɛ diɛ: ‹Yálá lon maa ɲą́ą́›, lə mɛ̨nį ɓa, ka kɛ diɛ ŋą́ą́ Yálá mąątea woo ɓo?

Ɉaan 14:10

Hvo laa li ná yɛ diɛ kwa Ną́n ku kaa tɔ̨nɔ̨n? Nwooɠaa ŋɛ̨i ŋį́ kɛ moi kaa, ɲą́ą́ gbinįi váá woo hvəli. Kɛlaa, kwa Ną́n Yálá ku yee lɔɔi gee hu, yɛ nwɔ kólói kɛ ɲą́ą́ ɲéé hu.

Ɉaan 5:16

Ə həɠə ɲələ ɓa, Ɉuifəɠaa di hvilɛn Jesus pulu, mąąhɔlɔɓo, aa nu ɓalo a vįitɔɔ yələ.

Ɉaan 5:18

Nwooi tii mąą mɛ̨nį ɓa, Ɉuifəɠaa di kɛi Jesus paa pələ kwɛli. Mąąhɔlɔɓo, hvo lɛɛ lɔ a vįitɔɔ yələ mąą kala mɛ̨nį, kɛlaa, ə kɛi nwɔ̨nɔ̨ Yálá kɛ a Ną́n, ɛlɛɛ, yɛ kɛ, da Yálá di pɛliɛi.

Ɉaan 9:4

Yii kɛɛ ponoɔ̨ ni, nui ŋɛ̨i dɔ́ɔ́, hvo kɛli gu yee ə kɛ nwɔ kolóɠaai diɛ. Kpini kaa pai pɛlɛi, nu ta hva pɛli kólo kɛi.

Gɛlaɠaa 14:17

Ə mą kɛ ti, hvo kɛli kpɛla nwɔ mɛ̨inɛ̨ɛ̨ɠaa kɛi diɛ, hvo gaai, ə kɛli túlɔ́ kulɔ yələi yɛ pu ka mɛ̨i, yɛ nɔi ɲąąnɛ̨ɛ̨, əgɛ ɉihɛnŋaa diɛ lɛlɛ, yɛ ká pilɛ a kɔ̨nɔ̨n da kwəinɛ̨ɛ̨.»

Gɛlaɠaa 17:28

Hvo gaai: Yaa tii ɉu ɓə, gwa yɛnɛ̨ɛ̨ kɛ laa, guɔ gu tumun, guɔ nɔ̨ɔ̨; yɛ bələi ka wɔ mɛ̨nį kɔ́lɔn nuą taɠaa di bɛ̨ɛ̨ la, diɛ kɛ: Gu kaa a ɉuwu ta.»

Korɛntə dɔlɔɔ 12:6

Góló ɉee kpəlin na tamąąi, kɛlaa, Yálá tanɔ̨n nɔ ɓə a nu kəlee nwɔɔ too ɉu.

Kolosə 1:16

Mąąhɔlɔɓo, yaa ɉu ɓə Yálá ə hɛn gəlee pɛli laa, yələ pələ mąn, da lɔi ɓa pələ mąn; hɛnŋaai kpɔ káá kaa mą, da yiiɠaai kpɔ káá hvo mą; tɔɔkpəlin da hééɓolaa, ŋąąwooɓolaa da hvaŋą laa. Ya ɓə gəlee pɛli, ɛlɛɛ, nwɔɔ ɓaa a gəlee.

Tɛsalonikə dɔlɔɔ 2:13

Yili ɓə gɛ, ku wɛi, ku pɔ pələ, kwa hva kpɛla Yálá mąmąɓo a yələ kəlee; ɓɛlɔwai ká Yálá laa woo hɔlɔɓo la, a yai kwa kɛ ká wəli tɔɔi mą, ká ká yee hee mu, ká hvo gɛli yɛ nu kan vaa woo, kɛlaa, yɛ bələi lɔ tii gaa la, a Yálá laa woo, yai gɛ-mɛ̨nį kɛi ká hu, káái a laa na nuą.

Hebreu 1:3

Non ti ɓə a Yaa kpinįi ŋą mąąwiɛlaa too pono ŋą, bələi lɔ gaa la, bələ lɔ ɓə Non gaa la, ɛlɛɛ Naa woo ŋą hvaŋą ɓə ɉeɛ yɛnɛ̨ɛ̨ kəlee mu. Yii kɛa, ə nuą kəlee di wɔɔ nɛ̨ŋɛ̨nŋaa waa diɛ, ə tɛ ə hee Hééɓolaa ɓa-mįi-yee hu.